Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Manja ka theksuar ashtu si kryeministri vetë se ky aksion nuk është një betejë e Ramës më qytetarët apo një betejë e qeverisë më drejtësinë. Ai thotë se kjo është betejë vetëm mes interesit publik dhe paligjshmërisë.
TIRANË- Ministri i Drejtësisë, Ulsi Manja ka reaguar lidhur me aksionin për lirimin e hapësirave publike dhe prishjen e ndërtimeve pa leje.
Manja shprehet në postimin në rrjetet sociale, se ky aksion nuk ishte një "tekë vere" e kryeministrit Edi Rama por një "betejë vizioni" që lidhet me integrimin e Shqipërisë në Bashkimin Europian. Ministri thotë se në BE nuk shkohet me "shtet rrumpallë, por me shtet rregullash, institucione të përgjegjshme dhe sundim ligji".
Ndërkohë, Manja ka theksuar ashtu si kryeministri vetë se ky aksion nuk është një betejë e Ramës më qytetarët apo një betejë e qeverisë më drejtësinë. Ai thotë se kjo është betejë vetëm mes interesit publik dhe paligjshmërisë.
"Dhe në këtë betejë ai i ka ftuar të gjithë: prokurorinë, gjyqësorin, çdo qytetar që beson se nuk ka Shqipëri europiane mbi themelet e kaosit. Ai nuk po sulmon askënd; përkundrazi, po i thërret të gjithë në luftë kundër paligjshmërisë.", shprehet Manja ndër të tjera.
POSTIMI I PLOTË:
Nga padrejtësia nuk lind e drejta: beteja për territorin dhe Shqipërinë europiane!
Që në momentin kur nisi prishja e ndërtimeve pa leje në Theth, shumëkush mendoi se kjo ishte një tekë vere e Edi Ramës. Një lojë politike, një manovër për të tërhequr vëmendjen e publikut nga temat e ditës apo aktualiteti politik.
Por koha po tregon, dhe do të tregojë deri në fund, se nuk është as kështu e as ashtu. Kjo është një betejë vizioni. Një betejë që lidhet drejtpërdrejt me horizontin e Shqipërisë 2030 në Bashkimin Europian.
Sepse është fare e thjeshtë. Dhe këtë më mirë se kushdo e dinë shqiptarët që jetojnë e punojnë prej dekadash në vendet e BE-së: në Europë nuk hyhet me ndërtime pa leje, me kioska dhe tenda metalike që zaptojnë hapësirën publike, që bllokojnë hyrjet e pallateve, me qoftehane mbi trotuarë, me tarraca pallatesh të kthyer në bahçe apo pemtore të paligjshme, me ndërtues që shesin tre herë të njëjtin apartament, me kasapë që therin bagëti pas dyqanit në mes të qytetit, me varreza makinash, me karburante të braktisura buzë çdo rruge kombëtare, me plehra që hidhen sa andej e këtej në çdo cep të Shqipërisë, pa pyetur fare për ndotje mjedisi apo prishje imazhi turizmi. Shkurt, në BE nuk shkohet me shtet rrumpallë, por me shtet rregullash, institucione të përgjegjshme dhe sundim ligji.
Prandaj të gjithë ata “vajtues publikë” që përpiqen ta paraqesin këtë operacion si një konflikt personal mes kryeministrit dhe qytetarëve, mes qeverisë dhe drejtësisë, apo si hakmarrje politike ndaj individëve e bizneseve, nuk bëjnë gjë tjetër veçse helmojnë publikun. Në fakt, ata janë tregtarët e paligjshmërisë, që duan të mbajnë gjallë kaosin, sepse vetëm aty gjejnë oksigjenin e tyre politik dhe ekonomik. E vërteta është krejt tjetër: në territor sot po ndeshen dy palë dhe vetëm dy — interesi publik dhe paligjshmëria e kthyer në mentalitet.
Në këtë betejë, Edi Rama ka mandat popullor për të qenë në krahun e së mirës së përbashkët. Dhe në këtë betejë ai i ka ftuar të gjithë: prokurorinë, gjyqësorin, çdo qytetar që beson se nuk ka Shqipëri europiane mbi themelet e kaosit. Ai nuk po sulmon askënd; përkundrazi, po i thërret të gjithë në luftë kundër paligjshmërisë. Sepse një ndërtim pa leje është i paligjshëm edhe në pronën tënde, jo më në tokën e përbashkët apo në pronën e tjetrit.
Si mundet, pra, që dikush që ngrihet në krah të ligjit të akuzohet si intimidues? Si mund të quhet cenim i drejtësisë kur thua thjesht: mos na pengoni të pastrojmë vendin nga ndërtimet pa leje dhe nga çdolloj paligjshmërie tjetër?
Që nga Roma e lashtë kemi trashëguar një postulat të hekurt: “Ex iniuria ius non oritur” – nga padrejtësia nuk lind e drejta. Dhe ky është thelbi: një gjë e paligjshme, një pronë e grabitur, një ndërtim pa leje, nuk mund të bëhet kurrë e ligjshme, kurrë jotja.
Prandaj, nëse ka përplasje sot, ajo nuk është Rama kundër drejtësisë, as Rama kundër qytetarëve, por e mira kundër së keqes. Dhe në këtë betejë, mandati i katërt është zotimi për të vendosur kontroll mbi territorin me çdo mjet ligjor, për t’i dhënë fund kaosit dhe ndotjes — jo vetëm në hapësirat publike, por edhe në mentalitetin e atyre që ende mendojnë se janë mbi ligjin.
Është e thjeshtë krejt!
Dhe sot, më shumë se kurrë, kjo nuk është vetëm beteja e qeverisë. Është beteja e çdo qytetari që do të jetojë në një vend normal, në një Shqipëri të qytetëruar, të barabartë me Europën. Kush mbron paligjshmërinë, mbron prapambetjen. Kush ngrihet për ligjin, ngrihet për të ardhmen. Shqipëria e 2030 nuk ndërtohet mbi rrumpallë, por mbi drejtësi, rregulla dhe respekt të interesit publik.
Foto TIRANË- Drejtuesi politik i Tiranës, Belind Këlliçi gjatë fjalës së tij në konferencë për med...
Foto TIRANË- Zëdhënësja e së Antikorrupsionit në PD, Genta Vangjeli gjatë fjalës së saj në deklarat p&eum...
Foto KOSOVË- Partia më e madhe e serbëve të Kosovës, Lista Serbe, njoftoi të shtunën se është ankuar në G...
Foto KOSOVË- Publicisti dhe gazetari, Veton Surroi përmes një postimi në "Facebook" ka reaguar në lidhje me tendativat e Kuve...
Shembja e resortit TIRANË- Kryeministri Edi Rama përmes një postimi në "Facebook" ka ndarë pamjet nga momenti ku shembet resorti i...
Foto KOSOVË- Deputetët do të mblidhen sot për ta vazhduar seancën konstituive të Kuvendit të Kosovës, në ...
Bardhi TIRANË- Kryetari i Grupit Parlamentar të PD-së Gazment Bardhi përmes një postimi në "Facebook" ka reaguar lidhur ...
Rama TIRANË- Kryeministri Edi Rama përmes një postimi në "X" ka reaguar në lidhje me deklaratën e KLGJ-së për akuza...
Osmani KOSOVË- Presidentja e Kosovës, Vjosa Osmani ditën e sotme ka njoftuar se ka dekretuar harmonizimin e listës së organizatave...
Foto TIRANË- Komisioni për Çështjet Europiane është mbledhur paraditen e sotme për të shqyrtuar projekt pozicioni...
