Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
TIRANË- Prej disa ditësh shkrimtari dhe njëherësh drejtori i Institutit Kundër Krimeve të Komunizmit, Agron Tufa, është në një debat të fortë me deputetin e PS, Spartak Braho. Sot në këtë debat është futur dhe si ish-ambasadori shqiptar në Rusi, Shaqir Vukaj, që ka hedhur akuza kundër shkrimtarit, duke e quajutr dhe spiun të shërbimeve ruse.
Arsyeja e sulmeve ndaj zotit Tufa ka qenë se ky i fundit ka botuar shumë dokumente nga arkivat që tregojnë krimet e kumunizmit gjatë luftës. Në një postim në Facebook, poeti i është përgjigjur Shaqir Vukajt, dhe shkruan se, “Unë nuk i kam fshehur kurrë studimet e mia në Institutin e Letërsisë “A.M. Gorki”, i diplomuar shkëlqyeshëm qysh në vitin e tretë (dmth, dy vjet para mbarimit) me krijimtarinë dhe përkthimin e poetit disident e nobelist rus Josif Brodskijt”.
REAGIMI I PLOTË
Bregushet e Shaqir Vukaj-Faslisë
I fundit që i shpërtheu bregushet e veta tek gazeta e frontit komunist ishte Shaqir Vuka – Faslija, ish deputet e ambasador, përfaqësues tipik i zulluve. Nga zbrazja e bregusheve të Shaqir Faslisë mori tahëm (kutërbim) të rëndë tejpërtej transheja e kuqe, dhe ashtu siç e kanë quajtuar veten vetë në kohën e Luftës (civile) “morrat e kuq” komunistë, dmth, brezat baballarë e bij, u sulën të nuhasin si në ekstazë të pëgërat dhe vjelltinën e Shaqirit. Kjo ishte droga, adrenalina e domosdoshme pa të cilën nuk rrojnë gjallë pasardhësit e këtij mutacioni anti(kombëtar).
E reja që na sjell Shaqo Faslija është taze: Spiunët më të rrezikshëm sot në botë janë:
Vetëm nuk po i vë dot karar, se cili sosh prej nesh është më i rrezikshëm. Gajret bre Shaqo, bre Selman pa bisht…!
Shaqo don të dijë se cili është psedonimi i shkrimeve të mia në shtypin rus, moskovit. Po nuk e thotë për çfarë shkrimesh, çfarë tematike. Le ta sqarojmë ndonjë, që avit turinjtë ta mësojë të vërtetën në bregushet e Shaqos: shkrimet e mia janë të vitit 1999, bash në kohën e luftës së Kosovës (mars 1999). Pseudonimi im ka qenë Elez Isufi, derisa një historiane ia qëlloj, se ky emër ka qenë personazh historik që u dha dërmën serbëve në luginën e Drinit të Zi, në Dibër, vendlindjen time. Ndërsa shkrimi im më i gjatë, i botuar në mars 1999, para datës 24 mars, bombardimit të Beogradit, me titull “Falsifikimi i historisë shkas për spastrime etnike” është me emrin tim real dhe është përkthyer dhe botuar edhe në shqip tek “Rilindja Demokratike”, maj 1999.
Po çfarë bënte zulluja ynë ambasador, Shaqa, në ato ditë dramatike, kur çdo emision lajmesh hapej me Borisllav Millosheviçin? Mu n’ato momente kur ra bomba e parë në Beograd, jo vetëm që Shaqir Bjeto Faslija nuk u pa në asnjë emision, në asnjë gazetë, por mbylli me tutius edhe dyert e ambasadës sonë dhe për një muaj u zhduk. Ka pas frikë trimi, se mos turrmat e përndezura nacionaliste që sulmonin me vezë e sende Ambasadën Amerikane, befas do ndryshonin drejtim dhe mësynin në ambasadën shqiptare… e nëse kjo do të ndoshte vërtete, kush do ta shpëtonte Shaqon me gjithë bregushe!? Shukrt, ia mbathi. Vuri drynin.
Unë nuk i kam fshehur kurrë studimet e mia në Institutin e Letërsisë “A.M. Gorki”, i diplomuar shkëlqyeshëm qysh në vitin e tretë (dmth, dy vjet para mbarimit) me krijimtarinë dhe përkthimin e poetit disident e nobelist rus Josif Brodskijt. Nuk kam fshehur që kam bërë studime pasuniversitare në Institutin e Kulturave Europiane (IEK), i gjeni në çdo CV time zyrtare. As faktin se kam dhënë mësim në Institutin e Marrëdhënieve Ndërkombëtare (MGIMO), ku kam dhënë për rreth 5 vite Gjuhë shqipe, praktikë gjuhe, Folklor shqiptar e Letërsi shqipe, bash në ato vite kur në atë Institut studionte një grup i shkëlqyer studentësh shqiptarë. Më zgjodhën mua dhe jo Shaqirin për atë punë, se unë kisha një fakultet filologjik të kryer në Tiranë, ndërsa Shaqja recitonte dhe atëherë citatet e shokut të tij Enver. Mund të kisha vazhduar, pasi pata konsoliduar një katedër të shqipes në Dep. e Europës Juglindore, por me të mbaruar studimet, u ktheva në atdhe, ku kam përkthyer nga letërsia më e mirë ruse, e panjohur tek ne, aq shumë libra, sa të mbuloj këmbë e krye 20 Sha-qira! Nëse Shaqo Faslia me bregushe kërkon të dijë se kush më ka paguar, atëherë le të shkojë në MGIMO dhe të konsultojë veprimet financiare çdo fundmuaji. Sigurisht me ato para libra blija, shkoja në teatër, opera, aventura etj, gjëra të cilat Shaqo Faslia as mundej, as u merrte erë, se s’kishte i gjori haber.
