Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
• Procesi i numërimit të votave në të gjitha bashkitë ku u mbajtën zgjedhjet e pjesshme dje ka përfunduar. Vihet re një dominim i qartë i Partisë Socialiste, e cila fitoi me diferenca të mëdha ndaj kandidatëve të opozitës dhe atyre të pavarur. • Ervin Ceca i Partisë Socialiste është shpallur zyrtarisht kryetar i ri i Bashkisë së Beratit, pas numërimit të të gjitha 116 qendrave të votimit. • Ai ka marrë 13,050 vota, që përbëjnë 83.35% të totalit, duke fituar me një diferencë prej 10,443 votash ndaj kandidatit të pavarur Pavlo Shkarpa, i cili ka marrë 2,607 vota. • Florenc Doka i PS, ka fituar me një rezultat të qartë në Bashkinë e Cërrikut. • Ai ka marrë 6,201 vota (66.22%), duke lënë pas Amarildo Hoxhën me 1,888 vota dhe Eligert Himën me 1,275 vota. • Gramoz Sako i Partisë Socialiste ka fituar Bashkinë e Tepelenës me 3,261 vota, që përbëjnë 77.85% të totalit. Kundërshtari i tij, Gabriel Guma, i propozuar nga zgjedhësit, ka marrë 928 vota. • Brunilda Mersini, e propozuar nga Partia Socialiste, është zgjedhur kryetare e re e Bashkisë së Vlorës me një fitore të thellë. • Ajo ka marrë 15,672 vota (78.44%), duke lënë pas Dionis Sota me 2,333 vota dhe Gjergji Nika me 1,975 vota. Altin Bojni i Partisë Socialiste ka fituar Bashkinë e Matit me 7,425 vota (66.6%). • Kundërshtari i tij, Eduart Brahilika, ka marrë 3,318 vota, ndërsa Suzana Tahir Pasha 552 vota.
9 artikuj për këtë temë.
TEPELENA- Kandidati i pavarur Gabriel Guma, i mbështetur nga opozita në zgjedhjet e pjesshme vendore në Tepelenë, ka reaguar pas shpalljes së rezultateve zyrtare, ku fitoi 928 vota kundrejt 3,261 votave të kandidatit socialist Gramoz Sako. Në një deklaratë për mediat, Guma tha se rezultati nuk përbën një dështim për të, por përkundrazi një fillim të ri në angazhimin e tij politik.
“Pritshmëritë e mia ishin shumë të mira por duke qëndruar me këmbë në tokë. Jemi ok me pjesëmarrjen e njerëzve, pa njerëz të imponuar, të detyruar, pritshmëritë janë ok. Unë si them humbje personale, por një ringjallje sociale. Jo humbja ime, unë jam djalë i ri. Për mua politika sapo ka nisur kështu që është jeta është përpara dhe nga gabimet mësohet. Kam bërë edhe unë plot gabime gjatë kësaj periudhe të fushatës", tha ai.
TEPELENA- Pas fitores së bindshme në zgjedhjet e pjesshme për Bashkinë e Tepelenës, kandidati socialist Gramoz Sako ka shprehur mirënjohjen e tij ndaj qytetarëve për besimin dhe mbështetjen që i dhanë. Në një prononcim për mediat pas shpalljes së rezultateve, Sako u shpreh se edhe pse fushata zgjedhore ishte e shkurtër, ajo u zhvillua në mënyrë shembullore dhe me respekt për qytetarët.
Ai theksoi më tej se do të përqendrohet në punë konkrete dhe në përmirësimin e shërbimeve ndaj komunitetit.
“Pas një fushate të shkurtër, model që u pa edhe nga ju në një orë me reshje por qytetarët e shprehën vullnetin e tyre. Tani lind detyrimi kryesor që t’i shërbej qytetarëve për punët e nisura, për ato që kemi projekte. Mirënjohje pafund për qytetaret e Tepelenës, PS që e kishte përcaktuar fitoren që nga dita e parë e deri tani”, tha ai.
Në zgjedhjet e 9 nëntorit, Sako arriti një fitore të thellë ndaj kandidatit të pavarur Gabriel Guma, i mbështetur nga opozita, duke siguruar mbi 77% të votave.
MAT- Procesi i votimit dhe numërimit në Bashkinë e Matit është mbyllur, duke konfirmuar fitoren e qartë të kandidatit të Partisë Socialiste, Altin Bojni. Sipas rezultateve përfundimtare të shpallura nga Komisioni Qendror i Zgjedhjeve, Bojni ka siguruar 7,420 vota, duke lënë pas rivalin e tij të pavarur Eduart Brahilika, i cili mori 3,315 vota.
Ndërkohë, Suzana Pasha, e cila garoi si kandidate e pavarur pasi u shkëput nga radhët e socialistëve, ka marrë 552 vota, një rezultat dukshëm më i ulët krahasuar me dy kandidatët e tjerë.
MAT- Numërimi i votave në Bashkinë e Matit është në fazën përfundimtare dhe të dhënat paraprake tregojnë një epërsi të qartë të kandidatit të Partisë Socialiste të Shqipërisë, Altin Ramazan Bojni, i cili po udhëheq me diferencë të ndjeshme ndaj kundërshtarëve të tij. Sipas informacionit më të fundit nga Komisioni Qendror i Zgjedhjeve, deri tani janë numëruar 46 nga 47 qendrat e votimit, ku Bojni ka grumbulluar 7,302 vota, që përbëjnë 66.59% të totalit.
