Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
•Kryetari i Partisë Demokratike, Sali Berisha ka akuzuar qeverinë dhe Policinë e Shtetit për një ‘skenar të inskenuar’ ndaj protestës së opozitës së 8 Majit, duke deklaruar se, procesverbalet dhe deklarimet e publikuara janë përdorur për të deformuar ngjarjet. • Gjatë fjalës së tij ka folur në mbledhjen e grupit parlamentar, Rama tha se rasti i fundit tregon, sipas tij, një përpjekje për të kriminalizuar protestuesit dhe për të goditur opozitën politikisht. •Kryedemokrati Sali Berisha u shpreh se, në protestë janë përfshirë qytetarë të huaj, të cilët janë paraqitur në mënyrë të gabuar si pjesëmarrës në akte dhune. •Ai pretendoi se këta individë janë ndaluar dhe më pas janë përdorur, sipas tij, si pjesë e një narrative të ndërtuar nga institucionet shtetërore dhe policia. •Kreu i opozitës Sali Berisha u shpreh se, narkodiktaturi Edi Ramën ka vendosur kontrollin e plotë të institucioneve dhe ndikon në të gjitha proceset politike dhe mediatike. •Berisha u shpreh se, procesi i integrimit europian është marrë peng nga Edi Rama, pasi nuk respektohen standardet e shtetit të së drejtës, zgjedhjeve të lira dhe luftës kundër korrupsionit.
3 artikuj për këtë temë.
TIRANË- Kreu i Opozitës, Sali Berisha ka denoncuar skandalin e inskenimeve nga policia me turistët e ndaluar gjatë protestës së fundit të PD-së.
Gjatë takimit me grupin parlamentar, Berisha e cilësoi sjelljen e efektivëve të policisë si sjellje gangsterësh dhe kriminelësh.
Deklarata e Berishës:
"E patë sjelljet prej gangsteri, prej krimineli, me urdhër të Edi Ramës, të Skënder Ballukut dhe disa eksponentëve të tjerë të narkokrimit në polici. Por këto i kemi denoncuar dhe këto vetëm sa rrisin më tej vullnetin e të gjithë demokratëve për një, për të mbrojtur kauzën tonë të pamposhtur gjerë në fitoren tonë. Po këtu tani, për ju dhe për qytetarët shqiptarë, unë do lexoj një dokument në të cilin faktohet se çfarë shpifarak dhe mashtruesish, me çfarë shpifarak dhe mashtruesish kemi të bëjmë me Edi Ramën dhe Skënder Ballukun.
Më dëgjuat ju media, Sokol Balluku, Carlo Bolino mafiozi, dhe Adriatik Doçi, zëdhënësi i Linda Surrelit, Linda Ramës, u vërsulën me tërbim se paskemi kontraktuar qytetarë të huaj dhe kanë dëshmuar qytetarët e huaj se i kemi kontraktuar ata për të hedhur mjete piroteknike. Dhe bëjnë zbulimin e madh se tre qytetarë të huaj kanë dëshmuar në polici këto dhe këto. Sigurisht, të gjitha këto nga zyra e Ramës të dala, debate të mëdha në studiot e tyre të kontrolluara dhe në krye të kësaj stuhie mashtrimi qëndronin Sokol Balluku i cili ka vjedhur dhjetëra milionë nëpërmjet ish-bashkëshortes së tij, që kanë ndarë shtratin por jo paratë.
Imagjinoni ju tani çfarë divorci është ai. Ata janë, domethënë ata janë edhe ajo është një pseudo se këta janë të pakonceptueshëm, se transaksionet janë gjetur të gjitha tek ai, pavarësisht se gjoja janë të ndarë. Carloja që ka marrë 4500 m² tokë me 1 euro e cila është disa milionë euro, ai tjetri që merr porosi, shkon në Surrel dhe merr porosi çfarë të shpif, çfarë të shpif ky Adriatik Doçi. Por, tani cila është e vërteta, që ta dëgjoni ju të dashur deputete dhe deputetë dhe të gjithë shqiptarët. E vërteta është kjo. Në rajonin e policisë numër dy, shoqërohet në komisariat pasi dyshohet se ka goditur me sende të forta, gurë dhe tulla, në drejtim të forcave.
*Pyetje:* Ditën e sotme jeni shoqëruar në komisariatin e policisë numër 2 Tiranë, pyetja që i bëhet qytetarit të huaj, pasi dyshoheni se keni goditur me sende të forta gurë, tulla, në drejtim të forcave të policisë dhe objekteve të rëndësisë së veçantë, çfarë keni për të thënë në lidhje me këtë ngjarje? Dhe keni thirrur Rama ik. *Përgjigja:* Dua të deklaroj se unë me shokun tim, shtetasin Busli, kam ardhur ditën e sotme në Shqipëri rreth orës 15:15, dhe kemi marrë një apartament me qira në zonën e qendrës. Kemi qenë duke shëtitur nëpër Tiranë dhe në një zonë kemi parë që ishin grumbulluar shumë persona dhe po protestonin.
