Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
• Trilleri diplomatik vazhdon në Lindjen e Mesme, ku lufta po intensifikohet për të 28-ën ditë, ashtu si edhe deklaratat kontradiktore nga SHBA-të dhe Irani në lidhje me zhvillimin e bisedimeve për t'i dhënë fund asaj. • Nga ana e tij, Presidenti i SHBA-së, Donald Trump, këmbëngul se iranianët po e luten për një marrëveshje, megjithatë, Teherani i mohon bisedimet, të cilat edhe Pakistani i konfirmoi dje. • Në fakt, Trump tha se iranianët i kërkuan një zgjatje shtatë-ditore dhe ai u dha atyre dhjetë. • Ai përsëriti se SHBA-të e kishin fituar tashmë luftën dhe se nuk mund të lejonin që njerëzit e çmendur të kishin armë bërthamore. • Ndërkohë, skenarët për një operacion tokësor në Iran po intensifikohen, ndërsa mediat ndërkombëtare po raportojnë se SHBA-të po dërgojnë 10,000 ushtarë në Lindjen e Mesme. • Në të njëjtën kohë, Irani dhe Izraeli po nisin sulme të reja dhe të rënda nga secila palë. • Irani pretendon se po godet objektiva energjetike në Izrael dhe në Gjirin Persik, ndërsa më herët të premten një alarm i ri për sulm me raketa u dha në Bejrut, ku u dëgjuan shpërthime.
12 artikuj për këtë temë.
IRAN- Ministri i Jashtëm iranian, Abbas Araghchi ka deklaruar se sulmet izraelite në dy objekte bërthamore iraniane shkelin afatin 10-ditor të caktuar nga Donald Trump. Përmes një postimi në rrjetet sociale, ai tha se Irani do të vendosë një çmim të rëndë për krimet që Izraeli ka bërë ndaj vendit të tyre.
Mediat shkruajnë se gjatë ditës së sotme Izraeli ka goditur dy nga fabrikat më të mëdha të çelikut të Iranit.
"Izraeli goditi dy nga fabrikat më të mëdha të çelikut të Iranit, një termocentral dhe objekte të programit bërthamor civil, ndër infrastrukturën e tjera. Izraeli pretendon se ka vepruar në koordinim me SHBA-në.
Sulmi bie ndesh me zgjatjen e afatit të dhënë nga presidenti amerikan për negociatat diplomatike. Irani do të vendosë një çmim të rëndë për krimet e Izraelit."shkruan ai./Dosja.al
IRAN- Një zyrtar i lartë iranian i ka quajtur sulmet e SHBA-së ndaj Iranit si të papranueshme, ndërsa në të njëjtën kohë bëri thirrje për negociata. Zyrtari tha se Teherani ende nuk ka vendosur nëse do t'i përgjigjet propozimit të SHBA-së.
Mediat shkruajnë se ky vendim nuk është marrë, për shkak të sulmeve ndaj infrastrukturës industriale dhe bërthamore. Gjatë ditës së sotme Izraeli sulmoi dy objekte bërthamore iraniane. Në një postim në median sociale, ministri i Jashtëm iranian Abbas Araghchi tha se sulmet izraelite në dy objekte bërthamore iraniane shkelin afatin 10-ditor të caktuar nga presidenti Donald Trump./Dosja.al
Presidenti amerikan, Donald Trump, ka paralajmëruar për mundësinë e veprimit të mëtejmë ndaj ishullit Harg, një terminal kyç i naftës së Iranit dhe një pjesë e rëndësishme e makinerisë ekonomike të vendit.
Por, edhe tre ishuj të tjerë iranianë në Gjirin Persik mund të jenë po aq strategjikë në përpjekjet për t’i bërë presion Teheranit që të rihapë Ngushticën e Hormuzit, një arterie kyç për furnizimet globale me naftë dhe gaz.
Ishujt e vegjël Abu Musa, Tunbi i Madh dhe Tunbi i Vogël gjenden pranë hyrjes së ngushticës prej 39 kilometrash të gjerë, duke u dhënë atyre një vlerë strategjike. Ishujt janë nën kontrollin e Teheranit, por prej kohësh Emiratet e Bashkuara Arabe ka pretendime territoriale mbi to.
