Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
SHKODËR- Kryetarja në detyrë e Bashkisë Shkodër, Voltana Ademi ka reaguar kundër Kryeministrit Edi Rama, i cili i ka quajtur shkodrënët fajtor për situatën e COVID-19, pasi sipasj tij ata nuk kanë respektuar masat. Në një deklaratë për mediat, Ademi është shprehur se deklaratat e Ramës janë kriminale dhe shton se po hidhet faji tek qytetarët pasi ka dështuar hetimi epidemiologjik dhe testimi.
Më tej ajo shton se ka bashkëpunuar dhe ka bërë aq sa ka mundur për të ndihmuar në lehtësimin e situatës, por i bën thirrje qeverisë që të shtojë numrin e testimeve për të zbuluar të infektuarit. “Bëj thirrje që të respektohen të gjitha kufiizimet e vendosura, që të dëgjohet zëri i mjekëve dhe i profesionistëve, të bëjmë të gjithë bashkë që këtë situatë, që ta kalojmë pa pasoja për Shkodrën dhe gjithe Shqipërinë. Për qeverinë e përsëris një lutje: T’i vijë në ndihmë qytetarëve të Shkodres. Të mundësojë testimin e cilido që ka patur kontakte me personat e infektuar apo që raporton simptoma të ngjashme me Covid – 19”, u shpreh kryebashkiakja.
DEKLARATA E PLOTË
Sot Edi Rama dërgoi në Shkodër gjeneralin pa spaleta që ka vënë në krye të Ministrisë së Brendshme për të sulmuar shkodranët. Dështimin e tij edhe në menaxhimin e një situate të rrezikshme dhe që lidhet direkt me jetët e shqiptarëve, Rama po përpiqet t’ua hedhë qytetarëve të Shkodrës. Është një strategji e ulët e qeverisë, deri në kriminale, të cilën unë e kam denoncuar publikisht prej ditësh. Kryeministri, përmes ministrit të tij të brendshëm, po mundohet të fshehë dështimin në hetimin epidemiologjik dhe në testimin e qytetarëve, në përballimin e krizës shëndetësore dhe ekonomike. Është botërisht e ditur se në këtë situatë, as përsa i përket testimit e as hetimit epidemiologjik, e as sistemit shëndetësor, bashkitë nuk kanë asgjë në dorë. Bashkia e Shkodrës ka bashkëpunuar dhe ka bërë gjithçka që ka në dorë, në mundësitë e kapacitetet e veta, për lehtësimin e barrës së COVID-19 për qytetarët e saj dhe do të vazhdojë ta bëjë atë pa ndërprerje. Shkodra është një nga qytetet që me qytetarinë e vet ka bërë dhe po bën përpjekjen e saj për respektimin e masave të distancimit social, pavarësoisht problemeve shumë të mëdha ekonomike. E pa sot në tregun e Rusit në Shkodër edhe Sandër Lleshaj, i cili e pranoi publikisht se ka më shumë shitës se blerës. Rama e sejmeni i tij që kishte ardhur me një mision të caktuar politik në Shkodër, e dijnë mirë se janë familje të e familjarë që kanë patur kontakte me të infektuar, e të tjerë që prej ditësh kanë telefonuar numrin 127, dhe që u është refuzuar testimi.
Ai e di mirë se një person, të shtunën, ka humbur jetën në Spitalin e Shkodrës, pa mundur as të dërgohet në Tiranë për shkak të neglizhencës, duke ngjallur panik dhe pasiguri tek stafet mjekësore e pacientët e spitalit. Edi Rama e di mirë se shkodranët nuk kanë marrë asnjë pagesë nga fondi i deklaruar për situatën e Fatkeqësisë Natyrore, u është shkurtuar numri i familjeve me ndihmë ekonomike, iu dha vetëm një muaj ndërsa iu premtuan dy muaj pagesë, u janë sjellë deri tani 200 pako ndihmë ushqimore për 250 mijë banorë. Shkodranët e panë me sytë e tyre se, me urdhër politik, Këshilli Bashkiak monist, nuk miratoi paketën e lehtësive financiare të propozuara nga ana ime. Prandaj, iu bëj thirrje publike të mos përdorë ministrin e tij të brendshëm për të sulmuar qytetarët e Shkodrës.
