6 interperlanca në Kuvend/ Seanca plenare nis me një minutë heshtje për vrasjen e efektivit në Korçë
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
Resorti në Zvërnec, Zhupa: S’ka turizëm të qëndrueshëm me beton të qëndrueshëm 4 Qershor, 1...
E rëndë në Maliq/ Vritet polici gjatë operacionit për kapjen e një personi të kërkim, plagoset dhe nj&eu...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Nga Mark Galeotti “The Spectator”
Sot është bërë e modës të përpiqesh të identifikosh dhe të përcaktosh shenjat e sozisë së mundshme të presidentit rus Vladimir Putin, që thuhet se e zëvendëson shpesh në daljet e tij publike. Madje ka pretendime të çuditshme se vetë Putin ka vdekur, dhe është zëvendësuar nga një i tillë. Po pse njerëzit janë kaq shumë të magjepsur nga ky skenar?
Nuk është e pazakontë që autokratët të kenë sozi, kopje fizike të tyre - si një mburojë kundër atentateve që synojnë vrasjen e tyre apo edhe thjesht si përfaqësues të dobishëm për të marrë përsipër detyrat më të lodhshme dhe më pak të rëndësishme.
Stalini kishte të paktën 2 sozi të vetes. Udhëheqësi autoritar i Panamasë, Manual Noriega,
duket se kishte jo më pak 4 të tillë. Diktatori komunist i Koresë së Veriut Kim Jong-un u fotografua në një rast duke biseduar me 2 nga sozitë e tij që ishin veshur në mënyrë identike. Në fakt, ka të ngjarë që në ngjarjet publike jo karakteristike, pjesëmarrës të ketë qenë sozia e Putin. Sigurisht, ekziston një arsye e fortë për të supozuar se përse Putin ka të paktën një sozi. Ai ka qenë gjithmonë paranojak mbi sigurinë e tij, dhe kjo shihet tek numri i madh i truprojave presidenciale, të veshur me konstum të zi dhe me kufje në vesh për të koordinuar lëvizjet.
Duke jetuar vetë në Kutuzovsky Prospect, një nga autostradat e mëdha që të çojnë në qendër të Moskës, përgjatë së cilës autokolona e Putin ecën me shpejtësi drejt dhe nga pallati i tij periferik në Novo-Ogarevo, mund të dëshmoj mbi masat e mëdha paraprake të sigurisë: nga snajperët që zënë vendet e tyre në çatitë e godinave përreth, tek kontrollet e bëra në kapakët e pusetave gjatë rrugës.
Që nga koha e pandemisë së Covid-19, Putin ka qenë edhe më i izoluar nga një shtesë masash paraprake të bio-sigurisë. Këtu përfshihen edhe tryezat e gjata dhe qesharake, në të cilat ai mbante takimet e tij. Shëtitjet dhe vizitat e tij nëpër provinca, dikur elemente qendrore të fushatës propagandistike të “Carit të mirë” që gjendet gjithmonë pranë popullit të tij, u pakësuan ndjeshëm.
Ai nisi të ishte një monark që sundonte përmes ekranit. Megjithatë, pas rebelimit të dështuar nga ushtria mercenare Wagner në qershor të këtij viti, ne pamë papritmas një Putin shumë të ndryshuar. Një javë pas marshimit të dështuar të Prigozhin drejt Moskës, Putin vizitoi qytetin e Derbentit në Dagestan, ku u fut në turmë, duke shtrënguar duart e qytetarëve, duke pozuar në foto me ta, duke përqafuar gratë dhe duke puthur foshnjat si një politikan perëndimor në një fushatë elektorale.
Më pas ai shkoi në Kronstadt afër Shën Petersburgut, sërish duke u takuar me turmat e njerëzve. “Po karantina?”- e pyeti një gazetar. “Njerëzit janë më të rëndësishëm se karantina”- iu përgjigj Putin. Në fakt, ne e kishim parë edhe më parë këtë Putin, duke ecur nëpër rrugët e shkatërruara të qytetit të pushtuar ukrainas të Mariupolit në mars.
Mesa duket ai u ndje i sigurt me ushtrinë e tij të zakonshme të rojeve të sigurisë dhe ishte i pavëmendshëm ndaj rrezikut që Kievi mund ta shihte atë vizitë si një mundësi për ta çliruar veten nga armiku i tij i betuar. Por gjasat janë që këto aktivitete publike jo karakteristike, të jenë kryer nga një sozi e tij.
Madje disa thonë se kanë identifikuar dallime të vogla por të dukshme tek veshët, mjekra apo gjatësia e qafës, si për të konfirmuar praninë e të paktën një sozie shumë të ngjashëm me presidentin rus. Megjithatë, spekulimi mbi këtë çështje ka marrë një kthesë të çuditshme me pretendimin e kanalit anonim rus Telegram GeneralSVR, se Putini ka vdekur dhe është zëvendësuar nga sozia e tij.
Ky kanal pretendon pa ofruar prova të besueshme se pretendimi vjen nga një gjeneral i Shërbimit të Inteligjencës së Jashtme të Rusisë, që ka në njëfarë mënyre qasje të jashtëzakonshme afër Putinit, dhe ai e ndan këtë informacion në mediat sociale pa u ndëshkuar.
