Berisha: I bëj thirrje Prokurorit Publike të BE, por edhe Interpolit dhe Eurojust që të nisin hetimet për Ramën q&...
Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Masih Alinejad, një veprimtare për të drejtat e grave në Iran dhe drejtuese e një programi në shërbimin persian të Zërit të Amerikës, ishte në shënjestër të një përpjekjeje të sofistikuar rrëmbimi nga autoritetet iraniane. Në një intervistë për Zërin e Amerikës, kritikja e regjimit iranian tregon se si agjentët federalë amerikanë e shpëtuan atë nga komploti.
Masih Alinejad, drejtuese e emisionit Tablet të shërbimit persian të Zërit të Amerikës, thotë se nuk është hera e parë që merr kërcënime, por jo deri në këtë shkallë.
“Unë e di se Republika Islamike kishte një plan të më rrëmbente nga Nju Jorku. Nuk mund ta besoj as vetë. Por FBI-ja më kishte thënë tetë muaj më parë, që nuk mund të isha e sigurt në shtëpinë time. Unë nuk e mora aq seriozisht dhe u thashë se merrja kërcënime të përditshme me vdekje”, thotë zonja Alinejad për Zërin e Amerikës.
Sipas agjentëve federalë të Shteteve të Bashkuara, komploti i hollësishëm, me sa duket i ndërmarrë nga agjentët e zbulimit të Iranit, përfshinte rrëmbimin e zonjës Alinejad dhe dërgimin me forcë të saj në Iran. Të martën, Departamenti i Drejtësisë akuzoi zyrtarisht pesë shtetas iranianë për përfshirje në këtë skemë.
“Ata kurrë nuk kishin bërë diçka kaq të guximshme, një përpjekje për të rrëmbyer një shtetas amerikan në Shtetet e Bashkuara, por e kanë bërë një gjë të tillë në Evropë, e kanë bërë në Emiratet e Bashkuara Arabe. Ky është një regjim që mbijeton i mbështetur tek terrori dhe frika. Dhe Masih Alinejad ka qenë shumë e zëshme në kritikat e saj ndaj regjimit iranian dhe ka qenë shumë efektive në përpjekjet për t’i bërë njerëzit të organizohen në forma të ndryshme të qëndresës ndaj regjimit”, thotë Abbas Milani, Drejtor i Studimeve Iraniane në Universitetin Stanford.
Zonja Alinejad, që u arratis nga Irani në vitin 2009 dhe tani është shtetase amerikane, trajton temat e shkeljeve të të drejtave të njeriut nga qeveria iraniane dhe ka drejtuar një lëvizje të mediave sociale kundër ligjeve iraniane që i bëjnë hixhabët të detyrueshme për gratë.
“Unë u dhashë një platformë grave brenda Iranit që të thonë jo për të mbuluar fytyrën, të thonë se në shekullin 21 duam të hyjmë në një stadium, të kenë të drejtën të këndojnë, të vallëzojnë. Ato thjesht duan të kenë një jetë normale. Unë do t’u jap një platformë njerëzve brenda Iranit që i thonë jo Republikës Islamike. A është ky një krim? Unë thjesht po bëj punën time. Por të jesh gazetar është një krim në sytë e Republikës Islamike”, thotë zonja Alinejad.
Irani e ka hedhur poshtë njoftimin e Departamentit të Drejtësisë mbi komplotin e rrëmbimit si “të pabazë”. Por ekspertja e zbulimit Heather Williams thotë për Zërin e Amerikës se qeveria iraniane është përpjekur të joshë, ose të detyrojë disidentët të kthehen në Iran.
“Me disa nga operacionet e mëparshme, ata janë përpjekur të joshin, ose të bindin njerëz që të kthehen në Iran, ku ata mund të kenë më shumë mjete për ta burgosur këtë individ dhe madje edhe t’i ekzekutojnë. Dhe duket sikur disa nga këto taktika po funksionin dhe kështu ata po bëhen më agresivë “, thotë ajo.
Gazetarja Alinejad ka bërë thirrje për një përgjigje po aq agresive nga administrata e zotit Biden, e cila përballet gjithashtu me një përpjekje delikate për të rivendosur marrëveshjen bërthamore të vitit 2015.
“Ne kurrë nuk e kemi konsideruar Iranin si një aktor pozitiv në botë, jo vetëm për shkak të këtij komploti për të rrëmbyer një shtetase amerikane që banon në SHBA, por edhe nga aktivitetet e tyre në rajon, për të cilat kemi pasur shumë shqetësime, dhe presidenti ka ndërmarrë veprime si kundërpërgjigje. Por në të njëjtën kohë, ne vazhdojmë të mendojmë se është në interesat e SHBA-së, në interesin tonë kombëtar që të përfshihemi në diskutime të vazhdueshme në mënyrë që të kemi më shumë informacion për përpjekjet e e Iranit për prodhimin e një arme bërthamore”, thotë zëdhënësja e Shtëpisë së Bardhë, Jen Psaki.
Edhe OKB-ja e dënoi komplotin e rrëmbimit për të cilin akuzohet Irani./VOA
Iftar dhe politikë, a u prek Muaji i Ramazanit nga politikanët?
GREQI– Ngjarja e bujshmë në Greqi e përdhunimit të 19-vjeçares nja efektivi i policisë, sa vjen e zgjerohet me detaje të reja. Së fundmi ish-bashkë...
GREQI– Kryeministri i Greqisë Kyriakos Mitsotakis gjatë takimit ditën e sotme me homologen e tij lituaneze Ingrida Simonyte, ka thënë se Greqia po angazhohet pë...
GJERMANI– Kancelarja gjermane Angela Merkel ka thënë se do të bëhet e mundur gjithçka për të gjetur të gjithë njerëzit e zhdukur në Gjermani për shkak të...
FILIPINE – Bernardo Alvarez, banor i qytezës Mangaldan, të provincës veriore Pangasinan arriti të kapte kobrën e famshme të veriut të Filipineve, por fundi i ti...
KOSOVË-Kompania “Hidrodrini” ka reaguar pas vendimit që bëri të ditur kryekomunari i Deçanit se kjo kompani nuk do të ketë me në menaxhim ujësjellës...
GREQI-Detaje të reja janë zbuluar rreth ngjarjes së ndodhur disa ditë më parë në Greqi ku një polic u padit nga një 19-vjeçare, të cilën ai e përdhunonte...
KOSOVË -Ambasada amerikane në Prishtinë, ka reaguar për helmimet e qytetarëve në Komunën e Deçanit. Në një postim në Tëitter ambasada e ShBA-së ka b...
SHBA-Drejtori i Përgjithshëm i Organizatës Botërore të Shëndetësisë, Tantros Antanom Gebregesous së fundmi me anë të një konference për shtyp i ka kërkuar Kinës...
Presidenti i Serbisë, Aleksandar Vuçiç, tha se Serbia ka siguruar llojin e pestë të vaksinës kundër koronavirusit nga kompania farmaceutike amerik...
KOSOVË-Kryeprokurori i Prokurorisë Themelore në Pejë, Agim Kurmehaj ka dhënë detaje rreth aksionit për ndërtimet pa leje, që kanë zhvilluar sot në komunën ...
