Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
TIRANË- Socialistët nuk thonë ende asnjë emër për presidentin e ri. Sot, nga Asambleja e Partisë Socialiste, kryeministri Edi Rama tha se PS është e hapur ndaj propozimit të një emri nga PD. Por me një kusht! Emri nuk duhet të dali në asnjë moment nga ish-kryeministri Sali Berisha, apo nga mbështetësit e tij në selinë blu.
“Ne nuk e kemi ende një emër se po ta kishim do e bënim me dije. Di që kemi qenë në 2 procese kur ata nuk i kishin dhe i kishin votat. Ne nuk ishim naivë që mendonim se do merrnim presidentin. Por ne bëmë detyrën tonë. Unë kriterin e parë do e kisha që të lindur në hënë, problemi është për emra. As nuk jemi në këtë proces për konsensus. Duam një president që nuk na turpëron kur flet për malin me Gropa. Duam që të rrezatojë përtej nesh. Figurat e PS nuk janë pjesë e kësaj, nuk mund të jenë as baballarë dhe as nëna të kombit. Nuk mund të jetë figurë politike që vjen nga rrugët e qametit. Duhet të zgjedhim dhe Avokatin e Popullit. Opozitës. E përjashtoj kategorikisht “non gratën” e madhe dhe shpurën e tij. PS nuk do të njohë asnjë vendim dhe kërkesë që buron nga andej. Të hidhen përpjetë dhe të zbresin, ne nuk do njohim asgjë nga ai burim të të keqes së madhe, jo për presidentin, por as për rojen e cilësdo godinë, por as për një hu gardhi në Lanë. E kam thënë, ajo “non gratë” nuk është në qafën e Amerikës por Shqipërisë. Është gur në qafë e Shqipërisë. Ata që i shkojnë pas, thjesht tërheqin gurin për poshtë. Shqipëria do shkojë vetëm larg. Atë të keqe e shporrëm në vitin 2013 dhe nuk ka shans të kthehet më,”-shtoi kryeministri.
FJALA E PLOTË E RAMËS:
Kam dëgjuar që thonë jo do bëjmë një letër, jo do vendosim kritere, jo të mos na përdorin, unë nuk e di çfarë duan të thonë të gjitha këto. Unë di që ne kemi qenë në dy procese. Për zgjedhjen e presidentit kur ishim në opozitë. Një proces kur ata nuk i kishin votat dhe pastaj i bënë në fund dhe një proces kur ata i kishin votat, proces që nxorri në fund president presidentit më partiak, Bujar Nishanin dhe ne nuk ishim naiv që të mendonim se duke shkuar ne atje në tryezë, do merrnim president por ne bëmë detyrën tonë. Nuk vumë as nga këto barrierat jo të bëjmë letra, jo të përcaktojmë kritere se në fund të ditës mund të përcaktosh çfarë kriteresh të duash, do dalësh te emri.
Emri është problemi, se hajde po bëjmë kritere. Unë kriterin e parë, për shembull do vendosja “Të ketë lindur në Hënë, të jetë rritur në Hënë dhe të vijë me dëshmi penaliteti të pastër nga Hëna”. Ky do ishte perfekt por nuk e ke. Kështu që, thirrja ime për të gjithë ata që janë përfshirë në anën tjetër është “Të mos humbasim kohë me këto. Ne jemi në këtë process, jo për të larë gojën, se nuk kemi ne gojë për të larë, goja jonë është e larë”. Gojë për të larë kanë ata që jashtë nxjerrin nga mëngjesi deri në darkë… As nuk jemi në këtë proces për të bërë sikur po kërkojmë konsensus. Ne nuk na duhet konsensus, në fakt. Në na duhet një President, i cili të nderojë Shqipërinë, i cili të normalizojë institucionin, i cili të mos na turpërojë kur del në televizion apo kur flet për Malin me Gropa. Nuk jemi në kërkim të konsesusit, por jemi në kërkim të një Presidenti apo Presidenteje që t’i plotësojë disa kushte dhe që të rrezatojë përtej nesh. Ndaj e kemi thënë dhe e përsëris që, figurat politike të Partisë Socialiste, që padiskutim për ne do ishin më të mirat e mundshme, nuk janë pjesë e kësaj, nuk mund të jenë dot pjesë e kësaj. Nuk mund të jenë as baballarë apo nëna të kombit. Ndërkohë që, nëse ata do të sjellin një propozim bindës, ne menjëherë do ta pranojmë pa asnjë problem. Por natyrisht, nuk mund të jetë figurë politike që vjen nga rrugët e qametit. Dhe ndërkohë, paralelisht, duhet të zgjedhim Avokatin e Popullit, kështu që u takon atyre të na sjellin propozimet për Avokatin e Popullit apo Avokaten e Popullit, opozitës; kur them opozitës të jem shumë i qartë që e përjashtoj kategorisht si të klasifikueshëm brenda kornizës së opozitës non-gratan e madhe dhe shpurën e tij.
