Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Rreth 400 miliardë lekë (rreth 4 miliardë euro), ose gjysma e stokut të huasë që është dhënë nga bankat deri në fund të 2024-s ka shkuar për pasuri të paluajtshme e blerje banesash.
TIRANA- Bankat, në pjesën më të madhe po financojnë blerjen e pasurive të paluajtshme dhe banesave për individët dhe për bizneset, ndërsa shumë pak po financohet për blerje pajisjesh, një instrument që do të ndikonte në rritjen e produktivitetit në ekonomi.
Rreth 400 miliardë lekë (rreth 4 miliardë euro), ose gjysma e stokut të huasë që është dhënë nga bankat deri në fund të 2024-s ka shkuar për pasuri të paluajtshme e blerje banesash. Nga këto, individët kanë rreth 2.1 miliardë euro, që kanë marrë për banesa dhe duhet ti shlyejnë në banka dhe bizneset rreth 1.9 miliardë euro. Në krahasim me një vit më parë, stoku i huasë për këtë qëllim për biznese e individë është rritur me rreth 17%.
Sipas të dhënave të Bankës së Shqipërisë, në raportin vjetor të mbikëqyrjes 2024, Analiza sipas subjektit dhe qëllimit të përdorimit të kredisë evidenton se kredia “hua për pasuri të paluajtshme” “hua për blerje banesash” për individët, zë peshën më të madhe ndaj totalit të portofolit të kredisë me 26.8%, pasuar nga “hua për pasuri të paluajtshme” për bizneset me 24.3%. Të dy këtë kategori së bashku zënë 51.1% të totalit.
Rritja e ekspozimit të sistemit bankar ndaj ndërtimit dhe pasurive të paluajtshme ka bërë që Banka e Shqipërisë të forcojë kriteret e kredidhënies për këtë aktivitet. Banka e Shqipërisë aplikoi për herë të parë vitin e kaluar një shtesë të posaçme në kërkesat për kapital ndaj sektorit bankar. Shtesa kundërciklike e kapitalit u vendos për herë të parë në qershor, në nivelin 0.25% (për t’u zbatuar nga 30 qershor 2025) dhe u rrit në dhjetor në nivelin 0.5% (për t’u zbatuar nga 31 dhjetori 2025).
Këtë vit, Këshilli Mbikëqyrës i Bankës së Shqipërisë vendosi disa masa kufizuese për kredinë bankare për shtëpi. Sipas vendimit, raporti tavan i kredisë ndaj vlerës në monedhën Lekë do të jetë 85% për shtëpinë e parë dhe 80% për shtëpinë e dytë, ndërsa në valutë të huaj 75% për shtëpinë e parë dhe 70% për shtëpinë e dytë.
Pas kredisë për banesa e pasurive ë paluajtshme, e treta renditet kredia “overdraft” dhënë bizneseve me 13.3%, dhe kredia për “blerje pajisjesh” me 11.6% të totalit.
Rritjen më të lartë gjatë vitit 2024 e shfaq kredia dhënë individëve për “mallra të qëndrueshëm” me 30.9%, pasuar nga kredia dhënë biznesit për “pasuri të paluajtshme” me 20.6%
Struktura e kredisë sipas afatit ka pasur rënie të peshës së kredive afatmesme dhe rritje të peshës së kredive afatshkurtër dhe afatgjatë.
Rritjen më të madhe në vlerë e ka pasur kredia afatgjatë me 37.8 mld lekë ose 16.7%, pasuar nga kredia afatshkurtër me 19.7 mld lekë ose 13.8%.
Portofoli i kredive sipas monedhës, për vitin 2024, evidenton se kredia në Lek ka peshën më të madhe në totalin e kredisë me 54.7% dhe me një rritje me 1 p.p. Ndërkohë që pesha e portofolit të kredisë në valutë, krahasuar me të njëjtën periudhë të një viti më parë, evidenton një rënie krahasuar me vitin 2023 me 1 p.p.
Banka e Shqipërisë thekson se analiza e kredisë sipas llojit të subjektit evidenton një përqendrim më të lartë në sektorin privat, rreth 60.3%, në rënie të lehtë 0.01 p.p., ndërkohë që kreditimet për këtë sektor gjatë vitit 2024 janë rritur me 53.2 miliardë lekë (11.84%).
Edhe kredia për individë rezulton në rritje me 39.3 miliardë lekë (14.4%), duke kontribuuar në një rritje të peshës së saj me 0.53 p.p. Kredia dhënë sektorit publik evidenton një rritje me 2.1 miliardë lekë (12.6%)./ Monitor
Foto ilustruese TIRANA- Ekonomia e vendit është dukje ndjekur trendët demografike me përqendrim më të lartë të bizn...
Foto TIRANË- Shkalla e punësimit erdhi më rënie në tremujorin e parë 2025 në krahasim me të njëjtin periudh&eu...
Foto TIRANË- Flota detare është zgjeruar më tej me anije në vitin 2024, por zënia e peshkut si në gjendje të ...
foto ilustruese TIRANË- Sektori i ndërtimit kontribuoi me 14.4% në krijimin e vlerës së përgjithshme ekonomike të Shqip&...
Foto ilustruese TIRANA- Që prej vitit të kaluar, investitorë të huaj kanë nisur të investojnë në instrumentet e bor...
Foto ilustruese TIRANA- Në një kohë kur interneti ka zhvendosur kufijtë fizikë të tregtisë, gjithnjë e më shum...
Foto ilustruese TIRANA- Bizneset që operojnë në sektorin e arsimit kanë hyrë në fazë tkurrje, kryesisht për shkak t...
Foto TIRANË- Kredia për hapjen e bizneseve të reja është në rënie të mëtejshme gjatë këtij viti. Sip...
Kruja TIRANA- Vlerësimi i fundit i Bankës Botërore për projektin për Zhvillimin e Integruar Urban dhe Turistik vlerëson ecuri...
Foto TIRANË- Inflacioni bazë dha sinjale të lehta rritjeje për të tretin muaj radhazi në maj. Sipas të dhënave nga ...
