Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Nuk ka asnjë bashki tjetër me fonde më të mëdha në dispozicion edhe se bashkia Roskovec dhe me numër më të lartë makinash elektrike, që të ndërtojë me fondet e taksapaguesve stacione karikimi, që ai që ka mundësi të blejë makinë elektrike, të shpenzojë sa më pak.
ROSKOVEC- Më datë 22 janar 2025, bashkia Roskovec hapi një tender me fond limit 112 mijë e 500 euro për të instaluar 3 lule smart dhe për të ndërtuar stacion tregtar për makinat e elektrike bashkë me njësitë e karikimit. Stacionet private të karikimit të makinave elektrike ndërtohen nga vetë palët e interesuara që blejnë këto mjete ose nga operatorë privatë të cilët më pas shërbimin e karikimit të makinës e japin me pagesë për të nxjerrë koston e investimit dhe një fitim të mundshëm. Nuk ka asnjë bashki tjetër me fonde më të mëdha në dispozicion edhe se bashkia Roskovec dhe me numër më të lartë makinash elektrike, që të ndërtojë me fondet e taksapaguesve stacione karikimi, që ai që ka mundësi të blejë makinë elektrike, të shpenzojë sa më pak.
Sikur të mos mjaftonte stacioni modern, bashkia kërkon të blejë dhe të instalojë 3 lule të llojit smart, të cilat nuk janë as më shumë e as më pak se panele diellore që marrin rrezatimin e diellit dhe e kthejnë në energji elektrike. Fuqia e instaluar e tyre është 2.5 kilovat/orë, çka do të thotë se sasia e energjisë në vit që këto lule smart prodhojnë, sikur gjithë viti të bëjë kohë me diell, nuk i kalon 5500 kilovat/orë, sasi që nëse e blen pa koston e prodhimit që ka Korporata Elektro-energjitike, por me çmimin që e tregton OSHEE, do të kushtonte vetëm 630 euro!
Por sa do të shpenzojë bashkia Roskovec për lulet smart?
Nëse për të ndërtuar një stacion elektrik, maksimumi i shpenzimit është 5 mijë euro, kosto për blerjen e një luleje është 10 mijë euro për kilovat, në këtë rast 25 mijë euro. Ndaj lind pyetja: A ia vlen që të shpenzohen 25 mijë euro për 5500 kilovat/orë prodhim vjetor? Ndërkohë që kthimi i investimit vjen pas 40 vitesh, kur instalimi i kësaj pajisje amortizohet tërësisht për 35 vjet! Qartazi është një investim me humbje ku bashkia Roskovec ose nuk ka çfarë t’i bëjë paratë, ose shpik tendera për të çuar përfitime tjetërkund! Dhe nga konsultimi i çmimeve dhe ofertës fituese të këtij tenderi, duket se ka gjasa që të jetë arsyeja e dytë.
Nëse çmimi mesatar i një luleje smart është 25 mijë euro, në total për të blerë 3 të tilla do të nevojiteshin 75 mijë euro, e nëse shtojmë dhe stacionin elektrik me vlerë maksimale 5 mijë euro, nuk do të nevojiteshin më shumë se 80 mijë euro. Oferta fituese është ajo e kompanisë Albavia me vlerë 106 mijë euro pa tvsh, afërsisht 26 mijë euro më shumë se çmimi që këto pajisje kanë në internet! Sipas të dhënave të tenderit, Bashkia ka skualifikuar ofertën më të ulët me vlerë 99 mijë euro, të bashkimit të operatorëve “2AF” dhe “E N P I”.
Dhe për të marrë përgjigje për gjithë këtë tender ”inovativ”, por me pikëpyetje të mëdha prej fillimit e deri në fund, menduam të pyesnim të zonjën e punës. Kush më mirë se kryetarja e Bashkisë do të na japë përgjigje për një tender të firmosur nga vetë dora e saj. Në komunikimin që pati me gazetarin e “Piranjave”, Freard Rista, zonja Bufi iu shmang të gjjitha pyetjeve lidhur me tenderin e çuditshëm, duke u justifikuar me frazat “nuk e mbaj mend, nuk më kujtohet, vuaj nga humbja e kujtesës”.
Freardi: Në fund të janarit keni shpallur një tender për blerjen e 3 luleve smart dhe ndërtimit të një stacioni elektrik.
