Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
• Samiti për zgjerimin e BE-së po zhvillohet sot në Bruksel, ku do të marrin pjesë udhëheqësit e Unionit dhe ato të vendeve kandidate. • I pranishëm në Bruksel ishte planifikuar të ishte edhe kryeministri Edi Rama, por pjesëmarrja e tij u anulua në minutën e fundit. • Më tej kanë marrë pjesë edhe kryeministri malazez Milojko Spajiç, ai maqedonas Hristijan Mickoski, presidenti serb Aleksandër Vuçiç, presidenti ukrainas Volodymyr Zelenskyy si dhe ajo moldave Maia Sandu. Ndërsa nga Unioni ka marrë pjesë Presidenti i Këshillit Evropian, António Costa. • President i Këshillit Evropian, Antonio Costa theksoi se zgjerimi i BE-së është investimi më i mirë për të ardhmen e rajonit. • Gjatë fjalimit në Bruksel, Presidenti i KE vlerësoi përparimin e bërë nga Shqipëria në rrugën e anëtarësimit. • Por sipas tij, Mali i Zi ka bërë përparim të jashtëzakonshëm dhe ambicia e tyre për mbylljen e negociatave është e madhe. • Komisionerja evropiane për zhvillim, Marta Kos, ka vlerësuar vendet e Ballkanit Perëndimor për progresin e bërë në rrugën e anëtarësimit drejt Bashkimit Evropian. Kos theksoi se viti 2025 ka shënuar një përparim të rëndësishëm për procesin e zgjerimit të BE-së, ku vendet si Mali i Zi, Shqipëria, Ukraina dhe Moldavia dallohen për përparimet e arritura në reforma gjatë vitit të kaluar. • Kryeministri Edi Rama një intervistë live për Euronews për Samitin e Zgjerimit të BE-së, ku përmendi ecurinë e Shqipërisë në arritjen e objektivit të anëtarësimit në Bashkimin Evropian brenda 2030-ës. • Teksa tregoi arsyen që e pengoi të merrte pjesë fizikisht në Bruksel, Rama nuk la pa përmendur edhe ministren e Inteligjencës Artificiale, Diellën duke theksuar se Shqipëria është i vetmi vend kandidat që ka përdorur AI, kryesisht në korpusin ligjor duke ndihmuar në përshpejtimin e proceseve. • Kreu i qeverisë tha se ajo çka Shqipëria po bën sot në luftë kundër korrupsionit është unik dhe se asnjë vend tjetër në rajon nuk mund të pretendojë se ka arritur ta bëjë gjithashtu.
8 artikuj për këtë temë.
TIRANË- Kreu i qeverisë, Edi Rama ka përgëzuar punën e SPAK, duke thënë se ka krijuar në Shqipëri shembullin se lufta kundër korrupsionit është diçka që shkon përtej fjalëve. Përmes një videokonference në Samitin e Zgjerimit në Euronews, Rama u shpreh lufta kundër korrupsionit ështe e ekulibruar dhe pa parë "djathtas apo majtas".
Në këtë kontekst Kryeministri Rama tha se pranon mbështetje dhe partneritet, por nuk jo leksione nga askush kur vjen puna te korrupsionit.
“Shqipëria po bën diçka unike në rajon, reformën tonë në drejtësi dhe njohjen nga ana jonë të pavarësisë së drejtësisë. Veprimtaria e plotë e SPAK ka krijuar praktikisht në Shqipëri shembullin se lufta kundër korrupsionit është diçka që shkon shumë përtej fjalëve dhe sipërfaqes, shkon shumë thellë dhe është tejet e ekuilibruar pa parë djathtas apo majtas. Më shumë fakte që tregojnë se ajo çka kurrë nuk kishte ndodhur në Shqipëri që prej pavarësisë deri shumë pak vite më parë, po ndodh vitet e fundit. Një gjë që asnjë vend në rajon nuk mund të pretendojë se e ka bërë. Në këtë moment, ne pranojmë mbështetje, partneritet por nuk pranojmë leksione nga askush kur vjen puna te korrupsionit”, tha Rama./Dosja.al
TIRANË- Kryeministri i vendit, Edi Rama ka deklaruar se ky vit ka qenë tejet pozitiv, pasi janë hapur 5 nga 6 grup kapituj brenda pak muajve. Përmes një videokonference në Samitin e Zgjerimit të BE, Rama u shpreh se ekipi i tij nuk u dorëzua as kur Këshilli europian refuzonte të hapte negociatat për Shqipërinë. Kreu i qeverisë, Edi Rama tha në fund se shpreson që Shqipëria të ulet në tryezën europiane.
“Raporti është pozitiv dhe i gjithë viti ka qenë tejet pozitiv. Kemi hapur 5 nga 6 grup kapituj brenda pak muajve që është rekord absolut. Është diçka që vetëm deri pak vite më parë nuk mund ta imagjinonim. Përveç të zakonshmes që lidhet me punë e madhe, do të shtoja dhe shpejtësia lidhet me nga njëra anë gjatë atyre që unë i quaj vite të poshtërimit, ato vite kur komisioni i BE rekomandonte këshillin të çelte bisedime dhe ne refuzoheshim nga disa vende, ndërsa ne përgatiteshim për momentin e çeljes dhe u stërvitëm në fort duke i thënë vetes se momenti ynë do të vijë dhe duhet të jemi gati.
