Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
Beleri tha se nga drejtësia pret që të gjendet një gjyqtar guximtar, i cili nuk do të ndikohet nga presioni politik dhe të zbatojë ligjin dhe Kushtetutën.
TIRANË- Kryetari i zgjedhur i Bashkisë Himarë Fredi Beleri ka reaguar për herë të parë pas seancës së GJKKO që çoi për gjykim çështjen ndaj tij duke e lënë në burg. Në një intervistë për emisionin Now në Euronews Albania, Beleri tha se nga drejtësia pret që të gjendet një gjyqtar guximtar, i cili nuk do të ndikohet nga presioni politik dhe të zbatojë ligjin dhe Kushtetutën.
Sipas tij, kryeministri Rama me qëndrimin publik të mbajtur ndaj tij ka ndikuar tek drejtësia. Ai ka theksuar se nëse drejtësia e do të ishte e pavarur, nuk do të kishte nevojë Rama që të dilte çdo tre ditë që ta thoshte këtë gjë.
Pjesë nga intervista:
Erla Mëhilli: Zoti Beleri, sot ishte seanca e parë e GjKKO-së ndaj jush, çfarë prisni ju tani nga drejtësia?
Fredi Beleri: Nga drejtësia pres që të gjendet një gjyqtar guximtar, i cili nuk do të ndikohet nga presioni politik dhe të zbatojë ligjin dhe Kushtetutën, jo për të lehtësuar pozitën time por të vendosin në vend nderin e drejtësisë së reformuar. Është për të ardhur keq që gjykata me vendimet që merr, certifikon shkeljet e policisë. Dua të besoj tek drejtësia, ndaj kam bërë ankesa dhe kërkesa vazhdimisht, por në rastin tim janë shpikur procedura, shkresa të falsifikuara, përgjime që asnjë nuk e di kur janë bërë si dhe me çfarë janë bërë. Aktualisht po zbatohet parimi “qëllimi justifikon mjetet”. Me fjalën e dikujt të dënuar për mashtrim, po qëndroj në paraburgim dhe nuk paska gjykatë të thotë që me kaq “gjasme fakte” nuk mbahet dosja në këmbë. Drejtësi popullore me dirigjent atë që ka gjithë pushtetet në një dorë. Ndjekjen penale në rastin tim, në shkelje të Kushtetutës e ushtron policia! Policia “caktoi” prokurorët pa short, duke i ditur emrat e tyre një ditë përpara regjistrimit të procesit tim. Mbase ky është standardi i drejtësisë në Shqipëri, mbase po pres shumë kur kërkoj të zbatohet ligji. Për sa i përket a ka ndërhyrje të Ramës, une di aq sa keni dëgjuar të gjithë: Sharjet gjatë fushatës në të gjithë Shqipërinë, përndjekjet që më ka bërë policia e cila varet nga ai, faktin që policia e burgjeve nuk më jep leje të betohem, dhe daljet e tij para çdo seance gjyqësore timen. Kam dëgjuar deklaratat e tij që provat aty janë meqenëse më ka arrestuar policia, që drejtësia është e pavarur dhe nuk le drejtësinë të flasë vetë.
Erla Mëhilli: Po nga Athina Zyrtare çfarë prisni?
Fredi Beleri: Nga Athina si edhe nga çdo organizatë ndërkombëtare pres që të përdorin të gjithë instrumentet dhe të mos tolerojnë shkelje të shtetit të së drejtës për asnjë kauzë tjetër sa do e madhe që të jetë.
Erla Mëhilli: A keni një koment lidhur me qëndrimin e DASH i cili nga disa është interpretuar si “dush” ndaj Athinës?
Fredi Beleri: Pyetjen e bëri një gazetar i pavarur dhe jo Athina zyrtare. Nga përgjigja unë jam shumë i kënaqur pasi këtë jam duke kërkuar prej 4 muajsh. Zbatimin e ligjit edhe të kushtetutës shqiptare që shkelen me të dyja këmbët.
Erla Mëhilli: A besoni që kryeministri Edi Rama është jashtë kësaj historie dhe ka lënë drejtësinë të bëjë drejtësi siç është shprehur?
Fredi Beleri: Kryeministri Rama përtej çdo dyshimi ka ndikuar me deklaratat edhe sulmet ndaj meje për t’u incinuar çështja nga policia. Kur drejtësia është e pavarur s’ka nevojë që kryeministri të dalë çdo tri ditë të thotë që drejtësia është e pavarur. Dhe jo vetëm kaq para çdo seancë gjyqësore del edhe bën deklarata që të ndikojë tek vendimmarrja e organeve të drejtësisë.
TIRANË- Kryebashkiaku i Tiranës Erion Veliaj ka komentuar arrestimet e SPAK ndaj zyrtarëve të PS-së. I ftuar në emisionin '...
Erion Veliaj TIRANË- Kryetari i Bashkisë së Tiranës Erion Veliaj ka komentuar çështjen e inceneratorëve. Veliaj në...
Ervin Mete dhe Delina Ibrahimaj TIRANË- Ervin Mete, ministri i Financave është betuar pasditen e sotme në Presidencë për t&eu...
Dashnor Sula TIRANË- Deputeti demokrat Dashnor Sula ka deklaruar se mazhoranca me mandatin e tretë që ka marrë, është su...
fredi beleri Gjykata e Posaçme ka kaluar për gjykim çështjen për Fredi Belerin, i cili akuzohet për blerje votash në...
sali berisha dhe ermonela felaj TIRANË- Seanca e sotme plenare është shoqëruar vazhdimisht me debate. Debati i radhës ishte mes kr...
Igli Hasani SHBA- Shqipëria ka marrë sot presidencën e Këshillit të Sigurimit të OKB-së. Në mbledhj...
Fredi Beleri TIRANË- Seanca në Gjykatën e Posaçme ka përfunduar për kryetarin e zgjedhur të Himarës, Fredi B...
edi paloka TIRANË- Seanca e sotme plenare u shoqërua më debate mes deputetit demokrat Gazment Bardhit dhe kryetares së Kuvendit, Lindit...
sali berisha TIRANË- Gjatë fjalë së tij në Kuvend, kreu i PD, ka reaguar lidhur me arrestimin në Dubai të ish-këshi...
