Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
• Plagosje në Kuçovë. Admir Bejo, 45 vjeç ka mbetur i plagosur me armë zjarri. Ngjarja ka ndodhur në lagjen “1 Maji”. • Bejoi u gjet i plagosur në rrugë nga kalimtarë të rastit. Ai është dërguar në spitalin e Beratit ku ndodhet jashtë rrezikut për jetën. • Rrethanat e ngjarjes dhe autorët nuk dihen ende. Bejo nuk ka dëshmuar akoma dhe zona nuk ka kamera sigurie që të zbardhë detaje mbi ngjarjen. • Admir Bejo është një person me precedent penalë. Në vitin 2007, ai bashkë me të vëllanë, Ilija Bejo u bën atentat dy vëllezërve Ardian Kundja dhe Saimir Kundja. Sherri mes dy palëve kishte nisur për një vajzë. • Nuk dihet nëse ngjarja e sotme ka lidhje me atë të 15 viteve më parë.
6 artikuj për këtë temë.
KUÇOVË- Është identifikuar dhe shpallur në kërkim i dyshuari kryesor për plagosjen e ndodhur një natë më parë në Kuçovë. 45-vjeçari Admir Bejo është qëlluar nga fqinji i tij 36-vjeçar, i identifikuar me inicialet me inicialet E.R., i cili ka qëlluar në drejtim të Bejos.
Sherri mes Bejos dhe autorit ka ndodhur në banesës e këtij të fundit, ku pasi kanë debatuar me njëri-tjetrin komshiu i tij ka nxjerrë pistoletën dhe ka qëlluar 4 herë me pistoletë fqinjin e tij pas një konflikti për motive të dobëta, por 2 plumba e kapën në trup.
Bejo u gjet në rrugë i plagosur nga kalimtarë të rastit, të cilët e dërguan edhe në spital, ku edhe ndodhet jashtë rrezikut për jetën. Plagosja e tij nuk ka të bëjë me larje hesapesh, siç u dyshua fillimisht. Burime nga lagjia “1 Maji”, ku edhe banonte i plagosuri konfirmojnë se Admir Bejo ishte përdorues i rregullt i lëndëve të forta narkotike dhe për këtë arsye mashtronte e u merrte lekë borxh njerëzve që njihte.
Sipas banorëve të lagjes, Bejo kishte degraduar dhe konfliktohet me këdo që i dilte para, edhe pa asnjë shkak. Kjo është edhe pista ku po hetohet, megjithatë pritet dëshmia e Bejos për të zbuluar shkakun e vërtetë të sherrit që çoi në plagosjen e 46-vjeçarit.
TIRANË- Admir Bejo, 45-vjeçari që u plagos këtë mbrëmje në Kuçovë është sjellë në spitalin Ushtarak në Tiranë. Kjo pasi gjendja e tij është rënduar.
Bejo ka një plumb në zonën e njërës prej veshkave që mjekët në Kuçovë nuk kanë mundur dot t’ia heqin. Ai është futur në sallën e operacionit në spitalin Ushtarak.
Admir Bejo u gjet i plagosur me armë në një rrugë në lagjen “1 Maji” në Kuçovë. Ai u gjet nga kalimtarë të rastit që njoftuan auto-ambulancën.
KUÇOVË- Policia ka publikuar njoftimin zyrtar në lidhje me plagosjen e ndodhur këtë mbrëmje në Kuçovë. Mësohet se i plagosuri Admir Bejo, 45 vjeç, ndodhet në spitalin e Beratit ku po merr ndihmën e nevojshme mjekësore.
Njoftimi i policisë Kuçovë: Informacion paraprak. Rreth orës 19:30, shtetasi A.B., 45 vjeç, banues në lagjen “1 Maji”, Kuçovë, është transportuar nga kalimtarë të rastit për në Spitalin Rajonal Berat, për ndihmë mjeksore , jashtë rrezikut për jetën. Nga informacionet e marra dhe këqyrja paraprake e mjekut ligjor, shtetasi A.B dyshohet të jetë plagosur me armë zjarri. Menjëherë në vendin e ngjarjes kanë shkuar shërbimet e Policisë për të bërë të mundur identifikimin dhe kapjen e autorit/eve. Grupi hetimor, nën drejtimin e Prokurorisë, po punon për sqarimin e rrethanave të ngjarjes dhe sekuestrimin e të gjitha provave me qëllim dokumentimin ligjor të kësaj ngjarjeje"
KUÇOVË – Admir Bejo, 45-vjeçari që u gjet i plagosur me armë zjarri në Kuçovë, rezulton të jetë një person me precedent pnealë. Në vitin 2007, kur Bejo ishte vetëm 30 vjeç bashkë me të vëllanë, Ilija Bejo, 23 vjeç në atë kohë, tentuan të vrisnin dy vëllezër.
Në atë kohë policia bënte me dije se dy vëllezërit Bejo qëlluan me 8 plumba pistolete tip "Beretë" vëllezërit Ardian Kundja, 25 vjeç dhe Saimir Kundja, 27 vjeç. Ngjarja ndodhi kur dy vëllezërit Kundja ishin duke dalë nga hyrja e pallatit në të cilin jetojnë. Pas të shtënave, dy autorët qe menduan se i lanë të vdekur shënjestrat e tyre, u larguan me shpejtësi nga vendngjarja, me një automjet tip "Ford Fiesta" me targa TR 79 88 N. Vëllezërit e plagosur u dërguan në spitalin e qytetit, ku morën ndihmën e nevojshme mjekësore.
Shkak për konfliktin mësohet të jetë bërë nje vajzë nga Kuçova, që bashkëjetonte prej më shumë se një viti me Ilia Bejon. Konflikti kishte nisur edhe 6 muaj përpara këtij atentati, kohë kur ndodhi dhe një sherr me grushte e mjete të forta mes vëllezërve Bejo dhe Kundja.
KUÇOVË- Admir Bejo, 45 vjeç është personi që është plagosur me armë zjarri këtë mbrëmje në Kuçovë. Bejo është gjetur i shtrirë në rrugë në lagjen "1 Maji" në qytetin e Kuçovës.
Ai është dërguar në spitalin e Beratit ku dhe po merr ndihmën e nevojshme mjekësore. Rrethanat e ngjarjes nuk dihen ende.
KUÇOVË- Të shtëna me armë në Kuçovë. një person është plagosur me armë zjarri. Ngjarja ka ndodhur në lagjen "1 Maji". I plagosuri është gjetur i shtrirë në tokë. Ende nuk është zbardhur identieti i tij dhe nuk dihen rrethanat e ngjarjes.