Kryetarja: Nuk kam informacion. Nuk më kujtohet. Sepse ne bëjmë shumë, kemi bërë shumë prokurime dhe nuk e mbaj mend, s’më kujtohet kjo gjë.
Freardi: Cila është nevoja e qytetit për këto 3 lule smart që prodhojnë energji diellore duke qenë se llogaritë tona dalin me humbje?
Kryetarja: E kam kujtesën e dobët vuaj nga memoria. Unë vuaj nga memoria, unë si person.
Kryetarja e bashkisë znj.Bufi pretendoi se nuk kishte informacion për këtë tender, dhe se pasi ta merrte informacionin do të shihte edhe mundësinë për të ndërtuar një karburant me taksat e qytetarëve.
Freardi: Pasi të merrni informacionin do ndërtoni dhe një karburant që të mos diskriminoni ata që kanë makina me karburant?
Kryetarja: Do ta shohim, do bëjmë studimin për këtë gjë dhe ta shohim. Nëse nevoja del, po, pse jo?
Me këtë premtim, i rikujtojmë kryetares së Bashkisë së Roskovecit se institucioni që ajo administron prej 10 vitesh tashmë, është një nga bashkitë të cilat Ministria e Financave i klasifikon në listën e njësive vendore me “probleme financiare” për shkak të borxheve të larta që ka ndaj palëve të treta. Kjo njësi klasifikohet në grupin e tretë të bashkive sa u takon numrit të banorëve, duke u listuar si një njësi e vogël ku të ardhurat sigurohen kryesisht nga taksa e pasurisë. E ndodhur në këto kushte, me vështirësi financiare për shkak të detyrimeve të prapambetura dhe me ndihmë nga qeveria qëndrore, logjikisht bashkia Roskovec duhet që të përqëndrojë shpenzimet e saj në plotësimin e nevojave të komunitetit dhe nxitjen e ekonomisë së zonës!
Por jo, nuk ndodh kështu!
Roskoveci bën pjesë në listën e bashkive me densitet të ulët biznesi, të cilat për pasojë tregojnë edhe një varësi më të lartë nga ndihma ekonomike në krahasim me bashkitë e tjera. Referuar raportit të Ministrisë së Financave për vitin 2023, 47% e buxhetit të Bashkisë shkon për shpenzimet e personelit. Nga viti 2022 në vitin 2023, shpenzimet për personelin u rritën me 19% ndërsa sa i takon shpenzimeve për investime, ato u ulën me 37%. Dhe në këtë situatë që ndodhet kjo Bashki, gjen fonde, plot 112 mijë e 500 euro për të ndërtuar stacion privat për karikimin e makinave???/Piranjat.al
bluza TIRANË- Në hapjen e fushatës së koalicionit "PD-Aleanca për Shqipërinë Madhështore", disa kandidatët p&e...
Sali Berisha TIRANA- Kreu i Partisë Demokratike Sali Berisha tha sot gjatë hapjes së fushatës elektorale se 30 ditë kan&...
Sali Berisha TIRANA- Kreu i Partisë Demokratike Sali Berisha tha sot gjatë hapjes së fushatës elektorale se projektin e tyre ...
Sali Berisha TIRANA- Kreu i Partisë Demokratike Sali Berisha tha sot gjatë hapjes së fushatës elektorale se nuk është ri...
sali berisha TIRRANË- Kryetari i Partisë Demokratike, Sali Berisha tha se Shqipëria pret sot me padurim ndryshimin dhe projektin e Shqip&eum...
Sali Berisha TIRANA- Fillimi i fjalimit gjatë hapjes zyrtare të fushatës zyrtare të Partisë Demokratike duket se ka nxjerrë n...
sali berisha TIRANË- Kryetari i Partisë Demokratike, Sali Berisha ka mbajtur fjalën sot në hapjen zyrtare të fushatës elektor...
chris lacivita TIRANË- Chris LaCivita është ngjitur në podium dhe ka mbajtur fjalën e tij në hapjen zyrtare të fush...
pamje nga sheshi nene tereza TIRANË- Koalicioni "PD-ASHM" ka hapur zyrtarisht fushatën elektorale për zgjedhjet parlamentare që do t&eu...
Edi Rama ne takimin me grate socialiste TIRANË - Kryeministri Rama në takimin me gratë socialise tha se me anëtarësimin në BE...
