Berisha: Dosjen e Lindave të AKSHI-t e ka mbyllur përfundimisht Rama, Gys Agasi ka bërë masakër në kadastër ...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
TIRANË– Kryeministri Edi Rama duket se fushatën elektorale po e zhvillon kundër presidentit Ilir Meta. Sot i ka dedikuar më shumë se një orë nga fjala e tij në Asamblenë e Partisë Socialiste. Gjithçka nisi me ftesën e kreut të shtetit për një debat publik, të cilës Rama iu përgjigj se duhet ta zhvillonte fillimisht me bashkëshorten e tij, Monika Kryemadhi për të ndarë se kush ishte kreu i LSI-së.
“Meta, Luli dhe Monika më duan në debat. Iliri njëherë ta bëjë debatin me Monikën kush është kryetar i LSI-së. Se që punon fshehurazi është fakt.”
Më pas, Rama iu rikthye akuzave se presidenti takohej skutave me persona me precedentë kriminalë dhe se sfidës së tij për të publikuar prova, iu përgjigj se videot nuk do t’i publikojë pasi nuk është detyra e tij.
“Iliri do video, unë me video nuk merrem. Nuk më intereson fare. Se kërkon video për skutat ku futet. E sigurtë që s’ka president në botë, as Saliu që ishte partiak, as ka pasur dhe nuk ka për të pasur më që dergjet skutave për të bërë fushatë kundër qeverisë. Dhe kë takon nëpër skuta ai e di vetë. Fakti që futet lart e poshtë, nëpër kthesa e mbikalime është kriminale.”
Nga këtu, kreu i qeverisë iu rikthye debatit mes ministres së tij, Elisa Spiropali dhe presidentit Meta lidhur me dekorimin e figurave të shquara të vendit. Me ironi, Rama tha se së shpejti Meta do të dekorojë edhe Skënderbeun duke shtuar së donte më shumë Margarita Tutulanin se bashkëshorten e tij, Monika Kryemadhi.
“Del thotë jam me Margarita Tutullanin. Mes Monikës dhe Margaritës ka ndryshim shumë të madh. Do i japi Skënderbeut me urdhërin Nënë Terezës. Ku do shkojë, i mori varrezat me radhë. Mendoj që mendon si mund të hipë në ndonjë tank. Tragji-komedi dhe turp,”-shtoi Rama.
Mesa duket presidenti e ka ndjekur në kohë reale fjalimin e Ramës, duke mos ia kursyer replikën. Në postimin e tij në Facebook, Meta shkruante se donte më shumë Tutulanin pasi kryetarja e LSI-së braktisi Kuvendin.
“O shoku thirri mendjes! Unë e dua më shumë Margaritën se Monikën! E di pse? Se Monika braktisi Parlamentin kundër dëshirës dhe vullnetit tim, ndërsa Margarita në moshën 16-vjeçare shkruante në hartim: “Më pyet shpesh vëllai më i vogël: Motër përse na duhet Atdheu? Dhe unë i përgjigjem: Atdheu na duhet që të jemi të lirë! Nuk ka Atdhe në botë pa Dëshmorë dhe Heronj o Spiropalist ordiner! LAVDI DËSHMORËVE DHE HERONJVE TË ATDHEUT,”-shkruan Meta.
Më pas Meta reagoi sërish, duke adresuar akuzat për krijimin e LSI-së, të cilën Rama e konsideroi si një kancer që rritet në kurriz të partive të mëdha për të marrë sa më shumë pushtet: O shakaxhinjtë e integrimit! Unë nuk bëj aktrime me historinë e kombit tim dhe familjes time! As politikë për vota o palaço dhe të pa Atdhe! Unë kam lindur në Çepan, 1000 metra mbi nivelin e detit dhe u jam shumë mirënjohës prindërve të mi. O ordinerë, shtëpia ku linda unë në 24 mars 1969 ishte spital partizan për Jugun e Shqipërisë. Në këtë shtëpi erdhën dhjetëra partizanë, pa këmbë e pa krahë. Në themelet e kësaj shtëpie edhe sot është gjaku i tyre. Unë isha ndër udhëheqësit e Lëvizjes Studentore, por kurrë nuk e vura në diskutim gjakun e tyre. Se gjaku nuk bëhet ujë o hajdutë ordinerë! Jam Ilir Meta dhe përballë do më keni gjithmonë!
