Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Ndërsa lufta Izrael-Hamas po hyn në muajin e katërt, është akoma më e qartë se brutaliteti i sulmeve të 7 tetorit ishte në vetvete një strategji. Irani e trajnoi dhe financoi Hamasin me misionin për të ri-përqendruar vëmendjen globale në konfliktin izraelito-palestinez.
Nga Sander Gerber & Robert Wexler “The Hill”
Zgjidhja e konfliktit izraelito-palestinez përmes krijimit të 2 shteteve të veçanta, ka qenë prej kohësh receta me e komanduar për arritjen e një paqeje afatgjatë në Lindjen e Mesme. Por kjo nuk do të ndodhë asnjëherë, derisa diplomatët dhe politikanët të adresojnë arsyen e vërtetë, pse rajoni mbetet i zhytur në kaos: rolin destabilizues që luajnë Irani dhe milicitë e mbështetura prej tij.
Ndërsa lufta Izrael-Hamas po hyn në muajin e katërt, është akoma më e qartë se brutaliteti i sulmeve të 7 tetorit ishte në vetvete një strategji. Irani e trajnoi dhe financoi Hamasin me misionin për të ri-përqendruar vëmendjen globale në konfliktin izraelito-palestinez.
Sulmi barbar, të cilin luftëtarët e Hamasit e dokumentuan me kamerat GoPro, ishte projektuar jo vetëm të terrorizonte izraelitët, por të provokonte një pushtim izraelit shkatërrues kundër Hamasit në Gaza, duke i marrë jetën shumë civilëve. Më pas, imazhet e viktimave palestineze mund të ri-zgjojnë “Rrugën Arabe” dhe të largojnë sundimtarët e shteteve sunite në Levant dhe Gjirin nga struktura e sigurisë në zhvillim, që udhëhiqet nga SHBA dhe që përfshin edhe Izraelin.
Nuk është aspak rastësi që rebelët Huthi të mbështetur nga Irani dhe Jemeni, u përpoqën të sulmonin anijet në Detin e Kuq, përpara se sulmi të ndalej nga ushtria amerikane. Ka ardhur koha që bota të përballet me ata që qëndrojnë pas kësaj krize. Udhëheqja e Shteteve të Bashkuara, duhet të ndërmarrë 4 hapa të menjëhershëm për të kundërshtuar unitetin në rritje të aleatëve të Iranit, përpara se të jetë tepër vonë për të gjetur ndonjë zgjidhje.
Së pari, duhet ndërtuar një koalicion me partnerët perëndimorë dhe arabë për të mbështetur përdorimin e presionit ekonomik dhe ushtarak kundër Iranit dhe përfaqësuesve të tij me një nivel zero tolerance për sulmet e tyre. Së dyti, politika e jashtme amerikane duhet të shprehë kundërshtimin e qartë ndaj ekstremizmit islamik në të gjitha format e tij, dhe të nxjerrë më në pah udhëheqjen e kryetarit të partisë islamike Ra’am MK Mansour Abbas, i cili u bën thirrje fraksioneve të armatosura palestineze të çmilitarizohen dhe të krijojnë një shtet palestinez përmes mjeteve jo të dhunshme.
Së treti, të ndërtohet një koalicion ndërkombëtar për rindërtimin e Gazës dhe për të investuar në Bregun Perëndimor. Në të duhet të përfshihet Egjipti, Arabia Saudite, Emiratet e Bashkuara Arabe, Maroku, Bahreini dhe Jordania. Ky grup do të ofronte ndihmë dhe siguri për civilët, do të ndërtonte infrastrukturën, do të zhvillonte ekonominë dhe krijonte një front global kundër akteve subversive ë Iranit, duke vërtetuar kështu ekzistencën e një vizioni më të ndritshëm për palestinezët.
Së katërti, duhet të niset një fushatë diplomatike për të zgjeruar Marrëveshjen e Integrimit Gjithëpërfshirës të Sigurisë dhe Prosperitetit me Bahreinin, për të inkurajuar anëtarët e tjerë të koalicionit që të marrin pjesë në rindërtimin e Gazës.
Kjo marrëveshje forcon parandalimin duke e zyrtarizuar integrimin e Komandës Qendrore të SHBA-së me sistemet e mbrojtjes ajrore dhe raketore të rajonit, duke lehtësuar ndarjen e të dhënave të klasifikuara dhe rritur ndërgjegjësimin për sigurinë detare dhe duke përshpejtuar tregtinë me SHBA-në. Këto veprime të lidershipit amerikan do të mbronin arkitekturën e sigurisë në Lindjen e Mesme, ndërsa vendosja e personelit dhe burimeve të koalicionit në Gaza dhe Bregun Perëndimor, do t’i tregonte botës arabe se palestinezëve po u ofrohet një rrugë drejt një të ardhmeje të pavarur dhe dinjitoze.
