"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Eksperti Fatmir Laçej shpjegon dy udhëzimet 2012-2020, sipas të cilave çdo noter është i detyruar që të gjitha transaksionet në kontrata tjetërsimi, apo porosie t’i kalojë përmes llogarisë së noterit.
TIRANË- Para disa ditësh, emisioni investigativ “Stop” në Tv Klan ka transmetuar disa shkelje ligjore nga ana e noteres, Perian Bodinaku, por mesa duket ato nuk janë të vetmet. Bodinaku rezulton se ka fshehur shuma të mëdha parash për t’u shpëtuar taksave dhe detyrimeve tatimore.
Eksperti Fatmir Laçej shpjegon dy udhëzimet 2012-2020, sipas të cilave çdo noter është i detyruar që të gjitha transaksionet në kontrata tjetërsimi, apo porosie t’i kalojë përmes llogarisë së noterit.
Fatmir Laçej: Kemi 2 udhëzime për këtë. Njëri udhëzim është i Janarit 2012, një udhëzim i përbashkët i ministrit të Financave dhe ministrit të Drejtësisë, kemi dhe një udhëzim tjetër të datës 14 Shtator i vitit 2020, po një udhëzim i përbashkët i ministrit të Drejtësisë dhe ministrit të Financave. Në të dy udhëzimet, përcaktohet shumë qartë që çdo kalim shumash në kuadrin e tjetërsimit të pasurive të paluajtshme, do të derdhet në një llogari rrjedhëse pa interesa që hap noteri, e cila nuk ka të bëjë fare me llogarinë e noterit si person fizik. Pra, në të gjitha rastet është i detyruar që shumën që përcaktohet në çmimin e kontratës, ta derdhë në këtë llogari rrjedhëse dhe noteri fillimisht bën verifikimin e pronës. Nëse prona është e lirë, kryen kontratën e shit-blerjes dhe blerësi derdh në llogarinë rrjedhëse të noterit shumën që përcaktohet në çmim.
Noteri në radhë të parë është një aktor të rëndësishëm i sistemit të drejtësisë që lufton dhe punon për formalizimin e ekonomisë. Çdo gjë informale është jashtë veprimtarisë së noterit sepse ai është i detyruar edhe në kuadër të betimit që ka bërë si noter, por edhe të dispozitave ligjiore, të zbatojë të gjitha kërkesat e logjit dhe atë që përcakton dhe betimi i tij si noter. Në kontratat e pronësisë, noteri duhet të synojë që të gjitha pagesat të kalojnë në llogarinë bankare të noterit.
Gazetari: Rasti konkret që po flasim janë shumat mbi 50 mijë Euro që janë dhënë jashtë zyrës së noterit?
Fatmir Laçaj: Atëherë, noteri nuk duhet të pranojë dispozita të tilla që këto para janë dhënë jashtë. Nuk ka më jashtë, ka vetëm brenda sistemit banker. Nëse pastaj do të kemi shkelje nga këto, kuptohet që edhe Drejtoria e Pastrimit të Parave, do të jetë aktive me këto lloj kontratash që paratë paguhen jashtë zyrës noteriale, paguhen “kesh” sepse është totalisht e ndaluar. Është e ndaluar kategorikisht që noterët të mos bashkëlidhin mandatin bankar që vërteton pagesën e shumës në dokumentacionin e shumës që kalojnë edhe pranë drejtorive përkatëse të ASHK-së.
Çdo tranksasion jashtë zyrës së noterit, përbën shkelje ligjore dhe penale. “Stop” ka siguruar 6 kontrata prenotimi prenotimi apartamentesh të hartuara nga noterja Bodinaku.
Vlera e kontratave është rreth 700 mijë Euro, shuma të paguara jashtë zyrës së kësaj notereje, një indicie për institucionin e Parandalimit e Pastrimit të Parave. 6 kontratat që “Stop” disponon janë regjistruar në Kadastër pa mandatin bankar, gjë që përbën një shkelje ligjore nga punonjësit e Kadastrës që kanë regjistruar këto kontrata.
