Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Sipas dokumentave të siguruara në dosjen e AKSHI-t, janë evidentuar 4 episode të përdorimit të dhunës psikologjike, fizike, të kryera këto përmes kërcënimit apo qoftë dhe rrëmbimeve apo dhe përdorimit të armëve të zjarrit.
TIRANË- Disa komunikime telefonike të kryera mes dy miqve të vjetër, biznesmenit, Ergys Agasi dhe ish-deputetit të PS, Alqi Bllako, janë bërë objekt i hetimit nga prokuroria e posaçme SPAK, e cila po ndjek çështjen penale me Nr.20/1.
Gazetari Elton Qyno, ka mësuar përmes këtyre bisedave që SPAK ka arritur ti nxjerë nga aparatet telefonike të sekuestruara në qershor 2025 biznesmenit, është zbuluar dhe përfshirja e ish-deputetit të PS, Alqi Bllako, në përdorimin e dhunës psikologjike, fizike dhe rrëmbimit të personave.
Sipas dokumentave të siguruara në dosjen e AKSHI-t, janë evidentuar 4 episode të përdorimit të dhunës psikologjike, fizike, të kryera këto përmes kërcënimit apo qoftë dhe rrëmbimeve apo dhe përdorimit të armëve të zjarrit.
Synimi i gjithë këtyre veprimeve kriminale, sipas dokumentave ishte qëllimi që personat e përfshirë të arrini qëllimet e veta. Një ndër këto raste është dhe episodi mes biznesmenit dhe ish-deputetit të Partisë Socialiste, Alqi Bllako.
Në dosje evidentohen të dhëna përmes akteve të ekspertimit telefonik, se këta dy personazhe publikë, kanë komunikimi ndërmjet tyre, duke mos kursyer as përdorimin e elementëve njerëzorë me rrezikshmëri të lartë shoqërore, për të kërcënuar apo për të diktuar përmes presionit dhe me pahir, funksionarë të lartë shtetërorë, të cilët duhet të veprojnë dhe firmosin dokumenta, sipas udhëzimeve që ata kërkojnë në këto bashkëbisedime.
Nuk dihet me saktësi se kush janë emrat e personazheve me rrezikshmëri të lartë shoqërore, që janë përmendur në këto bashkëbisedime me Bllakon.
Por ajo që dihet tashmë është fakti se SPAK po heton në këtë drejtim dhe pritet që në pyetje të meret dhe ish-deputeti, Alqi Bllako, i cili u deklarua fajtor dhe dënua nga gjykata si i përfshirë në aferën e inceneratorit të Elbasanit.
“…më tej rezulton se provat njoftojnë rastin e presionit dhe kërcënimeve të bëra ndaj Migena Schroeder, në episodin që ajo jep sqarim të prokurimit publik “Stmart Lab 2”, ku jepen shpjegime për “Albascan” të Elton dhe Elision Jorgjis, “AESS” të Jani Angjelit, drejtueses së AKSHI-t, Mirlinda Karçanaj, biznesmenit Ermal Beriqi, zv/drejtuesit të AKSHI-t,Daniel Shima dhe Elton Jorgji. Edhe në këtë rast, sipas këtyre deklarimeve, është përdorur dhuna psikologjike, përmes kërcënimeve, që të detyrohet subjekti operator ekonomik të veprojë sipas qëllimeve dhe kërkesave të dhunuesve të dyshuar…”-thuhet në dokumentat e siguruara nga gazetari Elton Qyno.
Më tej rezulton episodi i treguar nga biznesmeni Gerond Meçe, i kompanisë “ABS”, episod ky që është vendosur mes periudhës kohore Janar-Shkurt 2025, që SPAK nuk ka mundur ta indentifikojë deri në këtë fazë të hetimit.
Si dhe njëherësh dy episode të tjera, ku sërisht protagonist është Gerond Meçe, i kompanisë “Advanced Business Solutions “ABS”. Rrëmbimi, i tij duket që u krye në mes të Tiranës, në kushte krejt normale dhe pa shumë zhurmë.
Por, njëherësh, pas pengmarrjes në rrethana krejt normale dhe rastësore, biznesmeni Gerond Meçe, u gjet në rrugë krejt rastësisht nga një inxhinier i kompanisë së tij, i cili e çoi në zyrën pranë qendrës tregtare “Toptani”.
