Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
• Prokuroria e Posaçme kundër Korrupsionit dhe Krimit të Organizuar ka kërkuar 30 vite burg për Xhuliano Hoxhën dhe 12 vite burg për Eugent Halilin, të cilët akuzohen për vrasjen e Regis Runajt dhe Emiljano Ramazanit në korrik 2020. • Sot është dhënë pretenca, ndërsa në sallë ka qenë i pranishëm edhe i ati i të ndjerit, i cili ka prekur të gjithë të pranishmit me fjalët e tij. • I moshuari tha se kërkon vetëm drejtësi për të birin e masakruar me thika. • Ndërsa një tjetër detaj është zbuluar. • Sipas SPAK, Erjon Alibeaj një ditë pas vrasjes së Emiljano Ramazanit i ka dërguar një mesazh vëllait të viktimës ku i shprehte atij ngushëllimet duke i thënë se e kuptonte dhimbjen e tij, pasi edhe atij i kishin vrarë vëllain. • Por gjithashtu është shfajsuar duke u shprehur se ai nuk ka gisht në ngjarje, edhe pse akuzohet nga SPAK se porositjen e vrasjes e ka bërë ai, për të marrë hak për vrasjen e vëllait të tij. • Po ashtu, një tjetër detaj interesant nga hetimi është fakti që telefoni i Emiljano Ramazanit iPhone 7 i është bërë "restart" dhe si pasojë nuk ka mbetur asnjë shenjë për të provuar se kush e nxorri në pritë. • Po në të njëjtën sallë, ka folur edhe Euglen Halili. • Në Polici, ai ka rrëfyer se porosinë për të kryer të dy krimet e kanë marrë nga Erion Alibej duke shtur se në atë periudhë Xhuliano Hoxha ishte në kushte të vështira ekonomike dhe i duheshin para për të jetuar. Kjo pasi mendohet se Emiljano Ramazani kishte qenë në rolin e vëzhguesit në atë që njihet si “Masakra e Bradasheshit” në Dhjetor të vitit 2018, ku u vra vëllai i Erionit, Endrit Alibej; xhaxhai i tyre dhe një mik turk. • Porosia është marrë nga Nuredin Dumani, e sipas këtij të fundit, arma e krimit sipas deklarimeve të Nuredin Dumanit është dërguar nga Klevis Kapllani në servisin e Seit Manhasës, me porosi të Erjon Alibejt në mënyrë që të zhdukej çdo dyshim më drejtim të tij. • Pas vrasjes se Ramazanit, Erjon Alibej u kishte lënë Halilit dhe Hoxhës ultimatum që brenda një jave të vritej edhe Riges Runaj, gijthashtu mik i ngushtë me Ramazanin. • E ashtu ndodhi! • Emiljano Ramazani që njihej ndryshe edhe si “ILI” u vra me armë zjarri teksa kthehej nga palestra në shtëpi më 20 korrik 2020. 9 ditë më vonë, më 29 korrik u masakrua me thikë Regis Runaj.
5 artikuj për këtë temë.
TIRANË- Detaje të reja janë zbuluar sot në seancën gjyqësore për të penduarit e drejtësisë, që akuzohen për vrasjen e Emiljano Ramazanit dhe Regis Runajt. Sipas Prokurorisë së Posaçme kundër Korrupsionit dhe Krimit të Organizuar, telefoni i Emiljano Ramazanit, iPhone 7 i është bërë ‘restart’, kthim në gjendjen fillestare. Telefoni është "restart-uar" në orën 17:17 minuta dhe nuk është përftuar asgjë nga ekspertiza e grupit hetimor.
Vrasja e Emiljano Ramazanit, i njohur me nofkën 'Rramani', dyshohet se ka ndodhur për larje hesapesh për drogën, pasi ai njihej si shpërndarës kokainë në qytet. Por 9 ditë pas vrasjes së tij u gjet i vrarë edhe miku i tij i ngushtë Regis Runaj, 23 vjeç, i vrarë me thikë, dhe më pas trupi i tij është hedhur buzë rrugës afër varrezave të qytetit, një rrugë qorre ku nuk kalojnë njerëz. Kjo i ka ndihmuar autorët që të mos lënë gjurmë pasi kanë vrarë Runajn.
TIRANË- Emiljano Ramazani u ekzekutua poshtë shtëpisë së tij me 6 plumba. Të nesërmen, Erjon Alibej i ka dërguar një mesazh vëllait të viktimës, ku i shprehte ngushëllimet për humbjen. E po ashtu e krahasoi edhe me veten, duke i treguar se edhe vetë ia kishin vrarë të vëllanë. Por teksa i shprehte ngushëllimet, Alibej është shfajësuar duke i premtuar se nuk kishte lidhje me ngjarjen, ashtu siç sipas tij, referohej në media.