Media amerikane Axios raportoi më 26 mars se Pentagoni po përgatit një sërë opsionesh ushtarake për një “goditje të mundshme përfundimtare” ndaj Iranit. Aty përfshihet edhe marrja e Abu Musas dhe dy ishujve të tjerë.
Kapja e ishujve të tjerë iranianë, përfshirë Keshm, Larak dhe Hark po ashtu janë në tavolinë, sipas Axios. Shteti ka mbi 400 ishuj përgjatë bregdetit të tij jugor.
Radio Evropa e Lirë ka kërkuar koment nga Shtëpia e Bardhë lidhur me këtë çështje, dhe ky institucion u përgjigj duke përcjellë një deklaratë të zëdhënëses Karoline Leavitt të dhënë më 21 mars.
Në atë deklaratë, Leavitt tha: “Është puna e Pentagonit që të bëjë përgatitje për t’i dhënë komandantit të përgjithshëm maksimumin e opsioneve. Kjo nuk do të thotë se presidenti ka marrë një vendim dhe siç ka tha presidenti së fundi në Zyrën Ovale, ai nuk planifikon të dërgojë trupa tokësore askund në këtë moment”.
Ndërkaq, kryetari i Parlamentit iranian, Mohammad Baqer Qalibaf, shkroi në X më 25 mars se inteligjenca iraniane ka indikacione se “armiqtë e Iranit, me mbështetjen e një shteti në rajon, por përgatisin një operacion për të pushtuar një nga ishujt e Iranit”.
Kjo deklaratë e tij u pa si referencë për ishullin Abu Musa dhe Irani pretendon se Emiratet e Bashkuara Arabe mund ta ndihmojnë SHBA-në që ta marrë ishullin.
Të njohur ndërkombëtarisht si pjesë e Iranit, ishujt po ashtu pretendohen nga Emiratet. Teherani mori kontrollin e territoreve vetëm një ditë para krijimit të Emirateve të Bashkuara Arabe më 1971, dhe deri atëherë ishujt ishin nën protektoratin britanik.
Nga ta, ishulli më i madh është Abu Musa, ku jetojnë afër 2.000 banorë. Dy ishujt më të vegjël kryesisht janë të pabanuar dhe aty gjenden ndërtesa të marinës dhe ushtrisë.
Taktikë e presionit
Çmimet e naftës dhe gazit janë rritur ndjeshëm që kur Irani efektivisht ka mbyllur ngushticën – ku kalon një e pesta e dërgesave globale të naftës dhe gazit – që kur nisi lufta më 28 shkurt.
SHBA-ja mund të marrë kontrollin mbi ishujt për të thyer bllokadën që Irani ka bërë ndaj anijeve me dërgesa që kalojnë nëpër Ngushticën e Hormuzit, me shpresën se kjo do të ndihmojë në uljen e çmimeve të naftës.
Ekspertët thanë se kapja e tre ishujve strategjikë mund t’i japë po ashtu Uashingtonit një kartë për negociim në çdo marrëveshje me Iranin për t’i dhënë fund luftës.
“Gjasat që ata të synojnë të pushtojnë këta ishuj janë shumë të larta”, tha për Radion Farda të Radios Evropa e Lirë, Mohammad Farsi. Ai është ish-zyrtar ushtarak i Iranit që ishte stacionuar në ishullin Harg, në veri të Gjirit Persik, para Revolucionit Islamik më 1979.
Dislokimi i dy njësiteve amerikane për ekspedita, me mijëra marinsa dhe anije mbështetëse e aeroplanë, ka shtuar spekulimet se Trump mund të urdhërojë pushtimin e ishujve.
A do të kishte sukses?
Farsi tha se ishte skeptik se kapja e Abu Musas, Tunbit të Madh dhe Tunbit të Vogël do të arrinte qëllimin e deklaruar për të mbajtur ngushticën e hapur për cisternat e naftës.
“Kërcënimi nga Irani nuk kërkon anije apo mjete detare”, tha ai. “Irani mund të sulmojë nga distanca me dronë dhe raketa”.
