Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Brettel tha se në shtator dhe tetor me legjislaturën e re presin të ketë një sërë paketash legjislative duke përfshirë këtu për punën antikorrupsion, konfliktin e interesit, median, drejtësinë, paketën ligjore për anëtarët jo magjistratë të KLGJ-së dhe KLP-së.
STRASBURG- Përfaqësuesja e Komisionit Europian në mbledhjen e Komisionit të Stabilizim-Asociimit në Strasburg, Sigrid Brettel tha se Shqipëria nuk duhet të lërë mënjanë nevojën që ka për të vijuar reformat në sundimin e ligjit, për të përmbushur të gjitha ato standarde krahasuese dhe tranzitore.
Gjatë fjalës së saj në takim Brettel tha se në shtator dhe tetor me legjislaturën e re presin të ketë një sërë paketash legjislative duke përfshirë këtu për punën antikorrupsion, konfliktin e interesit, median, drejtësinë, paketën ligjore për anëtarët jo magjistratë të KLGJ-së dhe KLP-së.
Ajo shtoi se reforma në drejtësi duhet të jetë një proces i pakthyeshëm, dhe se arritjet duhet të ruhen dhe të konsolidohen. Në këtë kuadër Brettel theksoi se duhet të ruhet pavarësia e SPAK i cili sipas saj është institucioni më i besuar në vend. Gjithashtu ajo shtoi se fokusi këtu duhet të jetë në fuqizimin e zinxhirit të sundimit të ligjit dhe zbatimit duke nisur nga BKH-ja, specializimet e ndryshme, por edhe integriteti dhe kapacitetet e policisë.
Ndër të tjera Brettel vuri në dukje rëndësinë e përshpejtimit të reformave në Shqipëri, me fokus të veçantë në sundimin e ligjit dhe luftën kundër korrupsionit, pas zgjedhjeve të majit. Ajo përshëndeti gjithashtu bashkëpunimin mes institucioneve shqiptare dhe misionit vëzhgues të OSBE/ODIHR, ndërsa nënvizoi nevojën për të adresuar problemet e evidentuara, si keqpërdorimi i burimeve shtetërore dhe ndikimi i rrjeteve të patronazhit.
DEKLARATA E PËRFAQESUESES SË KOMISIONIT EUROPIAN, SIGRID BRETTEL
Komisionin – shumë janë të përfshirë në këtë – për të mbështetur ministritë shqiptare në përafrimin e legjislacionit me legjislacionin e BE-së. Progresi në sundimin e ligjit ishte vendimtar për ta bërë këtë të mundur. Do të doja të përmend shkurtimisht disa pika që janë përmendur më parë, sepse janë me rëndësi: vazhdimi i reformës në drejtësi dhe procesi i vetingut të gjyqtarëve dhe prokurorëve ka qenë kyç, si edhe rezultatet vendimtare dhe pozitive të strukturës speciale kundër krimit të organizuar dhe korrupsionit (SPAK).
Por tani, duke parë përpara, duhet të shfrytëzojmë këtë moment. Edhe pse negociatat kanë filluar tashmë në klasterët teknikë, Shqipëria nuk duhet të humbasë fokusin te nevoja për të çuar përpara reformat në sundimin e ligjit, për të përmbushur edhe kriteret e përkohshme (interim benchmarks), siç janë përmendur më parë. Këtu, roli i Kuvendit është thelbësor. Para pushimeve të verës, presim, për shembull, miratimin e ligjit për Zyrën e Rikuperimit të Aseteve, dhe më pas në shtator dhe tetor, me fillimin e legjislaturës së re, presim disa paketa të rëndësishme ligjore:
• një paketë kundër korrupsionit (përfshirë konfliktin e interesit, mbrojtjen e sinjalizuesve),
• një paketë për median,
• një paketë ligjore për drejtësinë, veçanërisht për anëtarët jo-magjistratë të Këshillit të Lartë Gjyqësor dhe Këshillit të Lartë të Prokurorisë,
• si dhe një paketë për barazinë.
Pra, ka një listë të gjatë, dhe ju jeni të vetëdijshëm për këtë. Ato janë të përshkruara qartë në Pozicionin e Përbashkët të BE-së për Klasterin 1, dhe ne me të vërtetë shpresojmë që të ndodhin sa më shpejt sapo të nisë legjislatura e re në shtator. Është absolutisht jetike që Shqipëria të vazhdojë të japë rezultate të prekshme në fushat kyçe të sundimit të ligjit, dhe të udhëhiqet nga disa parime thelbësore.
Një nga parimet më të rëndësishme që ne e përsërisim vazhdimisht është se reforma në drejtësi duhet të jetë një proces i pakthyeshëm. Arritjet e saj duhet të ruhen dhe të konsolidohen. Pavarësia e SPAK-ut duhet të respektohet plotësisht dhe kapaciteti i tij operativ të forcohet më tej. Ne e dimë që SPAK është institucioni më i besuar në vend dhe nuk mund ta theksojmë mjaftueshëm rolin vendimtar që ka luajtur në krijimin e këtij momenti të paparë në negociata.
