Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
TIRANË– Deputetët e Partisë Demorkatike kërkojnë largimin e Lulzim Bashës nga posti i kryetarit! Të gjithë me radhë kanë shprehur zhgënjimin e tyre nga drejtuesi i PD-së pas humbjes së thellë në zgjedhjet e 6 marsit, ku PD-ja nuk mori asnjë bashki. Zhgënjimet u panë që në nisje të mbledhjes së grupit parlamentar të PD-së, rreth orës 16:30. Në hyrje të selisë blu, i pari që dha koment ishte deputeti Ervin Salianji, i cili e konsideroi të tmerrshme këtë ditë. Pas tij, u fut Kreshnik Çollaku që nuk bëri komentet, ndërsa kreu i grupit, Enkelejd Alibeaj kërkoi që gazetarët të mos e pengonin e t’i hapnin rrugën. Nënkryetarja e PD-së, Grida Duma kërkoi që të mbahej përgjegjësi. E ndalur në hyrje të selisë blu para gazetarëve, Duma tha se kjo situatë ishte dëshpëruese. Vetë Basha nuk e pranon humbjen! Edhe para deputetëve njësoj si para kamerave tha se ai nuk kishte humbur asnjë betejë, por që zgjedhjet e 6 marsit ishin vjedhur. Madje demokratëve u tha se zgjedhjet e djeshme ishin një kurth që PD-ja të ishte e detyruar të merrte pjesë.
Por, kjo deklaratë konsiderohet si fyerje nga ana e demokratëve. Deputetët Dashnor Sula e Ferdinand Xhaferraj kanë kërkuar që Basha të largohet nga posti i kryetarit dhe të hapë partinë. Pas tyre, ka ardhur edhe qëndrimi i ashpër i deputetes Ilda Dhori. Kjo e fundit tha se duhet të ishin demokratët ata që duhet të zgjidhnin personin që i bashkon dhe jo që i përçan. Deputeti Helidon Bushati ka shkuar më tej dhe ka kërkuar një kongres pajtimi për tu bërë bashkë me kolegët e koalicionit ‘Shtëpia e Lirisë’. Sipas tij, Basha e Berisha janë përgjegjës për shkatërrimin e PD-së. Ai që nuk ka duruar dot më ka qenë Agron Gjekmarkaj. Nënkryetari i PD-së ka dhënë dorëheqje nga çdo funksion drejtues në parti dhe është shprehur se kërkon të mbetet një deputet i thjeshtë. Pas tij, ka dhënë dorëheqjen edhe Indrit Vokshi, anëtar i Këshillit Kombëtar të PD-së.
Por, pavarësisht replikave, sipas Bashës, rrugët janë vetëm dy, ose të rrinë bashkë e të riorganizohen, ose të lënë partinë në duart e ish-kryeministrit Sali Berisha. Ky i fundit nuk ka qëndruar i heshtur mes këtyre debateve të replikave. Berisha është shprehur i hapur për tu bërë bashkë me deputetët e PD-së, madje duke mos përjashtuar as vetë Bashën. Sipas tij, Basha, e vetmja gjë që duhet të bëjë, është të njohë votën e lirë e të mos e konsiderojë kurth. Në zgjedhjet e pjesshme lokale të 6 marsit, PS ka fituar pesë bashki, Lushnjen, Vorën, Rrogozhinën, Durrësin e Dibrën. Shkodra është e vetmja që ka zgjedhur kandidatin nga “Shtëpia e Lirisë”, Bardh Spahia. PD, këto zgjedhje rezultatin më të mirë e ka në Rrogozhinë, ku kandidati i tij ka dalë në vend të dytë, pas socialistit fitues.
DEBATET E PLOTA:
Lulzim Basha: 6 marsi ishte kurth pas 8 janarit dhe ne u vendosem para detyrimit për të marrë pjesë në zgjedhje.
Ferdinand Xhaferri: Jam me i vjetri dhe me eksperience, s’kam ambicie por përgjegjësi për PD. Berisha s’është zgjidhje dhe e ka mbyll me PD por ti na ke fyer kur thua skam humb asnjë gare. Duhet te largohesh si kryetar.
Dashnor Sula: Cila është zgjidhja kryetar? Se kështu mund të na thuash përsëri. Si i jep zgjidhje? Ke përgjegjësi ti dhe ne. Nuk na beson më asnjë kështu.
Ilda Dhori: Duhet të ikësh, duhet të hapet gara në PD. Berisha e ka mbyll. Duhet të zgjedhin demokratet cili na bashkon.
