Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Gazetari shton në analizën e tij dhe diskutimet e bëra brenda në seancë mes Veliajt dhe prokurorit. Ai ironizon dhe deklarat e Veliajt për hetimin e bërë ndaj bashkëshortes së tij Ajola Xoxa.
TIRANA- Gazetari Falmur Vezaj ka bërë një postim në rrjetet sociale ku i referohet sërish çështjes së kryebashkiakut të Tiranës Erion Veliaj. Vezaj shkruan se elementet e kësaj ngjarjeje apo dhe reagimet i ngjasojnë ngatërrimit si në një telenovelë turke.
Në postimin e tij, Vezaj përmend rastin përcaktimit si "i dënuar" të Veliajt në dosjen e SPAK dhe reagimet përkatëse për këtë. Gazetari shton në analizën e tij dhe diskutimet e bëra brenda në seancë mes Veliajt dhe prokurorit. Ai ironizon dhe deklarat e Veliajt për hetimin e bërë ndaj bashkëshortes së tij Ajola Xoxa.
"Biznesmenë, ndërtues dhe të tjerë që rastësisht merrnin leje ndërtimi, tenderë dhe fonde publike nga bashkëshorti i saj, kryetari i bashkisë. (Sa e bukur është jeta kur di të zgjedhësh bashkëshortin e duhur!) Si Konkluzioni? Mos devijoni vëmendjen! Qeveria, që mburrej me punët e kryetarit të bashkisë, tani duhet të mburret edhe me faktin se ai është i zhytur në korrupsion deri në palcë. Dhe sa për gabimet teknike, këto ndodhin në gjithë botën, e bëhen edhe filma, por çuditërisht, gjithmonë në favor të të fortëve", shkruan Vezaj.
POSTIMI:
Lapsuse dhe tymnaja: Si të Humbasim Faktet mes Komedisë!
Më falni, por kush e shkroi këtë skenar komedie? Sepse me gjithë respektin, ka më shumë ngatërrim se një telenovelë turke. Hajde ta shohim me radhë, që mos mbesim të hutuar:
Mediat pranë qeverisë (të cilat, siç dihet, janë krejtësisht të paanshme dhe nuk kanë kurrë ndonjë interes) vazhdojnë të analizojnë me lupa shkresat gjyqësore. Dilema madhore: A ishte një lapsus “i pafajshëm” fakti që në vendimin e gjykatës Veliaj figuronte si “i dënuar”? Apo dikush e bëri qëllimisht për ta denigruar?
Versioni 1: Veliaj qan hallin dhe thotë: “E bënë me qëllim që të më baltosin!”
Versioni 2: Gjykata shfajësohet: “Na e solli ashtu prokuroria e SPAK-ut, ne vetëm e lexuam.”
Versioni 3: SPAK fërkon kokën: “Ishte thjesht një gabim teknik, më falni që ju morëm kohën.”
Versioni 4: Drejtoria e Burgjeve bën të habiturin: “Ne ia çuam të saktë SPAK-ut, Veliaj s’ka qenë i dënuar! Gabim teknik? Cili gabim?”
Në këtë moment, një zë misterioz nga errësira shton: “Gjykata thjesht bëri copy-paste vendimin nga dikush tjetër dhe harroi të fshinte pjesën ‘i dënuar’. U deshën 17 ditë për të studiuar provat!” (Epo, nuk janë dhe aq shumë, shqiptarët kanë pritur dhe më gjatë për të kuptuar gjëra më të thjeshta.)
Pastaj, në skenë del një tjetër teori konspirative:
Një burim anonim (ose ndoshta një komshi i prokurorit) thotë: “Prokurori Ols Dado e ka për inat Veliajn sepse ky i fundit i dha vetëm një leje ndërtimi, jo dy!”
