Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Shumica parlamentare ka 64 deputetë nga 120 sa ka gjithse Kuvendi, apo vetëm tre me shumë se numrat e nevojshëm për funksionimin e Qeverisë dhe të Kuvendit, por kjo shumicë e brishtë ka bërë që shumë ligje akoma të mos miratohen, ndërsa seancat vazhdimisht të bllokohen nga ana e opozitës.
Zgjedhjet e parakohshme parlamentare janë zgjidhja e vetme për kapërcimin e krizës politike, ekonomike dhe zhbllokimin e procesit të integrimit evropian të Maqedonisë së Veriut, vlerëson partia opozitare maqedonase, VMRO DPMNE. Ajo konsideron se Qeveria aktuale, respektivisht kryeministri Dimitar Kovaçevski, nuk ka legjitimitet meqë, sipas saj, ka trashëguar në këtë post ish kryeministrin Zoran Zaev.
Veç kësaj, opozita fajëson Qeverinë për thellimin e krizës ekonomike, për shkak të, siç thotë, paaftësisë për përballje me pasojat e krizës globale, korrupsionit të lartë, drejtësisë selektive, mungesës së stabilitetit politik dhe për marrëveshje të dëmshme me Bullgarinë për zhbllokimin e procesit të integrimit evropian.
“Mohohet identiteti maqedonas, gjuha, kultura, historia dhe tradita e popullit maqedonas. Maqedonia bëri kompromise të dhimbshme duke ndryshuar emrin kushtetues. Ndërkohë, po na ndodh katastrofa ekonomike, inflacioni po lulëzon si pasojë e kësaj Qeverie të keqe. Në Maqedoni mund të jetohet më mirë, por kur Kovaçevski të japë dorëheqje dhe të mbahen zgjedhje të parakohshme parlamentare,”- thotë Aleksandar Nikollovski, nënkryetar i VMRO DPMNE-së.
Pavarësisht kësaj, kryeministri Dimitar Kovaçevski konsideron se zgjedhjet nuk janë zgjidhje për gjendjen në të cilën ndodhet Maqedonia e Veriut andaj edhe e përjashton një mundësi të tillë.
“Zgjedhje të parakohshme parlamentare nuk duhet të ketë pasi kemi Qeveri, e cila kujdeset për interesat kombëtare dhe dinjitetin e qytetarëve pa i ndarë ata në baza etnike ose fetare. Kujdesemi pa dallime për të gjithë. Zgjedhje do të ketë, por në afatin e rregullt, në vitin 2024”, thotë Kovaçevski.
Qëndrim të ngjashëm kanë edhe partitë tjera të shumicës parlamentare, në veçanti Bashkimi Demokratik për Integrim, si partia e dytë për nga numri i deputetëve në koalicionin qeverisës. Shumica parlamentare ka 64 deputetë nga 120 sa ka gjithse Kuvendi, apo vetëm tre me shumë se numrat e nevojshëm për funksionimin e Qeverisë dhe të Kuvendit, por kjo shumicë e brishtë ka bërë që shumë ligje akoma të mos miratohen, ndërsa seancat vazhdimisht të bllokohen nga ana e opozitës.
Njohësit e çështje politike, thotë se Maqedonia e Veriut ndodhet në krizë, si politike, ashtu edhe ekonomike, por njohësit e rrethanave politike, Arsim Sinani dhe Marko Trashanovski, kanë mendime të ndryshme nëse duhet ose jo të ketë zgjedhje të parakohshme.
“Këto zhvillime në Maqedoninë e Veriut ia kanë humbur legjitimitetin kësaj Qeverie. Por, se a duhet të mbahen zgjedhje është një çështjet që duhet të diskutohet, por me këto konstelacione që i ka vendi, mendoj se një qeveri e tillë nuk do të arrijë që për kohë të gjatë t'i mbijetojë kësaj trysnie dhe ka shumë gjasa që vendi të futet në një cikël të ri zgjedhor”, vlerëson Sinani, njohës i çështjeve politike.
Ai thotë se zgjedhjet do të ishin efikase sikur të arrihej të formohej një shumicë stabile, pasi sipas Sinanit, Maqedonia e Veriut ka nevojë për stabilitet politik dhe një forcë të qëndrueshme për zgjidhjen e shumë sfidave që ndodhen para këtij vendi.
Por, Marko Trashanovski, nga Instituti për Demokraci thotë se para se të vendoset nëse do të ketë ose jo zgjedhje, partitë, sipas tij, duhet të hartojnë një platformë të përgjithshme për t'u marrë vesh lidhur me orientimet strategjike mbi të cilat duhet të lëvizë shteti, siç janë sundimi i ligjit, lufta kundër korrupsionit si një problem serioz për shtetin që mund të mund të marrë përmasa edhe më shqetësuese duke marrë parasysh krizën ekonomike.
“Të gjitha këto kërkojnë aksione të përbashkëta që individë apo grupe të caktuara të mos përfitojnë në kohë krize. Kjo është ajo më kryesorja që partitë duhet të bëjnë dhe më pas të flitet për zgjedhje, të cilat në këtë situatë të krijuar edhe nuk do të sillnin ndonjë ndryshim të madh, edhe pse gjendja edhe në aspektin politik është kritike, duke nisur që nga Parlamenti, Qeveria e kështu me radhë”, thotë Trashanovski.
Qeveria, që drejtohet nga Dimitar Kovaçevski, u formua në janar të këtij viti duke zëvendësuar Zoran Zaevin, i cili dha dorëheqje pas disfatës në zgjedhjet lokale, më 31 tetor të vitit 2021. Zgjedhjet e fundit parlamentare në Maqedoninë e Veriut janë mbajtur më 15 korrik të vitit 2020./REL
Foto ilustruese GREQI- Rreth njëqind kilometra ndajnë ishullin grek Lesbos dhe metropolin turk Izmir. Qyteti është i vendosur n&eu...
Annalena Baerbock GJERMANI- Ministrja e Jashtme gjermane, Annalena Baerbock, u shpreh sërish pro hapave të shpejtë për perspektivë...
foto ilustruese KOSOVË- Kosova synon të bëhet pjesë e sistemit të Kartonit të Gjelbër përmes një shteti tjet&e...
Monette Dias SHBA- Një grua ka mbetur e shkatërruar pasi martesa e saj e 12-të u prish. Monette Dias, 52 vjeç, nuk mund të ndale...
Bashkimi Evropian BRUKSEL- Bashkimi Evropian propozoi 1 miliard euro lehtësim financiar afatshkurtër për Ukrainën për të mb&e...
Bandat ne El Salvador EL SALVADOR- Tre anëtarë të bandës me gjoks të zhveshur dhe me tatuazh parakaluan në një rrugë...
EGJIPT- Një turiste ka vdekur pasi humbi krahun dhe këmbën pas një sulmin e tmerrshëm nga një peshkaqen. Gruaja austriake, 68 vj...
Venezia ITALI- Nga 16 janari 2023, vizitorët në Venecia, një nga atraksionet në kurorën e turizmit të Italisë, do të...
Matt Ford SHBA- Amerikani Matt Ford, i cili jeton mes Nju Jorkut dhe Los Anxhelosit, tregoi publikisht se si shkoi lufta e tij me linë e majmunëv...
Christopher Hill, SERBI- Ambasadori i Shteteve të Bashkuara të Amerikës në Beograd, Christopher Hill, duke folur për marrëdh&...