Sipas Farsit, për sa kohë infrastruktura iraniane e raketave dhe dronëve në Iran mbetet e paprekur, asnjë garnizon në ishuj apo forcë shoqëruese detare nuk mund të garantojë në mënyrë të besueshme kalimin e sigurt përmes ngushticës.
H.A. Hellyer, bashkëpunëtor i lartë në Institutin Mbretëror për Shërbime të Bashkuara dhe Studime të Sigurisë, tha se udhëheqja e Iranit e sheh Ngushticën e Hormuzit si levë: “një mekanizëm presioni që ndikon në tregjet globale të energjisë dhe opinionin ndërkombëtar”.
Prandaj, kontrolli mbi tre ishujt për Shtetet e Bashkuara do të ishte “gjeografik dhe strategjik”.
“Këta ishuj ndodhen pranë Ngushticës së Hormuzit, një nga pikat më kritike detare në botë. Kontrolli mbi ta ka implikime për rrugët e transportit detar, dërgesat e energjisë dhe pozicionimin ushtarak të mundshëm në çdo skenar që përfshin rihapjen ose sigurimin e Ngushticës”, tha ai, duke shtuar se nuk po sugjeronte që SHBA-ja të ndërmarrë një veprim të tillë.
“Në fund të fundit, këta ishuj nuk janë periferikë. Ata gjenden në kryqëzimin e mosmarrëveshjeve territoriale, sigurisë detare, tregjeve të energjisë dhe aleancave në zhvillim në Gjirin Persik. Çdo veprim që përfshin këta ishuj do të riformësonte peizazhin strategjik rreth Hormuzit”./REL
IRAN- Bombardimet ajrore të SHBA-së dhe Izraelit kanë goditur fabrikën e përpunimit të uraniumit në Iran, raportuan sot mediat iraniane.
'Kompleksi i Reaktorit të Ujit të Rëndë Hotdab ishte në shënjestër në dy faza të sulmeve nga armiku amerikan dhe sionist", tha një zyrtar lokal, sipas agjencisë së lajmeve Fars.
Mediat raportuan se sulmet nuk shkaktuan vdekje, as nuk rritën nivelet e radioaktivitetit. Ndërkohë, Agjencia e Energjisë Atomike e Iranit tha se sulmet ajrore të SHBA-së dhe Izraelit kishin goditur gjithashtu një fabrikë të përpunimit të uraniumit në Iranin qendror.
Centrali Ardakan, i vendosur në provincën Yazd, ishte objektivi i një sulmi të kryer disa minuta më parë nga armiku amerikano-sionist, tha organizata në kanalin e saj Telegram. Kjo duke shtuar se sulmi nuk shkaktoi një lëshim të materialeve radioaktive./Dosja.al
TAJLANDA- Tajlanda dhe shumë vende fqinje që varen nga importet e energjisë nga Lindja e Mesme janë në ballë të krizës energjetike të shkaktuar nga lufta në Iran. Qeveria tajlandeze thotë se ka rezerva të mjaftueshme energjie për 100 ditë, megjithatë, në shumë pjesë të vendit, radhë të gjata janë shfaqur në pikat e karburantit.
Mungesa e karburantit ka bërë që taksitë e mëdha të kufizojnë shërbimet e tyre nga aeroporti kryesor i Bangkokut, ka bërë që anijet turistike të mbyllen dhe madje ka bërë që disa tempuj të pezullojnë ceremonitë.
Mediat e huaja shkruajnë se në të njëjtën kohë, fermerët dhe peshkatarët e vendit, të cilët janë ndër eksportuesit më të mëdhenj në botë të produkteve të tilla si orizi, sheqeri dhe peshku i konservuar, nuk po i furnizojnë makineritë e tyre me naftë. Një shoqatë peshkatarësh paralajmëroi këtë javë se industria multimiliarda dollarëshe mund të paralizohet plotësisht brenda disa ditësh nëse qeveria nuk ofron mbështetje për të mbuluar kostot e karburantit.
