Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
TIRANË- Nënkryetari i Lëvizjes Socialiste për Integrim, së bashku me ish-deputetet, Floida Kërpçaci në një deklaratë për mediat i kanë bërë thirrje qëverisë që të shpallë gjendjen e jashtëzakonshme. Vasili për mediat tha se qeveria po abuzon me ligjet dhe Kushtetutën dhe shton se të gjitha masat e marra janë masa që kanë të bëjnë dhe përputhen vetëm me gjendjen e jashtëzakonshme dhe me detyrimet që kjo gjendje e jashtëzakonshme imponon.
“Detyrimi i shpalljes së gjendjes së jashtëzakonshme , por edhe akteve nënligjore që burojnë prej saj është një detyrim. Të nesërmen e përfundimit të pandemisë reprekursionet për veprime antiligjore mund të jenë nga më të rëndat dhe mund të jenë shkak i një abuzivizmi dhe i penalizimeve pafund”, u shpreh Vasili.
Më tej LSI ka shpallur dhe një platformë me 7 pika, se si duhet menaxhuar situata e krijuar nga COVID-19. Ndër të tjer LSI, kërkon heqjen e taksave lokale për të gjithë bizneset dhe familjet duke filluar nga muaji mars dhe për gjatë gjithë kohëzgjatjes se kufizimeve që janë shkak i karantinës si dhe garantimin e pagesës me vlerë 80% për të gjithë personat, që janë në punë, por nuk mund të punojnë dhe për pasoje nuk paguhen për arsye të mbylljes së aktivitetit të sipermarrjes ku ata punojnë për shkak të karantinës.
DEKLARATA E PLOTË
Po komunikojmë së bashku nga selia e LSI, ku që prej shpalljes së gjendjes së pandemisë, funksionon në mënyrë të përhershme një shtab për monitorimin, ndjekjen e situatës, gadishmërinë në rast nevoje, i përbërë nga mjekë dhe infermierë, i cili njëkohësisht drejtoget në përgjithësi nga anëtarët e Kryesisë së LSI, z. Vangjel Tavo, Petrit Vasili dhe Floida Kërpaci. Në emër të shtabit të punës jemi në këtë komunikim së bashku edhe për qëndrimet dhe opinionet tona lidhur me këtë pandemi në përgjithësi, për trajtimin e saj mjekësor dhe për trajtimin e saj në planin ekonomiko social. Së pari jemi këtu për të kërkuar publikisht që ti jepet fund abuzimeve me ligjet dhe me Kushtetutën e vendit, pasi e gjithë situata po zhvillohet në një abuzivizëm ligjor dhe shtetëror të pashembullt. Kushtetuta dhe ligji janë zëvendësuar nga komunikimet në Facebook dhe në Tëitter, vendimet e qeverisë janë kthyer në vendime Facebook-u dhe Kushtetuta është shkelur dhe nëpërkëmbur. Të gjitha masat e marra janë masa që kanë të bëjnë dhe përputhen vetëm me gjendjen e jashtëzakonshme dhe me detyrimet që kjo gjendje e jashtëzakonshme imponon. Kryeministri i vendit nuk ka kërkuar dhe s’ka ndërmarrë asnjë hap për ta shpallur këtë gjendje të jashtëzakonshme, ndërkohë që kufinjtë e Shqipërisë janë mbyllur, kufizimet e lëvizjes së mënyrë absolute dhe drastike, deri në kufinjtë e një shtetrrethimi të vërtetë funksionon në të gjithë vendin dhe gjithccka bëhet nga frengjia e Facebook-ut të Surrelit të kryeministrit. Shteti ndodhet në këtë lloj situate, pandemi, gjendje lufte, situatë e jashtëzakonshme ciladoqoftë, funksionon me ligje, me rregulla, me Kushtetutë dhe në mënyrë kolegjiale. Detyrimi i shpalljes së gjendjes së jashtëzakonshme , por edhe akteve nënligjore që burojnë prej saj është një detyrim. Të nesërmen e përfundimit të pandemisë reprekursionet për veprime antiligjore mund të jenë nga më të rëndat dhe mund të jenë shkak i një abuzivizmi dhe i penalizimeve pafund. Gjithësesi, në një situatë të tillë, pjesët që goditen më shumë, pikërisht nga kjo amolli qëndrimesh dhe nga ky konfuzion qëndrimesh, pikërisht shtresat në nevojë, biznesi dhe gjithçka që ka të bëjë me mbijetesën e shqiptarëve.