Një tjetër fushë e rëndësishme është lufta kundër korrupsionit, krimit të organizuar dhe trafikut të drogës. Këtu fokusi duhet të jetë te forcimi i zinxhirit të zbatimit të ligjit, përfshirë edhe Byronë Kombëtare të Hetimit (BKH) – veçanërisht në kapacitetet hetimore dhe specializimin – si dhe forcimi i integritetit dhe kapaciteteve të policisë.
Së fundmi, kur flasim për kriteret e përkohshme, fusha e të drejtave themelore, sidomos liria e medias, duhet të përmirësohet. Duhet të fillojë me mbrojtjen e gazetarëve, pavarësinë e transmetuesit publik dhe rregullatorit të medias, forcimin e pluralizmit dhe transparencës së financimit të medias. Këto janë prioritetet tona afatshkurtra përpara takimit të radhës që të mund të fillojmë mbylljen e kapitujve. Këto kritere të përkohshme duhet të përmbushen.
Tani, më lejoni të them disa fjalë për rezultatet e zgjedhjeve të majit. Dua të përshëndes pjesëmarrjen e disa eurodeputetëve në misionin vëzhgues të OSBE/ODIHR, gjë që tregon bashkëpunimin e fortë mes Parlamentit Evropian dhe Kuvendit – një bashkëpunim që është kyç në këtë proces.
Raporti i misionit të vëzhgimit të zgjedhjeve nga OSBE/ODIHR dha një pasqyrë të mirë për mënyrën si u zhvilluan zgjedhjet. Në anën pozitive u përmend:
• pjesëmarrja nga jashtë vendit (votimi i diasporës),
• administrimi profesional i ditës së votimit, dhe
• bashkëpunimi mes SPAK-ut, KQZ-së dhe Prokurorisë së Përgjithshme.
Megjithatë, në raport u evidentuan edhe probleme si:
• keqpërdorimi i burimeve shtetërore nga partia në pushtet,
• ndikimi i rrjeteve të patronazhit mbi votuesit, si dhe
• vështirësitë që vijnë nga financimi jotransparent dhe interesat e biznesit në media.
Nga ana jonë në Komision, ne e kemi ndjekur këtë proces nga afër, e marrim seriozisht mangësitë e identifikuara dhe po monitorojmë gjithashtu procesin aktual të rinumërimit të kutive në Tiranë. Inkurajojmë autoritetet shqiptare që t’i marrin parasysh këto rekomandime.
Në përfundim:
Duke parë përpara, dua të theksoj sërish rolin vendimtar të Kuvendit në sigurimin e anëtarësimit të Shqipërisë në BE – nëpërmjet mbështetjes së reformave të nevojshme dhe ndërtimit të konsensusit të gjerë politik. Ne vërtetë mbështetemi te kjo mbështetje ndërpartiake e vazhdueshme për anëtarësimin në BE, si dhe dialogu politik konstruktiv dhe gjithëpërfshirës – kjo është mënyra e vetme për të arritur objektivin që Shqipëria të mbyllë të gjithë kapitujt e negociatave deri në fund të vitit 2027. Afati kohor është ambicioz, por është i arritshëm, me punë të palodhur dhe vullnet të mirë nga të gjitha palët. Dhe sërish: prioriteti kryesor tani janë kriteret e përkohshme, dhe mezi presim bashkëpunimin e vazhdueshëm.
Belinda Balluku TIRANA- Shqipëria renditet në vend të parë sa i takon qëndrueshmërisë në sektorin energjetik. ...
Taulant Balla STRASBURG- Ministri Taulant Balla, ka mbajtur fjalën e tij në takimin e 19-të të Komitetit Parlamentar të ...
Gazment Bardhi STRASBURG- Deputeti demokrat Gazment Bardhi ka marrë pjesë në takimin e 19-të të Komitetit Parlamentar t&...
Jorida Tabaku STRASBURG- Deputejta demokrate Jorida Tabaku ka marrë pjesë në takimin e 19-të të Komitetit Parlamentar...
Shefja e Divizionit STRASBURG- Suzana Melkalkova, Shefja e Divizionit të Ballkanit Perëndimor në Shërbimin e veprimit të jas...
Foto ilustruese TIRANA- Kolegji Zgjedhor ka rrëzuar ankimimin e Partisë Demokratike për rezultatin zgjedhor në qarkun e Korç...
belind kellici TIRANË- Deputeti i zgjedhur i Partisë Demokratike, Belind Këlliçi, po ndjek nga afër procesin e rinumërimit...
Kupchan KOSOVË- Charles Kupchan, nga Këshilli për Marrëdhënie me Jashtë në SHBA, thotë se deklarata e fundit e pres...
foto ilustruese TIRANË- Kolegji Zgjedhor ka rrëzuar ankimimin e Partisë Demokratike për rezultatin zgjedhor në qarkun e Kukës...
selia e pd TIRANË- Kolegji Zgjedhor ka rrëzuar ankimimin e Partisë Demokratike për rezultatin e zgjedhjeve në qarkun e Gjirokastr&...
