55 ditë revoltë/ Qytetarët sërish në Bulevard për dorëheqjen e Ramës: Shqipëria kërkon Revolucion
Dita e 55-të e protestës/ Nis grumbullimi i qytetarëve në sheshin ‘Skënderbej’ 24 Korrik, 19:30 ...
Dita e 55-të e protestës/ Nis grumbullimi i qytetarëve në sheshin ‘Skënderbej’ 24 Korrik, 19:30 ...
"Rilindja 2.0 është emri i ciklit të ri politik"/ Rama: Besa është metoda që ky cikël të kthehet në...
Gjyqi kundër Olsi Dados/ Gjykata Administrative rrëzon Veliajn, Ndreca: Do shkojmë në Apel 24 Korrik, 11:03 ...
Vrasja dhe pengmarrja në Roskovec, niset RENEA nga Tirana, Refit Buzi i armatosur 24 Korrik, 09:50 Vrau ish-vjehrrin dhe ...
Në jugperëndim të Francës, rreth 200 mijë persona janë larguar nga shtëpitë e tyre në rajonet Gironde dhe Landes. Si pasojë, presidenti francez, Emmanuel Macron ka mobilizuar ushtrinë për të ndihmuar në përballimin e situatës.
FRANCË- Autoritetet franceze kanë urdhëruar evakuimin e afro 60 mijë banorëve pranë Bordeaux, duke e çuar në mbi 220 mijë numrin e përgjithshëm të njerëzve të evakuuar nga zjarret që po përfshijnë Francën dhe Spanjën. Në jugperëndim të Francës, rreth 200 mijë persona janë larguar nga shtëpitë e tyre në rajonet Gironde dhe Landes. Si pasojë, presidenti francez, Emmanuel Macron ka mobilizuar ushtrinë për të ndihmuar në përballimin e situatës.
Ndërkohë, në Spanjë, një zjarr i madh pranë Madridit vazhdon të përhapet me shpejtësi. Zyrtarët thonë se flakët janë jashtë kontrollit të zjarrfikësve, pasi tre vatra zjarri janë bashkuar në një të vetme. Qeveria spanjolle ka shpallur gjendje të jashtëzakonshme kombëtare. Deri tani, 25 mijë persona janë urdhëruar të evakuohen, ndërsa rreth 40 mijë të tjerë janë këshilluar të qëndrojnë brenda banesave.
Presidentja e rajonit të Madridit, Isabel Díaz Ayuso, e quajti këtë zjarrin më të rëndë në historinë e rajonit, duke theksuar se temperaturat e larta, erërat e forta dhe bashkimi i disa fronteve të zjarrit kanë krijuar një situatë shumë të rrezikshme. Konkretisht, flakët po lëvizin drejt komunave Robledo de Chavela dhe Fresnedillas de la Oliva, rreth 50 kilometra larg Madridit.
Shefi i emergjencave në rajonin e Madridit, Carlos Novillo, tha se zjarri aktualisht nuk mund të kontrollohet dhe se ekipet po përqendrohen në mbrojtjen e banorëve dhe zonave të rrezikuara. Njësia Ushtarake e Emergjencave (UME) është angazhuar për të ndaluar përhapjen e flakëve, sidomos pranë qytetit El Escorial.
Autoritetet po monitorojnë edhe një zjarr tjetër në provincën Ávila, pasi ekziston frika se ai mund të bashkohet me zjarrin pranë Madridit. Gjithashtu Ministri Brendshëm, Fernando Grande-Marlaska, tha se po bëhet gjithçka për të shmangur këtë skenar. Sipas zyrtarëve, deri tani janë djegur mbi 6 mijë hektarë tokë në rajonin e Madridit dhe rreth 9 mijë hektarë në Ávila.
Tetë komuna janë evakuuar, ndërsa disa të tjera mbeten të izoluara për shkak të rrezikut nga flakët. Një banor 86-vjeçar, Ecologio Cabrera, tha se u detyrua të largohej nga shtëpia e tij, ndërsa familjarët u përpoqën ta mbronin atë duke e lagur me ujë deri në mbërritjen e zjarrfikësve. Kryeministri Pedro Sánchez pritet të vizitojë qendrën e koordinimit të emergjencave, ndërsa u ka bërë thirrje qytetarëve të tregojnë kujdes maksimal.
