Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
• Mblidhet Këshilli i Legjislacionit, po shqyrtohet mandati i deputetes Olta Xhaçka. Mbledhja nisi me debate. PS kërkoi që mbledhja të zhvillohet e mbyllur, ndërsa deputetja e PD-së, Dhurata Çupi ka kërkuar që media të jetë në mbledhje dhe të ndjekë diskutimin. • Në fjalën e tij, deputeti i Partisë Demokratike, Gazment Bardhi tha se mazhoranca e ka zvarritur çështjen për të mbrojtur deputeten Xhaçka. Klotilda Bushka u caktua relatore. Mbledhja e mbyll me debate. Deputeti Bardhi i akuzoi socialistët se kishin shkelur kushtetutën. • Çështja e mandatit të deputetes Olta Xhaçka është rikthyer sërish për diskutim në Kuvendpasi Gjykata Kushtetuese ka vendosur pranimin e kërkesës së 14 deputetëve të PD dhe ka shfuqizuar vendimin e Parlamentit që miratoi raportin e mazhorancës për të mos e çuar mandatin e Xhaçkës në Kushtetuese. • Tashmë, Kuvendi është i detyruar që ta çojë për shqyrtim mandatin e Xhaçkës. Më pas Kushtetuesja merr vendimin final.
4 artikuj për këtë temë.
TIRANË- Socialistja Klotilda Bushka është caktuar si relatore për çështje mbi vendimin e Gjykatës Kushtetuese për mandatin e Olta Xhaçkës. Vendimi u morn ë mbledhjen e zhvilluar sot në Këshillin e Legjislacionit.
Në fund të mbledhjes, deputeti i Partisë Demokratike Gazment Bardhi është ngritur në këmbë dhe ka kërkuar vijimin e mbledhjes, pavarësisht se kryetarja e ka konsideruar të mbyllur.
“Vazhdoni të shtyni çështjen, ndërkohë që vendimi i Gjykatës Kushtetuese është i qartë. Ne ishim tek pika e parë, si mund të kalojmë tek pika 2. Ju jeni prapë në shkelje të Kushtetutës dhe ikni nga mbledhja. Shkelni kushtetutën mblidhni letrat dhe ikni,”- dëgjohet të thotë Bardhi në video.
TIRANË- Debate në mbledhjen e Këshillit të Legjislacionit. Deputeti i Partisë Demokratike Gazment Bardhi ka kërkuar që të vijohet me procedurat përsa i përket verifikimit të mandatit të Olta Xhaçkës. Por, ka hasur në kundërshtinë e maxhorancës. Fatmir Xhafa dhe Ermonela Felaj janë shprehur se gjërat duhen bërë sipas rendit. Dhe, në mbledhjen e sotme, sipas socialistëve, është caktimi i relatorëve.
Pjesë nga debate në mbledhje:
Fatmir Xhafa: Mbledhja më e thjeshtë që mund të kishte Këshilli i Legjislacionit dhe çdo komision i zakonshëm. Kanë ardhur vendimet e Gjykatës Kushtetuese, Kuvendi është i detyruar të disponojë sipas procedurës. Sot duhet të caktojmë relatorët. Të caktojmë kur të jenë relatorët gati mbledhjen e Komisionit dhe më pas të fillojmë të diskutojmë.
Gazment Bardhi: Çdo anëtar i Këshillit të Legjislacionit ka lexuar vendimet dhe del në konkluzion. Nuk jemi të pika 3 që do paraqesim raport. Jemi në pikën 5. Do e mbajmë vetë iniciativën për këto ndryshime, apo do ia çojmë nismëtarit. Jemi në tejkalim të afatit 30-ditor që përcakton rregullorja dhe nuk kemi asnjë minutë për të humbur. Çfarë nevoje ka këtu për të caktuar relator?
Ermonela Felaj: Afati nuk lidhet me momentin e vendimmarrjes së Gjykatës Kushtetuese, por me publikimin e vendimeve në Fletoren Zyrtare.
Gazment Bardhi: Po çfarë po bëni, s’kemi pse të zgjasim një procedurë që mund ta mbyllim që sot. Të marrim rroga dhe shtesa kot për sa herë që mblidhemi në Kuvend. Thuajeni që keni nevojë për ato para shtesë dhe ja, u bë. Po mbani përgjegjësi për taksat e qytetarëve.
TIRANË- Deputeti i Partisë Demokratike Gazment Bardhi ka hedhur akuza kundrejt maxhorancës pr zhvillimin me mbledhjes së Këshillit të Legjislacionit. I pranishëm në mbledhje, Bardhi tha se kryetarja e Kuvendit, Lindita Nikolla po përdoret nga mazhoranca pasi ka vonuar tre muaj mbledhjen e Këshillit të Legjislacionit.
“Po kalon një vit dhe mazhoranca po zvarrit një çështje që do duhej të ishte marrë tashmë në shqyrtim nga Gjykata Kushtetuese. Dua të ndalem fillimisht tek 5 vendimet. Unë çmoj se sa i përket vendimit që kërkon ndërhyrje në kodin e procedurës civile, Këshilli t’i rekomandojë nismëtarit që të bëjë analizën dhe të depozitojë nismën në Parlament,”- tha Bardhi.
TIRANË- Mbledhja në Këshillin e Legjislacionit ka nisur me debate. Përfaqësuesit e Partisë Socialiste kanë kërkuar që mbledhja të bëhet e mbyllur. Përfaqësuesja e PD, Dhurata Çupi ka kërkuar që media të jetë në mbledhje dhe të ndjekë diskutimin. Sipas zonjës Çupi nuk ka asnjë dispozitë që të bëhet mbledhja e mbyllur. Madje, ajo shton se që në momentin që njoftohet në faqen e Kuvendit atëherë automatikisht mbledhja duhet të jetë e hapur. Çupi kërkoi të lejohen mediat të cilat janë duke pritur prej më shumë se 40 minutash në hyrjen e Kuvendit.
“Nuk ka asnjë dispozitë që të bëhet mbledhja e mbyllur. Që në momentin që njoftohet në faqen e Kuvendit atëherë automatikisht mbledhja duhet të jetë e hapur. Mediat të cilat janë duke pritur prej më shumë se 40 minutash në hyrjen e Kuvendit duhet të futen brenda,”- tha Çupi.