Çmimet e naftës në Tajlandë janë rritur, pasi situatës së krijuar në Lindjen e Mesme. Në rajonin më të gjerë, qeveritë po përpiqen të gjejnë mënyra për të kursyer karburant, me Filipinet që prezantojnë një javë pune katër-ditore për shumë punonjës të sektorit publik dhe autoritetet që inkurajojnë studentët të shkojnë në shkollë me biçikletë ose të marrin transportin publik.
Në Tajlandë, qeveria njoftoi gjithashtu masa për të mbështetur fermerët, duke përfshirë një plan për të blerë oriz me çmime më të larta se çmimet e tregut dhe për të subvencionuar koston e plehrave. Ulja e akcizës për produktet e naftës do të çojë në një rënie të çmimeve me pakicë, tha një zyrtar i ministrisë së financave tajlandeze Lavaron Sangsnit në një konferencë shtypi, duke shtuar se masa mund të zbatohet menjëherë nëse miratohet nga komisioni zgjedhor./Dosja.al
IZRAEL- Ministri i Mbrojtjes i Izraelit, Israel Katz ka deklaruar se sulmet ndaj Iranit do të intensifikohen. Sipas tij Irani po vijon të sulmojë civilët izraelitë, pavarësisht paralajmërimeve të bërë ndaj tij.
Mediat shkruajnë se Katz u shpreh se sulmet do të zgjerohen në objektiva dhe sektorë shtesë, të cilat ndihmojnë regjimin në prodhimin dhe përdorimin e armëve kundër civilëve izraelitë.
"Kryeministri dhe unë paralajmëruam regjimin terrorist iranian të ndalojë sulmet me raketa kundër popullsisë civile në Izrael. Pavarësisht paralajmërimeve, sulmet vazhdojnë dhe, për këtë arsye, sulmet e IDF-së ndaj Iranit do të intensifikohen dhe do të zgjerohen në objektiva dhe sektorë shtesë që ndihmojnë regjimin në prodhimin dhe përdorimin e armëve kundër civilëve izraelitë", tha ai gjatë një vlerësimi me zyrtarët ushtarakë.
Në fund, ai tha se iranianët do të paguajnë një çmim të rëndë dhe në rritje për këtë krim lufte./Dosja.al
SHBA- Zëvendëspresidentit amerikan JD Vance ka zhvilluar një bisedë telefonike me kryeministrin izraelit Benjamin Netanyahu. Sipas Axios, Vance ka kritikuar ashpër Netanyahun, duke e akuzuar se i ka “shitur” presidentit Donald Trump idenë e një lufte “të lehtë” kundër Iranit. Sipas burimeve, Vance ka vënë në dyshim mënyrën se si Netanyahu e kishte paraqitur si shumë të mundshme një ndryshim regjimi në Iran.
“Para luftës, Bibi ia kishte prezantuar presidentit si diçka të lehtë, duke e bërë ndryshimin e regjimit të dukej shumë më i arritshëm sesa ishte realisht. Zëvendëspresidenti kishte një pasqyrë të qartë për disa nga këto deklarata”, ka deklaruar një zyrtar amerikan për Axios.
Pas telefonatës, një tjetër zyrtar amerikan deklaroi se Izraeli po minon rolin e Vance, i cili ka marrë një rol kyç në përpjekjet për arritjen e një armëpushimi me Iranin. Vance, i njohur për qëndrimet e tij kundër luftërave të zgjatura jashtë vendit, është i përfshirë në negociata së bashku me negociatorët amerikanë Steve Witkoff dhe Jared Kushner.
I njëjti burim akuzoi Izraelin se qëndron pas raportimeve sipas të cilave Irani kërkon të negociojë drejtpërdrejt me Vance, duke e konsideruar atë më fleksibël për arritjen e një marrëveshjeje për përfundimin e konfliktit. Në të njëjtin raportim citohet edhe një zyrtar tjetër amerikan, sipas të cilit Vance shihet si figura më e mundshme për të arritur një marrëveshje me Iranin.
“Është një operacion izraelit kundër JD-së. Nëse iranianët nuk arrijnë të bëjnë marrëveshje me Vance, atëherë nuk do të arrijnë me askënd. Ai është opsioni më i mirë që kanë”, deklaroi një zyrtar i lartë amerikan për Axios./Dosja.al
IRAN- Një zyrtar iranian ka deklaruar se Udhëheqësi i ri suprem i Iranit, Mojtaba Khamenei, është në gjendje të mirë shëndetësore dhe ende udhëheq vendin. Ai ia atribuoi mungesën e tij në paraqitjet publike, rritjes së nevojave të sigurisë në rrethanat aktuale.
