Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Ai u bëri thirrje qytetarëve që në zgjedhjet lokale të 14 majit të vendosin të votojnë për të rrëzuar këtë qeveri që i ka vjedhur.
TIRANË- Kryetari i Partisë së Lirisë, Ilir Meta ka denoncuar qeverinë për një tender në sektorin e energjisë elektrike. Në një deklaratë për mediat, Meta thotë është hapur një tender për blerjen e energjisë elektrike për një periudhë 3-5 vite, por po abuzohet me çmimin e blerjes. Ai tha se çmimi i fiksuar i blerjes është 270 euro për megavat ndërsa në bursë është 147 euro për megavat. Sipas Metës, blerjet po bëhen me çmime shumë të larta nga çfarë janë vendosur në bursë. Ai u bëri thirrje qytetarëve që në zgjedhjet lokale të 14 majit të vendosin të votojnë për të rrëzuar këtë qeveri që i ka vjedhur.
Deklarata e plotë e kryetarit të Partisë së Lirisë, zotit Ilir Meta
Të gjitha prestigjoze ndërkombëtarë tashmë e kanë fiksuar vendin tonë falë qeverisjes së Rilindjes si vendin më të korruptuar në Europë. Bëma më e fundit përmes Koorporatës Energjetike Shqiptare është pikërisht një aferë e pandodhur asgjëkundi tjetër përmes hapjes së tenderit për blerje energjie për 3-5 vjet. Kjo aferë e këtyre përmasave kolosale planifikon një vjedhje të përbindshme përsëri në një ndër sektorët më të abuzuar nga Rilindja atë të energjisë elektrike. Shqipëria ka prodhuar gjithmonë energjinë që i duhet për konsumatorët familjarë. Për shembull, në vitin 2021 ka prodhuar 5 Terra Megavat, nga 4.5 Terra Megavat që janë nevojat e vendit. Aktualisht, ne paguajmë 94.000 Euro në ditë për anijet gjeneratorë të Vlorës, të cilat do duhet të prodhonin 100 Mega Vat, pikërisht aq sa kërkohet të blihet me këtë kontratë korruptive. Në dokumentat e Tenderit, çmimi i fiksuar i blerjes është 270 Euro për Mega Vat. Ndërkohë, që në bursë sot çmimi është 147 Euro/Megavat. Pra, diferencat janë kolosale, sikurse kuptohet qartë se dhe vjedhja që planifikohet është kolosale. Qeveria ka deklaruar publikisht përmes Zëvendës Kryeministres, që deri në fund të Marsit, do të jetë në operim Bursa e Energjisë.
Përse nuk pritet funksionimi i bursës së energjisë, i cili është një mekanizëm rregullator për blerjen e energjisë? Por është qartë, që babëzia e rilindjes për të mbyllur tenderin korruptiv të radhës nuk pret, kështu që deklarata për fillimin e bursës shqiptare të energjisë është thjesht një mashtrim i përsëritur si dhjetëra mashtrime të tjera gjatë këtyre viteve. Gjithashtu, dihet që KESH ka shitur energji gjatë vitit 2022 me çmime rekord shumë të ulëta, po shumë më të ulëta sesa në bursë. Me këtë tender korruptiv të energjisë, që gjoja do të blejë energji për 3-5 vjet, lind pyetja e madhe, çfarë do të ndodhë në kohë prurjesh, kur edhe prodhimi i energjisë me kapacitetet aktuale të vendit, është shumë herë më i madh? Pra, i bie që KESH do të jetë duke shitur energji me 50 Euro/Megavati, e nga ana tjetër po KESH, për shkak të këtij tenderi korruptiv me çmim të fiksuar 3-5 vjet, do vazhdojë ta blejë me 270 Euro Megavati. Pra, do të shkarkojnë ujin pa prodhim energjie, vetëm e vetëm që kontrata korruptive të vazhdojë. Përse duhet kjo kontratë korruptive kur energjia fare mirë mund t’u blihet nga prodhuesit shqiptarë, të cilëve u është vënë edhe taksë e jashtëzakonshme. Që çdo shqiptar të kuptojë sa e korruptuar është kjo qeveri mjafton një fakt i thjeshtë: Këta bëjnë tender me çmim të fiksuar 270 Euro/Megavati, kur vetë Bashkimi Europian, ka caktuar një çmim tavan 180 Euro/Megavati për deri në fund të vitit 2024.
Vendi ynë është një vend i bekuar për mundësitë e tij të jashtëzakonshme për prodhim të energjisë elektrike. Falë burimeve hidrike, atyre fotovoltaike, të erës dhe të biomasës, Shqipëria përmbush me lehtësi të gjitha nevojat e saj dhe pa asnjë diskutim mund të eksportojë në mënyrë të vazhdueshme dhe të qëndrueshme energji. Por, korrupsioni i Qeverisë është ai që ka penguar me çdo mjet shfrytëzimin e këtyre burimeve, të cilat do të prodhonin energji të pastër dhe me çmim shumë të lirë për qytetarët shqiptarë, në mënyrë që të vazhdojnë tenderat korruptivë me qindra milionë Euro në kurriz të qytetarëve shqiptarë dhe në kurriz të bizneseve të ndershme në këtë vend. Ndaj 14 maji është një ditë shumë e rëndësishme ku fuqia e bashkimit dhe vota e ndëshkimit do t’i thotë rilindjes mjaft me korrupsionin tënd i cili po dëmton çdo qytetar të ndershëm në këtë vend, çdo sipërmarrje të ndershme në këtë vend i cili po dëbon nga vendi dhe njëkohësisht i cili po kthehet në një problem tepër dramatik për familjet shqiptare dhe për shoqërinë tonë.
PS TIRANË- Një javë përpara se të përfundojë afati ligjor në Komisionin Qendror të Zgjedhjeve për t&...
Sali Berisha TIRANË- Kryetari i Partisë Demokratike Sali Berisha ka ankimuar në Kolegjin Zgjedhor vendimin e Komisionit të Ankimimeve d...
Sali Berisha TIRANË- Kreu i Partisë Demokratike, Sali Berisha ka bërë një thirrje për administratën publike që t&eu...
Taulant Balla TIRANË- Me shumë interes për gazetarët ishte një mendim i kreut të grupit parlamentar, Taulant Ballës p&eu...
Taulant Balla TIRANË- Kryetari i grupit parlamentar të Partisë Socialiste Taulant Balla u pyet ditën e sotme për arrestimin e krye...
Taulant Balla TIRANË- Kreu i grupit parlamentar i Partisë Socialiste, Taulant Balla u pyet ditën e sotme nga gazetarët për informa...
Pandeli Majko TIRANË- Deputeti socialist Pandeli Majko shkruan se Aleksandër Vuçiç ka bërë një marrëveshje q&eu...
Sali Berisha TIRANË- Kryetari i Partisë Demokratike, Sali Berisha ka kërkuar që të gjithë anëtarët e PD-së t&...
Mark Craëford TIRANË-Ish-drejtuesi i Dhomës Amerikane të Tregtisë në Tiranë, Mark Crowford ka qënë prej koh&eu...
Arlind Qorri TIRANË- Komisioni i Ankimimeve dhe Sanksioneve e rrëzoi kërkesën e partisë “Lëvizja Bashkë&ldquo...
