Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
Vasili ngre akuza se brenda drejtësisë po krijohen grupe të fuqishme korpooratash që kanë për qëllim të krijojnë një shtet paralel okult, që drejton në mënyrë mafioze.
TIRANË - Deputeti i Partisë së Lirisë, Petrit Vasili ka komentuar sërish këtë të mërkurë mbarimin e mandatit të gjyqtares Sonila Bejtja, ndërsa ka akuzuar presidentin Begaj se po bën një "puç" kushtetues.
Begaj në një letër drejtuar Gjykatës Kushtetuese më herët i kërkoi që të sqarojë një herë e mirë situatën se si do të bëhet ripërtëritja e vetë Gjykatës këtë vit. Begaj i kujtonte Kushtetueses se në 2025-n duhet të ishin 3 gjyqtarët që do të ndërroheshin, përfshirë edhe mandati i Sonila Betjas, si emërtesë e Presidentit.
Lidhur me këtë deputeti i PL-së, thotë se me këtë veprim Begaj po rreshtohet hapur në një krah me rrëmbyesit e Gjykatës Kushtetuese. Vasili thotë se Begaj është shumë i qartë për përtëritjen e mandateve por me qëllime të caktuara bën sikur kërkon interpretim nga gjykata.
Vasili ngre më tej akuza se brenda drejtësisë po krijohen grupe të fuqishme korpooratash që kanë për qëllim të krijojnë një shtet paralel okult, që drejton në mënyrë mafioze.
Reagimi i Vasilit:
Rrëmbimi i mandateve të Gjykatës Kushtetuese është një puç i vërtetë në çdo pikëpamje.
Implikimi i shumë aktorëve institucionalë relevante, mediatike dhe krijimi i drejtësisë paralele të kontrolluar nga duar okulte brenda sistemit të drejtësisë dhe me lidhje politike të qarta, janë tashmë realitet komplotist, që tashmë ka dalë sheshit.
Korporatizmi ose thënë thjesht krijimi i grupeve të fuqishme brenda drejtësisë, që përmes lidhjeve gjithfaresh mes vetes dhe segmenteve të caktuara të politikës të kërkojnë të rrëmbejnë nga brenda sistemin e drejtësisë dhe të krijojnë një shtet paralel okult, që drejton në mënyrë mafioze në prapaskenë dhe që u shërben interesave financiare shumë të mëdha janë moment shumë i rrezikshëm ku ka hyrë vendi.
Në puçin e Kushtetueses pa asnjë dyshim është tepër tronditëse sjellja dhe veprimet e Presidentit të Republikës, që në mënyrën më flagrante kërkon të vërë në lëvizje Gjykatën Kushtetuese për interpretim të kohës së zgjatjes së mandatit të gjykatëses Sonila Bejtja.
Realisht përmes fakteve absolutisht të padiskutueshme, Presidenti Bega është më i sqaruari de facto dhe de jure për këtë çështje, ndonëse ai me qëllime të caktuara bën sikur kërkon interpretim.
Faktet flasin vetë:
1. Kushtetuta në nenin 179 pika tre thotë qartë se janë subjekt rrotacioni gjyqtarët që kanë zëvendësuar gjyqtarët e mëparshëm, mandati i të cilëve ka mbaruar në vitin 2017 dhe 2020.
Gjykatësja Sonila Bejtja nuk bën pjesë as tek njëri as tek tjetri sepse ajo ka marrë mandatin e lënë nga Gjyqtari Besnik Muçi, i cili zëvendësoi mandatin e ish gjyqtarit Sokol Berberi të përfunduar në prill të vitit 2016.
2.Dekreti i Presidentit Meta Nr.10722, që shpall vakancën e ish Gjyqtarit Kushtetues Sokol Berberi që përfundoi mandatin në prill 2016 dhe që u konfirmua me shkresën Nr.101 datë 25 mars 2016 të Gjykatës Kushtetuese.
3.Shpallja e vakancës nga KED në vitin 2019, të firmosur nga kryetari i KED Dvorani, është bërë si vakancë e plotë dhe dokumenti është asgjësues.