Ali Bahraini, përfaqësuesi i Iranit në zyrën e Kombeve të Bashkuara në Gjenevë, tha se arsyeja e mungesës së tij nga sytë e publikut është respektimi i masave të sigurisë për shkak të rrethanave aktuale të veçanta. Kjo duke shtuar se ai është në shëndet të plotë dhe vazhdon të udhëheqë vendin.
Mediat shkruajnë se Khamenei nuk është shfaqur në publik që nga muaji i kaluar, kur babai i tij dhe ish-udhëheqësi suprem i Iranit, Ali Khamenei, u vra në sulme të përbashkëta nga Shtetet e Bashkuara dhe Izraeli. Që atëherë, ajo ka qenë e kufizuar në lëshimin e deklaratave me shkrim.
Në fillim të muajit, një burim me njohuri për situatën tha për CNN se udhëheqësi 56-vjeçar pësoi një thyerje të këmbës dhe lëndime të tjera të lehta gjatë ditës së parë të fushatës së bombardimeve SHBA-Izrael. Sipas të njëjtit burim, përveç dëmtimit në këmbë, Khamenei thuhet se kishte një mavijosje rreth syrit të majtë, si dhe lëndime të lehta në fytyrë./Dosja.al
SHBA- Shtetet e Bashkuara të Amerikës kanë shkatërruar rreth një të tretën e arsenalit raketor të Iranit. Burime për Reuters thanë se sulmet mundë të kenë dëmtuar, shkatërruar ose bllokuar raketa në tunele dhe bunkerë nëntokësorë. Informacioni u dha me kusht anonimiteti për shkak të ndjeshmërisë së çështjes.
Vlerësimi, i cili nuk është bërë publik më parë, sugjeron që ndërsa shumica e raketave iraniane (thuhej se 90 përqind ishin shkatërruar) janë shkatërruar, Teherani ende ka një rezervë të konsiderueshme dhe mund të jetë në gjendje të rikuperojë disa nga armët e dëmtuara. Vlerësimet e inteligjencës bien ndesh me deklaratat publike të Presidentit të SHBA-së Donald Trump, i cili tha të enjten se Iranit i kanë mbetur shumë pak raketa.
Sipas një raporti të mëparshëm të Reuters, Trump po shqyrton përshkallëzimin e konfliktit duke vendosur trupa amerikane në bregdetin iranian përgjatë Ngushticës.
"Problemi me Ngushticën është ky: Le të themi se bëjmë një punë të shkëlqyer dhe të themi se kemi shkatërruar 99 përqind të raketave të tyre. 1 përqind është e papranueshme, sepse 1 përqind është një raketë që mund të godasë trupin e një anijeje miliarda dollarëshe ", tha Trump gjatë një takimi të kabinetit të transmetuar në televizion të enjten.
Uashingtoni ka thënë se strategjia e tij synon të neutralizojë marinën e Iranit, të shkatërrojë aftësitë e saj të raketave dhe dronëve dhe ta parandalojë atë nga zhvillimi i armëve bërthamore. Komanda Qendrore e SHBA-së ( CENTCOM ) tha se operacioni, zyrtarisht i koduar "Epic Fury", po përparonte sipas planit ose më shpejt se plani fillestar i vendosur para se të fillonin sulmet SHBA-Izrael më 28 shkurt.
Sipas CENTCOM, sulmet amerikane kishin goditur më shumë se 10,000 objektiva ushtarake iraniane deri të mërkurën dhe kishin fundosur 92% të anijeve kryesore të marinës iraniane. Departamenti i Mbrojtjes i SHBA-së ka publikuar imazhe të sulmeve ndaj objekteve të prodhimit të armëve, duke nënvizuar se strategjia nuk kufizohet vetëm në shkatërrimin e rezervave të raketave dhe dronëve, por shtrihet edhe në industrinë që i prodhon ato.