Ndaj jemi këtu së bashku ëpr të propozuar publikisht disa masa emergjente, të cilat duhen marrë sa më parë dhe për mendimin tonë duhej të ishin marrë dje dhe jo sot dhe që lidhen pikërisht me atë që ka të bëjëm më shumë, me mbijetesën e shqiptarëve, kushtet bazike, krijimin e lartenatviave, të cilat nuk po ndodhin pasi jemi në gjendje të jashtëzakonshme pa predispozuar mekanizmat e gjendjes së jashtëzakonshme deri dhe të moshuarve nuk kanë mundësi të asistohen në banesë deri dhe shumë të sëmurë kronikë me rrezikshmëri të lartë dhe me komplikimin e sëmundjeve të mortalitetit kanë vështirësi të mëdha në komunikim pasi ky çorganizim i organizuar po mbizotëron në vend të ligjeve dhe rregullave. Me gjithë atë sot është moment për të marrë masa të drejtpërdrejta, ndaj po bëjmë public këto masa-këkrsë të domosdoshme, imperative që duhen marrë nga qeveria.
1.Heqja e taksave lokale për të gjithë bizneset dhe familjet duke filluar nga muaji mars dhe për gjatë gjithë kohëzgjatjes se kufizimeve që janë shkak i karantinës.
2.Garantimi i Pagesës me vlerë 80% për të gjithë personat, që janë në punë, por nuk mund të punojnë dhe për pasoje nuk paguhen për arsye të mbylljes së aktivitetit të sipermarrjes ku ata punojnë për shkak të karantinës, përfshirë edhe të gjithë ushtruesit e profesioneve të lira.
Pagesat e tilla në këtë masë, pra 80% duhet të kryhet në numrat e llogarive të punësuarve për të devijuar çdo llojë abuzimi me këtë masë.
3.Të rimbursohen nga shteti sigurimet shoqërore dhe shëndetësore të kategorive të punonjësve të trajtuar me 80% të pagës, për të gjithë periudhën në të cilën këta punonjës do të jenë pa punë për shkak të karantinimit dhe kohës që do t’i duhet biznesit për të rikthyer aktivitetin e biznesit dhe për pasojë dhe kthimin e tyre në punë.
4.Shumë e rëndësishme është subvencionim për të gjithë fermerët, prodhimet e të cilëve nuk mund të shiten për arsye të bllokimit të transportit dhe masave të tjera të forta kufizuese dhe të pamundësisë së sigurimit të imputeve bujqësore dhe për pasojë mos realizimit të prodhimit bujqësor. AZHBR duhet të bëjë një disbursim me procedura të përshpejtuara sapo kjo masë të miratohet nga qeveria.
5.Subvencionim të të gjitha pagesave, të palikujdura studentëve, të cilët I kanë këto pagesa si detyrime për vitin shkollor 2019 – 2020.
6.Shtyrje e pagesave të TVSH si dhe tatimeve të tjera të bizneseve për një periudhë më të vonë, në vlerësim të kohëzgjatjes së karantinës, por jo me parë se muaji qershor.
7.Për të gjithë ata qytetarë që janë të regjistruar në asistencë si dhe për pensionistët, shteti të marrë përsipër rimbursimin e faturave të energjisë dhe të ujit.
Kjo paketë prej 7 masash siç e shikoni është e orientuar drejtpërdrejtë në mijëra qytetarë që jetojnë vetëm me pagë dhe që e kuptojnë të gjithë se çfarë do të thotë qoftë edhe një ditë e vetme pa pagë.