4. Dekreti i Presidentit Meta për Gjyqtarin Besnik Muçi është për mandat të plotë nëntëvjeçar, që përfundon në vitin 2028.
5. Dekreti i Presidentit Meta për Gjyqtaren Sonila Bejtja është për vazhdimin e kohës së mbetur të mandatit të plotë të lënë nga gjykatësi Muçi deri në 2028.
A ka ndonjë paqartësi këtu që duhet sqaruar?
As edhe një e vetme.
Kushtetuta në nenin 179 pika 3 flet qartë.
Çfarë Kushtetute tjetër lexon Presidenti, që bën sikur kërkon interpretim sepse Kushtetuta e Republikës së Shqipërisë është shterruese? Puçi i orkestruar prej kohësh në Gjykatën Kushtetuese me qëllim rrëmbimin e disa mandateve ishte zbuluar qartë nga media që u bënë pjesë e tij, ku mjerisht u përfshi edhe Zëri i Amerikës.
Ndërkombëtarët të cilët kanë folur e kanë mbajtur qëndrim për çdo hap të zbatimit të reformës në drejtësi janë njohur me situatën shumë të rëndë dhe kanë heshtur. Kjo heshtje fajtore përballë një puçi të tillë shumë të rrezikshëm i ngarkon ata me përgjegjësi serioze pasi ata janë zotuar të ishin garantë të reformës aq sa u përfshinë edhe në Kushtetutë.
Kjo goditje shumë e rëndë në Gjykatën Kushtetuese tashmë është zbuluar hapur dhe qartë.
Gjykata Kushtetuese duhet t’i rrijë larg puçit, lojës mafioze të interpretimeve të kohëzgjatjes së mandateve dhe t’i kthehet detyrave të saj, të cilave u mungon ose u shmanget për llogari të qeverisë apo interesave të tjera klienteliste brenda saj.
Çdo veprim e vendim i mëtejshëm i secilit prej aktorëve të përfshirë në këtë puç veçse do të rëndonte shumë pozitat e gjithsecilit prej tyre para ligjit dhe nuk do të bënte asgjë tjetër.
P.S. Disa dokumente që çmontojnë kërkesën manipulative të Presidentit aktual.
Foto nga inspektimi ELBASAN- Kryeministri Edi Rama, zv.kryeministrja njëherësh dhe ministjra e Infrastrukturës dhe Energjisë Belinda Ba...
Rama-Basha TIRANË - Lulzim Basha ka vijuar replikat në distancë me kryeministrin Edi Rama. Kreu i qeverisë në një takim me ka...
Vjosa Osmani dhe Bill Clinton BERLIN- Presidentja e Kosovës Vjosa Osmani të martën në mbrëmje në Berlin ka lexuar nj&eum...
Naureda Llagami dhe Klotilda Bushka TIRANA- Ish-kryetarja e Këshillit të Lartë Gjyqësor, Naureda Llagami ka reaguar pas ...
Edi Rama ELBASAN - Kryeministri Edi Rama gjatë takimit që zhvilloi këtë të mërkurë me kandidatët për deputet n...
Edi Rama ELBASAN - Kryeministri Edi Rama gjatë takimit me kandidatët për deputet në zgjedhjet e 11 Majit ka ironizuar serish Lulzim Bas...
Elman Abule TIRANA- Biznesmeni Elman Abule, i cili është nën hetim në dosjen e kryebashkiakut të Tiranës, Erion Veliajt, &eum...
Edi Rama TIRANË - Kryeministri Edi Rama gjatë takimit me kandidatët për deputet të Qarkut të Elbasanit u ndal edhe te mbyllja...
Edi Rama ELBASAN- Kryeministri Edi Rama ka marrë pjesë sot në një aktivitet për prezantimin e kandidatëve për deput...
Edi Rama ELBASAN- Kryeministri Edi Rama ka marrë pjesë sot në një aktivitet për prezantimin e kandidatëve për deput...
