Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Për këtë sulm është raportuar teksa Izraeli është zotuar se do ta zhvillojë ofensivën për ta shkatërruar grupin militant Hamas – që e udhëheq Gazën – pavarësisht thirrjeve të Shteteve të Bashkuara për pauzë, që të ndihmohen civilët e dëshpëruar.
Aeroplanët luftarakë izraelitë kanë goditur kampin e refugjatëve Maghaza në Rripin e Gazës në orët e para të së dielës, duke i vrarë të paktën 33 persona dhe duke plagosur dhjetëra të tjerë, kanë thënë autoritetet shëndetësore palestineze.
Për këtë sulm është raportuar teksa Izraeli është zotuar se do ta zhvillojë ofensivën për ta shkatërruar grupin militant Hamas – që e udhëheq Gazën – pavarësisht thirrjeve të Shteteve të Bashkuara për pauzë, që të ndihmohen civilët e dëshpëruar.
Rritja e numrit të viktimave në Gazë ka nxitur zemërim ndërkombëtar, pasi dhjetëra mijëra njerëz, nga Uashingtoni deri në Berlin kanë dalë nëpër rrugë të shtunën, për të kërkuar armëpushim të menjëhershëm.
Izraeli e ka hedhur poshtë këtë ide për ndalje të ofensivës, qoftë edhe për pauza të shkurtra humanitare, të propozuara nga Sekretari amerikan i Shtetit, Antony Blinken, gjatë vizitës që është duke e zhvilluar në rajon.
Përkundrazi, Izraeli ka thënë se liderët e ngujuar të Hamasit në Gazë, janë duke i luftuar ushtarët e tij me “forcë të plotë”.
“Secili në qytetin e Gazës është duke e rrezikuar jetën e vet”, ka thënë ministri izraelit i Mbrojtjes, Yoav Gallant.
Shtëllunga të mëdha tymi janë parë në qytetin e rrethuar të Gazës, shënjestrën e parë të Izraelit në luftën kundër Hamasit.
Ministria e Shëndetësisë në Gazë, ka thënë që më shumë se 9.400 palestinezë janë vrarë në këtë enklavë brenda një muaji, dhe numri pritet të rritet me vazhdimin e sulmeve.
Izraeli është duke i vazhduar bombardimet në pjesë të ndryshme në Gazë, duke thënë se po i shënejstron luftëtarët.
Por, kritikët kanë thënë se sulmet e Izraelit janë shpesh jopropocionale, duke e marrë parasysh numrin e madh të grave dhe fëmijëve të vrarë në këto sulme.
Blinken është takuar të shtunën me ministrat e Jashtëm arabë, pas takimeve që ka zhvilluar në Izrael me kryeministrin Benjamin Netanuahu, i cili ka insistuar se nuk mund të ketë armëpushim, derisa të lirohen të gjitha pengjet e marra nga Hamasi.
Ministri i Jashtëm i Jordanisë, Ayman Safadi ka thënë se shtetet arabe kërkojnë armëpushim të menjëhershëm, duke thënë se “gjithë rajoni është duke rrëshqitur në ujin e urrejtjes, që do t’i definojë gjeneratat në ardhje”.
Blinken, megjithatë, ka thënë se “sipas pikëpamjes sonë, një armëpushim tani vetëm do t’i jepte hapësirë Hamasit që të rigruphet, dhe ta përsërisë atë që ka bërë më 7 tetor”, referencë për ditën kur Hamasi i ka nisur sulmet në jug të Izraelit, dhe e ka nxitur këtë luftë.
Ai ka thënë se pauzat humanitare janë kyçe për mbrojtje të civilëve, për ofrim të ndihmës dhe nxjerrje të shtetasve të huaj jashtë Gazës, “teksa Izraelit i mundësohet që ta arrijë synimin, që ta mposhtë Hamasin”.
Një zyrtar i lartë i Hamasit, Osama Hamdan, u ka thënë gazetarëve në Bejrut se Blinken, “duhet ta ndalë agresionin dhe që të mos dalë me ide që nuk mund të zbatohen”.