Ndërkohë që reagimet nga Meta duket se u “qetësuan” në një deklaratë për shtyp nga selia e LSI-së doli Monika Kryemadhi. Pasi analizoi gjithë fjalimin e tij, duke nisur nga largimi i të rinjve nga Shqipëria, Kryemadhi me batutë iu përgjigj kryeministrit duke u shprehur se e kishte përmendur emrin e saj më shumë seç Ilir Meta i kishte shprehur dashurinë.
“Aq herë sa e ka përmenduar emrin tim, s’më ka thënë Meta të dua në jetën time”. është shprehur ajo.
Por komentet e Kryemadhit, kreu i qeverisë nuk i ka kthyer ende përgjigje pasi ka qënë i “zëvë” duke e krahasuar veten me heroin kombëtar, Skënderbeun. Mesa duket edhe vetë Rama ka nisur të besojë krahasimin që ministrja Elisa Spiropali i bëri disa kohë më parë.
“Ilir mos e mërzit Elisën se kur të dekorosh Skënderbeun në kulmin e luftës për liri s’ke kujt tjetër t’ia dorëzosh medaljen, se Lulit i takon ajo e Hamzait, Saliu e ka hallall atë të Ballabanit dhe Monës i bie medalja e e Teutës së Ilirisë që bini edhe kushërinj nga llagapi!”
Reagimet nga të dy palët nuk kanë të ndaluar dhe mesa duket parashikimi i Ramës po rezulton i vërtetë: Kjo fushatë do të jetë interesante!
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Kryeministri Edi Rama ka krahasuar veten e tij me heroinë kombëtar, Gjergj Kastrioti Skënderbeu. Me anë të një statusi në Twitter, Rama me ironi sh...
Një nga tre drejtuesit e fushatë së Partisë Socialistë në Tiranë Ervin Bushati ka folur në studion e ABC News me gazetarin Endri Xhafo pas asamblesë së PS e cil...
TIRANË– Nënkryetari i PD, Edi Paloka i është përgjigjur Edi Ramës pasi ky i fundit në Asamblenë Kombëtare që ëështë zhvilluar ditën e sotme tek Amfit...
TIRANË- Pas Asamblesë Kombëtare të Partisë Socialiste që u zhvillua ditën e sotme tek Amfiteatri, kryeministri Edi Rama ka zgjedhur të darkojë me disa nga...
TIRANË- Kryeministri Edi Rama pas fjalimit të gjatë 2 orësh tek Amfiteatri i Liqenit të Tiranës ka gjetur pak kohë dhe për relaks për veten.Në një video që...
TIRANË- Ministri i Jashtëm në detyrë Gent Cakaj ka folur për herë të parë pas deklaratës së ministrit të Jashtëm të Holandës, se Shqipëria do të ndahet në ...
TIRANË– Pas dy orësh fjalim në Asamblenë e Partisë Socialiste, kryeministri Edi Rama qëndroi edhe për një prononcim për gazetarët. Në fjalën e tij, Rama th...
TIRANË- Kryetarja e Lëvizjes Socialiste për Integrim, Monika Kryemadhi ka dalë në një deklaratë për mediat pas mbarimit të mbledhjes së Asamblesë Kombëtare...
TIRANË– Kryetarja e Lëvizjes Socialiste për Integrim, Monika Kryemadhi ka dalë në një deklaratë për mediat pas mbarimit të mbledhjes së Asamblesë Kombëtare...
TIRANË– Monika Kryemadhi ka reaguar pas përfundimit të Asamblesë së Partisë Solicialiste. Në një deklaratë për mediat ndër të tjera Kryemadhi i është...
