Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Ambasadori ukrainas në Shqipëri, Volodimir Shkurov, thotë që pjesa më e madhe e tyre janë të vendosur për t’u kthyer në Ukrainë dhe për të rindërtuar vendin e tyre pas luftës.
TIRANË- Në Shqipëri po strehohen aktualisht mbi 3 mijë shtetas ukrainas, qysh nga nisja e sulmit rus ndaj Ukrainës 6 muaj më parë. Ambasadori ukrainas në Shqipëri, Volodimir Shkurov, thotë që pjesa më e madhe e tyre janë të vendosur për t’u kthyer në Ukrainë dhe për të rindërtuar vendin e tyre pas luftës.
Diplomati ukrainas vlerësoi edhe ndihmën që populli i Kosovës ka dhënë këtë periudhë për Ukrainën. Afro 6 muaj më parë pakkush e kishte përfytyruar se sulmi rus kundër Ukrainës do të zgjaste kaq shumë, aq më pak ishte menduar se rezistenca ukrainase do të ishte kaq e fortë.
Ambasadori i Ukrainës në Tiranë, Volodymyr Shkurov, shprehu krenarinë për rezistencën e popullit dhe ushtrisë ukrainase ndaj sulmit rus, si edhe trishtimin e tij për faktin se lufta po vazhdon për një periudhë kaq të gjatë, dhe se në fund të saj, mund të rindërtohen pallate dhe infrastruktura, por nuk mund të zëvendësohen një numër i madh viktimash civile, që po humbin jetën.
Shqipëria po strehon mbi 3 mijë ukrainas të larguar nga lufta, por shumica e tyre, thotë ambasadori Shkurov, janë të vendosur që të kthehen në Ukrainë për të rindërtuar vendin e tyre pas luftës.
“Një falenderim të veçantë kemi për popullin e Shqipërisë, i cili ka mbledhur ndihma të ndryshme, në fonde, në ilaçe, ushqime dhe produkte të tjerë” - thotë ambasadori Shkurov.
Ai dha këto komente për Zërin e Amerikës, pas veprimtarisë Libri Ukrainas në Bibliotekën Kombëtare të Shqipërisë.
Kjo është nisma e Zonjës së Parë të Ukrainës, Olena Zelenska, në mënyrë që ukrainasit e strehuar në Shqipëri të gjejnë libra në gjuhën e tyre.
“Kemi marrë një mbështetje shumë të fortë nga SHBA-të edhe nga shtetet e NATO-s dhe këto ndihma dhe mbështetje kanë ndikuar në ecurinë e luftës” - tha ambasadori ukrainas.
Shqipëria po i jep Ukrainës një mbështetje shumë të madhe politike, sipas tij, në të gjithë nivelet shtetërore; nga presidenti, parlamenti e kryeministri dhe deri tek kryesimi i Shqipërisë në Këshillin e OKB-së.
Bashkëpunimi me qeverinë e Shqipërisë, thotë ai, vazhdoi edhe sa i përket dhënies së municioneve për Ukrainën, ndërkohë Shqipëria ka marrë pjesë në dy konferenca donatorësh në Lugano dhe në Varshavë.
“Nga ana tjetër, edhe pse Ukraina ende nuk e ka njohur Kosovën, qytetarët e Kosovës kanë ofruar shumë ndihma dhe mbështetje Ukrainës. Këtu dëshiroj të ndaj aspektin politik me atë humanitar, dhe ky i fundit ka shumë rëndësi në jetën tonë” - thotë ambasadori Shkurov.
Ukrainasit e larguar nga lufta janë mbështetur edhe nga Bashkia e Tiranës; kryetari i saj aktualisht ndodhet në Kiev. Bashkia e kryeqytetit shqiptar ka marrë përsipër të ndërtojë një shkollë në qytetin e Kharkivit pasi të mbarojnë bombardimet mbi qytet. Në Bibliotekën Kombëtare të Shqipërisë kanë mbërritur librat e parë të kësaj nisme për historinë, kulturën, artin e Ukrainës, letërsi nga autorë ukrainas dhe botime për fëmijë.
Projekti synon t’u rezistojë sulmit rus edhe në aspektin kulturor, pasi Rusia po përpiqet të shkatërrojë identitetin ukrainas duke rrafshuar bibliotekat dhe objektet e trashëgimisë kulturore. Sipas të dhënave zyrtare, rusët shkatërruan në Ukrainë disa qindra biblioteka dhe mbi 388 monumente të historisë, arkitekturës dhe arkeologjisë ukrainase.
Marrë nga VOA
Mehmet Zenka MALI I ZI- Deputeti shqiptar nga Unioni Demokratik Shqiptar në Mal të Zi, Mehmet Zenka, tha se e përkrah mocionin e mosbes...
Pentagoni SHBA- Departamenti i Mbrojtjes i SHBA-së njoftoi se do të ofrojë 775 milionë dollarë ndihmë ushtarake shtesë p...
Rexhep Tajip Erdogan dhe Vladimir Putin RUSI- Katër orë negociuan presidenti turk Erdogan dhe ai rus, Putin në fillim të muajit n&...
Nebojsha Medojeviç MALI I ZI- Kryetari i Lëvizjes për Ndryshim, Nebojsha Medojeviç, i ka bërë thirrje kryeministrit Drita...
Boris Bogdanović MALI I ZI- Kryeministri i Malit të Zi Dritan Abazoviç po merr pjesë në seancën ku po i nënshtrohet vo...
Dritan Abazoviç MALI I ZI- Kryeministri i Malit të Zi Dritan Abazovic tha sonte se nëntë deputetë nga lista e koalicionit &ldqu...
Foto ilustruese KOSOVË- Kompania energjetike e Serbisë, EPS (Elektroprivreda Srbije) është themeluese e katër kompanive nga Kosova...
Pamje nga udhetimi SHBA- Pas një udhëtimi që zgjati më shumë se katër muaj, në pothuajse gjysmën e një kontine...
Selia e Shërbimit Federal të Sigurisë së Rusisë, ose FSB, në qendër të Moskës SHBA- The Washington Post&n...
Ukraine UKRAINË- Agresioni rus i Ukrainës ka shkaktuar një dëm të madh në rajonin e Çernihivit. Banorët e moshuar...
