E rëndë në Maliq/ Vritet polici gjatë operacionit për kapjen e një personi në kërkim, plagoset dhe një tjetër (EMRAT)
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Ngjarja në Maliq/ Zbardhen edhe identitetet e efektivëve 4 Qershor, 08:49 E rëndë në Maliq/ Vritet p...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
SERBI- Tre vende e Ballkanit Perëndimor Shqipëria, Serbia dhe Maqedonia e Veriut kanë dalë në një deklaratë të përbashkët për përfundimit të takimit për nismën Open Balkan. Në deklaratë bëhet me dije se zgjerimi i kësaj nisme nga vendet e tjera të Ballkanit Perëndimor është i hapur, ndërkohë që u theksua rëndësia e krijimit të një këshilli Ndërministror. Në deklaratë gjithashtu është përmendur mos hapja e negociatave nga ana e Bashkimit Evropian, për të cilën nga Open Balkan shihet si një dështim i BE-së
Deklarata e Plotë:
E ardhmja e zgjerimit – një këndvështrim nga rajoni. BE-ja dhe shtetet e saj anëtare, së bashku me partnerët nga rajoni, rikonfirmuan mbështetjen e tyre pa asnjë dyshim për perspektivën e Ballkanit Perëndimor, në Samitin e Brdos më 6 tetor. Ballkani Perëndimor theksoi përkushtimin dhe angazhimin e rajonit ndaj vlerave europiane dhe normave demokratike, ndaj rëndësisë parësore të demokracisë, të drejtave themelore dhe shtetit të së drejtës. Megjithatë, kapaciteti i diskutueshëm i BE-së për të integruar anëtarë të rinj, debatet e brendshme midis vendeve anëtare të BE-së dhe marrëdhëniet dypalëshe kanë penguar përparimin real të rajonit drejt BE-së.
Në letër, politika e zgjerimit mbetet aktive. Në praktikë, sidoqoftë, ka një zhgënjim në rritje mes qytetarëve të rajonit, lidhur me perspektivën në BE. Përveç kësaj, rajoni ka paguar kosto të larta për vonesat në perspektivën e tij në BE. Maqedonia e Veriut është shembulli konkret i dështimit të Bashkimit Europian në mbajtjen e premtimeve të tij. Qeveria e saj bëri sforco të mëdha për të plotësuar kushtet e Brukselit, por vetëm sa e gjeti veten të izoluar dhe u la të përballej me pasojat e vendimeve të BE-së. Dobësimi i perspektivës së integrimit europian kërcënon të na lërë më të paintegruar se kurrë. Kjo është një ndjenjë që e bashkëndajnë në mbarë rajonin.
Ndërkohë që BE-ja po harton strategji të reja dhe me ndikim mjaft të gjerë, rajoni po përpiqet dëshpërimisht të zbatojë ato ekzistuese. Edhe pse shohim që rruga jonë drejt BE-së nuk po ecën me ritmin e pritshëm, ne mbetemi të angazhuar të arrijmë standardet e BE-së dhe të ngushtojmë hendekun ekonomik me BE-në. Ne nuk mund ta lejojmë këtë spirale negative të kërcënojë vetë themelet e së ardhmes dhe mirëqenies së rajonit. BE-ja po ecën përpara, ndërsa rajoni ka ngecur në dilemat e vetë BE-së.
BE-ja duhet të eksplorojë të gjitha rrugët për përparimin e integrimit të Ballkanit Perëndimor në periudhën që i paraprin anëtarësimit, krah angazhimeve të saj për një zgjerim me faza, siç parashikohet në metodologjinë e re. Në përputhje me këtë, do të ishte me dobi që ta përfshinte rajonin në zhvillimin e politikave tregtare e tatimore të BE-së, si mekanizmi përshtatjes së kufirit të karbonit dhe garancitë për çelikun, për të përmendur vetëm disa prej tyre. Po ashtu, ne mund të eksplorojmë mundësinë që Ballkani Perëndimor të përjashtohet nga masa të ndryshme erga omnes të politikës tregtare. Ne mund të parashikojmë përfshirjen e universiteteve tona në Zonën e Arsimit të Lartë dhe Kërkimit Shkencor të BE-së, duke ofruar kështu një shans të barabartë për pjesëmarrjen në programet e specializuara, të hulumtimit dhe novacionit të BE-së. Në të njëjtën kohë, bujqësia jonë ka shumë nevojë për fonde, ndërkohë që ka një potencial të jashtëzakonshëm për t’u zgjeruar dhe për t’i ofruar prodhime me cilësi të lartë tregut të BE-së.
