Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Ky është shërbimi i inteligjencës që dyshohet se i premtoi një fitore të shpejtë Presidentit rus Vladimir Putin kur ai nisi pushtimin e Ukrainës në shkurt të vitit 2022
RUSI- Sulmet masive ruse ndaj Kievit ditët e fundit duket se po konfirmojnë një trend: në Moskë, fraksioni i forcave të sigurisë ruse që kërkon të përshkallëzojë luftën në Ukrainë po fiton terren. Në qendër të këtij sistemi është Shërbimi Federal i Sigurisë, pasardhësi i KGB-së sovjetike.
Ky është shërbimi i inteligjencës që dyshohet se i premtoi një fitore të shpejtë Presidentit rus, Vladimir Putin kur ai nisi pushtimin e Ukrainës në shkurt të vitit 2022. Më shumë se 4 vjet më vonë, silovikët, një term i përgjithshëm që përshkruan të gjitha forcat e sigurisë së Rusisë, janë, sipas një investigimi të “Le Monde”, prapa ofensivës së re të Moskës, e cila përfshinte, ndër të tjera, përdorimin e raketave “Oreshnik” kundër Kievit.
Raketa, e cila është e aftë të mbajë armë bërthamore, nuk mbante koka bërthamore. Megjithatë, mesazhi ishte i qartë, si për Ukrainën ashtu edhe për aleatët e saj evropianë: me Oreshnik, Moska mund të godasë objektiva 3,000 deri në 5,500 kilometra larg përtej Kievit.
“Për Kremlinin, posedimi i raketës Oreshnik është më i rëndësishëm se çdo gjë tjetër. Dhe shumica e rusëve e pranojnë këtë", - thotë Mikhail Khodorkovsky, një ish-oligark rus i cili është bërë një nga figurat më të njohura të opozitës ruse në mërgim. "Silovikët po promovojnë një linjë të ashpër ndaj Ukrainës", - thekson ai në një intervistë me gazetën franceze.
"Ata po bëhen të paduruar. Duan ta përfundojnë shpejt luftën përmes përparimeve ushtarake dhe brenda vendit të forcojnë më tej represionin me qëllim izolimin e vendit," thotë një burim pranë qarqeve ekonomike të Moskës.
Megjithatë, FSB nuk është e përfshirë drejtpërdrejt në luftën në Evropën Lindore. Fusha e veprimit të saj ka të bëjë kryesisht me operacionet e brendshme, që synojnë ruajtjen e pushtetit ekzistues. Shërbimi po fiton një prani gjithnjë e më të madhe në mekanizmat e sistemit politik dhe de facto, në jetën e përditshme të rusëve, vëren gazeta franceze.
Le Monde shkruan se ky është shërbimi, i cili që nga janari ka intensifikuar kufizimet në internet, duke përmendur arsye sigurie ndërsa në shkurt me dekret të Vladimir Putinit, fitoi fuqinë për të ndërprerë çdo mjet komunikimi, në çdo kohë dhe për një periudhë të pacaktuar kohore. Hapi tjetër i frikshëm mund të jetë ndalimi i VPN-ve.
“Kuadri ligjor është gati dhe FSB-ja do të jetë në gjendje ta zbatojë atë. Shërbimet e saj po përpiqen me të gjitha mjetet”, - thotë Anton Merkurov, një ekspert për çështjet e internetit dhe medias. “Por ata nuk do të kenë sukses, sepse në realitet është e pamundur”, - shton ai.
Ekspertë të tjerë argumentojnë, përkundrazi, se FSB-ja ka mjetet teknike për të bllokuar të gjitha VPN-të, kur ta dëshirojë Vladimir Putin, siç pretendon një ekspert i RuNet-it - internetit rus - i cili preferoi të mbetej anonim.
Kufizimi i internetit është bërë një çështje jashtëzakonisht e ndjeshme që kur FSB-ja përshpejtoi zbatimin teknik të “RuNet-it sovran”, duke synuar një internet të shkëputur nga pjesa tjetër e botës.
Dëmi ekonomik i shkaktuar nga këto kufizime u shtohet pasojave të tjera të 4 viteve të luftës: rritjes së çmimeve, rritjes së taksave, një rubël e mbivlerësuar. Megjithatë, Nikolai Kulbakas, një ekonomist rus në mërgim dhe profesor në Universitetin Evropian për Shkencat Humane në Vilnius, thekson se FSB-ja nuk mund t'i injorojë të gjitha këto probleme të përditshme të rusëve. Por nuk interesohet: përparësia e saj është siguria, jo zhvillimi ekonomik.
