Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
TIRANË– Presidenti Ilir Meta ka vlerësuar me dekoratën ‘Nënë Tereza’, themeluesin e Urdhrit të Infermierit të Shqipërisë, z.Sabri Skënderi.
Në një ceremoni të mbajtur në ambientet e Presidecës, Meta vlerësoi sot themeluesin e Urdhrit të Infermierit të Shqipërisë, z.Sabri Skënderi me Dekoratën e lartë “Nënë Tereza”, me motivacionin: “Për humanizmin, sakrificat dhe devotshmërinë e treguar ndër vite në shërbim të shumë jetëve njerëzore; për punën e bërë për rritjen e nivelit profesional dhe standardit të kujdesit ndaj pacientëve, në krye të infermierëve shqiptarë”.
Presidenti Meta mbajti edhe një fjalë përshëndetëse pas dekorimit teksa shtoi se puna e infermierëve në këtë kohë pandemie, duhet vlerësuar. Sipas Presidetit, Skënderi është shquar në punën e tij për humanizmin e thellë, profesionalizmin, devotshmërinë dhe sakrificat në shërbim të shumë jetëve njerëzore.
Fjala e Metës
Është një moment i veçantë të vlerësoj sot në kushtet e një pandemie që ka përfshirë vendin tonë, por dhe mbarë njerëzimin, një prej infermierëve më të përkushtuar, të kujdesit shëndetësor shqiptar, z.Sabri Skënderi. E vlerësova këtë propozim të Shoqatës së Urdhrit të Infermierit të Shqipërisë, për ta parë dekorimin e Zv/Presidentit të saj, si një pasqyrim të punës së madhe që është kryer për ndryshimin pozitiv, të kujdesit infermerior në Shqipëri dhe rritjes së standardit të kujdesit ndaj pacientit drejt kërkesave të kohës. Në këto arritje të organizatës suaj padyshim një rol të dalluar ka kontributi, aftësia organizuese dhe sjellja etiko-profesionale e z.Sabri Skënderi. Ai është shquar në punën e tij për humanizmin e thellë, profesionalizmin, devotshmërinë dhe sakrificat në shërbim të shumë jetëve njerëzore. Në aktivitetin e tij të pandërprerë ka lënë gjurmë të pashlyeshme kudo që ka punuar, në krahinën e Frashërit, Dangëllisë e të Përmetit, por edhe në QSUT, duke merituar shumë tituj e dekorata nga përfaqësuesit e qeverisë vendore. Z.Skënderi punoi dhe kontribuoi ndër vite në mbrojtje të të drejtave të kolegëve të vet, duke e konsideruar profesionin e infermierit si një mision fisnik të rëndësishëm. Në vitin 1998 bashkë me miqtë e tij infermierë, krijoi dhe udhëhoqi Shoqatën e Infermierëve Shqiptarë, një organizatë kjo elitare e infermierëve shqiptarë që solli ndryshime cilësorë në kujdesin shëndetësor dhe rritjen e nivelit profesional të infermierëve. Sot roli, kontributi dhe zëri i infermierëve është prezent dhe më shumë se i kërkuar se kurrë. Pavarësisht shkallës së ulët të shpërblimit, aktiviteti i tyre është i pazëvendësueshëm në shpëtimin dhe shërimin e mijëra pacientëve. Dekorimi i një prej infermierëve të shquar si z.Sabri Skënderi me dekoratën e lartë ‘Nënë Tereza’, vjen sot edhe si një mesazh solidariteti, inkurajimi dhe mbështetje për të gjithë infermierët dhe mjekët shqiptarë, në përballjen e tyre me një nga viruset më të rrezikshëm që ka goditur njerëzimin, pandeminë COVID-19. Ne sot më shumë se kurrë kemi nevojë për përkushtimin, pasionin, sakrificën dhe profesionalizimin e bluzave të bardha. Shoqëria shqiptare është e vetëdishme për mundin, lodhjen psikologjike dhe fizike, si dhe sakrificën e tyre të përditshme. Ata më shumë se kurrë kanë nevojë për solidaritetin tonë si shoqëri dhe në radhë të parë për ndihmën e shtetit, për më shumë ilaçe, logjistikë mbrojtëse, ambiente dhe fonde mbështetëse. Në kushtet e përkeqësimit dramatik të situatës së COVID-19, do të duhet një rillogaritje force, burime financiare dhe një rivlerësim tërësor i situatës dhe masave të marra në raport me të. Asgjë nuk është më e shtrenjtë se sa jeta dhe shëndeti i qytetarëve tanë. Të gjitha kapacitetet dhe potencialet tona njerëzore, organizative dhe financiare, do të duhet të vihen në shërbim të tejkalimit të kësaj situate që po kolapsin gradualisht sistemin tonë të shërbimit ndaj pandemisë. Të nderuar pjesëmarrës uroj që vlerësimi dhe nderimi për z.Sabri Skënderi, të shkojë për të gjithë Urdhrin e Infermierit të Shqipërisë dhe të jetë një motivim më shumë për të gjithë anëtarët e tij, që punojnë dhe sakrifikojnë në shërbim të mijëra jetëve njerëzore. Urime dhe fjalët më të mira për infermierët dhe mjekët tanë. Shëndet, paqe, lumturi për ju dhe çdo familje shqiptare! Falemnderit!”
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANE- Kryeministri Edi Rama e ka quajtur një qendrim politik, atë të Holandës për të mos i hapur dritën jeshile Shqipërisë për hapjen e negociatave. Gjatë bas...
TIRANE– Kryeministri Edi Rama e ka cilësuar këtë një proces “super”, rindërtimin. Gjatë bashkëbisedimit me gazetarët, Rama tha se cilësia e ndërtimit është evro...
TIRANE– Partia Demokratike nëpërmjet ekspertit për Ekonomi Dorian Teliti ka akuzuar Ramën në lidhje me rindërtimin e shtëpive të dëmtuara nga tërmeti i 26 nënto...
TIRANE- Publikisht të dyja palët shfaqen më të tensionuara se kurrë më parë, por në errësirë raportet vazhdojnë. Kjo duket se është loja e “maces me miun” mes k...
TIRANE– Kryeministri Edi Rama u pyet sot disa orë para nisjes së zgjedhjeve presidenciale në SHBA se cili është kandidati i tij i preferuar. Gjatë bashkëbisedim...
TIRANE- Kryeministri Edi Rama i kushtoi një deklarim të gjatë fjalimeve të kryetares së LSI-së, Monika Kryemadhi dhe presidentit Ilir Meta. Rama i quajti sharla...
TIRANE– Kryeministri Edi Rama njoftoi se Ministria e Shëndetësisë, nuk numëron testimet e kryera në spitalet private. Rama tha se shumë shpejt do të kemi edhe t...
TIRANE– Kryetarja e LSI-ës Monika Kryemadhi tha gjatë bashkëbisedimit të saj me gazetartë se Meta mban distancë sociale e se është kritikuar nga ai për mos mbaj...
TIRANE- Kryeministri Edi Rama e ka quajtur “shpifje”, “gënjeshtër”, dhe “injorancë” deklaratën e kryetares së Lëvizjes Socialiste për Integrim, për ndërtimin në...