Partia Socialiste nuk do të njohë në asnjë rast dhe për asnjë arsye asnjë vendim apo kërkesë që buron nga ai drejtim. Ai është drejtim me të cilin politika e Partisë Socialiste dhe politika e Shqipërisë nuk duhet të ketë asnjë lidhje, por ne, përsa na takon, as nuk kemi dhe as nuk do të kemi asnjë lidhje. Të hidhen përpjetë, të zbresin, të rihidhen përpjetë dhe të rizbresin, ne nuk do njohim asgjë që do burojë nga asnjë lloj pretendimi, vendimmarrje, kërkese të atij burimi të së keqes së madhe të vendit tonë.
Jo për Presidentin, por as për rojen e cilësdo godinë në këtë vend jo e jo, por as për një hu gardhi për ta vënë në fund të Lanës, nuk marrim opinion nga ai burim. Me shumë keqardhje për të gjithë ata që verbërisht e e ushqejnë atë burim, që verbërisht i shkojnë mbrapa asaj shpurje, që verbërisht sot i kthejnë kurrizin të ardhmes dhe u kthejnë kurrizin fëmijëve të tyre. E kam thënë dhe e përsëris; ajo non-grata nuk është në qafën e Amerikës, është në qafën e Shqipërisë, gur në qafën e Shqipërisë dhe ata që i shkojnë mbrapa asaj shpurjeje, thjesht tërheqin gurin për teposhtë por ne nuk do t’i lejojmë. Shqipëria do vazhdojë të ngjitet lart, kjo nuk ka diskutim sepse ka kohë që historia është parashkruar, në raport me atë të keqe, të cilën ne e shporrëm në vitin 2013 dhe e cila nuk ka shans të rikthehet më.
LAJMI KRYESOR: PS mbledh Asamblenë! Miratohet axhenda për zgjedhjet e 2023-it, ndryshohet statuti
Aksidenti i rëndë në Tiranë, si mund të shmangen ngjarje të tilla?
TIRANË– Kryeministri Edi Rama nuk harron asnjë dalje publike pa sulmuar paraardhësin e tij në detyrë, Sali Berishën. Në Asamblenë e PS-së, Rama i kër...
TIRANË- Kryeministri Edi Rama është treguar i ashpër me kryebashkiakët, ku tha se do ishte ai vetë që do i çonte përpara drejtësisë dhe para Prokuro...
TIRANË- Kryeministri Edi Rama nuk është kursyer fare për disa kryebashkiakë socialiste, edhe pse nuk i ka përmendur me emra. Në fjalën e tij, në Asamblenë ...
TIRANË– Kryeministri Edi Rama ka folur për përplasjet mes socialistëve. Në fjalën e tij, në Asamblenë Kombëtare të PS-së, Rama tha se përplasja mes t...
TIRANË– Kryeministri Edi Rama gjatë fjalës së tij në Asamblenë e Partisë Socialiste mori si shembull demokratët duke u kërkuar që të punojnë që të që...
TIRANË- Kryeministri Edi Rama ka nisur me një falenderim fjalimin para socialistëve në Asamblenë Kombëtare të Partisë Socialiste. Në fjalën e tij, Rama tha...
TIRANE– Kryetarja e Lëvizjes Socialiste për Integrim, Monika Kryemadhi deklaroi ditën e sotme gjatë takimit me gjimnazistët, se Ardian Dvorani ka një hist...
TIRANË– Deputeti i Partisë Demokratike, Belind Këlliçi ka reaguar nga selia blu pas kritikave të kryeministri Edi Rama ndaj SPAK. Në një dekla...
TIRANË– Ish-kryeministri Sali Berisha shkruan se sulmet e kryeministrit Edi Rama ndaj Prokurorisë së Posaçme kundër Korrupsionit dhe Krimit të...
TIRANË– Ditën e sotme është bërë publike rregullorja e garës për kreun e Partisë Demokratike. Anëtari i Komisionit të Organizimit dhe Kontrollit të O...
