Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Sot William Burns është përfaqësuesi i gjithë asaj plejade të diplomatëve, mendimtarëve, politikanëve që kanë drejtuar CIA-n, si G. H. Bush, M. Pompeo, Mike Morel, etj, që e kanë kthyer CIA-n në një instrument të fuqishëm të politikës së jashtme.
Vizita e Drejtorit të CIA-s, William Burns, në Ballkan pati një sukses të plotë, jo vetëm për mesazhet por nga impresioni që dha në opinionin publik, diskutimet dhe hamendësitë që krijoi deri tek reflektimet dhe deklaratat e dhëna nga individë apo shtete që janë pjesë e lojës gjeopolitike të rajonit. Suksesi i kësaj vizite vjen jo vetëm nga forca e kësaj organizate të jashtëzakonshme të inteligjencës, më e fuqishmja, më e madhja në botë por edhe nga roli i saj në politikën e jashtme, duke qenë një instrument në realizimin e strategjisë së politikave të jashtme dhe sigurisë së SHBA-së. Sot William Burns është përfaqësuesi i gjithë asaj plejade të diplomatëve, mendimtarëve, politikanëve që kanë drejtuar CIA-n, si G. H. Bush, M. Pompeo, Mike Morel, etj, që e kanë kthyer CIA-n në një instrument të fuqishëm të politikës së jashtme.
Koncepti për CIA-n në Ballkanin Perëdimor dhe në Shqipëri
Ndryshe nga cfarë përfaqëson në të vërtetë si një institucion qendror i shtetit Amerikan, në Ballkanin Perëndimor roli i CIA-s shpesh ngatërrohet me një organizatë të mbyllur spiunazhi që vetëm godet ashpër dhe eleminon kundërshtarët. Kjo vjen për arsye se rajoni ballkanik ka qenë për një kohë të gjatë nën sundimin e diktaturave komuniste dhe një propagande të shfrenuar kundër CIA-s. Për më tepër kur opinioni publik, i cili ka qenë i izoluar nga bota perëndimore, bënte krahasimet e tij me organet paralele të diktaturës komuniste si KGB, UDB, Sigurimi i shtetit, etj., të cilat ishin mekanizma represivë. Gabime në këtë koncept kanë bërë edhe lidera mendjehapur dhe inteligjentë si Fatos Nano, i cili bëri gabimin e jetës së tij duke ju drejtuar kundërshtarit politik të tij se “unë nuk trokas në ato dyer ku ti je futur.”
Shikoni edhe sot që për rezultatet e vizitës së William Burns një pjesë e analistëve që analizojnë kanë qenë ndjekës të mirë të sistemeve informative të kohës së regjimeve dhe deduksionet e tyre lidhen me mentalitetin e së shkuarës. Sigurisht institucioni i CIA-s është një institucion demokratik që ka një avantazh të konsiderueshëm nga pasja e informacionit të dorës së parë. Ai mbështetet në politika realiste duke njohur personalitetin e personazheve të politikës së jashtme. Për ta politikat e jashtme të pretenduara nga nacionalistët serbë - as me lindjen as me perëndimin – janë më të qarta se institucionet e tjera të shtetit amerikan që angazhohen në politika pragmatiste afrimi. Për CIA-n është e qartë loja e autokratëve ballkanikë, pretendimet dhe ‘frika te Vucic’ nga Putini si dhe loja e Vulin për realizimin e skenarëve të ‘hapësirave serbe’, etj. Për këtë institucion serioz është i qartë korrupsioni i liderëve kleptokratikë të Ballkanit, si manipulojnë me pasuritë e tyre, ku janë llogaritë off-shore, si bashkëpunojnë me krimin e organizuar dhe si kërkojnë të blejnë influencë politike me cantat e zeza alla McGonigal.
Por interesi i tyre sot në botë është ruajtja e rendit botëror të bazuar në ligj dhe ruajtja e interesave të SHBA-së. Prandaj loja e tyre ka dimension më të madh dhe është më rezultative. CIA ka rezultate spektakolare në angazhimin e saj në politikën botërore, si shtensionimi i situatës nga rreziku i përdorimit të armëve bërthamore në Korenë e Veriut (M. Pompeo), lajmërimi muaj përpara të agresionit rus në Ukrainë, bisedimet për armëpushim për paqe në Lindjen e Mesme (W. Burns), dhe shumë operacione të tjera që nuk janë bërë publike.
