Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Sot është i moshuar. Ecën mbështetur mbi bastun. I avashëm dhe kurrizpërkulur. Çdo ditë deri te Parku Rinia dhe kthim në shtëpi. Numëron hapat e gëzohet kur kalon numrin 3 mijë. Mbahet motori akoma,i thotë vetes. Hyn në shtëpi ku e pret veç televizori që e le hapur edhe kur del përjashta. I duket sikur nuk jeton vetëm. Se ku ka zëra ka jetë. Ashtu mendon,por fillikat ka ngelur. Gruaja i vdiq para ca vitesh nga një sëmundje e keqe. Fëmijë nuk patën,por shyqyr zotit nuk rri kruspull në krevat. Del,është i zoti i vetes.
Iljazi ka një jetë pak ndryshe nga të tjerët. Ishte djali i vetëm i Nesipit dhe Nadires. Ata patën prona e toka në Ersekë,por pushteti ua rrëmbeu dhe iu dha një apartament 52 m2 në Korcë e kazmën Nesipit në bonifikim. I quajtën kulakë,i trajtuan si kafshë. Nuk duroi Nesip ziu e vdiq një natë shkurti. Prej marazit,tha e shoqja. Iu helmatis gjaku nga humbja e djersës së familjes së tij. Atëhere Iljazi ishte kërthi. E rriti Nadirja me halle shumë. E papunë dhe e sëmurë murga. Por iu gjendën vëllezërit.
Natën i sillnin ushqim e ndonjë veshje per djalin. Iljazi po shkollohej si më i miri. Por pa shokë. Askush nuk rrinte me të se ishte me xanxë. Deri sa mbaroi tetëvjeçaren e më pas nuk ia vlente. Në shkollë të mesme duhej origjina e pastër ,por dhe se Nadirja po tretej. Kerkoi punë dhe e çuan në bonifikim. Tek vendi ku punoi i ati. Nuk bëri zë e ia nisi që 15 vjeç. Në ujra,në kanale me lopatë në dorë. Mbrëmjeve i vdekur. Nuk flinte,por lexonte. Ç’t’i binte në dorë. Kishte dëshirë të bëhej mjek kur ishte fëmijë. Më pas donte të bëhej mësues dhe së fundi donte të bëhej i barabartë me të të tjerët. Se dhe unë njeri jam,me dy duar,me dy veshë,me dy sy. Kështu arsyetonte e nuk kuptonte pse mënjanohej nga çdo gjë. Shihej sikur kishte sëmundje ngjitëse,sikur sa kishte dalë nga pylli e mund të hante dikë.
Ushtar e çuan në hapjen e tuneleve të tankeve. Beri plot tre vjet. As për vdekjen e nënës nuk e lajmëruan. Kur pas një jave e mësoi rastësisht hyri në një tunel e qau 12 orë pa pushim. Nëna ishte e vetmja që e donte mbi këtë dhé,e vetmja që nuk e largonte,por i zgjaste duart ta fuste në gji.
Kur u kthye nga ushtria daja i tha se një vajzë në fshat mund të bëhej nusja e tij.
-Edhe ajo është me damkë si ty,ka qënë ballist i gjyshi,-ia shoi kureshtjen daja.