Njëherazi lidhur me çështjen nga pamja shëndetësore serish i bëjmë apel qeverisë të sigurojë të gjitha mjetet e domosdoshme për mbrojtjen e personelit mjekësor, publikisht kryeministri i Shqipërisë ka deklaruar se i ka gjetur të gjitha mjetet që i duhen, ka arritur deri aty sa të denoncojë edhe mjekë të cilët kanë denoncuar mos pasjen e këtyre mjeteve të domosdoshme. Për ti dhënë një herë e mirë përgjigje mashtrimeve sistematike dhe të palodhura të kryeministrit, që dhe pandeminë e përdor si objekt mashtrimi dhe si objekt konflikti edhe si objekt sulmimi ndaj opozitës shqiptare. Po ju lexoj një mesazh që nuk është i opozitës shqiptare, por i post strukturave të shëndetësisë së Edi Ramës. Pas paralajmërimit tonë të përsëritur për të marrë masa dhe për të mbrojtur strukturat shëndetësore, pasi sot është populli në njërën anë dhe strukturat shëndetësore në anën tjetër që së bashku të përballojmë epideminë, i vetmi njeri i tepërt këtu ka dalë kryeministri që vetëm gënjen.
Ja se çfarë thotë mesazhi i dërguar dhe po e lexoj fjalë për fjalë për të kuptuar cilat janë masat për personelin të cilin unë do t’jua ndaj të gjitha mediave shqiptare të jeni të qetë:
Përshëndetje, mungesa e maskave rezulton të jetë një problem ndërkombëtar, pra e vlerësojnë këto drejtoritë lokale problemin ndërkombëtar, dhe duke qenë kështu është e pamundur që të sigurohet plotësimi i kërkesave të qendrave shëndetësore, me një udhëzim të operatorit rajonal shëndetësor ju lutemi të gjithë personelit shëndetësor që të sigurojnë maskat vetë në kushte shtëpie duke përdorur material të ndryshme si çarçafë apo garza të qepura vetë me dorë, nga drejtoria përkatëse, ju lutem ky informacion të shpërndahet në të gjithë stafet e qendrave shëndetësore.
Pra, mbrojtja që ka siguruar qeveria e ka rrahur gjoksin, ne kemi dëgjuar zëvendëskryeministrin duke thënë se ne kemi miliona maska, kemi gjithçka. Edhe Kryeministri që përsërit të njëjtën gënjeshtër dhe ekspozon njerëzit para rrezikut thotë ‘Siguroni maskat në kushte shtëpie duke përdorur materiale të ndryshme si çarçaf.’. Çdo qytetar e kupton fare mirë se çfarë do të thotë, që I sugjerohet personelit mjekësor që të marrë dhe të presë çarcafët, t’I presë copa copa, t’I bashkojë dhe të mbrojë veten. Ky nivel I ruajtjes së personelit shëndetësor përpara një pandemie e cila ka tronditur botën, besoj dhe ky mesazh është një arfakt nga më të rëndët dhe tashmë, nga ky moment, nga kjo foltore, si mjek dhe jo si Nënkryetari i LSI-së e kam ndjerë veten kurrë më keq se sa kur kam lexuar një mesazh të tillë se si kolegët e mi, të dekadave në këtë punë ndodhët të tillë për shkak se autori I koncensioneve dhe I rrugëve të florinjta njëzet e disa milionëshe, nuk paska disa thërrime nga këto miliona për t’I shpenzuar që këta militues të mbrojtjes së shëndetit, në vijë të parë të jenë minimalisht të mbrojtur nga një pandemi që e thash edhe një herë tjetër, ka tronditur globin anë e mbanë. Gjithsesi, apeli ynë dhe demaskimi që I bëjmë ka vetëm një qëllim, pozitiv dhe konstruktiv. Të sigurohet një situatë kontrolli e plotë, të sigurohen të gjithë mjetet mbrojtëse, të sigurohen respiratorët e domosdoshëm dhe të mos ketë hezitim këtu për këtë çështje. Të sigurohet gjithashtu sa më parë edhe tamponët e domosdoshëm në mënyrë që ISHP të mund të bëjë punën e tij e t’u themi shqiptarëve në mënyrë të qartë se cili është projeksioni I kësaj pandemie? Deri kur kjo pandemi do të vazhdojë të rritet? A ka ndalur? A ka moment rënje? Të orientojmë në këtë mënyrë psikologjikisht edhe shqiptarët që të jenë më të qetë për këtë çështje. Të kuptojnë se cila është tendenca e kësaj gjëje, të çlirohen nga stresi, frika dhe paniku që mund të jenë të pa nevojshme. Duke respektuar gjithmonë rregullat shumë të forta higjeno-sanitare por ama të jenë të qetë që ashtu siç po përballemi me një problematikë të vështirë dhe do të dalim nga kjo problematikë. E fundit, gjithashtu edhe biznesi të projektojë të ardhmen e punëve të tij pas daljes nga kjo traumë shumë e rëndë jo vetëm mjekësore por edhe ekonomiko-sociale.