Në këtë protestë kemi njohur një grua nga Italia dhe kjo grua na ka shpjeguar se çfarë po ndodhte dhe pastaj ngelem aty, drejt në protestë. Pas disa kohësh i kam dhënë telefonin tim disa personave që të na bënin foto dhe këta persona na shoqëruan me forcë në furgonin e policisë. Shikoni kanë futur agjentë të policisë private. Dhe tani duhet të jemi shumë vigjilentë, ku t'i gjejmë, ku t'i shohim midis nesh, t'ju tregojmë vendin. Shi, shikoni ç'kanë bërë. I ka dhënë, edhe i kanë marrë me, futur në furgonin e policisë. Në këtë protestë thjesht po qëndronim për qejf dhe nuk kemi bërë asnjë veprim kundrejt asnjë personi.
*Pyetje:* A keni goditur në drejtim të punonjësve të policisë me sende të forta? *Përgjigje:* Nuk kemi hedhur asnjë send në drejtim të policisë. Kam marrë sende në tokë, por nuk i kam hedhur në drejtim të asnjë personi dhe kam parë që shumë persona merrnin sende nga toka dhe i hidhnin në drejtime të ndryshme. Po unë jo. *Pyetje:* A keni gjë tjetër për të shtuar? *Përgjigje:* Gjë tjetër nuk kam për të shtuar dhe procesverbalin, pasi e lexova dhe rezultuan, dhe rezultuan thëniet e mia, e firmos pa vërejtje.
Tani, ky është procesverbali që ta dini ju, ta dinë shqiptarët. Këta janë ata të kontraktuarit. Domethënë çfarë tregon kjo? Ky është një skenar i Skënder Ballukut, në mënyrë që ta paraqes protestën si një protestë në të cilën Partia Demokratike ka marrë dhe mercenarë për këto dhe për ato. Këta janë të aftë të inskenojnë çdo gjë, por fundin e kanë në turpin e historisë. Edi Rama është gangrena e keqe e këtij vendi që duhet të shkulet sa më parë dhe ne do ta shkulim atë. Faleminderit.", u shpreh Berisha./Dosja.al
TIRANË- Kreu i Partisë Demokratike, Sali Berisha akuzoi kryeministrin Edi Rama për mashtrim lidhur me prokurimet publike, duke iu referuar të dhënave të platformës Open Tender EU.
Gjatë një mbledhje të grupit parlamentar, Berisha deklaroi se, sipas kësaj platforme, Shqipëria ka pësuar rënie të ndjeshme në integritetin e tenderave publikë, nga 80 pikë në vitet 2010-2012 në 66 pikë në vitin 2026, ndërsa transparenca ka zbritur në 50 pikë.
Sipas tij, në krye të listës së përfituesve figuron kompania “Olsi Rama-Gjoka” me rreth 400 milionë euro tendera, duke e akuzuar Ramën për lidhje me afera korruptive.
Deklarata e Berishës:
"Dje, ky zotëri pasi unë bëra publike të dhënat e marra direkt nga Open Tender EU, nga një organizatë e cila shqyrton vendet e BE për prokurimet publike. Kjo fillon nga viti 2010. Çdo qytetar dhe çdo media të klikojë tek opentender.eu/integrity. Çfarë do gjejë? Do gjejë këtë grafik. Nuk është i Sali Berishës, ky është i Open Tender, ky Shqipëria në vitin 2010-2012 pasi është analizuar çdo tender, çdo kontraktim, çdo fitues, çdo i përjashtuar, del me integritet me 80 pikë.
Urdhëroni si zbret në mënyrë të vazhdueshme dhe përfundon në vitin 2026 me 66 pikë. Dhe ky përgjigjet me një gjuhë, por unë nuk i reagoj se ky njeri e ka gënjeshtrën me tapi. Ky gënjeshtrën e ka me tapi. Njeri që në çdo fjali lëshon një gënjeshtër. Nuk mund të them se e gënjen stafi, por stafi... se ky vetë po i thahet truri nga droga, e ka shumë të vështirë të orientohet, absolutisht, se truri rrudhet nga droga. Dhe del e thotë, shan aty. Jo mor zotëri. Nuk është e imja kjo, nuk është e PD, kjo është e Open Tender EU, e Bashkimit Europian.
