6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Vrasja e efektivit të Policisë në Korçë, Kuvendi nis me një minutë heshtje 4 Qershor, 10:22 ...
Vrasja e efektivit të Policisë në Korçë, Kuvendi nis me një minutë heshtje 4 Qershor, 10:22 ...
Ngjarja në Maliq/ Zbardhen edhe identitetet e efektivëve 4 Qershor, 08:49 FOTO/ Ja kush është polici q&e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
TIRANË- Presidenti i Republikës, Ilir Meta ka bërë një përpjekje të dështuar për grusht shteti, duke ç’dekretuar datën e zgjedhjeve, me shpresë se mund të fusë Shqipërinë në rrugë pa krye, duke tërhequr zvarrë qeverisjen e vendit, nxitjen e kaosit dhe varrosjen e reformës në drejtësi.
Akti i ç’dekretimit të datës së zgjedhjeve nga presidenti, nuk është as kompetencë kushtetuese, as e drejtë, dhe as e ligjshme. Ajo është vetëm një kontribut i institucionit të Presidentit, në përpjekje për të krijuar një kolaps në Republikën që drejton, një molotov nga Ilir Meta mbi Republikën.
Vendimi i presidentit është NUL dhe është një akt i pazbatueshëm. Akti i tij është në shkelje të Kushtetutës dhe shumica parlamentare ka përgjegjësinë të mbrojë Kushtetutën dhe Republikën, dhe jo Ilir Metën.
Këtu mbaron efekti kushtetues i Aktit të Ilir Metës.
Vet kryeministri Rama, përveçse të deklarohet politikisht, nuk ka nevojë të ndërmarrë veprime të tjera kundër, pasi procesi i zgjedhjeve kryhet në përputhje me ligjin dhe askush nuk e ndal dot. Thejsht aktin e Ilir Metës e injoron dhe e lë në kuti postare.
Zgjedhejt organizohen nga KQZ dhe vëzhgohen nga misioni i ODHIR-OSBE, mision i cili nuk vihet në lëvizje nga presidenti i Republikës, por nga instrumenta të tjera, që kanë të bëjnë me mbikqyrjen e zgjedhjeve.
I vetmi kuriozitet që kam si gazetar për aktin e presidentit, është vetëm klima në të cilën ai e ka marrë këtë vendim. Me kë u konsultua, kush ja parashtroi rreziqet kushtetuese, kush i tha që Shqipëria do të marrë flakë dhe në finale, me cilin kryetar të grupeve parlamentare u takua.
Kur caktoi datën e zgjedhjeve thirri në takim Taulant Ballën, Edi Palokën, Petrit Vasilin etj. Tani duhet t’i thërriste përsëri formalisht.
Konsulta vetëm me Monikën dhe Lulin nuk është konsultë politike, por plan lufte kundër shtetit.
Nëse presidenti i Republikës kërkon vërtetë t’u jap një mesazh shqiptarëve se gjendja është e padurueshme, ai duhet të bëjë atë që bëri gruaja e tij, të djegë mandatin e presidentit dhe të dalë në rrugë.
Ai nuk mund të jetë dhe në rrugë, dhe në zyrë njëkohësisht.
Në gjithë karrierën e shkurtër si president, ai ka tentuar të përdorë pushtetin për të futur institucionet në kolaps. Në këtë rast po përpiqet të fusë në kolaps qeverisjen vendore.
Më parë ka tentuar të fusë në kolaps qeverinë qëndrore me mosdekretimin e ministrave. Një herë tjetër tentoi të fuste në kolaps institucionet e reja të drejtësisë, me mos hedhjen e shortit për KED.
Përpjekja e tij e fundit për të futur në kolaps pushtetin vendor duhet të zbrapset me vendosmëri. Data e fundit për pushtetin vendor është 30 qershori dhe mandatet e kryebashkiakëve i ka në dorë populli, dhe jo presidenti. Ato përtërihen vetëm me zgjedhje, dhe me jo me dekrete presidenti.