Një rastësi e çuditshme, por ja që ka ndodhur. Sipas dëshmisë që Gerond Meçe ka dhënë para oficerëve të Byrosë Kombëtare të Hetimit, ai tregon se pasi është rrëmbyer, mbajtur peng në zonën e Gracenit në Elbasan dhe lënë në rrugë pranë rrethrrotullimit të Bradasheshit, është shfaqur rastësisht një makinë e kompanisë së tij, me shofer inxhinierin Jorgis Sollaku, i cili e ka sjellë në ambjentet e zyrave të biznesit të tij në Tiranë.
Katër personat rrëmbyes, janë filmuar nga disa kënde të ndryshme nga kamerat e bizneseve aty pranë dhe qartësisht duken pa maska, vetëm me kapele në kokë.
Fytyrat e tyre janë thuajse plotësisht të dallueshme, por çuditërisht skuadra e “çunave” që rrëmbeu Gerond Meçen, nuk është arritur të identifikohet, as nga informatorët e Policisë së Shtetit, as nga informatorët e Prokurorisë së Posaçme dhe Byrosë Kombëtare të Hetimit.
Atëherë pse ka kaq vonesë për identifikimin e katër personave, imazhet e të cilëve janë kapur nga pamjet filmike, dhe kush është njeriu që mbron këtë skuadër prej katër personash që të mos identifikohen dhe arrestohen?
Aktualisht kjo çështje paraqet një aspekt të rëndësishëm, pasi tregon një sërë faktesh dhe indicie, të cilat nëse interpretohen në lidhje me njëra-tjetrën, arrihet të qartësohet kuptimi i asaj që ka ndodhur pas procedurave administrative formale dhe në duke të kryera para AKSHI-t dhe brenda zyrave të AKSHI-t.
Deri në këtë fazë ku ndodhet dosja, për këtë çështje janë proceduar dhe vënë nën hetim 8 persona. Por kjo duket se është vetëm maja e ajsbergut.
Pasi detaje të tjera kanë dalë në Publik, duke bërë që Gjykata e Apelit të Posaçëm, të orientojë dhe urdhërojë SPAK-un të hetojë dhe persona të tjerë si ish-zv/drejtori i AKSHI-t, Daniel Shima, ish-deputetin Alqi Bllako, Emirton Sulin, Meri Manaj, Helena Papa, Denis Molla, Ingrida Luzha, Ersila Qeramixhiu, Brixhilda Sinanaj, Aurel Vrenos, Enklid Pelari dhe Migena Sxhroeder. /Syri.net
Ilir Beqaj TIRANË- Ish-ministri Ilir Beqaj, ka deklaruar se mënyra e sekuestrimit të sendeve personale nga drejtësia gjatë he...
Maxime Prévot BRUKSEL- Ministri i Jashtëm belg, Maxime Prévot, ka nisur sot një udhëtim njëjavor, ku do të vizitoj&e...
Takimi i Rames VLORË- Kryeministri Edi Rama ka nisur turin e takimeve në Vlorë në lidhje me nismën e tij 'Punët për Shqi...
Diella TIRANË- Gazeta zvicerane, Zuercher Zeitung, i ka kushtuar një artikull vendit tonë, duke e vënë theksin tek Ministrja ...
Elisa Spiropali TIRANË- Ish-ministrja e Jashtme Elisa Spiropali ka reaguar, pas fitores së Péter Magyar në zgjedhjet parlamentar...
Marjana Koceku TIRANË- Deklarata e deputetes së Partisë Socialise Marjana Koçeku ka nxitur një debat të fortë mb...
VLORË- Policia e Vlorës ka reaguar pas incidentit tragjik në Vlorë, ku një i mitur 2-vjeç, ra nga ballkoni i sht&eu...
Sali Berisha TIRANË- Kreu i Partisë Demokratike, Sali Berisha, akuzoi kryeministrin Rama për mashtrime mbi rritjen e rrogave dhe pensio...
Marjana Koçeku TIRANË- Ish-deputeti i PD, Edmond Spaho, ka përdorur tone të ashpra dhe gjuhë kritike ndaj deklaratës s...
Marjana Koçeku TIRANË- Deputetja e Partisë Socialiste, Marjana Koçeku, i është përgjigjur kritikave në rrjet li...