Pas tre javësh Iljazi u martua me Verën,një vajzë topolke dhe e qeshur. Sa mbyllën javën e parë të dasmës,Iljazi i tha Verës:
-Çdo të shtunë do të shkojmë tek turizmi i ri. Do kërcejmë e do darkojmë atje. Ajo,sa kishte nisur punë në leshpunuese dhe u dëshpërua që do harxhonin lekë kot. Por nuk foli. Erdhi darka e të shtunës e Iljazi e Vera u ulën në tavolinën perballë derës. Porositën diçka të thjeshtë e nga një birrë. Pastaj kërcyen pa pushuar hiç. Njerëzit njiheshin mes tyre,por këtë çift nuk e kishin ndeshur kurrë. Ranë në sy për gëzimin që shfaqnin,por edhe për elegancën në vals. Tym u lëshonin këmbët,tym…
Kështu dhe të shtunën tjeter,tjetrën e tjetrën thuajse për plot 30 vjet. Asnjë të shtunë pushim. Gëzoheshin të dy jo që ishin në turizëm,por se ndjeheshin të barabartë me ata që në jetën e përditshme i përbuznin. Gjithë javën luftonin me baltën e me ujërat,luftonte Vera me avlëmëndin,por të shtunë ishin të çliruar nga zinxhirët e jetës,ishin vetja e tyre. Në një sallë 200 m2 ata rrinin në tavolinat ku rrinin ata,dëgjonin muzikën e tyre,hanin të njëjtën meze dhe kërcenin sipas të njëjtës muzikë. Të shtunave ndjeheshin njerez,nga që dukeshin të barabartë me të tjerët. Keshtu ndodhi deri sa Vera ndërroi jetë. E Iljazi nuk iku më te turizmi. Se pa Verën nuk i shijonte ajo sallë,i dukej si një varkë pa lopata e që fuste ujë. Shpejt e kapi pensioni dhe ndryshimet që solli. Ca nga farefisi i morën përsipër kthimin e pronave. Pranoi me gjysëm zemre. Një pjesë i shiti e beri goxha para. I thanë të blinte një shtëpi te re. Nuk donte. Tek ky apartament lëvizin hijet e njerëzve të mij të dashur. Me ata vuajta e me ata dua të flas çdo natë. Kështu u përgjigj e vazhdon jetën e përditshme. Me ecje,me trokitje të bastunit dhe me pengun që pse nuk jetoi Vera edhe ca vite që ta shihte se barazia doli edhe jashtë turizmit. Edhe në rrugë ,edhe në ëndërra. Do të t’i shpjegoj të gjitha,i premton ai e numeron hapat. Sa gëzohet kur mbush 3 mijë! Më do zoti,se njerëzit…Nuk e vazhdon fjalinë se Iljazi nuk di të shajë kënd,kurrë…Ai i do njerëzit.
Tirana është boshatisur për ditët e pushimit. Cilën nga ritet e shenjta po ndiqni:
Paturpësia si shkak tërmetesh!Unë nuk u besoj mrekullive, por jam i bindur nga studimet e mia që tërmeti na ra mbi shpinë pikërisht për shkak të zvetënimit dhe ...
Një rajon me treg pune dhe sisteme të unifikuara, kufij të hapur, lehtësira transporti dhe tregtie, joshës për investitorët e huaj! Një rajon që synon përmes ba...
Minishengeni nëse realizohet do të ishte gjesti politik i Shqipërisë që e largon më së tepërmi Kosovën prej se kjo është shtet.Për tre arsye.Së pari, Kosova pre...
TIRANË- Dënimi i ish-deputetit Salianji nga Gjykata, sipas meje – në ndryshim nga ata që u bien fanfarave se reforma po realizohet me sukses – është një mo...
TIRANË- Unë e njoh personalisht Arben Krajën, aq sa për të patur një konsideratë njerëzore shumë pozitive. Si jurist e “njoh” për faktin se nuk bën pjesë n...
Gjatë një aktiviteti që mbahej në hollin e katit të parë të kryeministrisë ku merrte pjesë edhe kryeministri Rama, më bëri përshtypje numri kamerave.Më ka lënë ...
TIRANË– Arben Kraja, nje nga speciet e kalçifikuara qe as me 1990 nuk e kuptonte se regjimi te cilit i sherbente kishte marr fund, sot eshte shefi i...
TIRANË- Më në fund, ajo që prej 3 vjet e gjysmë e prisnim u formua dhe tashmë Shqipëria ka Strukturën e Posaçme Anti Korrupsion, SPAK. Janë 8 prokur...
Në vitin 1953, Tito dhe ministri i jashtëm turk, Mehmet Koprulu nënshkruan një marrëveshje xhentëllmenësh, e cila promovonte emigrimin e shqiptarëve të Kosovës ...
TIRANË- Trump impeached! Presidenti i 45-të i SHBA-së Donald Trump u shkarkua dje nga Dhoma e Përfaqësuesve duke u bërë presidentit i 4-ët në historinë e S...