Helidon Bushati: Nuk e kuptoj deklaratën tënde. Duhet të jemi përtej egos, e shkatërruat PD ju dhe Berisha. Duhet kongres pajtimi. Të bashkohemi. Duhet të gjithë ne këtu dhe kolegët tanë të Shtëpisë së Lirisë të kalojmë përtej egove personale për të mirën e PD. T’i hapet rruga zgjedhjeve. Duhet kongres pajtimi me pjesëmarrjen e të dy rrymave ku për të mirën e përgjithshme disa duhet të bëjnë një hap prapa
Lulzim Basha: Dy rrugë ka. Ose rrimë bashkë e bëjmë riorganizim ose ja dorëzojmë Sali Berishës. Synimi Berishës është ta marrë PD për tu mbrojtur nga non grata
Grida Duma:Tani para se të na drejtohesh ne me pyetje kam ynë një pyetje për ty: A ndjen ti kryetar përgjegjësi morale personale për këtë humbje?! Lideri në një parti politike është 90 % dhe numrat dy, tre apo 27 çfaredo të bëjnë nuk e zëvendësojnë dot as përmirësojnë dot liderin. Dëgjova që e nisët fjalën tuaj kryetar duke thënë ose me mua ose këtu do t’ju vijë Sali Berisha. Sali Berisha duke dashur t’ju mundë ju, mundi Partinë Demokratike. Në këtë garë për shkak të luftës midis Sali Berishës dhe jush humbi Partia Demokratike. Në këtë betejë ne bëmë gjithçka të mos e bënim betejën Berisha kundër Bashës por nuk e evituam dot. Ju thoni sot këtu “o të jem unë ose këtu do jetë Sali Berisha” pra o unë o askush nuk mundet. Ç’ka do të thotë që kulti i individit që po luftojmë është edhe më i rrënjosur. Nese doni te jeni i sinqerte vertete ju keni humbur shume beteja, dhe nga ky pranim nis zgjidhja. Nese doni te jeni i sinqerte beni pyetjen troç. Ka dy pyetje të mundshme qe mund te na besh. E para: Ju lutem behuni me mua te gjthe qe une te mbaj partine demokratike se keshtu dua une si individ. Pyetja tjeter eshte: Si do bejme qe pertej meje te ngreme partine demokratike per vete Partine Demokratike. Cilen pyetje po na drejtoni te paren apo te dyten?,”- mësohet të ketë thënë Duma.
Ramadan Lika: Nuk të kam kërkuar kurrë gjë dhe të kam kthyer Koplikun si fitues, jam gati të dorëzoj mandatin. Duhet zgjidhje, thua që nuk kemi humb, si nuk kemi humb jemi shkatërruar. S’duhet të dalim pa vendim që këtu
Oriola Pampuri dhe Arbër Agalliu: Mos ta kërkojmë përgjegjësinë vetëm te Lulzim Basha, ne e dinim që do ishin zgjedhje kurth
Lefter Gështenja: Duhet te beni nje hap pas ju i pari pastaj me rradhe te gjithe, ne menyre qe te bashkohen demokratet ne baze. Nuk mund te vazhdohet me keshtu, duhet reflektim i thelle nga te gjithe, nga ju i pari, duhet te sakrifikojme te gjithe qe te shpetojme PD. Nese na dhimset vertete PD duhet ta bejme sot se neser do jete vone. Ju duhet te beni nje hap pas qe te bashkohen demokratet. Sot demokratet jane te ndare. Drejtuesit e partise nuk dalin ne terren jane larguar nga strukturat e PD shkojme vetem per fushata, nuk mund te vazhdohet keshtu. Nuk e kam parë kurrë PD si “lopë për ta mjelë”, por përkundrazi kam dhënë shume e s’kam kërkuar për të marrë gjë mbrapsht nga PD
Elda Hoti: Duhet guxim, kemi turp nga familjaret. Dua të të tregoj realitetin, te kam thëne gëzoj respekt për ty dhe do te mbështes por tani po vihet ne diskutim dinjiteti. Nuk te pranojnë!
Xhelal Mziu: Zoti Basha, zgjedhjet u humbën. Ju keni përgjegjësi dhe duhet të jepni dorëheqje!
Kasem Mahmutaj: Duhet një garë e hapur, të gjejmë kush e bashkon nëpërmjet zgjedhjeve. Ne mund të flasim gjithë natën por këtij debati i jep fund vota.
