6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Fiks Fare denoncoi mbrëmjen e së hënës veprimet e përmbaruesit privat Lefter Canaj, i cili ka ekzekutuar një masë sigurie që nuk ishte caktuar nga gjykata. Në redaksinë e emisionit investigativ u ankua familja Gjini, e cila ka në pronësi një sipërfaqe toke në afërsi të Kishës së Laçit.
“Në vitin 2018, Kisha bën një padi në Gjykatën Administrative për pavlefshmëri të dokumenteve hipotekore. Procesi endet sa në shkallën e parë dhe të apelit dhe ende nuk ka një vendim të formës së prerë. Ndërkohë, pa u shqyrtuar çështja e themelit, pala kundërshtare bën një kërkesë për sigurim padie. Gjykata e Apelit Administrativ vendos në vitin 2018 që të pranojë pjesërisht këtë kërkesë, duke vendosur ‘të mos kryejë asnjë punim apo veprim mbi pronën objekt gjykimi’” thotë Preng Gjini, ndërsa shton se këtë vendim, Kisha e ka dërguar në Përmbarimin Shtetëror të Kurbinit. Ky përmbarim e ka ekzekutuar, duke e dërguar vendimin në Hipotekë dhe në Bashki. Pra, që mos të shitej prona dhe mos të ndërtohej në atë zonë. Por jo të ndalohej familja Gjini të ushtronte aktivitetin tregtar.
Familja Gjini thotë se në asnjë rresht të vendimit nuk ndalohet tregtimi i suvenirëve. Pasi janë të regjistruar. Kisha e tërheq dosjes nga përmbarimi shtetëror dhe ia çon përmbaruesit privat Lefter Canaj. Ky i fundit shkon te prona dhe i largon me forcë anëtarët e familjes Gjini, madje u heq edhe aktivitetin tregtar.
Sipas familjes, një nga anëtarët e trupit gjykues që ka dhënë vendimin për masën e sigurimit ka qenë z.Arjan Qafa. Fiks Fare siguroi një video të gjyqtarit (ish gjyqtarit, të larguar në 2020 nga vetingu) Arjan Qafa në zyrën personale të priftit të Kishës së Laçit, Marash Marinaj, para shënies së vendimit. “Video është bërë nga unë dhe takimi është realizuar para vendimit të Gjykatës Administrative. Mendoj se me ndërhyrje është dhënë një vendim i tillë. Unë e kam me dokumente. Nëse prona do të ishte e Kishës së Laçit, unë do e falja. Por nuk është në pronë të Kishës, s’ka lidhje me Kishën. Është në hyrje. Ekzekutimi i vendimit nga ana e përmbaruesit Lefter Canaj është i kundraligjshëm” thotë ai, ndërsa sipas një regjistrimi të veprimeve të përmbarimit, avokati i familjes i tregon z.Canaj edhe arsyetimin e vendimit, por ai nuk dënjon ta lexojë.
Pas ankesës, gazetarët interesohen fillimisht pranë Kishës së Laçit, ku asnjë përgjegjës nuk pranon të japë shpjegime apo intervistë. Ndërkohë, gazetarët insistojnë disa herë të takojnë përmbaruesin Lefter Canaj, por ai nuk pranon të japë shpjegime. “Përmbaruesi e ka të ndaluar të japë informacion palëve të treta si dhe medias” na komunikoi përmbaruesi nëpërmjet mesazheve.