Vizita e W. Burns në Ballkan dhe cilat janë mesazhet e tij të mundshme
Vizita e diplomatit të madh W. Burns në Ballkan sigurisht që lidhet me sigurinë ballkanike dhe mundësinë e një provokimi të mundshëm rus në këtë rajon. Për shumë kohë udhëheqës të ndryshëm Europianë, si të Britanisë së Madhe, kanë tërhequr vëmendjen që Ballkani Perëndimor mund të jetë fushë-beteja e re e agresionit rus ndaj Europës. Të gjithë e dinë që oreksi i ariut të madh rus nuk fillon dhe mbaron në Ukrainë. Vetë Putini dhe klika e tij kanë deklaruar që vende të tjera europiane me influenca të vjetra ruse mund të jenë pjesë e strategjisë së tyre për zona influence. Për më tepër që avancimi i ushtrisë ukrainase në territorin e Rusisë mund të nxisë një sulm të ri të sponsorizuar apo të provokuar nga Rusia drejt Ballkanit apo vendeve Balltike për të tërhequr vëmendjen dhe për të krijuar një front të ri për Perëndimin.
Pra, rreziku i një luftë të sjellë në Ballkan për interesat ruse është eminent. Por kjo nuk është në interes të popujve të Ballkanit dhe do sjellë shkatërrim. Burns mund të ketë hequr vijat e kuqe për aleatët e Rusisë në Ballkan, sidomos të mos prekjes së marrëveshjes ndërkombëtare të Daytonit dhe shpërbërjes së Bosnjë-Hercegovinës. Deklaratat e menjëhershme të M. Dodik si dhe vizita e tij e menjëhershme në Beograd tregoi se vizita pati rezultat. Për më tepër që Vucic deklaroi që vizita e W. Burns ishte e dobishme, pavarësisht se kërkonte ti relativizonte interesat e SHBA-së me ato të Kinës apo të takonte shpejt ambasadorin rus në Beograd. Vizita e Burns në Kosovë është shumë domethënëse. Diskutimi i tij për zhvillimet gjeostrategjike në Europë dhe Ballkan (sipas deklaratës së Kurtit) ka nënkuptuar që Veriu i Kosovës është një nga fushat e destabilizimit ballkanik dhe skenarët e mundshëm se si mund të zhvillohen ato. Ai e ka konsideruar Kurtin si një partner të besueshëm (ndryshe nga Vucic, Vulin e Rama është i pakorruptueshëm dhe figurë e pastër) duke i treguar si limitet e përkrahjes amerikane ashtu edhe kujdesin për të mos ju dhënë shkak provokimeve të mundshme. Fakti që ndejti gjatë në Kosovë tregon se Kurti është një aktor shqiptar më i besueshëm për amerikanët në rajon.
Në vend të përfundimit
Vizita e Ambasadorit Burns në Ballkan jo vetëm ishte e suksesshme por mori vëmendjen më të madhe të opinionit publik. Pavarësisht se disa përpiqeshin të tërhiqnin vëmendjen lidhur me posturën kur u takua me Kurtin me dorën në xhep, kjo nuk e ul rëndësinë e vizitës dhe mesazhet e saj. Në vazhdim të këtij diskutimi një intelektual i shquar shqiptar më tha “po pse nuk thonë që erdhi në Ballkan dhe këtij tonit nuk i dha dorën fare”!
Droga, lidhja me krimin e organizuar, korrupsioni si dhe aftësia për të korruptuar me canta alla McGonigal do të ndjekë Ramën deri në fund.
Foto ilustruese KOSOVË- Presidentja e Kosovës, Vjosa Osmani, beson se Serbia është tërhequr nga marrëveshja për normaliz...
Enton Abilekaj Nuk pritej asnjë rezultat tjetër nga Himara. Një fitore e dhunshme e pushtetit, që nuk gëzoi dot as fitimtarët...
Edi Rama Në terma për frymë, Shqipëria ka marrë më shumë asistencë ndërkombëtare për të luftuar...
enton abilekaj TIRANË- Për herë të parë dje në Parlament, një opozitë votoi ndryshimet në Kodin Zgjedhor, pa a...
ditmir bushati TIRANË- Shfuqizimi i ligjit absurd të luftës që Greqia mban ende në fuqi ndaj Shqipërisë do të...
Ben Blushi Si një njeri që ka votuar gjithmonë për të majtën, nuk jam i entuziazmuar nga rikthimi i të majtës n&eum...
Absurdi i shtetit personal të Edi Ramës, u shfaq më qartë se kurrë në aktin e fundit të telendisjes së institucioneve....
NATO Disa në Shtetet e Bashkuara kanë minimizuar rëndësinë e NATO-s. Shumë partnerë evropianë shqetësohen se p...
Ismail Kadare TIRANA- Ismail Kadare kishte dhuntinë të përshkruante bukur edhe gjëra të shëmtuara dhe kjo e bëri at...
Enton Abilekaj Nuk ishte shenjë e pakuptueshme, për fat të keq nuk ishte as një trill poetik me dy kuptime. Këtë herë Is...