Shumë zyrtarë, duke përfshirë ata në administratën Biden, kanë përmendur një Autoritet Palestinez të ripërtërirë (AP) si opsionin më të mirë për të udhëhequr palestinezët në të ardhmen. Por kryeministri izraelit Netanyahu e ka hedhur poshtë këtë opsion, të paktën tani për tani. Por edhe vetë qeveria jonë e kupton arsyen pse rikthimi i Autoritetit Palestinez në krye të zonave të banuara nga palestinezët është një lëvizje e rrezikshme. Sepse gjatë miratimit të Aktit të Forcës, Kongresi i SHBA-së zbuloi se Autoriteti Palestinez po shpërblente aktet e terrorit përmes Fondit të Martirëve të Autoritetit Palestinez, madje edhe kompensonte vrasësit e Hamasit në përputhje me ligjin.
Nga ana tjetër, kjo s’do të thotë se zgjidhja me dy shtete është e pamundur, por kërkon një vlerësim realist të qëndrueshmërisë së saj aktuale, duke pasur parasysh kundërshtimin iranian ndaj një lidershipi të moderuar palestinez që në fakt mund të arrijë paqen. Hapi i parë drejt një Autoriteti Palestinez të rinovuar, duhet të jetë eliminimi i praktikës “Paguaj për masakrat” i zëvendësuar nga një sistem palestinez i mirëqenies sociale bazuar në faktorë ekonomikë, dhe jo shpërblime për aktet terroriste kundër Izraelit.
Mbajtja e opinionit publik arab kundër Izraelit dhe SHBA-së, është një aset strategjik që Irani nuk mund ta shpërdorojë. Irani është i interesuar për vazhdimin e konfliktit në Gaza, pa marrë parasysh koston. Shpresa e vetme për zgjidhjen e konfliktit izraelito-palestinez, gjendet tek ndërtim i një koalicioni për të neutralizuar Iranin dhe pengesat e tij ndaj një zgjidhjeje me dy shtete. Sidomos tani që Irani po përparon drejt aftësisë për të prodhuar vetë armë bërthamore, rritet me kalimin e çdo ore emergjenca që SHBA-ja të veprojë menjëherë.
Shënim:Sander Gerber dhe Robert Wexler, janë anëtarë të bordit këshillues të Aktit të Partneritetit për Paqe për Lindjen e Mesme (MEPPA) në Departamentin e Shtetit të SHBA. Robert Wexler është president i qendrës S.Daniel Abraham për Paqen në Lindjen e Mesme.
Ukraine UKRAINË- Forcat Ajrore ukrainase thanë më 6 janar se kanë shkatërruar një qendër komanduese ruse në baz&eum...
Ushtria serbe SERBI- Trembëdhjetë vjet pasi kaloi në një ushtri profesionale dhe bëri shërbimin e detyrueshëm ushtarak a...
Hasan Dakaj KOSOVË- Pas arrestimit të ish-ushtarit të UÇK-së, Hasan Dakajt dhe Xhavit Dakajt ditën e djeshme nga autor...
harta Nga Jose Caballero “The Conversation” Tensionet midis Shteteve të Bashkuara dhe Kinës, shkaktuan luhatjen e ndjeshme të e...
Sulmet IRAN- Sulmet me bombë në jug të Iranit, përgjegjësinë për të cilat e mori grupi militant, Shteti Islamik (IS...
Fëmijë në Gaza PALESTINË- Fondi i Kombeve të Bashkuara për Fëmijët, UNICEF për mes një sontazhi t&eu...
Pamje iluestruese JAPONI- Pesë ditë pas rënies së tërmetit i cili goditi Japoninë duket se shpresa për të gjet...
Joe Biden SHBA- Presidenti amerikan, Joe Biden, paralajmëroi se përpjekjet e Donald Trumpit për të rimarrë drejtimin e Shtëpi...
Pamje nga avioni SHBA- Një avion i Alaska Airlines është detyruar ditën e djeshme të kryente një ulje emergjente pasi teksa p...
Foto ilustruese PALESTINË- Pas bombardimeve të avionëve luftarakë izraelitë mësohet se kanë humbur jetën 21 pa...