Bilanci i COVID-19 në Shqipëri tashmë ka zbritur në 58 të prekur, pasi pacienti i parë u shërua plotësisht. mes 58 të infekturve, dy persona kanë ndërruar jetë. Viktima e parë me COVID-19 u shënua në spitalin e Durrësit, ku humbi jetën një 73-vjeçare. Po kështu, 9 prej të infektuarëve janë mjekë dhe infermierë, një nga Spitali i Durrësit dhe të tjerët nga spitali “Shefqet Ndroqi”. Vatra e të infektuarve është zgjeruar në Tiranë, Rrogozhinë, Elbasan, Durrës, Lushnje, Fier. Jeta në vend është paralizuar thuajse totalisht, nuk ka transport publik, është ndaluar lëvizja me makinë apo me këmbë, si dhe shumë vende punë janë mbyllur. Në shërbim të shtetit do të jenë edhe spitalet private gjatë periudhës së emergjencës dhe kush nuk bindet do ketë gjobë deri në 5 milionë Lekë. E vetmja këshillë e përbashkët e institucioneve dhe mjekëve është që qytetarët të qendrojnë në shtëpi dhe të kenë sa më pak kontakte me të tjerët.
(A.B. Dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Partia Demorkatike me anë të ish-deputetes, Albana Vokshi ka reaguar për masat e mara nga qeveria për të përballuar situatën e COVID-19. Në një rea...
TIRANË– Ministrja e Arsimit, Besa Shahini ka prezantuar një platformë për nxënësit, ku mund të mësojnë kodimin.Me anë të një statusi në Facebook, Shahini k...
TIRANË– Kryeministri Edi Rama ka shtrënguar masat për të gjithë qytetarët që nuk i janë bindur “shtetrrethimit”. Kreu i qeverisë njofton se nga nesër dalja...
TIRANË– Kryeministri i vendit, Edi Rama në një intervistë ekskluzive për News 24 sqaroi publikisht një nga cështjet më të debatuara të momentit, rritjen e ...
TIRANË- Kryeministri Edi Rama iu bën thirrje të gjithë tregtarëve të mos abuzojnë me çmimet e produkteve për shkak të kërkesës së lartë nga qytetarë...
Tiranë– Presidenti i vendit, Ilir Meta ka falënderuar të gjithë gjithë gazetarët, reporterët e terrenit, operatorët. të cilët në këto ditë të vështira janë në k...
GJERMANI- Anulimi i fluturimeve drejt Shqipërisë nga vendet evropiane për shkak të parandalimit të COVID-19, ka lënë në Gjermani, Agron Dukën. Aleati i PD dhe L...
Tiranë-Kryetari i Partisë Demokratike Lulzim Basha u ka shprehur ngushëllmet familjarëve të 66-vjeçarit, që humbi jetën pasi u infektua me koronavirus. B...
TIRANË– Ministrja e Arsimit, Besa Shahini ka publikuar mëngjesin e sotëm lëndët dhe oraret në të cilat pritet që të transmetohen leksionet për arsimin fill...
TIRANË- Kryeministri Edi Rama sot në mbrëmje ka shpërndarë një videon e nismës që ka nisur sot për të ndihmuar familjet që ndodhet në çadra, pasi të...