Megjithatë dëshmia e të penduarve të drejtësisë pretendonte të kundërtën. Sipas tyre ishte Alibeaj ai që kishte porositur vrasjen, pasi kishte dyshime se Ramazani kishte pasur rolin e vëzhguesit në masakrën e Bradasheshit ku u vra Endrit Alibej, xhaxhai i tyre Arben Dylgjeri dhe miku i tyre, shtetasi turk Erdal Durunay.
Sot, SPAK kërkoi 30 vite burg për Xhuliano Hoxhën dhe 12 vite për Euglen Halilin.
TIRANË- Prokuroria e Posaçme kundër krimit dhe korrupsionit (SPAK) ka sqaruar se emri i Euglen Halilit është i përfshirë në vrasjen e Emiljano Ramazanit dhe Regis Runajt.
Pasi u shoqërua në polici, Halilaj ka rrëfyer se porosinë për të kryer të dy krimet i kanë marrë nga Erjon Alibej. Ai sqaron se në atë periudhë Xhuliano Hoxha ishte në kushte të vështira ekonomike dhe se u duheshin para për të jetuar.
Sipas tij, Alibej e ka kontaktuar Hoxhën për të vëzhguar Emilano Ramazanin dhe më pas do ta ekzekutonin. Bashkëpunëtori tregon se fillimisht Alibej i ka dhënë Xhuliano Hoxhës 5 mijë euro dhe një celular të kriptuar që të komunikonin.
Gjatë kohës së vëzhgimit të lëvizjeve të Ramazanit ai u kishte dhënë edhe shuma të tjera parash. Sipas prokurorisë Euglen Halili dhe Xhuliano Hoxha nuk kishin dijeni që për të kryer ekzekutimin ishte kontaktuar Nuredin Dumani. Sipas Halilit, Xhuliano Hoxha ka marrë nga Erjon Alibej një listë me emra personash që do të vriteshin.
'Ai kërkonte të vriste Emiljano Ramazanin pasi kishte qenë në rolin e vëzhguesit në atë që njihet si "masakra e badasheshit"'- mësohet të ketë thënë ai.
Halili ka shpjeguar se ai se ka takuar asnjëherë Erjon Alibejn dhe as nuk ka folur pasi ai komunikonte vetëm me Xhulianon.
TIRANË- Struktura e Posaçme kundër Korrupsionit dhe Krimit të Organizuar ka dhënë pretencën për Xhuliano Hoxhën dhe Euglen Halilin, të akuzuar për vrasjen e Emiljano Ramazanit dhe Regis Runajt ngjarje të ndodhura në harkun e një jave në Korrik të vitit 2020 në Elbasan. Në seancën e sotme ka qenë i pranishëm edhe babai i Runajt, i cili ka kërkuar vetëm drejtësi për djalin e tij.
Jetnor Runaj, mes të tjerash ai tregoi jetën e vështirë pas vrasjes së të birit, sëmundjen e gruas dhe pritjen e të birit në shkallë, edhe pse ai ka ndërruar jetë disa vite më parë.
“Ne jeni fukarenj, jemi njerëz të këputur. Dua drejtësi për vrasjen e djalit. Gruaja ime është e sëmurë, shpesh e mbyll në dhomë se kam frikë mos i ndodh diçka. Djalin ma vranë me 27 thika. U them këtyre çunave mua vetëm një thikë më duhet që të shkoj tek im bir. Dua që këta dy çuna të marrin atë që meritojnë asnjë ditë më shumë. Çdo ditë rri në shkallë dhe pres djalin, por ai nuk vjen. Më kuptoni dhe mua, ju i përqafoni fëmijët tuaj. Unë pres që djali të më kërkojë lekë për cigare,”- mësohet të jetë shprehur babai.
SPAK dha sot pretencën për Xhuliano Hoxhën dhe Euglen Halilin. Mësohet se për Hoxhën është kërkuar 30 vite burg, ndërsa për bashkëpunëtorin e drejtësisë, 12 vite.
TIRANE- SPAK ka dhënë pretencën për Xhuliano Hoxhën dhe Euglen Halilin, të cilët akuzohen për vrasjen e Emiljano Ramazanit dhe Regis Runaj. Këto janë ngjarje të ndodhura gjatë verës së vitit 2020 në Elbasan.
Mësohet se për Hoxhën janë kërkuar 30 vite burg, ndërsa për bashkëpunëtorin e drejtësisë, Euglen Halilin 12 vite.
Halilaj zbardhi vrasjen e Regis Runajt dhe pranoi se ka mbajtur në vëzhgim Ramazanin. Sipas SPAK, vrasjet janë porositur nga Erjon Alibej, çështja ndaj të cilit u veçua pasi dyshohet si i përfshirë në ngjarje të tjera.
Për vrasjen e Runajt, Euglen Halilaj dhe Xhuliano Hoxha, akuzohen nga SPAK si ekzekutor të 26-vjeçarit. Ndërsa për vrasjen e Emiljano Ramazanit akuzohen si bashkëpunetor dhe grup kriminal.
