Opozita kërkon Ramën në Kuvend/ Zvërneci bëhet temë dite në seancën plenare, Berisha: Rama u vuri protestuesve topat e ujit. Balla: Projekti do bëhet
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
FOTO/ Ja kush është polici që u vra në krye të detyrës në Maliq 4 Qershor, 09:06 Vrasja e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
TIRANË– Partia Demokratike ka reaguar sërish lidhur me operacionin “Shpirti”, i cili u finalizua pak ditë më parë nga Prokuroria e Posaçme dhe homologët italianë. Pas deklaratës së kryedemokratit Lulzim Basha, sot ka ardhur një tjetër reagim nga selia blu nëpërmjet deputetit të zgjedhur Enkelejd Alibeaj. Në deklaratën e tij për shtyp, Alibeaj tha se çdo lëvizje, përfshirë edhe fikjen e radarëve, është bërë me “bekimin” e kryeministrit Edi Rama.
“Fatkeqësisht, ndryshe nga sa deklaroi policia, shoqëruesit e Tahirit Agustin Deda dhe Hekuran Marku, nuk janë nën arrest. Arsyet për këtë janë të vetëkuptueshme. Arrestimi i tyre ekspozon Tahirin dhe Ramën. Ky mashtrim i kryer për të mbrojtur urdhëruesit e kanabizimit të vendit, nuk është as i pari dhe as nuk do të jetë i fundit. Por përsëri koha do t’i jap të drejtë Partisë Demokratike, sikurse na ka dhënë të drejtë për një tjetër mashtrim publik, atë të radarëve. Të tre mashtruan për fikjen me porosi të radarëve. Sikurse dëshmon hetimi i antimafias italiane, radarët e një shteti anëtar të NATO-s janë fikur në shërbim të trafikut të drogës dhe fikja e tyre shpërblehej me 15 mijë euro. Përballë hetimit të nisur nga Antimafia Italiane, Rama hesht. Hesht sepse çdo gjë që ka ndodhur në vitet e kanabizimit të Shqipërisë është bërë me lejen e Edi Ramës,”-thuhet ndër të tjera në deklaratën e PD-së.
DEKLARATË E PARTISË DEMOKRATIKE, ENKELEJD ALIBEAJ
Operacioni i nisur nga Antimafia Italiane ka konfirmuar edhe njëherë se kanabizimi i vendit, kthimi i Shqipërisë në Kolumbinë e Europës, ishte një projekt ogurzi nëpërmjet të cilit regjimi që sot mban peng Shqipërinë, kriminalizoi policinë, duke e kthyer në rojtare të parcelave të kanabisit dhe punëtorë krahu për ngarkimin e gomoneve me drogë, kriminalizoi institucionet, kriminalizoi ekonominë me pastrimin e parave të drogës dhe shkatërroi në mënyrë sistematike zgjedhjet, duke përdorur paratë e pista për të blerë vota. Më shumë se 1 mijë e 400 herë Partia Demokratike ka denoncuar Saimir Tahirin për lidhjet me organizatat kriminale dhe trafikun e drogës. Po kaq herë Saimir Tahiri është mbrojtur nga Edi Rama si “kampion i luftës ndaj krimit”. Koha na dha të drejtë. Sot para syve të shqiptarëve dhe botës mbarë, falë operacionit të Antimafias Italiane, shohim përsëri se pas kushërinjve të Saimir Tahirit, që me bekimin e ministrit dhe me makinën e tij trafikuan miliona euro hashash dhe se milionat eurove përdoreshin për blerjen e zgjedhjeve, radhën për të tronditur opinionin publik e kanë shoqëruesit e Saimir Tahirit. Veprimet e tyre dëshmojnë se si, me urdhër politik, i gjithë shteti ishte vendosur në shërbim të trafikut të drogës, nga mbrojta e parcelave, te ngarkimi i gomoneve deri te fikja e radarëve. Fatkeqësisht, ndryshe nga sa deklaroi policia, shoqëruesit e Tahirit Agustin Deda dhe Hekuran Marku, nuk janë nën arrest. Arsyet për këtë janë të vetëkuptueshme. Arrestimi i tyre ekspozon Tahirin dhe Ramën. Ky mashtrim i kryer për të mbrojtur urdhëruesit e kanabizimit të vendit, nuk është as i pari dhe as nuk do të jetë i fundit. Por përsëri koha do t’i jap të drejtë Partisë Demokratike, sikurse na ka dhënë të drejtë për një tjetër mashtrim publik, atë të radarëve. Të tre mashtruan për fikjen me porosi të radarëve. Sikurse dëshmon hetimi i antimafias italiane, radarët e një shteti anëtar të NATO-s janë fikur në shërbim të trafikut të drogës dhe fikja e tyre shpërblehej me 15 mijë euro. Përballë hetimit të nisur nga Antimafia Italiane, Rama hesht. Hesht sepse çdo gjë që ka ndodhur në vitet e kanabizimit të Shqipërisë është bërë me lejen e Edi Ramës. Nëse nuk do të ishte kështu, Rama