Zëdhënësi i krahut ushtarak të Hamasit, ka thënë në një fjalim se luftëtarët e grupit i kanë shkatërruar 24 pajisje izraelite dhe kanë shkaktuar viktima në dy ditët e fundit.
Zyrtarët e Egjiptit kanë thënë se bashkë me Katarin kanë propozuar pauza humanitare për gjashtë deri në 12 orë në ditë, për të lejuar hyrjen e ndihmës në Gazë.
Ata, po ashtu, kanë bërë thirrje që Izraeli t’i lirojë disa gra dhe të moshuar nga burgjet e veta, në këmbim të pengjeve të marra nga Hamasi më 7 tetor.
Pjesë të mëdha të lagjeve në Gazë tani janë shndërruar në hi, si pasojë e luftimeve.
Vëzhguesit e Kombeve të Bashkuara kanë thënë se rreth 300.000 banorë të pjesës veriore të Gazës janë duke u strehuar në objekte të OKB-së.
Mirëpo sulmet izraelite është raportuar se me raste i kanë goditur edhe këto objekte, ndërsa agjencia e OKB-së ka thënë se e ka humbur kontaktin me shumë zyrtarë të vet në pjesën veriore të Gazës, ku ka nisur ofensiva izraelite.
Sipas OKB-së, mbi 1.5 milion njerëz në Gazë, apo 70 për qind e popullsisë, kanë ikur prej shtëpive të tyre.
Ushqimi, uji dhe nafta janë të tepër të nevojshme për jetën e njerëzve dhe për mbajtje të spitaleve operacionale.
Lufta Izrael-Hamas i ka rritur tensionet në rajon, pasi Izraeli dhe grupi militant i Libanit, Hezbollah, kanë shkëmbyer zjarr përgjatë kufirit.
Prej nisjes së luftës është raportuar edhe për 150 palestinezë të vrarë në Bregun Perëndimor, sipas autoriteteve palestineze.
Protesta janë mbajtur edhe jashtë zyrës së Netanyahut në Jerusalem, duke i bërë thirrje që të dorëhiqet dhe që të rriten përpjekjet për kthim të 240 pengjeve të marra nga Hamasi.
Netanyahu ka refuzuar të marrë përgjegjësinë për sulmet e 7 tetorit të Hamasit, që kanë ndodhur në veri të Izraelit, të cilat i kanë lënë të vrarë mbi 1.400 persona./REL
Autobusi SHBA- Një aksident me një viktimë ka ndodhur në Seattle. Një person u vra dhe disa të tjerë u plagosën kur...
Pika kuftare KOSOVË- Policia e Kosovës ka ndaluar një serb në pikën kufitare Bërnjak. Gjatë kontrollit në makin&eum...
Spitali GAZA- Dhjetëra persona u vranë dhe shumë të tjerë u plagosën në një shpërthim në kampin e refugja...
Te akuzuarit KOSOVË- Sot bëhen 3 vite që kur Dhomat e Specializuara në Hagë bënë publike aktakuzën kund&e...
Universitet SHBA- Universitetet e Ivy League kryesojnë listën e institucioneve më të mira universitare në të gjith&...
Dëshira për të bërë ndryshime estetike në fytyrë, një 30-vjeçareje në Prishtinë i kushtoi me p&...
joe biden SHBA- Para se të fillonte lufta Izrael-Hamas, objektivat e Presidentit Joe Biden për politikën e jashtme në Lindjen e Mesme i...
Pamje nga vendngjarja GJERMANI-Autoritetet gjermane janë vënë në alarm pasi një person i armatosur sulmoi aeroportin e Hambur...
foto nga protesta IZRAEL- Mijëra njerëz i janë bashkuar një proteste në Tel Aviv të organizuar nga familjet e rreth 240 pengj...
ushtarët izraelite IZRAEL- Ministri izraelit i Mbrojtjes Yoav Gallant ka renditur objektivat kryesore të Hamasit të ...