Në vend të dytë renditet Eduart Shaqir Brahilika, kandidat i propozuar nga zgjedhësit, me 3,166 vota (25.75%), ndërsa Suzana Tahir Pasha ka marrë 547 vota (4.99%).
Me një avantazh prej më shumë se 4,000 votash ndaj Brahilikës dhe rreth 6,700 votash ndaj Pashës, kandidati socialist është në prag të një fitoreje të padiskutueshme, duke i siguruar Partisë Socialiste një tjetër rezultat të lartë në zgjedhjet e pjesshme vendore të 9 nëntorit.
VLORA- Procesi zgjedhor i 9 nëntorit në Bashkinë e Vlorës ka përfunduar me një fitore të qartë për Brunilda Mersinin, kandidate e Partisë Socialiste të Shqipërisë, e cila është shpallur zyrtarisht Kryetarja e re e Bashkisë së Vlorës. Sipas rezultateve përfundimtare të Komisionit Qendror të Zgjedhjeve, janë numëruar të gjitha 231 qendrat e votimit, ku Mersini ka siguruar 15,672 vota, që përfaqësojnë 78.44% të totalit.
Në vend të dytë është renditur Dionis Anesti Sota, kandidat i pavarur i mbështetur nga opozita, me 2,333 vota (11.68%), ndërsa Gjergji Nikë Nika, gjithashtu kandidat i pavarur, ka marrë 1,975 vota (9.88%).
Me një avantazh prej 13,339 votash ndaj Dionis Sotës dhe 13,697 votash ndaj Gjergji Nikës, Mersini ka siguruar një fitore të padiskutueshme që vulos dominimin e socialistëve në qytetin bregdetar.
TEPELENA- Zgjedhjet e pjesshme vendore të 9 nëntorit kanë përfunduar me një fitore të qartë për kandidatin e Partisë Socialiste të Shqipërisë, Gramos Sadik Sako, i cili do të drejtojë tashmë Bashkinë e Tepelenës. Sipas rezultateve zyrtare të Komisionit Qendror të Zgjedhjeve, numërimi në të gjitha 21 qendrat e votimit ka përfunduar, duke konfirmuar dominimin e socialistëve në këtë garë.
Sako ka marrë 3,261 vota, që përfaqësojnë 77.85% të totalit, ndërsa rivali i tij i vetëm, Gabriel Altin Guma, kandidat i propozuar nga zgjedhësit, ka marrë 928 vota ose 22.15%.
Me një diferencë prej 2,333 votash, rezultati e vendos Sakon në krye të bashkisë me një mandat të qartë nga zgjedhësit, duke i siguruar Partisë Socialiste një tjetër fitore të thellë në zgjedhjet e pjesshme të këtij viti.
CËRRIK- Procesi i numërimit në të gjitha 57 qendrat e votimit në Bashkinë e Cërrikut ka përfunduar, duke konfirmuar Florenc Spiro Dokën si kryetarin e ri të bashkisë. Kandidati i Partisë Socialiste të Shqipërisë ka siguruar një fitore të gjerë në zgjedhjet e pjesshme vendore të 9 nëntorit, duke lënë pas dy rivalët e tij.
Sipas rezultateve zyrtare të Komisionit Qendror të Zgjedhjeve, Doka ka marrë 6,201 vota, që përbëjnë 66.22% të totalit të votave të numëruara. Në vend të dytë është renditur Amarildo Sherif Hoxha, kandidat i propozuar nga zgjedhësit, me 1,888 vota (20.16%), ndërsa Eligert Qani Hima nga “Lëvizja Shqipëria Bëhet” ka marrë 1,275 vota, ose 13.62%.
Me një avantazh prej 4,313 votash ndaj Amarildo Hoxhës dhe 4,926 votash ndaj Eligert Himës, kandidati socialist ka siguruar një fitore të padiskutueshme, duke i garantuar Partisë Socialiste një tjetër mandat drejtimi në këtë bashki.
BERAT- Pas përfundimit të numërimit në të gjitha 116 qendrat e votimit në Bashkinë e Beratit, rezultati zyrtar ka shpallur fitues kandidatin e Partisë Socialiste, Ervin Llazar Ceca, i cili ka siguruar një mbështetje dërrmuese nga zgjedhësit. Sipas të dhënave të publikuara nga Komisioni Qendror i Zgjedhjeve, Ceca ka marrë 13,050 vota, që përbëjnë 83.35% të totalit, ndërsa kandidati i pavarur Pavlo Koli Shkarpa është renditur i dyti me 2,607 vota ose 16.65%.
Kjo fitore e gjerë i garanton Partisë Socialiste një tjetër mandat në drejtimin e bashkisë së Beratit, duke konsoliduar pozitat e saj në këtë qytet historik. Diferenca mes dy kandidatëve është 10,443 vota, një rezultat që tregon qartësisht dominimin e socialistëve në këtë garë.
VLORA- Në Bashkinë e Vlorës, ku u zhvilluan zgjedhjet e pjesshme lokale, gara u zhvillua mes tre kandidatëve: Brunilda Mersini nga Partia Socialiste, Dionis Sota – kandidat i pavarur i mbështetur nga opozita, dhe Gjergji Nika, gjithashtu i pavarur.
Megjithatë, një episod i veçantë u regjistrua gjatë procesit të votimit. Një prej qytetarëve, në vend që të zgjidhte një nga tre emrat në fletë, vendosi të shkruante emrin e ish-kryebashkiakut Ermal Dredha, i cili kishte dhënë dorëheqjen pak kohë më parë.
