Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
• Studentët shqiptarë janë mbledhur sot në Shkup për një protestë madhështore në mbrojtje të gjuhës shqipet. •Atmosfera është elektrizuese, ndërsa studentët kanë dalë me pankarta dhe mesazhe të forta. • Në mesin e pankartave që po shihen në protestë janë edhe mesazhet: “Mos e mohoni një të drejtë të fituar”, “Ligji për gjuhët është Lex Specialis!” si dhe shumë pankarta të tjera në mbrojtje të të drejtave gjuhësore. • Para institucioneve të shtetit maqedonas ata kanë kërkuar që të zbatohet ligji për gjuhët. • Përveç barazisë ata kërkojnë edhe dorëheqjen e ministrit të Drejtësisë Fillkov • Protesta e sotme konsiderohet si një nga reagimet më të mëdha studentore në periudhën e fundit, ndërsa organizatorët kanë bërë thirrje për protestë paqësore dhe dinjitoze.
4 artikuj për këtë temë.
SHKUP- Ambasadori i Shqipërisë në Shkup, Denion Meidani, ka mbështetur protestën e studentëve shqiptarë në Maqedoninë e Veriut. Me anë të një postimi në Facebook, Meidani shprehet se kjo protestë meriton vlerësim për angazhimin qytetar dhe mënyrën demokratike të artikulimit të kërkesës.
Në postimin e tij, Meidani thekson se e drejta për përdorimin e gjuhës amtare është e garantuar dhe duhet të reflektohet qartë në praktikë, në përputhje me Kushtetutën dhe legjislacionin në fuqi.
Ai kërkon një përgjigje institucionale të matur, të përgjegjshme dhe të orientuar drejt zgjidhjeve të qëndrueshme, përmes dialogut konstruktiv dhe respektimit të plotë të të drejtave të garantuara
“Kjo kërkon një përgjigje institucionale të matur, të përgjegjshme dhe të orientuar drejt zgjidhjeve të qëndrueshme, përmes dialogut konstruktiv dhe respektimit të plotë të të drejtave të garantuara”, shkruan Denion Meidani./Dosja.al
MAQEDONI E VERIUT- Studentët shqiptarë në Maqedoninë e Veriut kanë dalë në protesta në Shkup, ku kërkojnë që gjuha e tyre amtare, të zbatohet në proceset mësimore.
Para institucioneve të shtetit maqedonas ata kanë kërkuar që të zbatohet ligji për gjuhët. Përveç barazisë ata kërkojnë edhe dorëheqjen e ministrit të Drejtësisë Fillkov.
“Shqipja, gjuha amtare nuk është opsion, por identiteti”, tha një prej studentëve të drejtësisë.
“Në dimë edhe të rebelohemi. Po ashtu është edhe një thirrje për kryeministrin që të angazhohet për zgjidhje reale. Ne kërkojmë zgjidhje jo justifikime. Kjo lëvizje mbetet studentore, paqësore dhe e pastër”, tha një tjetër student./Dosja.al
TIRANË- Universiteti i Tiranës ka reaguar në lidhje me protestën e studenëve shqiptarë në Maqedoninë e Veriut. Në reagimin e saj, Universiteti i Tiranës, shkruan se ata po kërkojnë realizimin e një të drejte themelore, përdorimin e gjuhës së tyre amtare.
Reagimi i plotë:
“Universiteti i Tiranës shpreh mbështetjen e plotë për studentët shqiptarë në Maqedoninë e Veriut, të cilët po kërkojnë realizimin e një të drejte themelore: përdorimin e gjuhës së tyre amtare në proceset arsimore dhe profesionale.
E drejta për t’u arsimuar dhe për t’u vlerësuar në gjuhën amtare nuk është privilegj, por një standard i njohur ndërkombëtarisht dhe një element thelbësor i barazisë reale në shoqëri shumëgjuhëshe. Kur studentët ndjekin studimet e tyre në një gjuhë të caktuar, është e drejtë legjitime që edhe vlerësimi përfundimtar profesional të bëhet në të njëjtën gjuhë.
Kërkesa e studentëve shqiptarë për të zhvilluar provimet shtetërore në gjuhën shqipe përfaqëson një aspiratë të drejtë për barazi, dinjitet dhe mosdiskriminim. Mosrespektimi i këtij parimi rrezikon të krijojë pengesa të panevojshme në zhvillimin profesional të tyre dhe të cenojë besimin në institucionet shtetërore.
Universiteti i Tiranës mbështet çdo përpjekje që synon forcimin e të drejtave gjuhësore dhe garantimin e standardeve të barabarta në arsim dhe në jetën publike. Ne inkurajojmë institucionet përkatëse që, në frymën e ligjit dhe të bashkëjetesës demokratike, të gjejnë zgjidhje të drejta dhe gjithëpërfshirëse. Respektimi i diversitetit gjuhësor nuk është vetëm detyrim ligjor, por edhe vlerë që pasuron shoqërinë dhe forcon kohezionin social në rrugën e integrimit të rajonit në Bashkimin Evropian! Rektori i Universitetit të Tiranës, Prof.Dr. Artan HOXHA”, thuhet në reagim./Dosja.al
SHKUP- Studentët shqiptarë janë mbledhur sot në Shkup për një protestë madhështore në mbrojtje të gjuhës shqipe, e cila pritet të fillojë në çdo moment. Atmosfera është elektrizuese, ndërsa studentët kanë dalë me pankarta dhe mesazhe të forta.
Në mesin e pankartave që po shihen në protestë janë edhe mesazhet: “Mos e mohoni një të drejtë të fituar”, “Ligji për gjuhët është Lex Specialis!” si dhe shumë pankarta të tjera në mbrojtje të të drejtave gjuhësore.
Protesta e sotme konsiderohet si një nga reagimet më të mëdha studentore në periudhën e fundit, ndërsa organizatorët kanë bërë thirrje për protestë paqësore dhe dinjitoze./Dosja.al