Nëse qytetarët në Shkodër nuk do të respektonin masat kufizuese ashtu siç u përpoq sot ta faturonte Rama edhe Lleshaj, ath kryeministri dhe i gjithë shteti nuk do të merreshin tre ditë me Tregun e Kombinatit në Tiranë. Nuk ka nevojë që Rama të shpikë ndonjë armik tjetër. Për Shkodrën, shkodranët e shqiptarët armiku i vetëm është i mjaftueshëm COVID-19. Siç e kam kërkuar disa herë, edhe sot kërkoj që të rritet numri i testeve për qytetarët, për të identifikuar dhe shkëputur zinxhirin e infeksionit në Shkodër. Po kaq emergjente është edhe mbështetja financiare dhe ushqimore, pasi qytetarët janë në vështirësi të sigurimit të bukës së përditshme.Kam ofruar dhe ofroj edhe sot të gjithë bashkëpunimin për tejkalimin me sa më pak probleme të situatës së rëndë të pandemisë, edhe pse deri sot gjithçka ka rënë në veshin e shurdhër të qeverisë. Te dashur bashkëqytetar, Bëj thirrje që të respektohen të gjitha kufiizimet e vendosura, që të dëgjohet zëri i mjekëve dhe i profesionistëve, të bëjmë të gjithë bashkë që këtë situatë, që ta kalojmë pa pasoja për Shkodrën dhe gjithe Shqipërinë. Për qeverinë e përsëris një lutje: T’i vijë në ndihmë qytetarëve të Shkodres. Të mundësojë testimin e cilido që ka patur kontakte me personat e infektuar apo që raporton simptoma të ngjashme me Covid – 19, të bashkëpunojë me institucionet lokale për të përballuar pasojat e kësaj krize dhe të mbështesë qytetarët në nevojë dhe biznesin e Shkodrës.
Më herët kreu i qeverisë, Edi Rama u ka kërkuar shkodranëve që të respektonin masat e marra për të parandalaur përhapjen e COVID-19. Rama tha se Shkodra tashmë është një minë me sahat, dhe po punohet për të këputur zinxhirin e transmetimit të infeksionit.
(A.B. Dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Ish-kryeministri Sali Berisha ka shpërndarë sot një mesazh të një studneti të drejtësisë, i cili shkruan se masat e marra nga Qeveria janë anti Kus...
TIRANË– Ish-deputeti i Partisë Demokratike, Enkelejd Alibeaj ka kërkuar që kryeministri Edi Rama të jetë transparent në lidhje me tenderat e krye ra nga Mi...
TIRANË- Ambasadorja e SHBA në Tiranë, Yuri Kim ka zhvilluar sot një bisedë me Ilir Metën, Edi Ramën dhe Lulzim Bashën. Kim shprehet se i ka lavdëruar për u...
TIRANË- Kryeministri Edi Rama ka reaguar sërish në lidhje me situatën në Kapshticë ku dhjetëra qytetarë po vijojnë të qëndrojnë të bllokuar. Në një deklara...
TIRANË– Kryeministri Edi Rama ka publikuar sot disa foto nga Elbasani ku përgezon punën e Bashkisë. Rama tregon pamjet para bizneseve ku janë bërë pika në ...
TIRANË- Kryeministri Edi Rama ka zhvilluar sot një bashkëbisedim me qytetarët ku ka treguar masat e reja që do marrë qeveria për lëvizjen në ditët në vijim...
TIRANË– Bashkia Tiranë ka marrë përsipër që të mbulojë të gjitha shpenzimet funerale të të gjitha familjeve që kanë humbur të afërmit për shkak të Co...
TIRANË– Ministrja e Shëndetësisë, Ogerta Manastirliuka vizituar sot Qendrën Shëndetësore nr.5, ku ka monitoruar edhe punën e mjekëve që ndodhen në kë...
TIRANË- Mjeku Gazmend Koduzi që është edhe pejsë e Task Forcës së ngritur nga Partia Demokratike kamkëruar sot nga qeveria shtimin e numrit të testeve që z...
TIRANË- Kryeministri Edi Rama në një komunikim live me ndjekësit e tij ka folur lidhur me masat e reja që janë marrë për të parandaluar përhapjen e korona...
