Prapaskenat e atentatit në Elbasan/ Në shënjestër dyshohet se ishte nipi i “Ot Kilës" 21 Korrik, 12:27 ...
Dosja e Erion Veliajt/ Avokati Ndreca nuk u paraqit, gjobitet me 50 mijë lekë! Shtyhet seanca 21 Korrik, 10:54 Dosja...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Aktualisht në Dubai, çmimet e pronave janë 40% më të larta se në vitin 2020. Rritjet e forta të çmimeve janë nxitur pjesërisht nga kërkesa spekulative, pasi një përqindje e lartë e pronave mbeti e pashitur, nga sa ishte parashikuar.
TIRANË- Shqiptarët, përveç Europës dhe rajonit, dy vitet e fundit, kanë shtuar kërkesën për blerje pronash në Dubai. Agjencitë e pasurive të patundshme shqiptare të ngritura në Dubai kanë pohuar se arsyeja kryesore e investimit në këtë treg janë çmimet e larta në Tiranë, sidomos në zonat e qendrës, norma shumë e lartë e kthimit të investimit nëpërmjet qiradhënies mbi 20 vjet krahasuar me Dubain që është deri në 10 vjet.
Për prona të caktuara me pozicion gjeografik të favorshëm, kthimi i investimit në Dubai shkon deri në 5 vjet. Arsyet e tjera të rritjes së kërkesës në këtë treg janë edhe lehtësitë fiskale që ofrohen që nga zero taksa për tatimpaguesit, pranimi i parasë cash në blerje dhe mosdeklarimi i origjinës së tyre.
Sipas raportit, aktualisht në Dubai, çmimet e pronave janë 40% më të larta se në vitin 2020. Rritjet e forta të çmimeve janë nxitur pjesërisht nga kërkesa spekulative, pasi një përqindje e lartë e pronave mbeti e pashitur, nga sa ishte parashikuar.
Për më tepër, në raport vlerësohet se çmimet e shitjes për pronat e segmentit të luksit po mbivlerësohen. Pavarësisht rritjes së fortë të çmimeve, yield-et e qirasë mbeten shumë tërheqëse në vlera 6-7%.
Kjo është për shkak të një rritje prej 60% të qirave. Si rezultat, rreziku i flluskës në Dubai është i moderuar, vlerësohet në raport.
Çfarë thotë raporti
Majami, më i rrezikuar për flluskën e çmimeve për 2024. Në Europë, rreziku është në Zyrih
Agjencia zvicerane “Menaxhimi Global i Pasurisë”, në raportin “Rreziku global i flluskave të pasurive të paluajtshme në 2024” analizon çmimet e pasurive të paluajtshme për 25 qytetet botërore në 3 nivele, çmimet e rritura tullumbace që rrezikojnë të pëlcasin, çmimet e mbivlerësuara dhe çmimet e drejta.
Sipas rezultateve të raportit, qyteti me rrezikun më të lartë për flluskën e çmimeve të pasurive të paluajtshme për 2024 e mbart Majami me indeksin 1.79.
Sipas gjetjeve të raportit, rreziku i flluskës së çmimeve të pasurive të paluajtshme ndikohet nga shtrenjtimi i çmimeve të shitjes me 50% gjatë periudhës nga 2019 deri në 2024. Rritja rezultoi e shkëputur nga ritmet e rritjes së të ardhurave.
“Bumi në tregun e banesave në Majami është ftohur disi për shkak të normave, dukshëm më të larta të interesit të kredive për shtëpi. Rritja reale e çmimeve është përgjysmuar krahasuar me vitin 2022.
Megjithatë, rritja vjetore prej 7% e shënuar në mesin e vitit 2024, është pothuajse dy herë më e lartë se mesatarja e 20 viteve.
Në vitet e fundit, rritja e çmimeve të shitjes dhe të qirave është shkëputur fuqishëm nga të ardhurat, duke krijuar disbalanca të konsiderueshme, në tregun e banesave, duke përbërë një rrezik të lartë për flluskën”, sipas indeksit të “Rrezikut global të flluskës së pasurive të paluajtshme në 2024”.
Për 2024-n, pas Majamit më i rrezikuar për flluskën e çmimeve është qyteti i Tokios, me indeksin 1,67 dhe pas tij renditet Zyrihu, përkatësisht me 1.51 pikë.
Sipas raportit, rreziku i flluskës së çmimeve në Zyrih është nga rritja e çmimeve me 25% krahasuar me 5 vite më parë. Teksa kërkesa për banim është në rritje të vazhdueshme, ndërsa popullsia e Zyrihut është rritur vazhdimisht me mbi 1% në vit gjatë dekadës së fundit, me përjashtim gjatë dy viteve të pandemisë.