Roja Civile ka arrestuar një person dhe po heton një tjetër për zjarrin në Burgohondo, i cili dyshohet se është shkaktuar nga neglizhenca gjatë përdorimit të makinerive të rënda. Në Francë, zjarret kanë djegur mbi 19 mijë hektarë pyje në rajonin Gironde dhe kanë shkatërruar rreth 80 banesa. Autoritetet i kanë cilësuar flakët si një zjarr gjigant, ndërsa katër qytete pranë Bordeaux janë evakuuar si masë parandaluese.
Gjithashtu, është evakuuar i gjithë gadishulli Cap Ferret, ku qindra persona janë larguar me varka pasi flakët arritën në zonën turistike. Një tjetër zjarr i madh pranë Biscarrosse, në rajonin Landes, ka detyruar mbi 23 mijë persona të largohen nga shtëpitë, kampingjet, një azil pleqsh dhe një kamp veror.
Presidenti Macron tha se situata mbetet shumë e vështirë, veçanërisht në Gironde. Ai njoftoi se Franca ka kërkuar ndihmë përmes mekanizmit të mbrojtjes civile të Bashkimit Evropian dhe do të marrë përforcime, përfshirë dy helikopterë Black Hawk nga Republika Çeke dhe Sllovakia.
Kushte ekstreme në të gjithë Evropën Jugore
Bashkimi Evropian ka dërguar avionë dhe helikopterë për të mbështetur përpjekjet për shuarjen e zjarreve në Spanjë dhe Francë, pasi pjesa më e madhe e Evropës Jugore përballet me valë të përsëritura të të nxehtit dhe thatësirë të zgjatur.
Sipas Shërbimit të Ndryshimeve Klimatike Koperniku të BE-së, Evropa është kontinenti që po ngrohet më shpejt, duke kaluar më shumë se dyfishin e mesatares globale që nga vitet 1980. Kushtet më të nxehta dhe më të thata po e lënë bimësinë me më pak lagështi, duke krijuar lëndë djegëse që mundëson ndezjen dhe përhapjen e zjarreve në natyrë më shpejt./Dosja.al
Donald Trump SHBA- Presidenti i Shteteve të Bashkuara, Donald Trump, deklaroi se Uashingtoni dhe Teherani po zhvillojnë bisedime për t&rsquo...
Donald Trump SHBA- Presidenti i SHBA-së, Donald Trump, ka deklaruar se do të ishte shumë keq nëse Rusia ose Kina do ...
Karim Khan SHBA- Asambleja e Përgjithshme e 125 shteteve anëtare të Gjykatës Penale Ndërkombëtare votoi sot për shkarkim...
Donald Trump SHBA- Presidenti i SHBA-së, Donald Trump, është tallur me gazetarët në darkën e korrespondentëve t&eum...
pamjet SPANJË- Zjarri në rajonin e Madridit ka arritur kulmin, deklaroi mbrëmjen e sotme kreu i shërbimeve të...
Më 28 qershor, Hlaitan, një cisternë e ngarkuar me gaz natyror të lëngshëm, u nis nga Freeport, në Teksas, drejt Francë...
Foto ilustruese PORTUGALI- Një ngjarje e rëndë ka tronditur Portugalinë, ku një vajzë vetëm 18 muajshe humbi jetën ...
Foto ilustruese RUMANI- Një dron që hyri në hapësirën ajrore të Rumanisë është rrëzuar nga një avion...
Pamje UKRAINA- Një valë e re sulmesh me raketa ruse ka goditur Ukrainën, duke shkaktuar të paktën 15 viktima dhe mbi 100 të p...
Pamje SHBA-Lufta mes Shteteve të Bashkuara dhe Iranit ka hyrë në një fazë të re përshkallëzimi, pasi raketat amerik...
