Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
TIRANE– Ish-deputetja demokratike Grida Duma ka reaguar për rastin e Manjolës dhe Alesio Cakonit të cilët humbën dy familjarë të tyre në tërmetin e ndodhur më 26 nëntor të vitit të shkuar.
Duma në një postim të bërë në ‘Facebook’ shkruan se Edi Rama po jep shfaqje në mes të mortit dhe se qeveria e tij po fshihet nga tarifat që duhet të mbulojë. Ajo ironizon pjesën që ju thuhet familjarëve se nëse do kishte ndërruar jetë një person i tretë atëherë do mund ta kishin përfituar pensionin.
Në shkrimin e saj, ish-deputetja rikujton se Rama e mori Alesion e vogël dhe e dërgoi në Itali aty ku takoi idhullin e tij, bëri foto që sipas saj, të gjitha këto veprime janë vetëm për show dhe reklamë.
‘Manjola e pagoi vetë tarifën e varrimit’- shkruan Duma duke akuzuar qeverinë e Ramës se po hesht e se duhet të japë përgjigje jo vetëm për rastin e Manjolës dhe Alesios por për jetën e të gjithë shqiptarëve.
Statusi i plotë:
“Moj zonjë a desha unë të jetoj para fëmijës sim?! Jo! Zoti më la”.
Këto janë fjalët që vijojnë të të buçasin si çekan në mendje pasi dëgjon rrëfimin e një nëne që ka humbur vajzën e bashkëshortin nga tërmeti dhe një burokratuce administrate i thotë: “ ti nuk e meriton pensionin, e kanë marrë ata që kanë tre viktima, ti ke vetëm dy viktima”.
Vetëm dy viktima! Vetëm dy!
Pra po thoshte, duhet të të kish vdekur dhe një i tretë që të përfitosh pension!
Pensioni i jetës sipas qeverisë qenka një paketë treshe apo katërshe viktimash.
Vdekje në paketë përkundrejt një pensioni!
Ky është cinizmi më i rëndë që mund të gjesh në çfarëdo lloj qeverisje. Përfiton pension nëse ke vdekje në paketë treshe.
Makabritet!
Çdo fjalë e kësaj gruaje që shfaqet e jashtëzakonshme në qëndrim dhe forcë, godet me mprehtësinë që ka tehu i një thike të mprehur pas shpine.
Nënë e bir, janë të qartë që jetën e familjarëve nuk ia ka marrë natyra por qeverisja.
Historia e Manjola Cakonit dhe e të birit Alesios, duhet dëgjuar e ridëgjuar sepse përmbledh fatkeqësisht thelbin e jetës së shqiptarëve nën qeverisjen e Ramës.
Tërmeti i Nëntorit i mori jetën babait dhe bijës 15 vjeçare, pasi në shtator godina kish marrë goditje të rënda dhe inspektorët megjithë verifikimit nuk i lajmëruan ata për rreziqet.
Qeveria i la banorët të jetonin po aty, pa asnjë paralajmërim.
Por nuk mbaron këtu; Rama i shfaqet “në derë”, që të bëjë një shfaqje me ta, në mes të mortit që u ra.
E merr Alesion e vogël, udhëton në Itali për të shkrepur fotot e takimit me futbollistë, Kronika bën bujën e show-t, ia servirin shqiptarëve, përfitojnë reklamën, e mënjëherë më pas… e harrojnë Alesion.
Fjalët Alesios sot, djalit 11 vjeçar që duhet të ishte ende fëmijë, dëshmojnë sa shumë e ka rritur atë fatkeqësia. Ai ftohtësisht qetë thotë: “Nuk ja u fal… ata nuk na thanë të mos banonim aty dhe humba babin e motrën. …Ishte bukur të takoje Ronaldon por unë doja më mirë një pension…. “
Kishin “në dorë” t’i shpëtonin por vendosën t’i lënë t’i zënë rrënojat, shqiptarë e fëmijë shqiptarësh. Kishin detyrë t’i ndihmonin, por shpenzuan taksat e shqiptarëve për udhëtime dhe foto reklamash për Ramën. E në fund u lanë një pu(su)llë si sllogan elektoral “ti s’do jesh vetëm”.
Manjola e familjarët paguan vetë edhe tarifën e varrimit. Manjola e familjarët u lanë të të prisnin në vetmi faturën e marketimit.
Prej orëve të paraditës së sotme , dëshmia e Manjolës dhe të birit vijon trondit shqiptarët.
Nga ai moment qeveria është fshehur! Nuk po gjen ende një strategji si ta mbulojë, si ta paketojë e ta varë në një çengel drejt opozitës këtë fakt makabër .
Qeveria fshihet, hesht sepse kjo është historia e pambulueshme e dhimbjes dhe fatkeqësisë të vërtetë të gjithë shqiptarëve që u qeverisën nga një paliaçadë reklamash, që nuk e ndaloi as respekti ndaj jetës e vdekjes.
Përgjegjësit e jetës së shqiptarëve duhet të ndëshkohen!
Ata nuk do të përgjigjen vetëm ndaj Manolës e Alesios, por ndaj jetës së seicilit që u degdis prej tyre.
Ata do duhet të përgjigjen shpejt, shumë shpejt përballë gjithë shqiptarëve.
(A.B)/Dosja.al
1 vit nga zgjedhjet e 25 prillit si e shikoni gjendjen e vendit:
TIRANË– Ministrja Elisa Spiropali, pas deklaratës së kryeministrit se askush në Partinë Socialiste nuk e ka vendin të sigurtë, është shprehur se të g...
ELBASAN– Pamjet që po shikoni vijnë nga qyteti i Elbasanit, aty ku kryebashkiakët socialist braktisën kompleksin “Rozafa”, ku u mbpdhën me kryeministrin Edi Ram...
ELBASAN– Kryeministri Edi Rama është treguar i prerë me kryebashkiakët socialistë. Gjatë mbledhjes në Elbasan, në kompleksin “Rozafa”, mësohet se Rama u ka dhën...
TIRANË- Kryeministri Edi Rama nuk ka të ndaluar! Pas takimit që me kryebashkiakët në Elbasan, Rama do të niset me urgjencë drejt kryeqytetit ku do të mbled...
ELBASAN– Kryebashkiakët socialistë kanë mbërritur ditën e sotme në kompleksin “Rozafa”, aty ku edhe pritet që të mblidhen kokë më kokë me kryeministrin Ed...
TIRANË- Partia Socialiste ka ndezur motorët për fushatën elektorale të vitit 2021, ku kryeministri e bëri të qartë në mbledhjen e grupit parlamentar të Par...
DEKLARATË E PARTISË DEMOKRATIKE, ERVIN SALIANJIArmiku i vërtetë i biznesit është Edi Rama, njeriu që pasi ka zbrazur arkën e shtetit nga babëzia për t...
SHBA- Shkëlzen Berisha, djali i ish-kryeministrit Sali Berisha nuk e ka fituar të drejtën për të marrë dëmshpërblimin prej 60 milionë dollarë nga gazetari Guy L...
