Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Nëse ngrihen këto akuza, do të ishte aktakuza e dytë për Trumpin, i cili aktualisht po bën fushatë për t'u bërë president i SHBA-së edhe një herë.
SHBA- Ish-presidentit të SHBA-së, Donald Trumpit, i është thënë se ndaj tij është duke u zhvilluar një hetim penal lidhur me disa dosje të klasifikuara që ai kishte në posedim edhe pas largimit nga Shtëpia e Bardhe, raportojnë media amerikane. Vendimi i prokurorëve federalë për ta njoftuar ish-presidentin amerikan se po zhvillohen hetime penale sugjeron se ai së shpejti mund të përballet me akuza lidhur me këtë rast.
Nëse ngrihen këto akuza, do të ishte aktakuza e dytë për Trumpin, i cili aktualisht po bën fushatë për t'u bërë president i SHBA-së edhe një herë. Prokurorët kanë qenë duke e hetuar transferimin e dosjeve konfidenciale në pronën e Trumpit në Mar-a-Lago të Floridës që nga viti i kaluar.
Kjo pronë ishte kontrolluar në gusht të vitit të kaluar, kur ishin sekuestruar 11.000 dokumente, përfshirë rreth 100 të etiketuara si dokumente të klasifikuara. Disa prej tyre cilësoheshin top sekret.
Në një intervistë të dhënë më 7 qershor, Trump mohoi të i ishte thënë se ai përballet me një aktakuzë për këto dokumente.
Kur u pyet nga New York Times nëse i ishte thënë se ndaj tij po zhvillohej një hetim federal, Trump tha se “duhet ta kuptoni” se ai nuk ishte në kontakt të drejtpërdrejtë me prokurorët.
CNN, ABC Neës dhe Politico të gjitha raportuan mbrëmjen e 7 qershorit se Trump ishte njoftuar se ndaj tij po zhvillohej një hetim penal.
Këto media thanë se ky veprim i prokurorëve sinjalizon se akuzat mund të ngrihen së shpejti, por se është gjithashtu e mundur që një personit, të cilit i është thënë se është nën hetime, të mos i ngrihet aktakuzë.
New York Times citoi dy njerëz të njohur me këtë çështje të kenë thënë se njoftimi erdhi nga zyra e Jack Smith, i cili më parë shërbente si prokuror i specializuar në Gjykatën Speciale të Hagës.
Partneri amerikan i BBC-së, CBS News, tha se një burim i afërt me Trumpin i kishte konfirmuar se ndaj ish-presidentit amerikan po zhvilloheshin hetime penale, por nuk e kishte konfirmuar nëse ai kishte marrë njoftim zyrtar për këtë gjë.
Ky lajm vjen pasi prokurorët gjetën një regjistrim audio të Trumpit, në të cilin ai pranonte se ka mbajtur një dokument të klasifikuar edhe pas largimit nga Shtëpia e Bardhë.
Detajet e dokumenteve që mund të kenë qenë në posedim të Trumpit mbeten të paqarta. Dokumentet e klasifikuara zakonisht përmbajnë informacione që zyrtarët mendojnë se mund të dëmtojnë sigurinë kombëtare nëse bëhen publike.
Është kundër ligjit të SHBA-së që zyrtarët federalë, përfshirë presidentët, të transferojnë ose mbajnë dokumente të klasifikuara në një vend të paautorizuar.
Në fillim të kësaj jave, anëtarët e ekipit ligjor të Trumpit u takuan me hetuesit në Departamentin e Drejtësisë në Uashington.
Trump, i cili kryeson në sondazhet për të qenë kandidati i Partisë Republikane për president të SHBA-së në zgjedhjet e vitit 2024, ka mohuar vazhdimisht akuzat dhe e ka cilësuar hetimin e departamentit të drejtësisë si “të motivuar politikisht” dhe një “gjueti shtrigash”.
Çdo aktakuzë lidhur me dokumentet e klasifikuara do të vinte pasi Trump u bë ish-presidenti i parë që u akuzua për krim në SHBA, pasi ai u deklarua i pafajshëm për 34 akuza për falsifikimin e të dhënave biznesore për një pagesë për ta blerë heshtjen e një ylli të pornografisë. Gjyqi ndaj tij për këtë rast do të zhvillohet në Nju Jork vitin e ardhshëm.
Marrë nga REL
Chris Licht SHBA- Rrjeti televiziv CNN pushoi nga puna shefin ekzekutiv Chris Licht pas një viti të trazuar në drejtimin e kanalit televiziv...
Albin Kurti KOSOVË- Nuk ka pasur kërkesa eksplicite ndaj partive opozitare në Kosovës nga ana e të dërguarve të posa&cce...
Albin Kurti KOSOVË- Kryeministri Albin Kurti ka dhënë sot një intervistë për televizionin France24, ku ka folur për zhvi...
Albin Kurti KOSOVË- Kryeministri i Kosovës, Albin Kurti ka thënë se më 27 maj, grupet ekstremiste në Veri të Kosovë...
Gabriel Escobar I dërguari amerikan për Ballkanin Perëndimor, Gabriel Escobar, i bëri thirrje sërish Kosovës të të...
Aleksandër Vuçiç SERBI- Presidenti i Serbisë, Aleksandër Vuçiç në një deklaratë publike njof...
Aleksandër Vuçiç SERBI- Presidenti serb Aleksandër Vuçiç tha sot se është e qartë se zgjedhjet e parak...
Kilauea Vullkani Kilauea i Hawait ka shpërthyer mëngjesin e kësaj të mërkure. Shpërthimi aktualisht ësht...
foto ilustruese MOSKË - Bombardues strategjikë me rreze të gjatë të ushtrisë ruse dhe kineze bënë patrullime t&eum...
Policia ITALI-Në Romë, një vajzë 11-muajshe u gjet e vdekur në një makinë të parkuar në zonën Cecchi...
