Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Sipas të dhënave të zyrtare të INSTAT, paga mesatare në shtet e kapërceu pragun e 100 mijë lekëve, duke u fiksuar në 100,280 lekë.
Ecuria e pagave në vendin tonë tregoi se edhe në vitin 2025 sektori publik konsolidoi pozicionin e tij si punëdhënësi më konkurrues. Sipas të dhënave të zyrtare të INSTAT, paga mesatare në shtet e kapërceu pragun e 100 mijë lekëve, duke u fiksuar në 100,280 lekë.
Kjo rritje ka bërë që diferenca me sektorin privat të thellohet sërish, duke arritur në mbi 23 mijë lekë, pasi paga mesatare në bizneset private, ndonëse në rritje, mbetet në nivelin e 77,155 lekëve, me shtetin që paguan zyrtarisht 30% më shumë se privati, ndonëse ky i fundit ka ende informalitet dhe paga reale mund të jetë më e lartë.
Ky trend tregon se, pavarësisht përpjekjeve të sipërmarrjes private për të rritur ofertat e tyre, ritmi i diktuar nga reformat qeveritare ka qenë shumë më i shpejtë dhe agresiv për tre vitet e fundit.
Vitin e kaluar paga në sektorin shtetëror u rrit me 8.9 për qind, duke rënë nga ritmi i vitit 2024 ku rritja ishte 16%. Sakaq paga mesatare mujore bruto në sektorin privat arriti në 77,155 mijë lekë me rritje vjetore 8.4.
Hendeku i pagave ndërmjet sektorit privat dhe publik, pasi u ngushtua ndjeshëm në vitin 2022, me pagat në shtet që ishin 20% më të larta, si pasojë e reagimit të shpejtë e bizneseve pas krizës së inflacionit, hendeku nisi të zgjerohej sërish me ritme të larta në vitet pasardhëse.
Në vitin 2025, diferenca ka arritur në 30%, një shifër që tregon se sektori privat është gjithnjë e më larg standardit të pagesave që ofron shteti. Kjo situatë krijon një presion të dyfishtë për biznesin, i cili përveç mungesës së fuqisë punëtore prej emigrimit, tashmë duhet të konkurrojë edhe me nivelin e lartë pagave të larta të administratës publike.
Si rrjedhojë e një plani të qeverisë për çuar pagën mesatare ne 900 euro në vitin 2024 sektori publik u shndërrua në liderin e pagave. Ekspertët parashikojnë se kjo zhvendosje mund të orientojë talentet drejt strukturave shtetërore.
Ecuria e pagave në sektorin shtetëror tregon një rritje progresive që ka nisur që nga viti 2020, kur kjo vlerë luhatet në rreth 64,389 lekë, si rrjedhojë e planit të qeverisë për pagat në administratë.
Megjithatë, hovin më të madh e shohim pas vitit 2022, ku brenda vetëm një viti paga u rrit me rreth 11 mijë lekë, duke arritur në 81,887 lekë në vitin 2023. Kjo dinamikë ka vijuar edhe gjatë vitit 2024, ndërsa për 2025, rritja ishte rreth 8.9%, ose një shtesë neto prej 8,211 lekësh krahasuar me 2024.
Nga ana tjetër, pagat në sektorin privat në nivelin e 48,459 lekëve, ka pësuar një rritje të ndjeshme dhe pritet të arrijë në 77,155 lekë në vitin 2025. Për këtë grup, rritja vjetore ishte 8.4%, duke treguar se e gjithë struktura e pagave në vend po zhvendoset lart.
Ky zgjerim i pagave, megjithëse pozitiv për konsumin, mbetet një sfidë për bizneset që duhet të përballojnë kosto më të larta të punës në një kohë kur rritja e produktivitetit shpesh nuk ndjek të njëjtin ritëm.
Nga këndvështrimi i kostos së jetesës, kjo rritje është e domosdoshme ndaj shtrenjtimit të shportës bazë dhe qirave, por njëkohësisht ushqen një cikël të ri inflacioni. Rritja e kostove të punës me rreth 8.5% vetëm në një vit i detyron biznesit t’i transferojnë këto kosto te çmimet finale për konsumatorin.
Në rastet kur rritja e pagave nuk vjen nga produktiviteti, por presionet në tregun e punës, kjo shkakton inflacion, i cili nga ana tjetër i zbeh efektet e rritjes./MONITOR
Foto ilustruse Shërbimi Social Shtetëror raportoi se në vitin 2025 mesatarisht çdo muaj kanë përfituar ndihmë ekonomik...
Kreditimi i biznesit u rrit përsëri gjatë vitit 2025, por me ritme më të ngadalta krahasuar me ritmet rekord të vitit 2024. Sip...
Foto ilustruse Agjencia e Statistikave të Kosovës ka bërë të ditur se çmimet e konsumit në vend kanë shënuar...
Administrata tatimore rikujton tatimpaguesit, që kanë detyrim ligjor dorëzimin e pasqyrave financiare për vitin 2025 se afati i fundit p&e...
foto ilustruese TIRANË- Banka Botërore e ka renditur Shqipërinë në mesin e vendeve që nuk aplikon standarde të unifikua...
Të paktën 10 anije janë sulmuar në Ngushticën e Hormuzit që kur armiqësitë në Gjirin Persik nisën më 28...
Sipas të dhënave nga INSTAT, inflacioni arriti në 2.5%, nga 2.3% që kishte qenë për janarin. Inflacioni ka shënuar një...
Programi i Bankës së Shqipërisë për mbështetjen me kredi të biznesit mikro, të vogël dhe të mesëm pati ...
TIRANË- Ka shumë më tepër në favor të tyre sesa thjesht “shisni Amerikën”, shkruan The Economist. Për...
TIRANË- Përplasja mes brezave në tregun e punës në Shqipëri po kthehet në një faktor ekonomik me ndikim të drejtp...