Ndërkohë, Veliaj trondit me një tjetër rrëfim epik:
“Prokurori më shkruante mesazhe duke më kërkuar lejen e ndërtimit me numrin e prokurorisë së SPAK-ut!” (Hajde SPAK-u hajde, ç’qetësi e ç’drejtësi.)
Dikush tjetër, që duket se di shumë, pyet me habi:
“Si ka mundësi që prokurori Dado, i cili është nga Durrësi, u bë pronar toke në rrugën e Bogdanëve në Tiranë?”
Një tjetër përgjigjet: “Sepse ka shfrytëzuar vendin e punës dhe u ka premtuar pronarëve leje ndërtimi kundrejt përqindjes!” (Se s’kemi parë ndonjëherë gjëra të tilla në Shqipëri, apo jo?)
Dhe tani, për të ndërtuar kulmin e dramës:
Veliaj deklaron solemnisht: “Prokurori përndoqi gruan time, ashtu siç kishte përndjekur të tijën!”
Por, hopa, një detaj i vogël, që e prish gjithë fabulën: Prokurori ka vite që është i divorcuar! (Ups…)
Dhe mes gjithë kësaj rrëmuje, dikush bërtet:
“O njerëz, merruni me faktet!”
Si për shembull, Gruaja e kryetarit të bashkisë, Ajola Xoxa, (e cila, siç duket, e paska gjetur formulën magjike të suksesit financiar), ka përfituar shuma të mëdha parash nga sponsorizime, donacione, konsulenca ligjore dhe shitja e veprave të artit. Dhe kush e bënte gjithë këtë bamirësi? Biznesmenë, ndërtues dhe të tjerë që rastësisht merrnin leje ndërtimi, tenderë dhe fonde publike nga bashkëshorti i saj, kryetari i bashkisë. (Sa e bukur është jeta kur di të zgjedhësh bashkëshortin e duhur!)
Si Konkluzioni? Mos devijoni vëmendjen! Qeveria, që mburrej me punët e kryetarit të bashkisë, tani duhet të mburret edhe me faktin se ai është i zhytur në korrupsion deri në palcë. Dhe sa për gabimet teknike, këto ndodhin në gjithë botën, e bëhen edhe filma, por çuditërisht, gjithmonë në favor të të fortëve.
Në fund fare, kush do popcorn se filloi seriali!
Erion Veliaj DURRËS- Gazetarja Anila Hoxha ka zbuluar detaje në lidhje me çështjen ndaj kryebashkiakut të Tiranës Erio...
Musar dhe Osmani KOSOVË- Presidentja e Sllovenisë, Natasha Pirc Musar ka uruar presidenten Vjosa Osmani me rastin e 17-vjetorit të pavar&eum...
hashim thaci HAGË- Ditën e sotme në Dhomat e Specializuara të Kosovës (DhSK) në Hagë ka filluar seanca ndaj ish-kre...
edi rama TIRANË- Kryeministri Edi Rama teksa fliste për reformën në drejtësi tha se sot jetojmë në demokraci dhe se push...
edi rama TIRANË- Kreu i qeverisë, Edi Rama ka komentuar sot dhe deklaratat e kryetarit të PD-së, Sali Berishës për shkrirjen ...
Edi Rama TIRANA- Kryeministri Edi Rama tha sot live në rubrikën "Sy m'sy" se është kundër ndalimit të kryetari t&eu...
rama TIRANË- Kryeministri Edi Rama ka zhvilluar sot rubrikën "Sy m'Sy" në rrjetet e tij sociale, ku i është përgjigjur disa k...
Edi Rama TIRANA- Kryeministri Edi Rama i është përgjigjur një komentuesi, që e akuzon për blerje votash në rumbrik&...
edi rama TIRANË- Kryeministri Edi Rama tha gjatë fjalës në daljet drejtpërdrejt në rrjetet sociale, se Reformën në ...
Edi Rama TIRANA- Kryeministri Edi Rama i është përgjigjur pyetjeve të komentuesve në rrjetet e tij sociale paraditen e sotme ...