Megjithatë, Komanda Qendrore nuk ka specifikuar përqindjen e saktë të raketave iraniane ose fuqisë pa pilot që është shkatërruar. Burimet thonë se një nga problemet kryesore në vlerësimin e dëmit është pasiguria në lidhje me numrin e raketave që ishin në bunkerë nëntokësorë para se të fillonte lufta. Pavarësisht shkallës së lartë të sulmeve amerikane, Irani ka treguar se ende ka aftësi të konsiderueshme. Vetëm të enjten, ai lëshoi 15 raketa balistike kundër Emirateve të Bashkuara Arabe, si dhe 11 dronë, sipas Ministrisë së Mbrojtjes së Emirateve të Bashkuara Arabe.
Në të njëjtën kohë, ai ka demonstruar aftësi të reja operacionale. Javën e kaluar, forcat iraniane qëlluan raketa me rreze të gjatë për herë të parë kundër bazës ushtarake amerikano-britanike të Diego Garcia në Oqeanin Indian. Nicole Grajewski, një eksperte për sistemet raketore iraniane dhe Korpusin e Gardës Revolucionare Islamike në Universitetin Sciences Po në Paris, tha se administrata Trump mund ta ketë mbivlerësuar efektivitetin e sulmeve amerikane.
Ajo vuri në dukje se fakti që Irani vazhdon të nisë sulme nga objekti ushtarak Bin Qane, i cili është bombarduar rëndë, sugjeron që aftësitë operacionale të vendit nuk janë neutralizuar plotësisht. Sipas saj, Irani ka më shumë se një duzinë objektesh të mëdha nëntokësore ku ruhen lëshues dhe raketa.
"Fakti që ata ishin në gjendje ta ruanin këtë aftësi tregon, sipas mendimit tim, se Shtetet e Bashkuara mund ta kenë mbivlerësuar suksesin e operacionit", tha ajo, duke shtuar se beson që Irani ende ka rreth 30% të aftësive të tij raketore.
Sfida e Tuneleve Nëntokësore
Një zyrtar i lartë amerikan ka shprehur dyshime nëse një vlerësim i saktë i aftësive raketore të Iranit është i mundur, kryesisht për shkak të pasigurisë në lidhje me numrin e raketave në objektet nëntokësore që mund të mbeten të arritshme.
“Nuk e di nëse do të ketë ndonjëherë një numër të saktë”, tha ai.
Sekretari i Mbrojtjes Pete Hegseth pranoi vështirësinë që paraqet rrjeti i gjerë i tuneleve nëntokësore të Iranit në komentet e tij më 19 mars.
“Irani është një vend i madh. Dhe ashtu si Hamasi me tunelet në Gaza, ata kanë kanalizuar çdo ndihmë, çdo burim financiar, çdo mbështetje humanitare në tunele dhe raketa. Ne po i gjurmojmë ato në mënyrë metodike, të pamëshirshme dhe dërrmuese, siç nuk mund ta bëjë asnjë forcë tjetër ushtarake në botë, dhe rezultatet flasin vetë”, shtoi ai, pa dhënë shifra specifike mbi përqindjen e raketave ose dronëve që janë shkatërruar./Dosja.al
GJERMANI- Ministri i Jashtëm gjerman, Johan Vandeful ka akuzuar Rusinë se po ndihmon Iranin të identifikojë objektivat e mundshme për sulme. Kjo duke argumentuar se Vladimir Putin po kërkon të përdorë luftën midis SHBA-së dhe Izraelit si një shpërqendrim nga pushtimi i Ukrainës.
Duke folur me gazetarët gjatë një takimi të G7 në Francë, Vandeful tha gjithashtu se ai foli me sekretarin amerikan të Shtetit Marco Rubio për të përshkruar pozicionin e Gjermanisë. Mediat shkruajnë se Gjermania është e gatshme të kontribuojë në ngushticën e Hormuzit pas përfundimit të armiqësive.
