"Delirantë, injorantë dhe dështakë-zemërakë"/ Rama shpërthen ndaj protestuesve: "Paketa e Maleve" nuk tjetërson pronat
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
“Nuk shiten malet, është mundësi për pronarët dhe emigrantët” Rama: Paketa e Maleve, nuk anulohet 21 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Nga Gjykata, hapja e procedurave të falimentimit mund të bëhet pas shqyrtimit të kërkesës me shkrim të depozituar nga debitori ose çdo kreditor. Ligji parashikon se debitori bën kërkesë për hapjen e procedurës së falimentimit për shkak të paaftësinë paguese ekzistuese ose paaftësinë paguese në një të ardhme të afërt të tij.
TIRANË- Me ligjin e falimentimit, që nisi zbatimin nga viti 2017, mbi çdo debitor qoftë biznes apo individ që nuk arrihet t’i ristrukturohen detyrimet procedura e falimentimit realizohet nga Gjykata e Falimentimit.
Nga Gjykata, hapja e procedurave të falimentimit mund të bëhet pas shqyrtimit të kërkesës me shkrim të depozituar nga debitori ose çdo kreditor. Ligji parashikon se debitori bën kërkesë për hapjen e procedurës së falimentimit për shkak të paaftësinë paguese ekzistuese ose paaftësinë paguese në një të ardhme të afërt të tij.
Kreditori duhet të depozitojë një kërkesë me shkrim në Gjykatën e Falimentimit, ku duhet të provojë ekzistencën e një detyrimi të maturuar dhe të papaguar nga ana e debitorit ndaj tij.
Sipas të dhënave të Agjencisë Kombëtare të Falimentimit nga viti 2019 deri në muajin Qershor 2023 numri i çështjeve gjyqësore për shqyrtimin e procedurave të falimentimit nga gjykatat ishte 169 dosje. Në këto vite, 120 çështje rezultojnë të mbartura, çështje të reja janë 46, ndërsa 3 çështje janë të kthyera për gjykim.
Për periudhën janar-qershor 2023, totali i çështjeve është 21 (20 prej tyre janë të mbartura dhe 1 çështje është depozituar e re). Numri i dosjeve në Gjykatën e Tiranës është 16. Pjesa tjetër e çështjeve gjyqësore është e shpërndarë, si: 1 në Durrës, 1 në Korçë, 1 në Vlorë dhe 2 çështje në Dibër.
Për vitin 2022 sipas të dhënave të Agjencisë Kombëtare të Falimentimit janë 44 çështje gjyqësore për shqyrtimin e procedurave të falimentimit nga gjykatat e rretheve.
Referuar të dhënave të publikuara nga agjencia 29 çështje rezultojnë të mbartura, 14 janë regjistrime të reja dhe 1 çështje është e rikthyer për gjykim. Gjykata e Tiranës kryeson me një total prej 27 çështjesh për shqyrtim të procedurave të falimentit. Dosjet e tjera janë të shpërndara 2 në gjykatën e Durrësit, 4 në Shkodër, 2 çështje në Fier, 2 në Korçë, 4 në Vlorë dhe nga 1 çështje secila në Lushnjë, Dibër dhe Krujë.
Pas pandemisë së Covid-19 ka pasur një shtim të rasteve të falimentimit. Në vitin 2019 numri i çështjeve gjyqësore për procedurat e falimentimit arriti në 24 dosje, ku 21 prej tyre ishin të mbartura dhe 13 të reja. Për 2020 totali i dosjeve gjyqësore për shqyrtimin e procedurave të falimentimit arriti në 27, ku 22 prej tyre ishin çështje të mbartura dhe 5 të reja.
Për periudhën janar -dhjetor 2021 totali i çështjeve gjyqësore arriti në 43 dosje, ku 28 prej tyre ishin të mbartura, 14 çështje ishin të reja dhe 1 çështje e rikthyer për gjykim.
Përpara nisjes së procedurës së falimentimit nga gjykata, ligji i ri mundëson realizmin e shlyerjes kolektive të debitorëve nëpërmjet:) Likuidimit; b) Riorganizimit; c) Ristrukturimit të borxhit për individët; ose d) Ristrukturimit të borxhit për subjektet tregtare përmes marrëveshjeve jashtëgjyqësore, të miratuara nga gjykata e falimentimit.
Ligji për falimentimin parashikon edhe emërimin e një administratori të përkohshëm falimentimi ose një administrator të përkohshëm mbikëqyrje i cili ngarkohet nga gjykata e falimentimit. Si administratorë të falimentimit të licencuar nga Ministria e Drejtësisë, për 2022 në listën e publikuar nga agjencia Kombëtare e falimentimit rezultojnë 7 administratorë.
Pas emërimit, administratori i përkohshëm i falimentimit do të ngarkohet me sigurimin dhe ruajtjen e pasurive të debitorit, si dhe me administrimin e punëve të përditshme të debitorit. Me emërimin e një administratori të përkohshëm të falimentimit, e drejta për të disponuar pasuritë e veta zakonisht i hiqet debitorit.
Ligji shtrin efektet e veta mbi çdo debitor qoftë ky individ, tregtar, familje bujqësore, person juridik privat ose publik, fitimprurës ose jofitimprurës që ndjek qëllime ekonomike, shoqëri e thjeshtë, ose njësi administrative vendore.
Marrë nga Monitor
Foto ilustruese TIRANË- Muaji shkurt nuk ka qenë i mbarë për kursimet e depozituara në sistemin bankar, si në monedhën v...
Foto ilustruese TIRANA- Kursi i këmbimit të Euros me Lekun shënoi një rritje të fortë ditën e sotme. Sipas kursit zyrtar...
Foto ilustruese TIRANA- Investimet në tregun e pasurive të paluajtshme kryesuan investimet e huaja në ekonominë shqiptare për t&eu...
Foto ilustruese TIRANA- Paratë që emigrantët dërgojnë te familjarët e tyre kanë shënuar rritje të ndjeshme n&e...
Foto ilustruese TIRANË- Holanda ishte investitori më i madh i huaj në Shqipëri për të pestin vit radhazi. Të dhënat...
Forumi TIRANA- Drejtuesit e bizneseve kanë kërkuar politikë tatimore të drejtë, transparencë ndaj tatimpaguesve, ulje të...
Ervin Mete TIRANË- Ministri I Financave Ervin Mete, i pranishmë në Forumin e CEO-ve të Dhomës Ameriakne të Biznesit foli lidh...
Foto ilustruese TIRANA- Mungesa e tregut dhe çmimi i shitjes së grurit nën kosto ndikoi në uljen e sipërfaqeve të mbjella m...
Foto ilustruese TIRANA- Shqetësimi kryesor për bizneset shqiptare aktualisht është mungesa e fuqisë punëtore, sipas rezultate...
Foto ilustruese TIRANË- Investimet e Huaja Direkte arritën një rekord të ri historik për vitin 2023. Sipas të dhënave ng...