Kur momenti mbërriti ne ishim më të përparuar se të tjerët. Ja ku vjen faktori numër 2 që është Brukseli i cili ndryshoi qasjen e tij dhe u zgjua. Për fat të keq u desh një agresion në tokën evropiane për të bërë Brukselin të zgjohej jo vetëm në nivelin e komisionit, por dhe në nivelin e këshillit ku fjalët na thuheshin më përpara, përfundoi. Shpresoj që më së fundmi do të ulemi së bashku rreth të njëjtën tryezë”, tha Rama./Dosja.al
TIRANË- Kryeministri i vendit, Edi Rama ka deklaruar se Shqipëria është kombi më eurooptimist në Europë. Përmes një videokonference në Samitin e Zgjerimit në Euronews, Rama u shpreh se përsa i përket luftës ndaj korrupsionit pranon mbështetje dhe partneritet, por jo leksione.
Ai tha se ministria e krijuar me AI, Diella është produkt i një lufte sistemore përmes modernizimit.
“Kur bie fjala për rajonin, bie dakort që ky është një proces i bazuar në meritë. Ka karakteristika dhe vende të ndryshme në rajon. Kur vjen fjala te ne, them se jemi kombi më eurooptimist në Europë. Shqipëria po bën diçka të paparë dhe unike, reformën në drejtësi dhe njohjen nga ana jonë të pavarësisë së drejtësisë. Veprimtaria e plotë e strukturës së posaçme ka krijuar në Shqipëri shembullin se lufta kundër korrupsionit shkon përtej fjalëve dhe sipërfaqes. Ajo që kurrë nuk kishte ndodhur në Shqipëri, po ndodh në vitet e fundit, diçka që asnjë vend nuk pretendon se e ka bërë. Është për të thënë se e kemi marrë shumë seriozisht, ne pranojmë mbështetje dhe partneritet, por jo leksione kur vjen puna te korrupsioni.
Diella, produkt i një lufte sistemore përmes modernizimit. Brenda 2027 synojmë të kemi sistemin e plotë bazuar në AI të prokurimeve publike. Diella është shtatzanë me 83 foshnja bazuar në ekografi dhe kësisoj na duhet të presi të lindë këta të 83 bebat. Jemi i vetmi vend në këtë proces që kemi përdorur AI në korpusin tonë ligjor duke e bërë procesin më të shpejtë sa i takon përkthimit dhe analizimit të përgatitjes së të gjitha paketave ligjore për tu miratuar në parlament. Po përpiqemi të vrapojmë dhe të hedhim hapa të mëdhenj duke përdorur teknologjinë dhe Inteligjencën Artificiale për të treguar që vendi ynë në Europë është i merituar.” tha Rama./Dosja.al
TIRANË- Kryeministri Edi Rama ka deklaruar se së bashku me Komisionin Evropian kanë rënë dakord për të mbyllur negociatat në vitin 2027. Gjatë një lidhje me Samitin “Euronews EU Enlargement Summit”, një platformë dialogu mes BE dhe vendeve të Ballkanit Perëndimor, Rama tha se në vitin 2030 Shqipëria do jetë në tryezën e Bashkimit Europian.
“Në fakt kur momenti mbërriti ne ishim shumë më të përparuar. Dhe Brukseli ndryshoi qasjen e tij dhe u zgjua. Për fat të keq u desh një agresion në tokën Europiane për ta bërë Brukselin të zgjohej. Unë shpresoj shumë që do të ulemi së bashku rreth të njëjtës tryezë. Aq sa më takon unë mund të them se 2030 nuk është një datë që e kam parë në ëndërr por një afat që vjen si rezultat i punës. E nisim nga fakti që së bashku me Komisionin kemi rënë dakord mbi një kalendar që është ambicion detyrash shtëpie për ne për të mbyllur negociatat në 2027, ka mundësi për t’u bërë më shpejt, por le të themi në fund të 2027”, tha Rama./Dosja.al
TIRANË- Kryeministri i vendit, Edi Rama ka shpjeguar pse nuk mori pjesë në Samitin në Bruksel. Përmes një videokonference, Kryeministri Rama kërkoi falje që nuk mundi të ishte pjesë e tyre. Ai tha se fluturimi i tij u anulua, pasi pati një problem teknik ajrorë dhe se nuk kishte asgjë politike.
"Ndjesë që nuk pata mundësi të jem aty, ishte një problem teknik ajrorë që s’kisha të bëja, por nuk merrja dot avionin." tha Rama./Dosja.al
BRUKSEL- President i Këshillit Evropian, Antonio Costa theksoi se zgjerimi i BE-së është investimi më i mirë për të ardhmen e rajonit. Gjatë fjalimit në Bruksel, Presidenti i KE vlerësoi përparimin e bërë nga Shqipëria në rrugën e anëtarësimit. Por sipas tij, Mali i Zi ka bërë përparim të jashtëzakonshëm dhe ambicia e tyre për mbylljen e negociatave është e madhe. Costa në fund theksoi se Mali i Zi mund të jetë vendi i 28 që do të mund të anëtarësohet në Bashkimin Evropian.