Pretendime të ngjashme ka bërë edhe akademiku tashmë i larguar nga puna, Valery Solovey. Ka nga ata që sugjerojnë se “GeneralSVR”, dhe Solovey mund të jenë një dhe e njëjta gjë. Ky i fundit ka parashikuar për vite me radhë vdekjen e afërt të Putinit nga një sëmundje apo diçka tjetër. Konspiracionistët thonë se Vladimir Putini vdiq të enjten e 26 tetorit të këtij viti, në 20:42 me orën e Moskës. Trupi i tij u fut në një frigorifer në rezidencën e tij në Valdai, ndërsa frenat e pushtetit u morën nga sekretari i këshillit të sigurisë Nikolai Patrushev, që për momentin po e përdor sozinë e Putinit si një kukull të dobishme.
S’ka asnjë provë që të mbështesë këto pretendime, të cilat po bëhen gjithnjë e më të hollësishme dhe të mishëruara nga narrativa politike të rreme të krijuara në prapaskenë. Madje na është thënë se vajzat e Putinit do të marrin poste të larta - njëra si Ministre e Shëndetësisë, tjetra si nënkryetare e Këshillit të Sigurimit - në këmbim të ruajtjes së mos-zbulimit të mashtrimit të madh.
Për kremlinologët, këto duken pak më shumë se sa histori argëtuese që u rrëfehen fëmijëve para gjumit. Megjithatë ato cekin një temë të fuqishme dhe të përsëritur në historinë ruse. Pas mbretërimit të Carit Ivan IV - i njohur më mirë si “Ivani i Tmerrshëm”- Rusia rrëshqiti në një periudhë krize të njohur si Koha e Telasheve.
Gjatë një vale tërbimi Ivani vrau djalin e tij më të madh. Ndërkohë djali i tij i dytë Fedor u tregua shumë i dobët për sfidat e moshës së tij, ndërsa djali i vogël Dmitry vdiq në vitin 1591 në atë që në mënyrë të pabesueshme, u përshkrua si një aksident në të cilin ai preu fytin e vet në mesin e një sulmi të rëndë epileptik.
Me sa duket në Kremlin nuk kishte dritare aq të larta sa ai të hidhej prej andej. Periudha e Telasheve u karakterizua nga uria, lufta civile dhe pushtimi, dhe të paktën 3 persona pretendonin se ishin Dmitri “i vërtetë”, që i kishte shpëtuar për mrekulli vrasjes.
Në fakt, i pari u bë car për një vit, më shumë si një kukull për pushtuesit polakë. I dyti dhe i treti u bënë figura drejtuese të revoltave të Kozakëve dhe gjithçka përfundoi keq.
Në shekullin XX-të, të paktën 10 gra pretendonin se ishin Anastasia, vajza më e vogël e Car Nikollës II, duke pretenduar se i ishin shmangur masakrimit të pjesës tjetër të familjes në vitin 1918. Madje edhe disa rusë ishin të gatshëm t’i besonin ato, pavarësisht të gjitha provave për të kundërtën.
Atëherë pse kjo magjepsje pas sozive, qofshin Putin apo Dmitri të rremë? Me sa duket kjo ndodh sepse në Rusi pushteti është ende shumë i personalizuar. Në Perëndim, monarkitë janë vyshkur ose janë dobësuar me kushtetutë. Pushteti u është dhënë institucioneve, kodeve ligjore dhe burokracive jo-personale.
Në Rusi, shteti burokratik mbetet nën kontrollin e liderëve individualë. Nëse Rishi Sunak do të vritej nesër, a do ta ndryshonte ky akt rrënjësisht Britaninë e Madhe? Vështirë, por të gjithë ata burra me kostume të zeza, sozi apo truproja, dhe tavolinat e gjata janë aty pikërisht sepse nëse Putini zhduket nga skena, Rusia do të ndryshojë sërish.
Shënim:Mark Galeotti drejton kompaninë e konsulencës “Mayak Intelligence”, dhe është profesor në Shkollën e Studimeve Sllave dhe të Evropës Lindore në Universitetin e Kalifornisë. Autor i mbi 25 librave mbi Rusinë.
Foto ilustruese Nga Ana Palacio “Project Syndicate” Viti që po lëmë pas ka qenë i mbushur me ngjarje, për ta thë...
foto ilustruese Nga Jared Malsin & Anat Peled “Wall Street Journal” Militantët e mbështetur nga Irani dhe forcat izraelite shk&e...
Joe Biden Nga Daniel Larison “Responsible Statecraft” Rekordi i politikës së jashtme të administratës Biden në SHBA p...
Nga Nicasia Picciano “Dtt-net.com” Më 24 dhjetor, në prag të Krishtlindjeve, opozita serbe tentoi që të sulmonte godin&e...
Nga Valerio Chiappaino “Il Giornale” Sulmi ushtarak i nisur nga Izraeli kundër Hamasit pas sulmit të paprecedentë të 7 tetori...
Silicon Valley SHBA- Nga Jennifer Cassidy “TRT World” Në peizazhin e sotëm të politikës globale, termi “politi...
Foto ilustruese Nga Anatol Lieven “ZNetwork” Ndërsa mbështetja publike për Ukrainën ka rënë me kalimin e koh&eum...
Lufta UKRAINË- Nga Adam Tooze “Financial Times” Viti që po mbyllet ishte i karakterizuar nga konflikte dhe dhunë në n...
Nga Antonio Polito “Corriere della Sera” Giorgia Meloni:7.3 milionë vota. Chiara Ferragni:29.6 milionë ndjekës në rrjetet soc...
Nga Judy Dempsey “Carnegie Europe” Evropa vazhdon të ecë përpara me opsionin e ‘autopilotit’, sa për të p&eu...