Kliko dhe të del në fillim. Sa është transparenca? Në 50 pikë ka rënë transparenca. Dhe si asnjë vend tjetër në 38 vende nuk ka asnjë fitues tenderi të rëndësishëm nga vendet e BE. Përjashtohen. Ndalohet për vendet anëtare të BE. Në një kohë kur Shqipëria nuk ishte vend kandidat, por absolutisht të gjithë tenderat e rëndësishëm, pa përjashtim ose me një përjashtim shumë të vogël i ishte me kompani evropiane ose amerikane. Ndaj dhe ato ishin me një kosto shumë më të ulët se tani. Rrugët ndërtoheshin me 2 apo 3 milionë euro kilometri i autostradave, tunelet ndërtoheshin me 8-9 milionë euro kilometri i tunelit.
Plus, del aty tek ky ueb, del Olsi Rama-Gjoka, kompania me 400 milionë euro tendera. Prandaj kjo qëndronte pas turkut tek Llogaraja, tek Lubia, e keni parasysh tani si dalin lidhjet. Dhe ky i them edhe njëherë, se ka përdorur një gjuhë të denjë vetëm për veten e vet, i them se nuk do mund të mashtrosh as Shqipërinë, as Evropën. Ti vërtet ke tapinë e gënjeshtrës, por ç’është e vërteta, koha jote ka marrë fund dhe po merr fund.",shprehet Berisha./Dosja.al
TIRANË- Kreu i Partisë Demokratike, Sali Berisha ka ngritur akuza ndaj kreut të qeverisë duke u shprehur se, Rama po fsheh raportin e Parlamentit Europian.
Në mbledhjen e grupit parlamentar të PD-së, Berisha tha se, raporti i PE kërkon që parlamenti të ketë një rol qendror në procesin e integrimit.
Ai shtoi se, kryeparlamentari Niko Peleshi duhej të kishte larguar nga Kuvendi Olta Xhaçka pas vendimeve të Gjykatës Kushtetuese por sipas kryedemokratit kjo është shamngur pasi Xhaçka është pjesë e familjes Rama.
Deklarata e Berishës:
"Por të lëmë mënjanë këtë, se këta mbajnë errësirë, këta nuk bëjnë transparencë, dhe këto ne i mësojmë nga mediat dhe nga copëza të shkurtra që rrjedhin nga miqtë tanë. Po marrin tjetrën ne. Marrim raportin e Parlamentit Evropian. Raportin e Komisionit të Jashtëm. Raporti absolutisht më kritik i miratuar ndonjëherë në historinë e procesit të integrimit. Raporti që i thotë qeverisë, ti nuk bëre zgjedhje të drejta, bëre zgjedhje si parti shtet, bleve vota, etj.
Raporti kërkon që parlamenti të ketë një rol qendror në procesin e integrimit. E shihni ju atë Peleshin që qëndron në krye të parlamentit? Nuk ka interes integrimin ai, është si Edi Rama. Këta kanë interesa të pasurive që kanë vjedhur, se po të kishte interes integrimin, Oltës do i thoshte, nuk ke vend këtu më, shko, ka dy vendime Gjykata Kushtetuese. Ti je një hajdute, bashkë me bashkëshortin tënd, e faktuar me gjykatë, e vendosur nga Gjykata Kushtetuese. Ti nuk ke vend.
Por Olta është pjesë e familjes Rama. Nuk ndodh kot kjo.
Dhe aty shkruhet e zezë mbi të bardhë, të zbatohen vendimet e Gjykatës Kushtetuese pa vonesë.
Keni dëgjuar ju ndonjë preokupim për këto? I vetmi preokupim si ta fshehim raportin me mediat e kontrolluara. Të mos u themi shqiptarëve një fjalë se çfarë thotë ky raport. Raporti thotë që duhet të hiqet imuniteti pa asnjë ndikim në sistemin e drejtësisë, pa pengesë. Flitet ndonjë fjalë?
Hajde se për IBAR-in nuk e bëjnë publik dhe mediat e kontrolluara nga qeveria nuk mund të bëjnë debate. Po për raportin që është publik?
Nuk ka asgjë më shumë IBAR-i, raporti ka çdo gjë. Ka një ngjashmëri midis të dyjave. Raporti është nisur si një raport dyfaqësh dhe ka përfunduar si një raport me 300 e ca amendime, një raport 20-30 faqesh. Edhe ai i IBAR, prandaj thotë ky e ka Komisioni atë debat, jo mor jo, është debat midis Shqipërisë dhe Këshillit të Ministrave të BE. Pra, këtu asnjë fjalë. Keni parë që raporti ndalet në mënyrë të përsëritur tek investimet strategjike, tek vjedhjet me investime strategjike dhe kërkon listën, publikimin e listës. Një gjë u them, pas ndërhyrjes së BE në vitin 2024 është kaluar ligj për PPP-të. 10 PPP janë firmosur nga Edi Rama në kundërshtim flagrant me ligjin, pa e përfillur fare ligjin e miratuar në qeveri.",tha Berisha./Dosja.al