nuk do të kishte votuar në Parlament për të mos i dhënë leje prokurorisë për të arrestuar Saimir Tahirin në vitin 2017. Nëse nuk do të ishte kështu, Rama nuk do të kërcënonte, transferonte, hiqte nga puna dhe burgoste oficerët e policisë që denonconin lidhjet e politikës me trafikun e drogës, si në rastin e Dritan Zaganit. Nëse nuk do të ishte kështu, pra nëse kryeministri nuk do të lejonte që me urdhër politik shteti të kthehej në një ndërmarrje të prodhimit të hashashit, Shqipëria e vogël nuk do të renditej e para në Europë dhe e gjashta në Botë për prodhimin e hashashit, sikurse tregojnë edhe raportet e Organizatës së Kombeve të Bashkuara. Nëse nuk do të ishte kështu, Edi Rama nuk do të lejonte pastrimin e parave të drogës në përmasat e tmerrshme që ka marrë në Shqipëri, duke kapur shifrën 1.6 miliardë euro pikërisht në vitet e lulëzimit të kanabisit në mbarë vendin, sikurse tregon raporti i Nismës Globale kundër Krimit të Organizuar Ndërkufitar. Për çdo shqiptar e vërteta është fare e qartë, asgjë nuk ka ndodhur pa lejen e Edi Ramës. Kësaj të vërtete nuk mund t’i shmanget as SPAK, i cili duhet të hetojë sa më parë përfshirjen e ministrave, zyrtarëve të lartë dhe vetë Edi Ramës në projektin politik të kanabizimit të vendit dhe dorëzimin e Shqipërisë në duart e trafikantëve të lidhur me politikën. Partia Demokratike ka denoncuar me fakte se modeli i regjimi i ndërtuar nga Edi Rama i ka rrënjët te fushat e kanabisit, te trafiku i drogës, te futja e kriminelëve në politikë dhe te vjedhja e zgjedhjeve në bashkëpunim me krimin. Ne nuk jemi dorëzuar përballë këtij regjimi, në nuk do dorëzohemi deri ne çmontimin e tij! Prandaj, bashkë me shumicën e shqiptarëve dhe me ndihmën e partnerëve ndërkombëtar, ne do vazhdojmë të luftojmë me gjithë forcën tonë zhbërjen e këtij modeli që shkatërron institucionet dhe me paratë e krimit vret demokracinë.
Nga hetimet e operacionit “Shpirti” që çoi në pranga 38 persona, në kërkim janë shpallur edhe dy shoqëruesit e ish-ministrit të Brendshëm, Saimir Tahiri, Paul Deda dhe Hekuran Marku. Të dy, dyshohet se kanë qenë në krye të këtij rrjeti të trafikut të drogës nga Shqipëria në Itali, por deri më tani asnjë prej tyre nuk ka pranuar përfshijen në grupin kriminal. Edhe pse në mungesë, sot për ta GJKKO vendosi masën e sigurisë “arrest me burg”.
(k.m/dosja.al)
Iftar dhe politikë, a u prek Muaji i Ramazanit nga politikanët?
BUDAPEST– Busti i Skënderbeut u vendos sot edhe në parkun Városliget të Budapestit. Me një ceremoni zyrtare, që ndryshoi për herë të parë Presidencën e Shqipëri...
BUDAPEST– Kryetarja e Lëvizjes Socialiste për Integrim, Monika Kryemadhi, është shfaqur sot për herë të parë, që prej periudhës së zgjedhjeve parlamentare...
TIRANË– Ambasadori i Bashkimit Europian, Luigi Soreca dhe Kreu i SPAK, e kanë fokusin e qartë: Duan zyrtarë të lartë të dënuar! Soreca dhe Kraja ishi...
TIRANË- Në qershor, prokurorët në Shqipëri i dorëzuan një dosje Komisionit Qendror të Zgjedhjeve, e cila tregonte se një kryebashkiak i zgjedhur në 2019 nu...
TIRANË– Ish-kryeministri Sali Berisha dhe bashkëshortja e tij Liria, festojnë ditën e sotme 50-vjetorin e kurorëzimit të tyre me martesë. Kjo datë e sotme,...
KRUJË– Për herë të dytë, kryeministri Edi Rama bën të njëjtin gabim! Njësoj si me rastin e Velipojës, nga ku kreu i Qeverisë uroi një mëngjes të mbarë me f...
TIRANE- Aleanca për Teatrin depozitoi një kallëzim në SPAK (Prokuroria e Posaçme), ku kërkojnë arrestimin e kryebashkiakut të Tiranës, Erion Veliaj. Juri...
TIRANË– Kryeministri Edi Rama ka publikuar ditën e sotme disa nga përfitimet që fermerët kanë marrë falë skemës së mbështetjes me naftë pa akcizë, pa...
TIRANË– Kryedemokrati Lulzim Basha reagon për operacionin “Shpirti”, ku sipas autoriteteve hetuese të përfshirë kanë qenë edhe dy shoqëruesit e ish-ministr...
TIRANË– Vizita e zv.ndihmës sekretarit për Europën në Departamentin Amerikan të Shtetit, Philip T. Reeker në Tiranë ka trazuar “ujërat e politikës”. Mbërri...