"Putin shpreson cinikisht se përshkallëzimi i tensionit në Lindjen e Mesme do të na shpërqendrojë nga krimet e tij në Ukrainë. Kjo llogaritje nuk duhet të ketë sukses. Ne shohim shumë qartë se sa ngushtë janë të lidhura dy konfliktet. Rusia padyshim po e mbështet Iranin me informacione për objektivat e mundshme," tha Vandeful./Dosja.al
IRAN- Një rritje e madhe e trafikut të kriptomonedhave është vërejtur në Iran që nga fillimi i konfliktit të luftës në Lindjen e Mesme. Ekspertët vlerësojnë se asetet dixhitale po shfrytëzohen si për të anashkaluar sanksionet e vendosura ndaj Korpusit të Gardës Revolucionare Islamike, ashtu edhe si një strehë financiare për qytetarët që përballen me pasojat e inflacionit të lartë.
Sipas firmës së analitikës së të dhënave Chainalysis, më shumë se 10 milionë dollarë në kriptovaluta u tërhoqën nga platformat iraniane të këmbimit midis 28 shkurtit, ditën kur filluan sulmet ajrore të Shteteve të Bashkuara dhe Izraelit deri më 2 mars.
Mediat shkruajnë se Chainalysis tha se disa nga kuletat dixhitale të përdorura gjatë kësaj periudhe të rritjes së aktivitetit janë të lidhura drejtpërdrejt me Gardën Revolucionare Islamike.
Në të njëjtën kohë, sipas të njëjtave të dhëna, vitin e kaluar kuletat e lidhura me Sentinel u financuan me më shumë se 3 miliardë dollarë në kriptovaluta, një shumë që korrespondon me më shumë se gjysmën e flukseve totale të kriptomonedhave në vend, një shifër që, siç thekson, vazhdon të rritet./Dosja.al
Kancelari Friedrich Merz pati vetëm disa minuta në Bundestag gjerman të mërkurën pasdite për të mbajtur fjalimin hyrës mbi situatën aktuale. Agjenda përfshinte një debat mbi gjendjen e vendit dhe botën të quajtur "Ora Aktuale". Pas prezantimit të Kancelarit, deputetët kishin nga një minutë për të bërë pyetje.
Merz shfrytëzoi rastin për të folur mbi situatën aktuale në luftën midis Shteteve të Bashkuara dhe Izraelit nga njëra anë dhe Iranit nga ana tjetër. Ai nuk komentoi njoftimin e Presidentit të SHBA-së Donald Trump se kishte gjetur një mënyrë për të negociuar me Iranin, por tha se po mbështetej në gjetjen e një mënyre së bashku me partnerët e tij evropianë për të avokuar së bashku për t'i dhënë fund përshkallëzimit sa më shpejt të jetë e mundur.
Evropa do të ketë peshë vetëm nëse ajo vetë, dhe mbi të gjitha Gjermania, bëhet përsëri më e fortë, theksoi Merz.
Ai specifikoi: "Dhe të jesh i fortë në këto kohë do të thotë të kesh një ekonomi të begatë, të kesh vende pune të sigurta dhe të mundësosh krijimin e vendeve të reja. Dhe në të njëjtën kohë të bëhesh i aftë për mbrojtje. E them këtë qëllimisht: të bëhesh. Sepse kjo nuk është ajo që jemi më."
Merz për SHBA-në dhe Izraelin: "Disa gjëra nuk janë të qarta"
Lufta me Iranin luajti një rol të madh në pyetjet parlamentare. Socialdemokratja Derya Turk-Nahbaur pyeti se çfarë po bënte Merz për t'i dhënë fund luftës.
Ai u përgjigj: "Ne po përpiqemi të bëjmë gjithçka që mundemi për të inkurajuar SHBA-në dhe Izraelin që tani të kërkojnë një zgjidhje diplomatike për këtë luftë. Disa gjëra që janë thënë nuk janë të qarta për ne në aspektin strategjik."
Kjo ndoshta i referohet presidentit të SHBA-së, plani i luftës i të cilit nuk është i paqartë vetëm për Merz, por edhe për shumë të tjerë.
Kur bëhet fjalë për çmimet e karburantit, të cilat janë rritur ndjeshëm si rezultat i konfliktit, kryetarja e grupit parlamentar të së majtës, Heidi Reichinneck, ishte e interesuar për atë që qeveria planifikonte të bënte. Merz u përgjigj se Bundestagu do të miratonte një ligj këtë javë që do të lejonte mbikëqyrje më të mirë të kompanive të naftës dhe formimin e çmimeve.