Rritja e qirave është ndër më të lartat në 4 vitet e fundit se qytetet e tjera.
Zyrihu shënoi rritjen më të fortë të çmimeve gjatë 5 viteve të fundit, mes gjithë qyteteve europiane të analizuara. Rritja e çmimeve reale është më shumë se 20% krahasuar me nivelet para pandemisë së Covid-19.
Pavarësisht ngadalësimit të rritjes së çmimeve nga rregullimi i inflacionit, korrigjimi i tyre nuk është arritur plotësisht, për shkak të rritjes së normave të interesit.
Raporti i të ardhurave me rritjen e çmimeve ka vazhduar të përkeqësohet, pasi rritja e të ardhurave reale mbeti në diapazonin e përqindjes së ulët njëshifrore. Te pjesa e banesave të zotëruara nga pronarët ishte në rënie.
Në shkallë vendi, aktiviteti ndërtimor në rënie zvogëlon tejkalimin e kërkesës në qendrat urbane zvicerane. Si rezultat, qiratë kanë vazhduar të rriten ndjeshëm dhe tani janë a tremujor më i lartë se në vitin 2019.
Veçanërisht në dy vitet e fundit, qiratë janë rritur ndjeshëm më shumë se çmimet e shtëpive, gjë që ka ndihmuar në uljen e disa disbalancave të tregut.
Megjithatë, më pak, rreziku i një flluske të pasurive të paluajtshme mbetet i lartë, sipas mendimit tonë.
Ndërsa në Tokio, i cili pozicionohet si qyteti i dytë, pas Majamit për rrezikun më të lartë së flluskës, ky qytet ka një nga raportet më të lara të rritjes së çmimit ndaj të ardhurave, ndër të gjitha qytetet e analizuara.
Ndonëse politika monetare jashtëzakonisht e lirshme ka kontribuar pozitivisht te kërkesa, në 5 vitet e fundit, rritja e çmimeve të pronave në Tokio ishte 30% apo dyfish më e lartë se rritja e qirave.
Ndërsa në qytetet si Los Anxhelos, Toronto, Gjenevë, Amsterdam, Sidnej, Boston, Vankuver, Franfurt, Hong Kong, Tel Aviv, Dubai, Singapor, Madrid dhe Mynih, çmimet e pasurive të paluajtshme përcaktohen të mbivlerësuara.
Sipas Indeksit, rreziku i ulët i një flluske të pasurive të paluajtshme është i dukshëm në San Francisko dhe Nju Jork. Ndërsa në Europë, rreziku shfaqet i ulët për qytete, si: Londra, Parisi, Stokholmi dhe Milano.
Mes qyteteve të analizuara, tregu që ka treguar rrezik më të ulët për flluskën e çmimeve është ai në Sao Paulo të Brazilit./MONITOR
foto ilustruese TIRANË- Kanë kaluar pothuajse dy vjet që kur kompania OpenAI prezantoi në treg GPT-3.5, duke bërë buj&eu...
foto ilustruese TIRANË- Të ardhurat e shqiptarëve nga puna jashtë vendit u rritën përsëri në tremujorin e tretë...
Foto ilustruese EUROPA- Normat e interesit kanë arritur nivelin më të lartë në disa dekada, kanë shpërthyer luftëra...
Foto ilustruese TIRANA- Turqia, në dekadat e fundit, ka qenë një ndër investitorët e huaj më të rëndësishë...
Foto ilustruese KOSOVË- Kreditë në nëntor të vitit 2024 kanë arritur shumën prej 5.668 miliarda euro, duke shënuar ...
Foto ilustruese TIRANA- Sektori i turizmit është përfshirë në zhvillime të vrullshme prej rritjes së numrit të vizi...
Foto ilustruese TIRANA- Tregu i sigurimeve po e mbyll vitin 2024 me rritjen më të ulët në periudhën pas pandemisë. Sipas t&eu...
Foto ilustruese TIRANA- Që nga fillimi i vitit, kur hyri në fuqi buxheti 2024 fondet për bujqësinë janë shkurtuar sistematiki...
Foto ilustruese TIRANA- Sektori i pasurive të paluajtshme po dominon investimet e huaja për të tretin vit radhazi në 2024. Investimet e...
Foto ilustruese TIRANA- Skema e financimit nga buxheti i shtetit për bashkitë që do të shpallen fituese pas përfundimit të ap...
