Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Në një editorial për Frankfurter Allgemeine Zeitung, pjesë të së cilit i ka sjellë DW në gjuhën serbe, Cufaj ka kritikuar Kurtin për kokëfortësi, duke thënë se nuk ka dallim nga paraardhësit e tij në institucionet e Kosovës.
KOSOVË- Ish-ambasadori i Kosovës në Gjermani, Beqë Cufaj, ka thënë se Kosova duhet ta pranojë planin franko-gjerman dhe se kryeministri Albin Kurti duhet të pajtohet me themelimin e Asociacionit të komunave me shumicë serbe sepse Kosova nuk duhet të mbetet pa mbrojtjen perëndimore. Në një editorial për Frankfurter Allgemeine Zeitung, pjesë të së cilit i ka sjellë DW në gjuhën serbe, Cufaj ka kritikuar Kurtin për kokëfortësi, duke thënë se nuk ka dallim nga paraardhësit e tij në institucionet e Kosovës.
“Këtu ka dy probleme. E para është se Kosova ka frikë se serbët, të cilët kontrollohen politikisht nga Beogradi, mund të kërkojnë ribashkim me Serbinë. Një problem tjetër, nga këndvështrimi im, është edhe kryeministri i Kosovës, Albin Kurti. Pas dy vitesh në pushtet duket se Kurti nuk ka asnjë ndryshim nga paraardhësi i tij. Shqiptarët nga Kosova po emigrojnë masivisht në Gjermani. Korrupsioni dhe nepotizmi ende mbretëron, partia menaxhon institucionet”, thotë Cufaj.
Sipas mendimit të tij, presidenti serb Vuçiç e ka pranuar me druajtje planin franko-gjerman, ndërsa mesazhi i Kurtit, siç e kupton opinioni, është refuzimi i formimit të Asociacionit. Cufaj kujton se Kurti ende këmbëngul se një asociacion i tillë mund të ekzistojë vetëm në rast të njohjes së Kosovës nga Serbia.
“Kjo i bezdis partnerët ndërkombëtarë, veçanërisht amerikanët dhe gjermanët. Pas dy vitesh në pushtet, Kurti do të duhet të heqë dorë nga të dyja premtimet parazgjedhore. Nuk ka pasur jetë më të mirë për qytetarët dhe Asociacioni i Komunave Serbe nuk do të mund ta pengojë. Kosova ka kryeministër kokëfortë, por nuk ka tanke, aeroplanë dhe ushtri të madhe. Vuçiç e ka dhe Vuçiç, siç ankohet Kurti, është krahu i zgjatur i Putinit. Këshilltarët e Scholz, Macron dhe Biden mund t’i përgjigjen se do ta mbrojnë nga Vuçiç dhe Putini me trupat e NATO-s. A i frikësohet Perëndimi Vuçiqit sepse ai është miku i Putinit? Jo. Por diplomatët i bindën politikanët e tyre: do ta shpëtojmë Vuçiqin nga presioni për ta njohur Kosovën de jure, por në këmbim do ta distancojmë nga Putini dhe Kosova do të marrë njohjen de facto nga Serbia. Ky është normalizim. Maksimumi nga minimumi. Me kusht që Kosova t’u japë autonomi serbëve të saj. A duhet që Perëndimi t’i kthejë shpinën Kosovës, për të cilën ka stacionuar mijëra ushtarë për më shumë se dy dekada për të ruajtur paqen e brishtë – vetëm sepse Kurti refuzon një marrëveshje me Serbinë? “Kosova nuk mund të përballojë të qëndrojë pa mbrojtjen e Perëndimit”, thekson Cufaj.
Cufaj tha se diplomatët europianë dhe amerikanë nuk u kujdesën shumë për temën e Kosovës pas shpalljes së pavarësisë 15 vjet më parë.
“Kishte biseda pafund dhe pak rezultate. Në tavolinën gjeopolitike po shfaqeshin kriza të reja. Bisedimet ndërmjet Prishtinës dhe Beogradit ishin një terren i favorshëm për shifra. Në njërën anë qëndronte Putini me ushtarin e tij besnik në Serbi, ish-ministrin e Millosheviqit, Aleksandar Vuçiq. Në anën tjetër, Perëndimi me fëmijën rebel Kosovën. Kush kishte dorën e sipërme? Putin, sigurisht. Nëse do të flisnit për Kosovën dhe Serbinë me Angela Merkelin, biseda në fakt do të ishte për Putinin”, shkruan Cufaj.
Sipas Cufajt, të gjithë u zgjuan kur Putini marshoi në Ukrainë.
“Papritmas Ballkani u bë sërish temë. Më herët në Bruksel ka pasur bisedime të pafundme dhe marrëveshje teknike mes Kosovës dhe Serbisë, 33 marrëveshje të nënshkruara që nuk janë zbatuar. Me agresionin e Rusisë kundër Ukrainës, gjithçka u bë e parëndësishme”, shkruan ai.
Foto ilustruese TURQI- Një video tronditëse që qarkullon në internet orët e fundit tregon dy shpëtimtarë turq duke u sh...
Pamje nga vendi i ngjarjes ITALI- Një grua 48-vjeçare është gjetur e vrarë me armë zjarri brenda makinë së saj. N...
Ambulanca greke GREQI- Një ngjarje e rëndë ka ndodhur në Volos të Greqisë, ku një vajzë 19-vjeçare ka humbu...
Termeti TURQI- Ekipet e shpëtimit në Gaziantep, Turqi, shpëtuan Sezai Karabas dhe vajzën e tij të vogël, Şengul Karabas, gjat...
Ebrahim Raisi IRAN- Gjatë fjalimit në përvjetorin e Revolucionit Islamik të vitit 1979, presidenti iranian, Ebrahim Raisi, tha se prote...
Luiz Inàcio Lula da Silva BRAZIL- Presidenti brazilian Luiz Inàcio Lula da Silva i ka propozuar homologut të tij në Shtëpin&eu...
Foto ilustruese SHKUP- Kryeministri i Maqedonisë së Veriut, Dimitar Kovaçevski në Kuvend ka dorëzuar propozimin për riforma...
Termeti TURQI- Një familje prej pesë anëtarësh u tërhoq nga rrënojat në siguri në provincën Gaziantep të ...
Tërmeti në Turqi TURQI- Policia turke ka arrestuar 12 persona lidhur me shembjen e ndërtesave në provincat juglindore të Gaziantep...
SHBA TURQI- Shtetet e Bashkuara kanë premtuar mbi 85 milionë dollarë në ndihma humanitare për Turqinë dhe Sirinë pa...