Kjo mund të parandalojë ndikimin negativ në stabilizimin dhe performancën ekonomike të rajonit. Ne besojmë se është në interesin e vetë BE-së të ndihmojë dhe të promovojë një rajon me besim dhe prosperitet. Më tej, së bashku, ne mund të eksplorojmë pjesëmarrjen në Schengen dhe integrimin progresiv në tregun e përbashkët të BE-së. Bota sot po ndryshon shpejt. Është koha të veprojmë dhe me vendosmëri. Nuk mund të lejojmë e as nuk do të na falin për mundësitë e humbura, vetëkënaqësinë dhe mungesën e vendosmërisë për të arritur një vizion strategjik. Na duhet të kuptojmë më mirë njëri-tjetrin, nëse do të duam të arrijmë rezultatet më të mira. Nëse dikush mendon se duhet të veprojmë tani, tani ishte dje. Për këtë arsye, theksuam sot vendimin për thellimin e bashkëpunimit ekonomik në kuadrin e nismës “Ballkani i hapur”, duke ndërtuar punën mbi agjendën e Procesit të Berlinit, duke u përqendruar te zbatimi i shpejtë dhe i përshtatur.
Kemi angazhuar Dhomat e Tregtisë në këtë përpjekje dhe i kemi ngarkuar të përgatitin një Udhërrëfyes të detajuar për zbatimin e Memorandumit të Mirëkuptimit për lehtësimin e importeve dhe eksporteve në Ballkanin Perëndimor, nënshkruar më 29 korrik, në Shkup. Kemi miratuar Udhërrëfyesin për zbatimin e masave për lehtësimin e tregtisë sot dhe i kemi kërkuar CIF-së të monitorojë procesin e zbatimit më tej. Po kështu, kemi vendosur të krijojmë një Këshill Ndërministror, i cili do të punojë ngushtë me Dhomat për zbatimin e këtyre masave. Ballkani Perëndimor është gati të ecë përpara me hapa të përshpejtuara. Ai duhet të ecë përpara. Po kështu duhet të ecë edhe BE-ja – drejt Ballkanit Perëndimor. Të ndenjurit duarlidhur nuk është alternativë. Ne i ftojmë dhe i mirëpresim të gjithë të tjerët në rajon të bashkohen me ne. “Ballkani i hapur” është i hapur.
LAJM KRYESOR:‘Open Balkan’! Tre liderët: Pas 18 muajsh lëvizim lirshëm, të na bashkohen të tjerët
(I.A/dosja.al)
Cila mendoni se është alternativa më e mirë:
TIRANË- Gjykata Kushtetuese rrëzoi sot padinë e Shoqatës së Bashkive për 30 qershorin, duke legjitimuar zgjedhjet vendore. Në një lidhje me Skype në edicio...
TIRANË – Kreu i grupit parlamentar të PS-së Taulant Balla në emër të Partisë Socialiste ka reaguar lidhur me vendimin e sotëm të Gjykatës Kushtetuese...
TIRANË- Lëvizja Socialiste për Integrim në Komisionin e Shëndetësisë dhe Çështjeve Sociale që ka hapur ka nisur të analizojë projektbuxhetin e vitit...
TIRANË- Kryeministri Edi Rama ka bërë me dije se paga minimale në Shqipëri do të të rritet me 20 mijë lekë që nga muaji Janar, i vitit të ardhshëm. Gjatë r...
TIRANë- Fotot e mësipërme janë kapur nga seanca e sotme parlamentare. Plot sharm dhe stil, në veshjet e zonjave e Kuvendit shihet mbizotërimi i ngjyrës së zezë ...
TIRANË– Deputeti i Partisë Demokratike është përplasur me ministren e Arsimit Evis Kushi. I pranishëm në Kuvendin e Shqipërisë, Boçi komentoi ...
TIRANË– Projektligji për Bashkëqeverisjen ka marrë sot OK-n nga kuvendi i Shqipërisë. Mësohet se me 73 vota pro dhe 42 kundër kjo nisma ka kaluar në ...
BEOGRAD– Kryeministri Edi Rama tha se e vetmja gjë që e bën të jetë pjesë e nismës Open Balkan janë interesat e Shqipërisë. Gjatë konferencës së përbashkë...
BEOGRAD– Kryeministri Edi Rama ka ironizuar homologun e tij në Kosovë, Albin Kurti. Në bashkëbisedimin që po zhvillonte me gazetarët shqiptarë në Beograd,...
BEOGRAD– Kryeministri Edi Rama është shprehur se Serbia duhet t’i kërkojë falje Kosovës, por kjo gjë duhet të vijë e fundit, pas dialogeve. I pranis...