E vetmja vlerë e aktit të Ilir Metës, është se u bë pak para se të fillojë protesta e opozitës, e cila kishte paralajmëruar dhunë. Të trembur nga reagimi i ashpër amerikan dhe europian, Akti i Ilir Metës ka vlerë vetëm se justifikoi zbythjen e opozitës nga protesta e sotme.
Për asgjë tjetër nuk vlen. Shtetet e Bashkuara të Amerikës përmes zyrtarit më të lartë për rajonin, i bënë të qartë me emër Lulzim Bashës dhe Monika Kryemadhit, se do të ishin përgjegjës për çdo akt dhune të sotëm.
Ilir Meta i shpëtoi sot Lulzim Bashën dhe Monika Kryemadhin, duke mos i futur në listën e zezë të SHBA, pasi bëjnë sikur gëzohen për dekretin e Metës dhe nuk hedhin molotov.
Por druaj se Ilir Meta ka futur veten në listën e zezë të presidentëve të Shqipërisë, si i vetmi president që po tenton të destabilizojë shtetin në emër të interesave të tij.
Prej sot Shqipëria nuk ka më opozitë dhe pushtet, por njerëz që mbrojnë shtetin dhe talebanë që duan ta rrëzojnë atë.
Ilir Meta është sot kreu në detyrë i talebanëve shqiptarë.
Kreu shpirtëror i talebaneve shqiptarë, Sali Berisha, është strukur në shpellë. Të dy bashkë ata i kanë shpallur sot luftë shtetit shqiptar dhe aleatëve të tij të mëdhenj, SHBA dhe vendeve të Bashkimit Europian. Nuk do ta fitojnë!
(Marrë nga TemA.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- “Bild” trazoi dhe njëherë ujërat e trubullt në politikën shqiptare. Dhe pse të gjithë i prisnin këto përgjime, të gjithë u kapën të papërgatitur. E...
TIRANË- Në Janar të këtij viti grupi grek, OTE, njoftoi shitjen e bijës së tij në Shqipëri Telekom Albania tek kompania bullgare Albania Telecom Invest. Si...
Vetëm pasi ke dëgjuar përgjimet e publikuara këtë të mërkurë nga gazeta gjermane “Bild”, e kupton se përse ajo e quajti Shqipërinë një shtet gangsterësh. Të pes...
Kur e pashë foton e Ismailit me Visarin, postuar në rrjetin social nga Botuesi i Kadaresë, Bujar Hudhri, ku Zhiti është fiksuar duke ia ndezur cigaren Kadaresë,...
Ka ndodhur kur kam qënë në klasën e shtatë. Isha 13-14 vjeç,ende fëmijë. Kishim shfaqje për mësuesit se ishte 7 mars. Do e jepnim tek palestra mbushur pl...
TIRANË- Kam shkruar disa herë këto javët e fundit për sigurinë ushqimore. Jo për të krijuar panik, as për të “mallkuar” prodhimin vendas. Por në përpjekje ...
Në skenat e para të filmit të Danis Tanović, “Toka e askujt”, (film që ka fituar Oscar), i cili i vendos ngjarjet në Bosnje gjatë luftës së viteve 1992-1995, nj...
Skenat e djeshme do mbeten gjatë në memorien e shqiptarëve, pse jo dhe të të huajve që kanë pasur mundësi për t’i parë. Pas një proteste paqësore para kryeminis...
Tërmetet nuk mund të parashikohen, por si mund të mbrohemi?Shqipëria është një nga vendet me sizmicitetin më të lartë në Europë. Vendi ynë bën pjesë në Ballkan ...
Mbreti Diell që rrezaton dhe njerëzit që i rrinë përreth me synimin për të marrë pak nga drita e tij. Egografia e një despoti!Gjatë gjithë jetës sonë post-dikta...