“Unë besoj se Mali i Zi mund të jetë vendi i 28 në 2028. Mali i Zi ka bërë përparimin më të madh dhe ambicia e tyre për të mbyllur negociatat deri në fund të vitit 2026 duket e besueshme, nëse ata vazhdojnë me të njëjtin angazhim dhe punë intensive për reformat e kërkuara. Shqipëria ka arritur progres të theksuar në rrugën e anëtarësimit“, tha Costa./Dosja.al
BRUKSEL- Komisionerja evropiane për zhvillim, Marta Kos, ka vlerësuar vendet e Ballkanit Perëndimor për progresin e bërë në rrugën e anëtarësimit drejt Bashkimit Evropian. Gjatë fjalës së saj në Bruksel, Kos thekson se viti 2025 ka shënuar një përparim të rëndësishëm për procesin e zgjerimit të BE-së, ku vendet si Mali i Zi, Shqipëria, Ukraina dhe Moldavia dallohen për përparimet e arritura në reforma gjatë vitit të kaluar. Ndër të tjera, Kos theksoi se kandidatët për anëtarësim kanë synime ambicioze për të përfunduar negociatat, ndërsa viti i ardhshëm do të jetë moment i së vërtetës për progresin e tyre.
“Ne evropianët sot duhet të bëjmë më shumë që të marrim në kontroll kontinentin tonë, të zhvillojmë vlerat tona dhe të mbrojmë sigurinë tonë. Kjo mund të jetë e suksesshme vetëm duke punuar dorë për dore me fqinjët tanë, sidomos vendet kandidate. Vetëm kur të bëjmë të plotë unifikimin e Evropës mund të sigurojmë paqe dhe prosperitet.
Viti 2025 ishte një vit i mirë me vendet kandidate. Progres shumë domethënës janë bërë nga vende si Mali i Zi, Shqipëria, Moldavia dhe Ukraina. Kjo tregon se reformat gjithmonë të shpërblejnë. Ne kemi implementuar një integrim gradual me vendet e Ballkanit Perëndimor, me investime dhe ndarje vlerash dhe një rol më të madh përpara se ata të plotësojnë të gjitha kriteret. SEPA dhe Roaming janë disa prej fushave ku disa vende janë bërë anëtare.
Zgjerimi i suksesshëm është mundësi realiste për vitet në vijim. Mali i Zi kërkon të përfundojë negociatat në fund të 2026-s dhe Shqipëria synon në fund të vitit 2027. Moldavia dhe Ukraina në vitin 2028. Për mua ambiciet janë më të rëndësishme se vitet apo datat dhe Komisioni i mbështet këto ambicie. Këto 4 kandidatë për vitin që po lëmë pas i kanë justifikuar ato ambicie me arritje dhe aksione konkrete.
Mali i Zi më i avancuari, dhe më i përgatituri drejt zgjerimit. Shqipëria ka bërë progres të paprecedentë që prej konferencës ndërqeveritare në tetor 2024. Katër grupkapitujt të tjerë janë hapur dhe në nëntor hapim grupkapitullin e fundit. Kjo është një njohje e angazhimit të qartë politik të Shqipërisë dhe e aspiratave të qartë të shoqërisë shqiptare, 91% e qytetarëve e duan anëtarësimin në BE. Shqipëria ka bërë progres në reformat mbi kapitujt themelorë dhe në fund të vitit do të ketë gati përfundimet e ndërmjetme”, tha Marta Kos./Dosja.al
BRUKSEL- Samiti për zgjerimin e BE-së do të zhvillohet sot në Bruksel, ku do të marrin pjesë udhëheqësit e Unionit dhe ato të vendeve kandidate. Siç raportohet, punimet e samitit pritet të nisin në orën 14:00 deri në 17:00
I pranishëm në Bruksel do jetë edhe kryeministri Edi Rama, kryeministri malazez Milojko Spajiç, ai maqedonas Hristijan Mickoski, presidenti serb Aleksandër Vuçiç, presidenti ukrainas Volodymyr Zelenskyy si dhe ajo moldave Maia Sandu. Ndërsa nga Unioni do të marrë pjesë Presidenti i Këshillit Evropian, António Costa.
Samiti do të ofrojë një platformë të parë të këtij lloji për udhëheqësit e vendeve kandidate për të shprehur perspektivat e tyre mbi rrugën e zgjerimit, nga vendosmëria e Ukrainës dhe Moldavisë mes luftës së vazhdueshme në Ukrainë deri te pritja dekadashe e Ballkanit Perëndimor për anëtarësim. Secili udhëheqës do të sjellë njohuritë e veta se si perceptohet zgjerimi nga pikëpamja e kombit të tyre dhe çfarë do të sjellë rruga përpara./Dosja.al