Drejtori i medias në Kadastër, Edmond Arizaj, thotë, se duhet, që kontratat e tjetërsimit, apo prenotimit, duhet të kenë të bashkangjitur edhe mandatin bankar.
Edmond Arizaj, Dr. Marrëdhënie me Shtypin, ASHK: Procedura është e thjeshtë, për të vijuar bëhet aplikimi dhe bashkëngjitur, është edhe fatura bankare. Procedura nuk vijon pa faturë, kjo është taksative.
Kur është kuptuar gabimi, sipas tij, regjistrimi është pezulluar për 30 ditë. Në këtë pikë lajmërohen palët e interesuara dhe më pas problematika duhet të zgjidhet në gjykatë. Me një llogari nga dokumentet që “Stop” disponon, rezulton, se noterja Perian Bodinaku, ka fshehur 254 milionë Lekë të vjetra vetëm për vitin 2022.
Gazetari: Emisioni “Stop” ka siguruar të dhëna zyrtare nga Ministria e Drejtësisë se sa veprime dhe akte noteriale, Perian Bodinaku, notere këtu në kryeqytet, ka deklaruar për vitin 2022. Sipas të dhënave, janë 21 mijë e 473 veprime noteriale që ka deklaruar kjo notere. Akte noteriale për vitin 2022, Perim Bodinaku, ka deklaruar pranë ministrisë 8 786. Nga burime të sakta, emisioni “Stop” ka mësuar se noterja për vitin 2022, të ardhura vjetrore ka deklaruar 400 milionë Lekë të vjetra, por a përputhet kjo shumë me numrin e akteve apo veprimeve noteriale që kjo notere ka deklaruar? Do të ndalemi tek përllogaritja për vitin 2022, për veprime noteriale ne kemi marrë një çmim reference shumë herë më të ulët se tregu, 10 mijë Lekë të vjetra, ku totali na del 214 milionë e 730 mijë Lekë. Veprime noteriale, ne kemi marrë çmimin e referencës më të ulët se tregu 50 mijë Lekë të vjetra, ku totali na del 439 milionë e 300 mijë Lekë, pra totali i 2 vlerave të veprimeve noteriale në total është 654 milionë përafërsisht. Por noterja Bodinaku për vitin 2022, ka deklaruar 400 milionë Lekë të vjetra tek tatimet dhe ka të padeklaruara 254 milionë Lekë, ku ka fshehur të ardhurat.
Marrë nga TvKlan
Marash Marashi KURBIN- Fiks Fare denoncoi mbrëmjen e së hënës veprimet e policisë dhe punonjësve të Transportit Rrugor t...
Artan Hoxha TIRANË- Gazetari Artan Hoxha ka shpjeguar se kush është Gëzim Çela, koka e një prej grupeve kriminale t&eu...
Artan Hoxha TIRANË- Gazetari Artan Hoxha ka dhënë detaje nga megaoperacioni i policisë me mbështetjen e partnerëve ndërk...
Shqiponja PËRMET- 35-vjeçari që plagosi dhe lidhi shqiponjën në Permët është vënë në pranga n...
Policia KORÇË- Dy adoleshentë që dhunuar një bashkëmoshatar mbrëmjen e kaluar në Korçë, janë arr...
Zjarri FIER- Një vatër zjarri ka rënë pasditen e sotme në Grecalli të Fierit. Mësohet se zjarri ka rënë f...
Gëzim Cela KURBIN- Policia ka zhvilluar një megaoperacion ditën e sotme për të arrestuar Gëzim Çelën, i dënu...
Dritan Meta LAÇ- Personi që shihni në foto është shefi i komisariatit të Laçit Dritan Meta, i cili u arrestua d...
Muhamet Rrumbullaku TIRANË- Drejtori i Përgjithshëm i Policisë Muhamet Rrumbullaku ka deklaruar se për 3 personat shpallur n&...
Muhamet Rrumbullaku TIRANË- Drejtori i Përgjithshëm i Policisë Muhamet Rrumbullaku ka dhënë detaje nga operacioni 'Flak&...