Nga shkollat në drejtësi
Ndërkohë, përforcimi i FSB-së po përhapet në pjesë të tjera të shoqërisë ruse. " Prania në rritje e shtetit, propagandës dhe forcave të sigurisë ndihet edhe në oborret e shkollave", - ankohet Yuri Lapsin, një psikolog fëmijësh në mërgim në Francë, i cili, megjithatë, mban kontakte me shumë familje në Rusi.
Tekstet e reja të historisë i lavdërojnë dekadat e sundimit të Putinit dhe e lidhin pushtimin ushtarak me ekspansionizmin e NATO-s dhe "nazistët antirusë" në Ukrainë. Ushtarët nga fronti vizitojnë klasat për të takuar nxënësit dhe lojërat ushtarake janë të zakonshme.
Fusha të tjera të ndikimit në rritje të FSB-së përfshijnë gjithashtu policinë dhe gjyqësorin. Të burgosurit politikë në vend vlerësohet të jenë deri në 4,600, sipas organizatave të të drejtave të njeriut. FSB dyshohet se ka nxitur bllokime të fundit për aksesin në të dhënat gjyqësore. "Zhdukja" e të dhënave të tilla gjyqësore kufizon aftësinë për të dokumentuar shkallën e persekutimit politik.
“Këto kufizime pengojnë mbikëqyrjen e sistemit gjyqësor, në veçanti duke penguar regjistrimin e emrave të atyre që janë përgjegjës për shkeljet e të drejtave të njeriut”, - ankohet Nikolai Kretov, një aktivist i të drejtave të njeriut, ndërsa shpreh shqetësim për rritjen e numrit të gjyqeve të mbajtura me dyer të mbyllura.
Këto gjyqe kanë të bëjnë kryesisht me rusët e ndjekur penalisht për tradhti të lartë dhe spiunazh: 478 persona, të moshës midis 19 dhe 73 vjeç, u dënuan për këtë akuzë në vitin 2025, 24% më shumë se në vitin 2024. Nga fillimi i vitit 2026 deri në mesin e majit, u dënuan edhe 182 persona të tjerë, një rritje prej 20% krahasuar me të njëjtën periudhë në vitin 2025.
“Të dhënat tregojnë gjithashtu një shtrëngim të dënimeve, duke arritur deri në 15 vjet burg, apo edhe burgim të përjetshëm.
Këto raste të tradhtisë së lartë dhe spiunazhit po bëhen shpejt një nga mekanizmat kryesorë të represionit në kohë lufte. Kjo situatë pasqyron transformimin e vazhdueshëm të aparatit të sigurisë, të udhëhequr nga FSB-ja, në një sistem mobilizimi dhe frikësimi të përhershëm të shoqërisë”, shpjegon Kirill Parubets, një rus në mërgim në Francë./Dosja.al
SHBA- Media ndërkombëtare CNN po padit Perplexity, kompaninë e inteligjencës artificiale për kopjim dhe shpërndarje të...
BANGLADESH- Në Bangladesh, një buall albino me një stilim flokësh çuditërisht të ngjashme me modelin karakteris...
Benjamin Netanyahu IZRAEL- Kryeministri izraelit, Benjamin Netanyahu tha këtë të enjte se ka udhëzuar ushtrinë izraelite të ...
FRANCË- Ligjvënësit francezë votuan të enjten për të shfuqizuar zyrtarisht ligjet e epokës së skl...
SHBA- Gazeta gjermane BILD ka publikuar një analizë ku përshkruan planet dhe strategjinë sekrete të administratës së presid...
Foto ilustruse Teksa Uashingtoni dhe Teherani po peshojnë diplomacinë kundrejt rrezikut të rinisjes së konfliktit, ish-zëvendë...
Foto ilustruse ZVICRA- Një sulm terrorist ka ndodhur në Zvicër, ku një person plagosi me thikë tre persona. Policia tha...
BRUKSEL- Përfaqësuesja e Lartë ka hedhur poshtë thashethemet rreth një të dërguari të posaçëm pë...
Foto ilustruese EUROPË- Europa po përballet me një kupolë termike të fuqishme një sistem të vazhdueshëm ...
Isai Martinez MEKSIKË- Nipi i bosit të drogës “El Chapo”, Isai Martinez, ka rënë në prangat e policis&e...