Gjykata dhe përmbarimi shtetëror: Canaj tejkaloi vendimin e gjykatës
Pas përplasjeve mes përmbaruesit privat Lefter Canaj dhe familjes Gjini, Fiks Fare iu drejtua me një kërkesë zyrës së Përmbarimit Shtetëror në Kurbin. Në përgjigje, kjo zyrë thotë se fillimisht e kanë pasur ata dosjen për ekzekutim. Madje i janë drejtuar edhe Gjykatës Administrative për të interpretuar vendimin e sigurimit të padisë. “Në pjesën arsyetuese të vendimit dhe në dispozitiv nuk përcaktohet nëse shitja e suvenirëve mbi këtë pronë është një ndër masat e marra nga Gjykata. Dhe në këto kushte kjo gjykatë ka çmuar se nuk është në kushtet kur Zyra Përmbarimore Kurbin mund të kërkojë të urdhërohet kryerja e veprimeve të posaçme, kur titulli ekzekutiv për këtë nuk është i qartë” thotë Përmbarimi Shtetëror i Kurvinit.
Fiks Fare iu drejtua me një kërkesë edhe Gjykatës Administrative të Tiranës, duke i kërkuar nëse në vendimin e vitit 2018 ka qenë i drejtë largimi me forcë i familjes Gjini për të kryer tregti në atë pronë. Sipas përgjigjes, “është e dukshme se nuk është marrë në shqyrtim fakti i kryerjes së aktivitetit tregtar nga pala e paditur”. Gjykata Administrative e Apelit ka analizuar edhe vendimin e dytë, atë të saktësimit të vendimit të sigurimit të padisë. Në këtë përgjigje, ajo pohon se “Pala e paditur kishte detyrimin të mos kryheshin në pronën objekt konflikti, veprime që janë të lidhura me moskryerjen e punimeve, si dhe të veprimeve administrative apo juridike, në të cilat nuk përfshihet veprimtaria tregtare”.
Pra, përmbaruesi Lefter Canaj ka tejkaluar vendimin e gjykatës, duke ekzekutuar edhe një masë e cila nuk ishte dhënë nga gjykata!
Marre nga: TopChannel
(a.k.dosja.al)
1 vit nga zgjedhjet e 25 prillit si e shikoni gjendjen e vendit:
BRITANI E MADHE- Një 21-vjeçar shqiptar, i identifikuar si Elvis Keta është dënuar me një vit burg pasi u kap në një fermë droge me vlerë 27 mijë paund. ...
TIRANË– Unioni i Gazetarëve Shqiptarë ka kërkuar nga qeveria vaksinimin e gazetarëve dhe operatorëve me vaksinat anti-COVID. Duke listuar emrat e dis...
TIRANË– Sot është shënuar 13 vjetori i tragjedisë së shpërthimit në Gërdec, ku ndërruan jetë 26 persona dhe u plagosën qindra të tjerë. Sot pas 13 vitesh f...
GREQI-Një 22-vjeçar, emri i të cilit nuk bëhet me dije është arrestuar në Greqi, pasi dyshohet se ka sulmuar një oficer policie në protestën e Nea Smyrni...
Vaksina AstraZeneca është efikase dhe e sigurtë për t’u injektuar tek të gjithë personat mbi 18 vjeç. Vec organizmave zyrtare shendetësore europiane edhe...
Matthew Palmer, zëvendës ndihmës Sekretar i Shtetit dhe përfaqësues i posaçëm amerikan për Ballkanin Perëndimor, tha për Zërin e Amerikës se Shtetet e Ba...
BRITANI E MADHE- Artan Muça, 50-vjeçari i shpallur në kërkim ndërkombëtar për vrasje të dyfshitë, është prangosur nga Policia britanike. Artan Mu&...
TIRANË– 15 të vdekur dhe 543 raste të reja me koronavirus. Ky është bilanci i Covid-19 në Shqipëri gjatë 24 orëve të fundit. Ministria e Shëndetësis...
TIRANË– Mjekja endokrinologe, Varvara Lile ndodhet në gjendje të rëndë për jetën në Spitalin ‘Shefqet Ndroqi’ pasi është infektuar me koronavirus. Fa...
TIRANË– Shqipëria ka nisur vaksinimin me vaksinën “AstraZeneca” ndërkohë që shumë vende të Bashkimit Europian e kanë pezulluar, pasi kanë vënë re efekte an...
