Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
• Shqipëria fiton 2 me 0 ndaj Polonisë. • Në ndeshjen që u luajt në stadiumin Air Albania për kualifikueset e 'Euro24', kombëtarja shqiptare ka dhuruar spektakël në fushën e gjelbërt. • Fillimisht ka qenë Jasir Asani që preku rrjetën me predhën e tij në minutën e 37. • Kështu Shqipëria përfundoi pjesën e parë të ndeshjes në avantazh. • Ndërkohë që pjesa e dytë filloi me ndërrimin e Cikalleshit dhe Uzunit me Dakun dhe Seferin. • Vetëm dy minuta në lojë, Daku arriti që të dyfishonte shifrat për kuqezinjtë. • Me këtë fitore Shqipëria ka marr kryesimin e grupit E në eleminatoret e Euro24. • Shqipëria ndodhet në vendin e parë me 10 pikë, ndërkohë që ndihet nga Çekia në vend të dytë dhe Moldavia në vendin e tretë me nga 8 pikë secila. • Në vend të katër ndodhet Polonia me 6 pikë.
11 artikuj për këtë temë.
TIRANË- Shqipëria ka marrë kryesimin e grupit E në eleminatoret e Euro24. Me një fitore të merituar ndaj Polonisë sot, Shqipëria është afruar një hap më shumë ndaj ëndërrës evropiane.
Golat për Shqipërinë i bënë Jasir Asani në miniutën 37 dhe Mirlind Daku në minutën 61. Kjo fitore është e para e Shqipërisë, pas 70 vitesh ndaj Polonisë.
TIRANË- Tifozët e Kosovës kanë shpalosur një banderolë gjigande në stadiumin Air Albania, teksa po luhet ndeshja Shqipëri-Kosovë. 'Plisat' janë bërë bashkë dhe kanë ngritur një banderolë kushtuar Kosovës.
“Se unë jam Kosova që nga plumbi s’vdes. Se Shqipëri më dha Zoti dhe Shqipëri do t‘mbes" lexohet në banderolën e tifozëve shqiptarë të Kosovës.
TIRANË- Shqipëria dyfishon shifrat në Air Albania. Pas golit të Jasir Asanit në minutën e 37, shumë shpejt ka ardhur dhe goli i dytë nga kuqezinjtë.
Ka qenë Mirlind Daku, i cili ka shënuar gol në minutën e 61, vetëm disa minuta, pasi preku fushën e gjelbërt.
TIRANË- Kryeministri Edi Rama ka zgjedhur që ndeshjen e sotme Shqipëri-Poloni ta shoh nga stadiumi Air Albania. Në foton e mësipërme, shihet Rama i shoqëruar nga gruaja e tij, Linda Rama si dhe nga djali i tyre Zaho.
Pjesa e parë e ndeshjes ka përfunduar 1 me 0 për Shqipërinë, ku golin e ka bërë Jasir Asani në minutën e 37.
TIRANË- Goli i Jasir Asanit ka çuar në pesh tifozerinë shqiptare në stadiumin Air Albania. Me brohorima të shumta, tifozët kuqezi pritën golin e Asanit, i cili i çon një hapë më pranë Euro24.
Për Shqipërinë mjafton që të mbaj këtë rezultat edhe në pjesë të dytë, për të fituar ndeshjen.
TIRANË- Ka plasur festa në Air Albania. Jasir Asani ka zhbllokuar rezultatin në ndeshjen me Poloninë, duke shënuar një gol nga distanca.
Në pamjet e mëposhtme shihet dhe goli që shënoi Asani, i cili mundi të çoj Shqipërinë në avantazh për të shkuar në Euro 2024.
TIRANË- Goli që Polonia shënoi pak më parë në ndeshjen me Shqipërinë u anulua. Kjo pasi ishte pozicion jashtë loje.
Goli nga polakët që nuk u quajt, u fut në rrjet nga Kiwior. Deri më tani rezultati mbetet baraz 0.
TIRANË- Situata në stadiumin Air Albania ka dalë jashtë kontrollit, ende pa nisur ndeshja. Në kampin polak, tifozët kanë të zihen, ndërkohë që për të vënë situatën nën kontroll, ka ndërhyrë policia.
Në videon e siguruar nga Dosja.al, shihen tifozët polakë që po zihen, të cilët nuk kanë hezituar për të goditur dhe policinë.
TIRANË- Gjithçka është gati për ndeshjen e sotme kundër Polonisë. Siç shihet në pamjet e mëposhtme, të siguruara nga Dosja.al, shihen lojtarët teksa stërviten disa minuta para nisjes së ndeshjes.
Kuqezinjtë sot presin Poloninë për sfidën që mund të rezultojë vendimtare për rrugëtimin kualifikuese në Euro 2024. Ndeshja nis në orën 20:45 në stadiumin Air Albania.
TIRANË- Formacioni zyrtar i Kombëtares së Shqipërisë kundër ndeshjes me Poloninë mbrëmjen e sotme. Në ndeshjen e sotme kuqezinjtë do të luajnë me skemën 4-3-3, ndërkohë që Strakosha dhe Uzuni do të nisin lojën nga minutat e para.
Formacioni:
Shqipëria (4-3-3)
Strakosha; Hysaj, Ismajli, Gjimshiti, Mitaj; Asllani, Ramadani, Bajrami; Asani, Uzuni, Cikalleshi
Trajner: Sylvinho
TIRANË- Ndeshja e sotme e Shqipërisë me Poloninë ka bërë që të shumtë tifozet shqiptarë të mblidhen në stadiumin Air Albania për ta parë nga afër. Kuqezinjtë sot presin Poloninë për sfidën që mund të rezultojë vendimtare për rrugëtimin kualifikuese në Euro 2024.
Bashkë me tifozët tanë, kanë mbërritur në kryeqytet dhe tifozët shqiptarë të Kosovës. 'Plisat' janë mbledhur në kryeqytet dhe po dhurojnë një atmosferë të zhurmshme. Ata kanë ndezur një zjarr pranë stadiumit dhe po brohorasin në pritje të nisjes së ndeshjes.
