Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
TIRANË– Dekada më parë, regjimi komunist në Shqipëri i mësoi shqiptarëve se ata duhej të ishin gati të hanin edhe thjesht bar me qëllim që Partia e Punës të ruante pushtetin e saj. Shprehja ishte: “Populli shqiptar han bar dhe dorën nuk ia shtrin armikut”! Një shprehje e tij nuk ka se si të tingëllojë veçse absurde sot: armiku të cilit i referohej diktatori, ishte bota demokratike, para së gjithash, Shtetet e Bashkuara të Amerikës.
Dhe në atë që Yuri Kim e quan ironi historike, ajo sugjeron që Partia Demokratike, forca e parë anti-komuniste në vend, “të mos hajë bar” për interesat e një njeriu të vetëm, pra Berishës. Fabula e Kim duket se lidhet me kërkesën e përsëritur të ndërkombëtarëve që Partia Demokratike në opozitë të ndjekë rrugën institucionale parlamentare dhe jo si në të shkuarën, të bojkotojë parlamentin dhe të bëjë protesta të dhunshme në rrugë.
“Partia Demokratike ka luajtur një rol të pazëvendësueshëm, për ta nxjerrë këtë vend nga komunizmi, për ta çliruar nga diktatura,” deklaroi ambasadorja pasi u takua me udhëheqësin e demokratëve Lulzim Basha, ndërsa Partia Demokratike gjendet nën dilemën nëse duhet të ndjekë politikën konvencionale parlamentare apo të rifillojë politikën e tensionimit dhe konfliktit në rrugë.
“Do të ishte një ironi historike por edhe një tragjedi për vendin, jo vetëm për partinë, nëse partia do të hante bar për hir të interesave personale të një njeriu,” vijoi Yuri Kim, një referencë jo shumë e fshehtë për ish-drejtuesin e demokratëve Sali Berisha, të cilit ndjekësit i referohen shpesh si “lideri historik” por që amerikanët e kanë shpallur “person të përfshirë në korrupsion madhor”. [Link deklarata]
Sali Berisha, ish-kryeministër dhe ish-president, u shpall i padëshirueshëm dhe iu ndalua të hyjë në SHBA bashkë me familjarët e tij në maj, pak javë pasi socialistët fituan zgjedhjet parlamentare për herë të tretë. Demokratët janë në debate të brendshme nëse duhet të shpallin zgjedhjet thjeshtë të papranueshme dhe të nisin protesta në rrugë, një politikë e njohur e udhëheqësit të tyre të mëparshëm Sali Berisha, apo të ndjekin një politikë konvencionale të opozitarizmit parlamentar. Ndërkombëtarët në përgjithësi dhe Shtetet e Bashkuara në veçanti kanë bërë të qartë kërkesën që PD të kthehet në parlament. Megjithatë ambasadorja Yuri Kim pranoi se demokratët kanë shqetësime konkrete në lidhje me zgjedhjet e 25 prillit ndërkohë që hetimet për të dënuar krimet e mundshme zgjedhore deri më sot nuk duket se janë shumë intensive.
“Kuptoj që PD dhe të tjerë kanë shqetësime në lidhje me zgjedhjet e 25 prillit dhe të gjithë e dimë që ato shqetësime janë pasqyruar në raportin përfundimtar të nxjerrë nga ODIHR. Do të jetë jashtëzakonisht e rëndësishme dhe e nevojshme që institucionet përkatëse t’i trajtojnë ato shqetësime në mënyrë kuptimplotë,” deklaroi ambasadorja.
Raporti i OSBE/ODIHR kritikoi qeverinë për abuzime me burimet shtetërore por aktualisht nuk dihet të ketë hetime për krime të tilla. Ambasadorja Yuri Kim u takua me Bashën mesditën e të premtes dhe deklaroi pas takimit se PD “do të rikthehet në parlament në shtator”. Vetë Basha nuk bëri deklaratë pas takimit. Sali Berisha e konsideroi deklaratën e Yuri Kim një fyerje për demokratët.
“Unë dua ti rikujtoj Zonjës ambasadore se ke gabuar rëndë me barin që iu përmende demokratëve,” tha Berisha.
“Shprehja juaj se PD nuk mund të hajë bar është një fyerje për çdo demokrat dhe për çdo shqiptar, të cilët, citate të ngjashme i kanë dëgjuar vetëm në diktaturë apo nga racistë albanofobë,” shtoi ai.
Partitë politike shqiptare, si PD ashtu edhe PS, kanë zgjedhur rregullisht bojkotin e institucioneve të vendit në përpjekje për ta bërë qeverisjen të pamundur për palën tjetër. Në vitet ’98-2003, demokratët në opozitë ishin vazhdimisht jashtë parlamentit ndërsa socialistët e Edi Ramës bënë të njëjtën gjë gjatë viteve 2005-2013 kur ata ishin në opozitë.
Demokratët nën drejtimin e Bashës duket se e çuan në ekstrem këtë politikë të tensionimit në vitin 2019, kur vendosën jo thjeshtë që të mos merrnin pjesë në jetën parlamentare, por edhe të dorëzonin mandatet e deputetëve. Një seri protestash, disa prej të cilave, të dhunshme, sollën presion në rritje nga ndërkombëtarët dhe në veçanti nga SHBA.
Iftar dhe politikë, a u prek Muaji i Ramazanit nga politikanët?
TIRANË- Ish-kryeministri Sali Berisha ka komentuar takimin e djeshëm të Kryeministrit Edi Rama, homologut të tij Zoran Zaev dhe Presidentit serb Aleksandër...
TIRANË– Ish-kryeministri Sali Berisha ka deklaruar se gratë dhe kunetërit e ministrave aktualë kanë në duar të gjithë Reformën në Drejtësi. Në një intervis...
TIRANË– Ministrja Elisa Spiropali i ka konsideruar si një Opozitë brenda Partisë Socialiste denoncimin e fortë të bërë nga Petro Koçi për tend...
TIRANË– Ish-kryeministri Sali Berisha nuk ka pranuar aspak se po vë në pozitë kryedemokratin Lulzim Basha me prezencën e tij në Parlamentin e tij në ...
TIRANË– Ish-kryeministri Sali Berisha ka treguar se nuk do ta braktisë Kuvendin edhe nëse salla do të zbraset ditën e parë të punimeve për shkak të p...
TIRANË– Ish-kryeministri Sali Berisha i është drejtuar ambasadores së SHBA-ve Yuri Kim dhe i ka thënë se ‘barin’ që përmendi sot, mund t’jua ç...
TIRANË– Ish-kryeministri Sali Berisha ka deklaruar prerë se nuk do të tërhiqet nga vendimi për tu bërë pjesë e Parlamentit të ri në muajin shtator. N...
TIRANË– Ish-kryeministri Sali Berisha nuk i ka ndalur akuzat ndaj filantropit George Soros. Në një intervistë për OraNews, Berisha tha se Soros i ka ...
TIRANË– Ish-kryeministri Sali Berisha tha se vendimi i tij për tu futur në Kuvend është marrë nga qytetarët shqiptarë që e kanë votuar.Në një intervistë pë...
TIRANË– Presidenti Ilir Meta ka shprehur rezervën e tij lidhur me veprimtarinë e Këshillit të Lartë Gjyqësor dhe Kuvendit të Shqipërisë në lidhje me ...
