Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Hetimi zbuloj se pas këtij transporti qëndronte një bandë shqiptare, qëllimi i të cilës ishte të merrnin drogën brenda vetë portit.
SPANJA- Autoritetet spanjolle kanë arrestuar pak ditë më parë dy shqiptarë, të cilët po shkonin të merrnin në portin e Vigos, 80 kg kokainë. Lënda narkotike e fshehur në kontinierë, vinte nga Ekuadori. Hetimi zbuloj se pas këtij transporti qëndronte një bandë shqiptare, qëllimi i të cilës ishte të merrnin drogën brenda vetë portit.
Media spanjolle shkruan se klanet shqiptare të trafikut të drogës funksionojnë si multinacionale të vërteta kriminale dhe lëvizin lirshëm në të gjithë Evropën. Ky nuk është rasti i parë që policia spanjolle godet një rast ku përfshihen shqiptarët. Përkundrazi, media shkruan se ky është klani i tretë shqiptarë i goditur nga autoritetet.
Artikulli i plotë nga LA OPINION
Klanet shqiptare të trafikut të drogës funksionojnë si multinacionale të vërteta kriminale dhe lëvizin lirshëm në të gjithë Evropën, të vetëdijshëm për fuqinë e tyre të madhe ekonomike. Ka kohë që kanë zgjeruar rrjetet e tyre në Spanjë, por porti i Vigos nuk dukej se ishte ndër objektivat e tyre kryesore në vitet e para.
Kjo gjë ka ndryshuar. Një operacion policor sapo ka çuar në arrestimin e dy individëve me origjinë shqiptare kur po shkonin të “shpëtonin” 80 kilogramë kokainë të fshehur në sistemin e ftohjes së një kontejneri që vinte nga Ekuadori. Nuk ka qenë një rast i izoluar. Bëhet fjalë për klanin e tretë mafioz shqiptar që shikon planet e tyre duke dështuar në pak më shumë se një vit pas vendosjes së ‘syrit’ tek porti i Vigos: kjo goditje e fundit policore i bashkohet operacionit të fundit “Monterrey” dhe atij në janar 2025 që çoi në sekuestrimin e 1.100 kilogramëve droge falë një hetimi me agjentë të infiltruar.
Operacioni u zhvillua nga Njësia Operative e Vigos e Shërbimit të Mbikëqyrjes Doganore (SVA) dhe nga grupet EDOA Pontevedra dhe ECO Galicia të Guardia Civil. Ishte një hetim shumë i përqendruar në kohë, por “intensiv”, sipas atyre që e zhvilluan, me ndjekje dhe survejime policore që shtriheshin pothuajse 24 orë në ditë.
Një kontejner i zbuluar me rreze X
Hetimet filluan kur Njësia e Analizës së Rrezikut e Doganës së Vigos përzgjodhi për analizë një kontejner që vinte nga Ekuadori, një nga rrugët e nxehta të trafikut të drogës, dhe konstatoi, me anë të rrezeve X, se përmbante kokainë. Hetimi i shpejtë bëri të mundur të zbulohej se një bandë shqiptare qëndronte pas këtij transporti: qëllimi i tyre ishte të merrnin drogën brenda vetë portit.
Që nga momenti i zbulimit të kontejnerit deri në mesnatën e dielës më 15 shkurt kur u kryen arrestimet, kaluan vetëm shtatë ditë gjatë të cilave agjentët punuan pa pushim deri në kapjen e dy “shpëtimtarëve” që hynë në port për të marrë narkotikët, të cilët vinin të ndarë në 61 pako. Për këtë detyrë ata ishin të pajisur me çanta sportive të mëdha me mjete dhe vegla si breza lidhës dhe një trapan. Agjentët sekuestruan gjithashtu një shkallë të palosshme. Të dy të arrestuarit u vendosën në paraburgim.
Një operacion me dy të identifikuar të tjerë që mbetet i hapur
Agjentët identifikuan edhe dy persona të tjerë, gjithashtu me shtetësi shqiptare, por ata arritën të shpëtonin nga qyteti i Vigos. Operacioni, prandaj, mbetet i hapur. “Nuk duam të ndalemi vetëm tek sekuestrimi i drogës. E kemi të qartë që duam të arrestojmë çdo anëtar të organizatave kriminale që tentojnë të përdorin Vigon për të futur narkotikë,” deklarojnë burime nga Njësia Operative e Vigos.
Ky operacion, i koordinuar nga gjyqtarja e Seksionit të Hetimeve të Gjykatës së Vigos, ndodh vetëm një muaj pas operacionit të quajtur “Monterrey”, që përfundoi me konfiskimin e 200 kilogramëve kokainë dhe tetë të arrestuarve, përfshirë edhe atë që ishte dora e djathtë e të ndjerit “narko i ëikipedia-s”. Bëhej fjalë për një tjetër klan shqiptar, i shkatërruar atëherë nga Policia Kombëtare dhe SVA, që gjithashtu kishte fshehur drogën në një kontejner që vinte nga Ekuadori, i njëjti vend nga i cili u sekuestruan 1.100 kilogramë kokainë një vit më parë nga mafiet belge dhe shqiptare të arrestuara pas një operacioni spektakolar./Dosja.al
Foto ilustruse FIER- Një aksident ka ndodhur mesditën e sotme në aksin Fier-Libofshë. Një automjet ka dalë nga rruga dhe...
Foto ilustruse VLORA- Policia ka arrestuar një 39-vjeçar në Vlorë. Ai ra në prangat e bluve, pasi u konfliktua me një ...
Foto ilustruse TIRANË- Policia ka arrestuar ditën e sotme dy shtetaset nga Kazakistani. Ata u arrestuan nga forcat blu, pasi ushtronin ...
Foto nga vendngjarja SHKODËR- Banorët e fshatit Baks-Rrjoll kanë 18 ditë që po protestojnë kundër ndërtimit të...
Foto ilustruse VLORA- Kapiteneria e Portit Vlorë ka ndaluar lundrimin për anijet e vogla deri ditën e nesërme. Ky pezullim ka ardu...
Gjykata Themelore në Prishtinë Gjykata Themelore në Prishtinë e ka dënuar Endrit Nikën me 18 vjet burgim për vrasjen e ...
Foto ilustruese Së paku për tre katër vitet në vijim do të bie edhe numri i të papunëve dhe numri i të punësua...
TIRANË- Ka nisur seanca gjyqësore për dosjen e njohur si “Plumbi i Artë”, ku përfaqësuesja e SPAK, prokurorja Dolore...
Magazina TIRANË- Një magazinë me suplemente ushqimore dhe bimore të skaduara është kapur në Tiranë. M&eum...
LEZHË- Një ngjarje e rëndë është shënuar ditën e sotme në fshatin Rrilë, ku një punonjës i OSHEE k...
