Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Berisha shton se ky akt i shëmtuar politik dëshmon dhe njëherë fytyrën e vërtetë të regjimit të Edi Ramës. Ai thekson se dëshmon lidhjet e tmerrshme të Ramës me klanin Xhafaj.
TIRANË- Kreu i Partisë Demokratike, Sali Berisha ka zhvilluar ditën e sotme një deklaratë për gazetarët ndërsa ka folur në lidhje me ndryshimin e trupës gjykuese të Gjykatës së Lartë që shqyrton dosjen e ish- deputetit të PD, Ervin Salianji. Berisha gjatë fjalës së tij shprehet se ky është një akt i pashembullt dhe i paprecedent. Ai shtoi se këto ndryshime i ka udhëruar kryeministri, Edi Rama.
Berisha shton se ky akt i shëmtuar politik dëshmon dhe njëherë fytyrën e vërtetë të regjimit të Edi Ramës. Ai thekson se dëshmon lidhjet e tmerrshme të Ramës me klanin Xhafaj. Sipas tij klani Rama dhe klani Xhafaj janë dy klanet mafioze më të rrezikshme të Shqipërisë, të rajonit dhe Europës, pasi janë dy klanet që kontrollojnë me të gjithë pushtetin ekzekutiv dhe të tjera, trafiqet kriminale në këtë vend.
Kreu i PD-së tha se ndryshimi me përsëritje të shortit në prag të seancës së gjykimit, duke i dorëzuar shortin Sokol Binajt dhe caktimi i tij jashtë çdo lloj parashikimi dhe procedure, duke ndryshuar shortin me short, tregon tmerrin që kanë klani Xhafaj dhe klani Rama ndaj denoncimit të Ervin Salianjit. Sipas tij Salianji është një martir i gjallë i fjalës së lirë. Berisha tha se ai qëndron në qeli vetëm e vetëm pse paraqiti prova të pakontestueshme se Fatmir Xhafaj me vëllanë e tij kriminel, trafikant, që e merrte në mbrojtje, drejtonin trafiqe të tmerrshme.
Fjala e Berishës:
Në një akt të pashembullt, të paprecedent, Edi Rama urdhëroi ndryshimin e trupës gjykuese të Gjykatës së Lartë, që shqyrton dosjen e deputetit të PD, Ervin Salianji. Ky akt i shëmtuar politik dëshmon dhe njëherë fytyrën e vërtetë të regjimit të Edi Ramës. Dëshmon dhe njëherë lidhjet e tij të tmerrshme me klanin Xhafaj, dhe se klani Rama dhe klani Xhafaj janë dy klanet mafioze më të rrezikshme të Shqipërisë, të rajonit dhe Europës, pasi janë dy klanet që kontrollojnë me t gjithë pushtetin ekzekutiv dhe të tjera, trafiqet kriminale në këtë vend.
Ndryshimi nga Rama-Xhafaj me përsëritje të shortit në prag të seancës së gjykimit, duke i dorëzuar shortin Sokol Binajt, një militant i vjetër i PS, i shumënjohur si i tillë, pasaardhës i një ish-xhelati të diktaturës komuniste, dhe caktimi i tij jashtë çdo lloj parashikimi dhe procedure, duke ndryshuar shortin me short, tregon tmerrin që kanë klani Xhafaj dhe klani Rama ndaj denoncimit të Ervin Salianjit. Nuk ka ndodhur kurrë, kjo ndodh vetëm në gjykatat e Edi Ramës, të Lukashenkos dhe të ajatollahëve të Teheranit. Ervin Salianji është një martir i gjallë i fjalës së lirë.
Ai qëndron në qeli vetëm e vetëm pse paraqiti prova të pakontestueshme se Fatmir Xhafaj me vëllanë e tij kriminel, trafikant, që e merrte në mbrojtje, drejtonin trafiqe të tmerrshme.
Se Olsi Rama me Geron Xhafën, siç oshëtinte e gjithë Vlora, ishin zotërit e lojërave të fatit dhe ndanin pra larjen e parave. Ervin Salianji nuk ka bërë kurrë një padi në jetën e tij përveçse padisë publike, atë që duhet të bëjë çdo deputet në parlamentin shqiptar. Ai ka lexuar regjistrimin që një gazetar guximtar, Jetmir Olldashi, i bëri famëziut trafikant, të cilët me shumë të drejtë presidenti Donald Trump ka ndërmend t’i shpallë kartelet e drogës si grupe terroriste. Ato të tilla janë.
Pra, një denoncim që i bëri vëllait të ministrit se drejtonte sasi të mëdha trafiqesh nga Vlora.
Ngarkesa për të cilën bëhej fjalë ishte 13 ton e 300 kg. Duke mbajtur në burg një politikan të ri guximtar, Edi Rama dëshmon se ka frikë dhe tmerr nga krimet që ka kryer.
Unë dënoj me forcën më të madhe këtë akt të shëmtuar. Këtë akt kriminal të mbajtjes së një njeriu të pafajshëm prapa hekurave. Dhe meqenëse trupa gjykuese duket se nuk gjente dot asnjë lloj motivi për të pranuar këtë vendim politik të gjykatave të shkallëve të tjera, dhe i bëri të qartë Edi Ramës se nuk do mund të vendoste sipas dëshirave të tij, ajo u ndërrua dhe u shtua famëzi Sokol Binaj, një militant i verbër i PS. Gjithashtu unë i shpreh solidaritetin tim të plotë dhe total Ervin Salianjit dhe e siguroj se PD do bëjë gjithçka që klani mafioz Rama-Xhafaj të marrë përgjigjen e merituar.
selia e pd TIRANË- Në Partinë Demokratike ka nisur procesi për zhvillimin e Primareve. Dita e djeshme ishte dhe afati i fundit i dor&e...
ervin salianji FIER- Ish-deputeti i Partisë Demokratike, Ervin Salianji ka reaguar nga burgu lidhur me zgjedhjen e relatorit të çësh...
Pandeli Majko TIRANË- Deputeti socialist Pandeli Majko ka deklaruar se nuk do të votojë pro propozimit të Blendi Klosit për heqjen...
Jorgo Goro TIRANË- GJKKO në seancën e sotme ka pranuar kërkesën e ish-kryebashkiakut të Himarës, Jorgo Goro për gjy...
genta vangjeli TIRANË- Zëdhënësja e Antikorrupsionit në PD, Genta Vangjeli ka dhënë sot një deklaratë pë...
leonard hide TIRANË- Kryetari i bashkisë së Libohovës, Leonard Hide është paraqitur ditën e sotme në Prokurorin&eum...
igli hasani TIRANË- Ministri për Evropën dhe Punët e Jashtme, Igli Hasani, përmes një postimi në rrjetet sociale k...
KOSOVË- Presidenca e Kosovës njoftoi më 25 janar se presidentja Vjosa Osmani është duke punuar për ta themeluar Komisionin Presi...
KOSOVË- Lista Serbe, partia më e madhe e serbëve në Kosovë e mbështetur nga Beogradi, njoftoi se persona të panjohur më...
Siegfried Ranucci ITALI- Unioni i gazetarëve RAI (USIGRAI) në Itali ka ngritur alarmin pasi drejtori i televizionit Rai ka njoftuar vendosjen e n...
