Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Bardhi në shkrimin e tij ka pranuar që Hastopalli ka qenë pjesë e shtabit të PD-së, por ka theksuar se skandali i mbetjeve është denoncuar çdo ditë nga opozita, që prej ditës së parë kur u mësua mbi transportin e kontejnerëve drejt Tajlandës
TIRANË- Kompania turke “Kurum International” është kthyer në qendër të kritikave pas skandalit me dërgimin e mbetjeve toksike në ish-Kombinatin Metalurgjik të Elbasanit drejt Tajlandës. Kreu i grupit Parlamentar të Partisë Demokratike Gazment Bardhi ka akuzuar për këtë skandal, Portin e Durrësit dhe qeverinë shqiptare.
Ndërkohë që mediat pranë qeverisë kanë publikuar disa dokuemnte ku rezulton se drejtori i Shtabit Elektoral të Gazmend Bardhit në Elbasan gjatë zgjedhjeve të 2021, Lorenc Hastopalli, është administrator i kompanisë “Energy Resources” ose ish “Kurum Energy”, me aktivitet prodhimin dhe tregtimin e energjisë elektrike.
Pas këtyre lajmeve ka ardhur dhe reagimi i Gazment Bardhit me anë të një postimi në Facebook. Bardhi i quan sulmet të dirigjuara nga qeveria Rama dhe se po mundohen të fajësojnë opozitën për skandalin shtetëror të mbetjeve toksike. Bardhi në shkrimin e tij ka pranuar që Hastopalli ka qenë pjesë e shtabit të PD-së, por ka theksuar se skandali i mbetjeve është denoncuar çdo ditë nga opozita, që prej ditës së parë kur u mësua mbi transportin e kontejnerëve drejt Tajlandës.
Postimi i Plotë:
Humor bajat nga Balluk-mediat! Kompania “Kurum International” dyshohet se ka shkelur ligjin për mënyrën e përpunimit të mbetjeve të rrezikshme që prodhon. Autoritetet përgjegjëse dyshohen se kanë shkelur ligjin duke mosvepruar dhe duke lejuar eksportin e tyre jashtë territorit në shkelje të konventave ndërkombëtare. Qeveria dhe autoritetet përgjegjëse heshtin prej 3 javësh dhe nuk veprojnë duke mos bërë asnjë transparencë mbi këtë cështje, ndërkohë që skandali ka marrë përmasa kombëtare dhe ndërkombëtare.
Drejtuesi i Rrjetit të Aksionit të Bazelit, një organizatë ndërkombëtare prestigjoze, konfirmon për Zërin e Amerikës se “eksportimi i shpeshtë i këtij materiali nga Durrësi ngre dyshime që ai nuk vjen vetëm nga fabrika e Kurumit, pasi kjo fabrikë nuk është aq e madhe sa të prodhojë sasi kaq të mëdha të pluhurit EAF”. Por për Balluk-mediat, që nuk u intereson e vërteta, por manipulimi me propagandë i të vërtetës, fajin e ka opozita se ajo nuk ka vepruar, meqënëse një punonjës i një prej kompanive të rrjetit të shumtë të kompanive që ka Kurum në Shqipëri (pa asnjë lidhje me ish-Metalurgjikun ku prodhohen mbetje të tilla) ka qenë i angazhuar në Shtabin e fushatës së PD në Elbasan.
Pra për Balluk-mediat fajin nuk e kanë pronarët e komapanisë Kurum International që marrin përfitimet dhe mbrohen nga Qeveria, as institucionet përgjegjëse qeveritare që nuk veprojnë dhe lejojnë symbyllazi paligjshmërinë, por qindra e mijëra punonjës të kompanisë Kurum në gjithë Shqipërinë (kryesisht nga zona ime elektorale, Elbasani) që kanë vendosur të jetojnë me punë të ndershme në një kompani që ushtron aktivitet të licencuar nga shteti shqiptar. E vërteta është krejt e kundërta e kësaj që pasqyrojnë Balluk-mediat. Ka qenë opozita dhe vetëm opozita, përfshirë edhe mediat e pa kontrolluara nga “torta Belinda” dhe mafia e mbetjeve të rrezikshme që kontrollon Portin e Durrësit, që kanë kërkuar dhe kanë bërë transparencë për transportimin e paligjshëm të mbetjeve helmuese.