Ndërsa unë, po kursehem me Shaqir Vukën. Thjesht po i kujtoj se nuk mund të lindte ndryshe një njeri si ai, i rritur nën hijen e të atit kriminel. Krimet, mizoritë në shtypjen e kryengritësve malësorë të Kelmendit dhe Koplikut, që janë aktet më të para e më madhështore të kundërshtimit më armë të diktaturës më famëkeqe të shekullit, këto krime i ka kryer i ati, Bejto Faslia me shokë. Vrasjet, pushkatimet, torturat e priftërinjve katolikë – këtyre martirëve të lirisë – kanë për autor duart e të atit, andaj i biri nuk mund të mendojë ndryshe nga vazhda e gjakut që la pas i ati. Shaqir Vukaj Faslia është trashëgimtar i asaj linjë kainiane që vranë vëllezërit e tyre, dhe këta vrasës duan të na i paraqesin si heronj. Vrasësi mbetet vrasës, shëtueshëm, i përlyer me gjak, duke përgatitur listat e arrestimeve dhe bografive për banja të reja gjaku shqiptar.
Le të llomotisin pa fund Brahot, Tarifët dhe Vukajt. Ato le të çirren e të shpifin. Unë kam një epërsi: dokumentin kresë! Le të flasë ai në flagrancë, si kjo listë që bënte dikur i ati i Shaqir Vukës, Bejto Faslija, Komandant i Qytetit të Shkodrës së martirizueme. Gjykoni vetë se kush flet:
Ushtrija N.Ç. Shqipatare V.F.L.P
Komanda e Qytetit Koplik Koplik me 15/3/1945.-
Nr. 13. III. Res
Komandës së Qarkut
Përgj. Urdh. Nr. 63/12 Res datë 1/3/1945. –
Këtu poshtë ju parashkruajmë raportin me shënimet e kërkueme mbi t’arratisunit politik të këtij rajoni (tue lanë jasht edhe 16 t’arratisun të Kelmendit për të cilët kemi kërkue nga Kom Vendit atjeshme për me na skjarue dhe do ju raportohen po sa të kemi marrë informatat e duhuna). –
T’arratisun ordiner nuk kemi në rajonin t’onë. –
Komisar’ i Qytetit Komandanti i Qytetit
(Çun Jonuzi) (Bejto Faslija)
Oficerit Mbrojtjes Popullit Shkodër
Këshillit N. Ç. të Nënprefek. M. Madhe Këtu
Ju parashtrohet si ma sipër, e si në gjegje të shkresës
Nr. 144 datë 13/3/1945 të Këshillit N.Ç. të Nënpref. M. Madhe.
Komisar’ i Qytetit: Komandant i Qytetit
(Çun Jonuzi) (Bejto Faslija)
Vula, firma
Debati mes tyre ka nisur në mbledhjen e Komisionit të Sigurisë, ku deputeti socialist Spartak Braho ka akuzuar pedagogun dhe shkrimtarin Agron Tufa, se po nxin historinë e luftës Nacional-Çlirimtare dhe heronjtë e saj. Më pas, Drejtori i Institutit të Krimeve dhe Pasojave të Komunizmit, Agron Tufa i është përgjigjur sërish deklaratave të deputetit të PS-së, Spartak Brahos duke i bërë thirrje drejtësisë që të ndërhyjë për të parandaluar ndonjë tragjedi, pasi sipas tij, Spartak Braho ka dënuar politikisht gjatë kohës së regjimit të Enver Hoxhës njerëz të pafajshëm, duke i mbyllur në çmendi.
(A.B. Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Dy persona kanë rënë në pranga pasi përfituan më shumë se 34 mijë euro teksa mashtruan një shtetase.Sipas njoftimit të policisë, B. P., 36 vje&cced...
VLORË– Ministri i Brendshëm Sandër Llleshaj ka qenë pasditen e sotme në qytetin e Vlorës. I shoqëruar nga Drejtori i Policisë së Shtetit Ardi Veliu, Llesha...
TIRANË- Eksperti i Aviacionit Civil, Dritan Goxhaj, ka komentuar situatën në të cilën ndodhet aeriporti i Rinasit me sigurinë, dhe mundësinë e prishjes së ...
ANGLI– Një shqiptar i akuzuar për një seri vjedhjesh, është paraqitur sot në Gjykatë pasi dyshohet se ka marrë stoli me vlerë 500 mijë paund. Sipas mediave vend...
KUKËS– Një 53-vjeçar është vënë në pranga ditën e sotme nga policia e Kukësit. Sipas njoftimit zyrtar nga policia e Kukësit, 53-vjeçari...
SHQIPËRI- Një nismë e pazakontë po bëhet virale në rrjet dhe po mbështetet çdo ditë nga më shumë njerëz. Bojkot kompanive celulare! Shkaku… dihet! R...
MAT- Ndonëse ndodhet vetëm 1 kilometër larg hidrocentralit të Shkopetit, fshati Madhesh në Njësinë Administrative Ulëz në Bashkinë e Matit, është pa energji ele...
TIRANË- Ish-kryeministri Sali Berisha ka publikuar sot dy mesazhe të ardhura në adresë të tij në lidhje me sasitë e mëdha të drogës të kapur në Maltë.Sipas...
Një ngjarje me pasoja të rënda për një vajzë 13-vjeçare është parandaluar nga disa kalimtarë të rastësishëm.Bëhet fjalë për një turiste nga Hungaria, që ...
ELBASAN- Shefi i Antidrogës në Policinë e Elbasanit, ka dëshmuar sot në lidhje me sulmin e kryer ndaj uniformave blu në vitin 2017. Sipas burimeve të Dosja.al m...