Kancelari tregoi gjithashtu gatishmëri për të ofruar lehtësim të drejtpërdrejtë tatimor për qytetarët, por ishte skeptik ndaj taksimit shtesë të fitimeve të korporatave ose një takse mbi fitimet shtesë, siç ekzistonte pas fillimit të sulmit rus ndaj Ukrainës në vitin 2022.
Merz: "Një pjesë e konsiderueshme e dhunës vjen nga migrantët"
Atmosfera në Bundestag nuk ishte aq e mirë për disa çështje të tjera, në veçanti ato kur Merz përgjigjej lidhur me pyetjet për dhunën seksuale dhe migrantët. E Majta ka qenë e zëshme në kundërshtimin e saj ndaj dhunës në rritje ndaj grave, veçanërisht në internet.
Çështja e trajtuar enkas është ajo e aktores gjermane Colleen Fernandez, e cila kohët e fundit bëri akuza serioze kundër ish-burrit të saj, gjithashtu aktor. Ai dyshohet se përdori softuer inteligjence artificiale për të "ngjitur" fytyrën e saj në trupat e grave në videot dhe fotot pornografike ekzistuese dhe i publikoi ato në internet. Avokati i tij i ka mohuar akuzat, por çështja ka shkaktuar një debat të gjerë publik mbi dhunën e seksualizuar ndaj grave.
Merz tha se qeveria po planifikonte të shtrëngonte ligjin dhe shtoi: "Kemi një shpërthim dhune në shoqërinë tonë, si në hapësirën reale ashtu edhe në atë digjitale." E gjithë shoqëria duhet të luftojë kundër kësaj, tha Kancelari.
Më pas ai theksoi: "Ne gjithashtu duhet të flasim me njëri-tjetrin për shkaqet. Ne duhet të flasim edhe për origjinën e kësaj dhune. Dhe duhet të themi se një pjesë e konsiderueshme e kësaj dhune vjen nga grupe emigrantësh në Gjermani."
Kjo deklaratë, sipas të gjitha gjasave, do të jetë objekt debati në Gjermani në ditët në vijim.
"Çështjet aktuale"
Kjo formë e pyetjeve të drejtpërdrejta të Kancelarit Gjerman në Bundestag ka ekzistuar që nga vera e vitit 2018. Me kërkesë të SPD-së, partnerët e atëhershëm të koalicionit CDU/CSU dhe Socialdemokratët përfshinë një dispozitë në marrëveshjen e koalicionit: "Ne duam që Kancelarja (asokohe Merkel) të jetë në gjendje të pyetet në Bundestag tre herë në vit."
Kancelarja e atëhershme Angela Merkel (CDU) pranoi me ngurrim këtë, duke pasur frikë se një format i tillë mund të ngjante më shumë me një shfaqje politike sesa me dhënien e informacionit. U përmendën edhe debatet e gjalla në Dhomët Britanike me Kryeministrin si model.
Nuk kishte pyetje në lidhje me deklaratën e Presidentit mbi Iranin
Ndryshe nga Merkel, ky format duket se i përshtatet Merzit, ndoshta edhe sepse ai nuk kishte nevojë të shprehej për disa tema të ndjeshme. Për shembull, nuk kishte pyetje në lidhje me deklaratën e Presidentit Federal Frank-Walter Steinmeier, i cili tha më parë këtë javë se sulmi i SHBA-së dhe Izraelit ndaj Iranit ishte kundër ligjit ndërkombëtar.
Ky është një qëndrim që qeveria ende nuk e ka shprehur në këtë formë, megjithëse ka shumë kritika për veprimet ushtarake në Gjirin Persik. Presidenti në Gjermani ka kryesisht një rol përfaqësues dhe nuk ka pushtet të rëndësishëm politik. Duke mos pasur nevojë të komentojë fjalët e Steinmeier, Kancelari shmangu marrjen e një qëndrimi të qartë mbi çështjen e së drejtës ndërkombëtare./DW