ZHVILLIMET ORË PAS ORE:
Mahmutaj-Bashës: Duhet garë e hapur, debatit i jep fund vota
Xhelal Mziu-Bashës: Jep dorëheqjen, je përgjegjës për humbjen
Elda Hoti-Bashës: Kemi turp nga familjaret, po vihet në diskutim dinjiteti
Gështenja-Bashës: Reflekto, ti i pari, PD nuk është lopë për ta mjelë
Pampuri dhe Agalliu i dalin në krah Bashës: Mos ta kërkojmë përgjegjësinë e humbjes tek ai
Ramadan Lika-Bashës: Jam gati të dorëzoj mandatin, jemi shkatërruar
Ngrihet edhe Grida Duma, i drejtohet Bashës: A ke përgjegjësi për humbjen, na mundi Berisha
U tërhoq nga funksionet në PD, Gjekmarkaj:Të ngrihet një komision për zgjedhje të brendshme
Pas Gjekmarkajt, jep dorëheqjen një tjetër person në Partinë Demokratike
Vetëm 2 rrugë! Basha: Ose rrimë bashkë e riorganizohemi, ose ia dorëzojmë PD-në Berishës
Bushati kërkoi pajtim! Berisha hap krahët: Të rikthehemi në AND-në e Partisë Demokratike
Dorëhiqet Gjekmarkaj, largohet nga funksionet partiake në PD
PROPOZIMI nga PD: Të pajtohemi me Berishën e kolegët tanë!
Basha s’heq dorë: Zgjedhjet m’i vodhën! Deputetët: Largohu, ke përgjegjësi (Plani nesër)
Xhaferri kërkon largimin e Bashës në mbledhje: Na ke fyer, ik!
Basha nuk bën hapa pas: 6 marsi ishte kurth!
VD-PD humbëse në çdo bashki, Bardhi: Betejë e jashtëzakonshme, sa erdha nga Lushnja
VIDEO- PD humbëse në çdo bashki, Alibeaj: Hapni rrugën, mos më pengoni…
PD humbëse në çdo bashki! Shpërthen Grida Duma: Kryetari të mbajë përgjegjësi
VIDEO-MOMENTI/ Salianji pas fitores së Spahisë në Shkodër: Ditë e tmerrshme
Zero komente nga PD! Pas Salianjit, shmanget dhe Çollaku: Kemi mbledhje….
Bardh Spahia merr Shkodrën! Salianji futet në heshtje në seli, u kthen shpinën kamerave
(k.m/f.m/dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
LEZHË– Aleksandër Deda, 43 vjeç, i ka shpëtuar mbrëmjen e sotme një atentati me armë zjarri. Mësohet se ngjarja e rëndë ka ndodhur në Lezhë. P...
TIRANË– Kuvendi i Shqipërisë është mbledhur sot në një seancë ku është votuar projektrezoluta në mbështetje të Ukrainës dhe dënimit të agresionit rus...
TIRANË– Gjatë 24 orëve të fundit ka pasur vetëm 1 viktim nga Covid-19 në Shqipëri. Ky është përditësimi i fundit që vjen nga Ministria e Shëndetësisë, e ci...
SHKODËR– Partia Socialiste ishte e sigurtë që do ta merrte edhe Bashkinë e Shkodrës, ende pa nisur numërimi i votave. Dosja.al ka siguruar një video ...
TIRANË– Komisioni Qendror i Zgjedhjeve ka zyrtarizuar kandidatët fitues për të gjashtë bashkitë e vendit ku u zhvilluan zgjedhjet një ditë më parë. N...
TIRANë- Detaje të reja kanë dalë në dritë nga ngjarja e rëndë në Tiranë, ku 25-vjeçari Ajet Sina plagosi nënën e tij Sofie Sina. Mësohet se Sina ka kisht...
TIRANË– Komisioni Hetimor për Inceneratorët prezantoi ditën e sotme dy raportet përfundimtare për hetimet. Kryetarja e Komisionit, Jorida Tabaku prez...
SHKODËR– Bardh Spahia, kandidat i koalicionit “Shtëpia e Lirisë” është fitues i zgjedhjeve në Bashkinë e Shkodrës! Me një diferencë më shumë se dy mi...
TIRANË- Autoriteti Rrugor Shqiptar u ka bërë thirrje drejtuesve të mjeteve që të bëjnë kujdes, pasi në rrugët kanë probleme. Me anë të një postimi në Faceb...
DURRËS– Partia Socialiste ka fituar edhe Durrësin! Kandidatja e PS, Emiriana Sako numëron 39.090 vota duke shënuar një diferencë të thellë me vendin ...