I mbetem besnik reagimit tim publik të datës 21 Gusht 2024, që nëse kompania “Kurum International” ka gënjyer për të mbuluar shkeljen e ligjit prej saj, kjo duhet të shoqërohet menjëherë me masa të forta ndëshkimi nga institucionet përgjegjëse. Sikurse i mbetem besnik qëndrimit tim publik të datës 28 Gusht 2024 që afera e trafikut ndërkombëtar të mbetjeve të rrezikshme toksike nuk mund të realizohet kurrë pa mbështetjen, mosveprimin apo symbylljen e autoriteteve shtetërore, si dhe që përgjegjësia, mosveprimi apo shkelja e ligjit nga kompani private të licencuara nga Qeveria nënkupton mosveprim dhe mungesë mbikëqyrje nga autoritetet shtetërore që kanë lejuar abuzimin e privatit.
I kuptoj Balluk-mediat kombëtare që nuk kanë dijeni për reagimet dhe qëndrimet e opozitës, dhe bëjnë lajme të rreme për heshtje të opozitës, sepse prej kohësh për interesa kriminale të lidhura me Qeverinë dhe aferat e saj, kanë vendosur të mos pasqyrojnë qëndrimet dhe reagimet e përfaqësuesve të opozitës, edhe pse janë transmetues mediatik me licencë kombëtare dhe rrjedhimisht shfrytëzojnë të drejta që konsiderohen pasuri publike. I ripërsëris se Grupi Parlamentar i Partisë Demokratike do të perdorë të gjitha mekanizmat e kontrollit parlamentar për zbardhjen e plotë të kësaj çështje, duke nisur me fillimin e sesionin parlamentar me kërkesën për interpelancë urgjente me Kryeministrin Edi Rama, për të bërë transparencë mbi veprimet dhe mosveprimet e të gjitha institucioneve shtetërore qeveritare për rastin, si dhe zbardhjen e plotë të kësaj çështje.
Sali Berisha TIRANA- Kreu i Partisë Demokratike Sali Berisha ftoi sërish qytetarët për të marë pjesë në protes...
Sali Berisha TIRANA- Kreu i Partisë Demokratike Sali Berisha foli sot për investimin në portin e Durrësit për të cilin t...
Sali Berisha TIRANA- Kreu i Partisë Demokratike, Sali Berisha, tha sot se në Shqipëri pasuritë kombëtare shndërrohen nga beki...
Sali Berisha TIRANA- Kreu i Partisë Demokratike, Sali Berisha,tha sot se në Shqipëri, në 8 vite, mjerimi si varfëri e skajshm...
Sali Berisha TIRANA- Kreu i Partisë Demokratike Sali Berisha deklaroi këtë mbrëmje se sot në Shqipëri banojnë vet&e...
Foto nga vendi i ngjarjes TIRANA- Përfundoi sot Konferenca e Ambasadorëve të Republikës së Shqipërisë “Diplo ...
Foto nga vendi i ngjarjes TIRANA- Deputeti i Partisë Socialiste, Erion Braçe, ka reguar lidhur me sherrin e pak ditëve më par&eu...
Nancy VanHorn dhe Altin Dumani TIRANA- E Ngarkuara me Punë e Shteteve të Bashkuara në Shqipëri, Nancy VanHorn, u takua sot me Drej...
Foto ilustruese TIRANA- Punonjësit e Policisë së Shtetit do të përfitojnë pagesat për orët shtesë në...
SHISH TIRANA- Inspektori i Përgjithshëm i Shërbimit Informativ të Shtetit, Blend Çobani është liruar di...
